MURRYTSU EKHUNG LANSO

(Murry, Merry Osi Erui Topvu Tsukona)

January 8,2016.
Etssyuka:
Murrytsu Okho soyingi khumshumta yisi nzyu tara tssothaka; tolea Sakhung
lanso unlihamo ji tsukona okhona thyutae zesi elhilan tssota evov lo wochyuwotuk unlina sakhung lansolo ntio kvuto erani licho sana jiang ephan
sataronta, khumshumta evov tsukona Sakhung nsungrutav okhona
methakcho.
Hoji tsukona sakhung lanso nsungrui okho jina shi esua nsungrui/erantoe
chiyitokala. Tolea shi tsutsav tsukona jo okholo hansi chiwo khae engatasi
okho na emathata khicho sanati tsutsata yiv.
1. Omying: E Pyimtsumotsui Sukhandu tona Laksia to lona kvutata
chencheruche yicho sana osi jiang yolona myingthan ejanlani yicho jituv
mpato vana sayileha jiang topvu ji Murrytsu to ejamvu. Hoji tsukona
Sakhung Lanso shijo Murrytsu Sakhung lanso to tsav. Etsoena jo MSL to
tsav.
2. Tumka:
a) Sakhung osi Lanso lithoko ji yichak osi etum jijo Murrytsu jilo khanhyae
okho osi kija jiang topvu ji ematha longshi yutalo tssolea nzanchitacheo
osi khumshum pitacheo tuv lanka jiang lojo khumshum pita osi
emathakyota wotav tsukona.
b) Enioto jo emhok-elum osi ezup etsu sukhyingo tssolea kyotarungtacheo
osi nzanchitaech tuv sukhying lojo nzanchita, oha hankyipta evov
tsukona etum ezi vasi Murrytsu Soying sakhung osi Lnaso shi
chiyitokala.
3. Khanhyae: Ochoang kvutata ete motsui Sukhandu tona Laksia to lona
chencheruche Kyong/Lotha meta, Naga osi Limhatsu topvu lo Murrytsu
potsung vanat yia vancho sana jaing topvu na Soying shilo Wokhung
man theta khanhyae tssov. Tolia mnghan yihan tuvjo ephyo-esan osi
lhishup esa lojo unthenhya.
4. Wokhungman: Murrytsu okho shilo eboe khanhyae topvu na nzyualo
tsukalo Rs. 10.00 (Rangpyak Taro) theta khanhyae tssov. Khanhyae man
shijo nzyu akvuto theta vam.
5. Orang Rheyilan (Funds)
a. Nzyu akvuto wokhungman.
b. Ombobo lum erung etheo ( Free will donation)
c. Thanpo lanka lona rheyilan eyam tsukona jo okhona thyutae
khichosanati ji ephan yantav.

6. Lhishup Esaeden (Office Bearers): Murrytsu Ekhung Soying shilo

lhishup esaeden jo shiang shina tssov i.
ii.
iii.
iv.
v.
vi.
vii.
viii.

ix.

Khothepvui (Chairman)
Khothepvui nzanchi - Otsuk eni (2)
Eranpvui.
Eranpvui nzanchi- nzanchi otsuk ethum (3)
Rangsekae
Rangsekae nzanchi
Rangvae.
Executive Ekievongden (members) 6 (tiruk). Shiang jo
nzontsu sanrhyu liathung hungjanrujan osi erameden na
mpana ethungi vantokvu. Murrytsu ji okho ethum etsso jina
okho akvu lona otsuk eni jua ethungu.
Advisers 3 (ethum). Executive members tona Advisers to
jiang jo etonandang jo okho ethumata lona khiv. Osi onte
topvu tssotsui otsuk 19 ( Taro toku) jina Executive okho ji
tssov.

A. Lhishup Esaeden Osi Onte Elhi Jiang Tona Esa yuta to:
a) Lhishup Esaeden jo orhum motsungalo nzyu mezhu tsukona
ethungchev; tolea tssochobenta lia etumo jiang jo elani yenjoarhum
ethungchelankhoka.
b) Onte Elhi Jiang:
Khothepvui: Ombona nzontsu sanrhyu osi Ekievong etssikho jiang topvulo
khothepvui ji tssoe sokabenkata elhi tssov.
Khothepvui nzanchiden: Ontena sanrhyu osi ndukta jiang topvulo
Khothepvui ji jokim tssoe nzanchita elhi tssotav osi khothepvui ji unvana
tssona ontena khothepvui vanphen ji khi sokabenkata elhi tssotav.
Eranpvui: Eranpvui jo ekha-eyan osi kyong yina mmhona setsungmoria
ernatothi jituv na tssov; okho ndukta osi sanrhyu jiang topvulo vani
thyutasanta osi okho methaksuthak jiang mmhona erantsungi vav osi okho
ntsijantao tuv ethev lianthungha ombona erantoe jantav tolea khothepvui
oniata myingseka theta erantoe jantav.
Eranpvui nzanchiden: Eranpvui nzanchiden jiangha kyong yina erantocheo
tuv khiv osi eranpvui ji unvanana ontena othung tssoe nzanchita erantov.
Rangsekae: Okho rang rheyi-chyi jiang topvu ombona mmhona setsunga
erantoe vasi orang jijo Rangvae khelo theyiv. Tssocheo jianglo jo Cash memo
osi voucher theta erantoe vav. Nzontsu sanrhyu liathung jo orang yivon ha
ombona piv.

Rangsekae nzanchi: Rangsekae ji nzanchita tssov osi rangsekae ji

unvanana ombona shera na othung tssov.
Rangvae: Okho tssi-orang topvu ombona eloncheoe setsunga zeyahoyata
kenchungi vata tsutsav. Ethung ezi tssolea okhona ntio ethung eziv
methakcho sana jiang ephan rangsekae tona Khothepvui tona ntsijana
ethungeziv.

B. Lhishup Easeden Osi Executive Jiang Etho:

Nzontsu nhyakta unvana elhilan zakto etsso tuv lojo lhishup esaeden tona
Executive to jiang na ethelan eli ephan nzyualo orang Rs.25,000 (Orang
othung mekyu mongo ) nandang ezikhoka to etho piala.
C. Etsungpvui:
Okho rang etsungetsu tsukona nzontsu sanrhyutathung okho lona otsiorang
tsutsa ntsio tuv nchyu ethum ethungi vantokvu osi jiangna nzyu mezhulo
echunga etsungetsusi yivon piv.
7. Okho Ndukta:
a) Lhishup esaeden tona ekievong okho tojo matachona nzyualo yenjoa
jo nduktav tolea ethele eli ovpu tuv lojo kyongkata nduktakhoka.
b) Nzontsu /thungtssoe jo nzyu enilo yenjoa tae nduktav.
c) Okho teriv (Sub committee) vantoku ethev lia tssona nzontsu sanrhyu
unjanlea ekievong okhona ethungi elhi tssotokhuka.
8. Ekha-Eyan yantso: Nzyu 2011 lona methak elio ji esua Murrytsu
tsokhying tsolo yolona ochonasana HSLC lona benkae Nagaland lo
vanphen Ovungo jianglo chiyia tssona okhona emathata chekayo osi
yantso pia lumbum tssonkayiv to methakala. Tolea ochoang na
Marksheet tona Certificate to Hnasi oyi etssungcheta sana jiang tae piv.
Elani elhilo na Satsuron thungina yantso hunga tssona jiangha
okhona emathayia yantso piv.
9. Ekhung Nsanchov Lanka: Ekhung nsachov lanka chiyia tssona
khanhyae otsuk ethum na benpvui Khothepvui thungi erani hoji
Ekievong okhona zechosi nzontsu sanrhyu lo hansi oro khae engatasi
khichoe tsutsata yiv.

Sakhung Lanso Nsungrui Okho,

Sd/
1. Rev. N.T.Murry, Lanvung (Convenor).

2.
3.
4.
5.

Mr.
Mr.
Mr.
Mr.

Aremo Murry.
K.R.Murry.
Mhonthung Murry.
Bijamo Murry.