REPUBLIC OF THE PHILIPPINES)

CITY OF BATANGAS
)S.S.

INAMYENDAHANG SINUMPAANG SALAYSAY

Ako, si CINDERELLA DE TORRES SAMSON, may asawa, nasa
hustong gulang, at kasalukuyang naninirahan sa Brgy. Mabalor, Ibaan,
Batangas, matapos makapanumpa ng naaayon sa batas ay malaya at
kusang loob na nagsasalaysay ng mga sumusunod:
1. Ako ay asawa ng napatay na biktimang si Joseph Gerald Samson
kaugnay ng krimen na naganap sa aming farm sa Brgy. Mabalor,
Ibaan, Batangas noong ika-20 ng Hulyo taong 2016;
2. Ako ay isa sa mga naghahabla sa kasong nakabinbin na may pamagat
na NPSD NO. IV-02D-INQ-16G-00074, CINDERELLA DE TORRES
SAMSON, et. al. vs. JESSIE ABANES AGKIS, LYNDON SAOR
CAPOQUIAN and JOEL VILLA SOTO CAPELLAN sa kasong MURDER and
FRUSTRATED MURDER laban kina JESSIE ABANES AGKIS, LYNDON
SAOR CAPOQUIAN at JOEL VILLA SOTO CAPELLAN;
3. Noong ika-21 ng Hulyo taong 2016, humigit-kumulang alas-otso
(8:00) ng umaga, ako ay nagbigay ng salaysay sa mga pulis sa
tanggapan ng pulisya sa Ibaan, Batangas upang pormal na
makapagsampa ng kaso laban sa mga suspek na sina Jessie Agkis,
Lyndon Capoquian at Joel Capellan dahil sa insidente kaugnay ng
krimeng naganap sa farm na aming pag-aari sa nasabing barangay
noong gabi ng ika-20 ng Hulyo taong 2016;
4. Habang ang iba kong kasama ay nagbigay ng kanilang salaysay sa
mga pulis sa ospital kung saan sila tuluyang nagpapagaling, ako
naman ay nagpunta sa tanggapan ng pulisya sa Ibaan, Batangas
upang doon magbigay ng aking salaysay;
5. Matapos kong makapagpahinga at makapagdalamhati dahil sa
maagang pagkamatay ng aking asawa mas naging malinaw sa akin
ang mga pangyayari kung kayat minabuti kong ibigay ang salaysay na
ito;
6. Noong hapon ng ika-20 ng Hulyo taong 2016, sa farm na pag-aari ng
mag-asawang Joseph Gerald Samson (napatay na biktima) at
Cinderella Samson sa Brgy. Mabalor, Ibaan, Batangas, kami ay
nagkayayaang mag-inuman ng aking mga kaibigang sina Joseph
Gerald Samson, Joseph Acebo, Jerry Altamirano at Gifferson
Altamirano kasama na rin ang boy ng naturang farm na si Joel
Capellan (isa sa mga suspek);
7. Bago mag alas-kuwatro (4:00) ng hapon, ako at si Gifferson
Altamirano ay inutusan nitong si Joseph Gerald Samson na bumili ng
isa pang case ng red horse dahil paubos na ang aming iniinom;

8. Nang kami ay dumating galing sa pagbili ng red horse, napansin namin

ni Gifferson Altamirano na may bakas ng pinagdaanan ng gulong ng
motor sa putikan kaya napaisip kami kung sino kaya ang dumating;
9. Pagka-park namin ng motor, agad kaming nagtungo sa lugar na aming
pinag-iinuman at doon namin nakita na ang mga bagong dating pala
ay ang 2 suspek na sina Jessie Agkis at Lyndon Capoquian na mga
bayaw ng isa pang suspek na si Joel Capellan na ng mga oras na iyon
ay kasalo na rin sa inuman;
10.

Ako at si Gifferson Altamirano ay kaagad ding sumali sa inuman;

10. Habang kami ay nag-iinom ng bandang pagabi na, napansin kong

umalis si Lyndon Capoquian sa umpukan at nagtungo sa isang tabi sa
loob din ng kubo at doon ay natulog;
11. Nang magising itong si Lyndon Capoquian, mga humigit-kumulang
alas-otso (8:00) ng gabi, bigla na lamang siyang naghihiyaw habang
itong si Jessie Agkis naman ay nagwala at naghampas ng silyang plastic
sa may harap ni Joseph Acebo;
12. Dahil sa pagwawala at paghampas ng silya nitong si Jessie Agkis,
kaagad lumapit dito si Joseph Gerald Samson (napatay na biktima) at ito
ay tinanong kung ano ang problema ngunit patuloy lang ito sa pagwawala
at hindi sinagot ang tanong;
13. Hanggang sa nagulat na lang ako nang biglang patayin nitong si Joel
ang ilaw at pagkatapos ay nagkarambulan na kami sa kubo. Sumigaw ang
aking mga kaibigan na buhayin ang ilaw;
14. Pinilit kong makarating sa may switch ng ilaw kahit na madilim upang
ito ay buhayin at sa aking pagsisikap na marating ang lugar kung nasaan
ang switch, ako ay nasiksik sa may tungko at nagtamo ng mga paso sa
kaliwang braso;
15. Nang makarating ako sa may switch at buhayin ito ay bigla na lang
akong tatagain nitong si Jessie Agkis sa kamay upang pigilan sa
pagbuhay ng ilaw kung kayat isinalag ko ang aking kaliwang braso;
16. Dahil sa pangyayari, ang aking kaliwang kamay ang nataga sa halip
na ang kanan;
17. Pagkatapos kong mataga ay doon ko lamang napansin na ang aking
kaibigang si Joseph Gerald Samson ay may saksak na rin at ang aking
mga ibang kaibigan ay takot na takot na;
18. Kaagad nakatakbo palayo sa kubo ang isa naming kaibigang si Jerry
Altamirano habang ito namang si Joseph Acebo ang inundayan ng saksak
ni Jessie Agkis sa may bandang dibdib;
19. Sa kabila ng saksak na tinamo, nagpumilit pa ring makatakas sa lugar
si Joseph Acebo ngunit hinarangan siya ng 2 suspek na sina Joel Capellan
at Lyndon Capoquian kung kaya siya ay napahabulan pa din ng saksak sa
likuran nitong si Jessie Agkis;

20. Dahil sa takot, pinilit naming tumakbo palayo at iligtas ang aming
mga sarili kung kaya kami ay nagkahiwa-hiwalay sa pagtakbo;
21. Makalipas lang ang ilang minuto, sa may kalsada sa labas ng
nasabing farm na ulit kami nagkita aking mga kaibigang nagtamo din ng
saksak na sina Joseph Acebo, Gifferson Altamirano, Joseph Gerald
Samson matapos naming magkahiwa-hiwalay;
22. Nadatnan ko na sa kalsada sa labas ng farm si Jerry Altamirano at
pagkakita ni Joseph Acebo sa kanya, kaagad nito itong pinahingi ng
tulong sa mga kapitbahay;
23. Nang makita kami ng mga residente sa barangay, kaagad kaming
sinaklolohan at dinala sa ibat-ibang ospital. Ang iba ay dinala sa St.
Marys Hospital at ako naman ay sa St. James The Greater General
Hospital;
24. Isinagawa ko ang pagsasalaysay na ito ng malaya, buong buong kusa
at walang bahid ng pananakot mula kanino man at pinatotohanan ko ang
mga nakapaloob dito;
25. Isinagawa ko ang pagsasalaysay na ito ng malaya, buong buong kusa
at walang bahid ng pananakot mula kanino man at pinatotohanan ko ang
mga nakapaloob dito.

WARREN MENDOZA ROSARIA

Nagsalaysay

SA KATUNAYAN nito, ako ay lumagda ngayong ika-09 ng

Agosto, 2016 dito sa Lungsod ng Batangas.