AUM pUrNamadaH pUrNamidaM pUrNAt pUrNamudachyate |

pUrNasya pUrNamAdAya pUrNamevAvashiShyate ||

AUM shA.ntiH shA.ntiH shA.ntiH ||
\medskip
|| atha IshopaniShat ||
\medskip
AUM IshA vAsyamida{\m+} sarvaM yatki~ncha jagatyAM jagat |
tena tyaktena bhu~njIthA mA gR^idhaH kasyasviddhanam || 1||
kurvanneveha karmANi jijIviShechChata{\m+} samAH |
evaM tvayi nAnyatheto.asti na karma lipyate nare || 2||
asuryA nAma te lokA andhena tamasA.a.avR^itAH |
tA{\m+}ste pretyAbhigachChanti ye ke chAtmahano janAH || 3||
anejadekaM manaso javIyo nainaddevA ApnuvanpUrvamarShat |
taddhAvato.anyAnatyeti tiShThattasminnapo mAtarishvA dadhAti || 4||
tadejati tannaijati taddUre tadvantike |
tadantarasya sarvasya tadu sarvasyAsya bAhyataH || 5||
yastu sarvANi bhUtAnyAtmanyevAnupashyati |
sarvabhUteShu chAtmAna.n tato na vijugupsate || 6||
yasminsarvANi bhUtAnyAtmaivAbhUdvijAnataH |
tatra ko mohaH kaH shoka ekatvamanupashyataH || 7||
sa paryagAchChukramakAyamavraNa\masnAvira{\m+} shuddhamapApaviddham |
kavirmanIShI paribhUH svayambhU\ryAthAtathyato.arthAn vyadadhAchChAshvatIbhyaH samAbhyaH || 8||
andhaM tamaH pravishanti ye.avidyAmupAsate |
tato bhUya iva te tamo ya u vidyAyA{\m+} ratAH || 9||
anyadevAhurvidyayA.anyadAhuravidyayA |
iti shushruma dhIrANAM ye nastadvichachakShire || 10||
vidyAM chAvidyAM cha yastadvedobhaya{\m+} saha |
avidyayA mR^ityuM tIrtvA vidyayA.amR^itamashnute || 11||
andhaM tamaH pravishanti ye.asambhUtimupAsate |
tato bhUya iva te tamo ya u sambhUtyA{\m+} ratAH || 12||
anyadevAhuH sambhavAdanyadAhurasambhavAt |
iti shushruma dhIrANAM ye nastadvichachakShire || 13||
sambhUtiM cha vinAshaM cha yastadvedobhaya{\m+} saha |
vinAshena mR^ityuM tIrtvA sambhUtyA.amR^itamashnute || 14||
hiraNmayena pAtreNa satyasyApihitaM mukham |
tattvaM pUShannapAvR^iNu satyadharmAya dR^iShTaye || 15||
pUShannekarShe yama sUrya prAjApatya
vyUha rashmIn samUha tejaH |
yatte rUpaM kalyANatamaM tatte pashyAmi
yo.asAvasau puruShaH so.ahamasmi || 16||

vAyuranilamamR^itamathedaM bhasmA.nta{\m+} sharIram |

AUM krato smara kR^ita{\m+} smara krato smara kR^ita{\m+} smara || 17||
agne naya supathA rAye asmAn.h
vishvAni deva vayunAni vidvAn |
yuyodhyasmajjuhurANameno
bhUyiShThAM te namauktiM vidhema || 18||
\medskip
|| iti IshopaniShat ||
\medskip
AUM pUrNamadaH pUrNamidaM pUrNAtpUrNamudachyate |
pUrNasya pUrNamAdAya pUrNamevAvashiShyate ||
\medskip
AUM shA.ntiH shA.ntiH shA.ntiH ||
\medskip
\medskip\hrule\medskip
##