USA KA MUBO NGA PAAGI SA

PANALANGIN UG PAGSUL-OB
SA ESKAPULARYO
SA MAHAL NGA BIRHEN SA CARMEN
(Mahimong gamiton sa labawng kasayon niadtong pari nga maghimo niini labi na gayud
diha sa linain o sa linangkob nga gidaghanon.)
Samtang magaluhod ang magsul-ob sa eskapularyo, ang Pari, sinul-oban og roquete
ug puti nga estola, moingon:

P:

Ginoo, kaloy-i kami.

Tanan:

Ug luwasa kami.

P:

Pamati-a Ginoo ang among pag-ampo.

Tanan:

Ug dungga ang akong pangamuyo.

P:

Ang Ginoo maanaa kaninyo.

Tanan:

Maanaa usab kanimo.

Mag-ampo kita:

O Ginoong Hesukristo, Manunubos sa tanang katawhan,

santosa + kining eskapularyo nga isul-ob sa Imong mga alagad
tungod sa ilang gugma ug debosyon alang kanimo ug sa imong
santos nga Inahan, ang Mahal nga Birhen sa Carmen. Pinaagi sa
iyang panabang, kapanalipdan unta sila batok sa dautan ug
magpabilin unta sila sa imong grasya hangtud sa kamatayon. Kini
among gipangayo kanimo, nga nagapuyo ug nagahari hangtud sa
kahangturan.
Tanan:

Amen.

Ug iyang benditahan ang eskapularyo, ug ipasul-ob niya samtang pamulongon niya ang
matag-usa:

Dawata kining santos nga eskapularyo ug dangup sa Mahal

nga Birhen, aron tungod sa iyang mga pahanungdan,
kaampingan mo kini nga manalipod kanimo batuk sa tanang
dautan ug maankon unta nio ang kinabuhing dayon.
Tanan:

Amen.

Tungod sa pagtugot kanako, ilhon ko ikaw nga umalambit sa

tanang mga kaayohan nga espirituhanon, nga tungod sa maloloyong panabang ni Hesukristo, nadawat sa mga relihiyoso sa Orden
sa mga Carmelitas; sa ngalan sa Amahan, ug sa Anak + ug sa
Espiritu Santo.
Tanan:

Amen.

Ang Dios nga makagagahum sa tana, magbubuhat sa langit

ug yuta, manalangin unta kanimo + nga sa kahinangop sa Mahal
nga Birhen sa Carmen. Mangamuyo kami kaniya nga sa takna sa
imong kamatayon dugmokon unta niya ang ulo niadtong karaang
bitin, aron sa katapusan, maangkon unta nimo ang palma ug
purongpurong sa tunhayng kabilin, pinaagi ni Kristo nga atong
Ginoo.
Tanan:

Amen.

(Benditahan sa Pari ang gisul-oban sa eskapularyo. Kon daghan ang magpasul-ob ang
porma lang sa daghan maoy gamiton. Kon ang eskapularyo lang ang panalanginan,
ang panalangin magsugod sa versikulo, Ginoo Kaloy-i kami. Ug motapos uban sa
pag-ampo: O Ginoong Hesukristo, etc.)