Professional Documents
Culture Documents
Mga Barasahon Han Grade1 MTB Waray
Mga Barasahon Han Grade1 MTB Waray
1
An Nigo
An nigo ni Ana may gani. Inigo an
gani han nigo ni Ana. Ano an gana
ni Ana? An gana ni Ana an nigo
nga may gani.
3
An Higot
May hatag nga higot hi Toto kan
Ana. An higot para han nigo.
Ginhigot ni Ana an nigo ha naga.
Salamat Toto han higot, siring
ni Ana.
5
An Upo ni Lupo
May dako nga ugat hin upo ha agi-an.
Ginhugot an ugat han upo ni Lupo.
Huna-huna ni Lupo diri ugat han upo.
Salit napugot an ugat han upo.
6
An Tuko ha Kahon
Gintago ni Nana an kahon. An kahon
may- ada tuko. Ginkuha ni Toto an
kahon. Kinita ni Toto an tuko ha kahon.
Ginkuha ni Toto an tuko ha kahon.
8
An Saya ni Sita
Hi Sita may saya. Gintahi an saya ni
Sita. Hi Nanay an nagtahi han saya ni
Sita. Gusto ni Sisa an Saya ni Sita.
Ginkuha ni Sisa an saya ni Sita.
9
An Rayna
Ginsakay an rayna ha karo. An karo
puno hin rosas Nagrayhak an rayna.
Nagrayhak hira. Kaanyag han karo han
rayna.
10
An Unggoy ha Sanga
May unggoy ha sanga. Nahungko an
unggoy ha sanga. Kinita an unggoy hin
usa ka- kariton nga saging. Dinako an
nganga han unggoy. Dako an ngisi han
unggoy pagkita ha usa ka-kariton nga
saging.
1. Ano an nakada han sanga?
2. Kay ano daw la nga nahungko hiya ha
sanga?
3. Ano an iya nakit-an?
4. Kay ano nga nginisi an unggoy?
5. Ano daw an iya ginhuhuna- huna?
6. Angay ba nga kumuha dayon an
unggoy han saging?
11
Hi Dario
Hi Dario nandakop hin isda ha dagat.
Damo an dakop ni Dario nga isda.
Dagko an isda nga dakop ni Dario. Dako
an gana ni Dario han mga dakop nga
isda. Nagrisyo an mga kag-anak ni
Dario.
1. Ano an pakabuhi ni Dario?
2. Ano an nahitabo han iya panakop hin
isda?
3. Ano an iya ginbuhat han iya mga dakop
nga isda?
4. Nakalipay ba hi Dario han iya kag-
anak? Kay ano?
5. Ikaw, gin- aano mo paglipay han imo
kag-anak?
12
An Baha
Duro an uran ha bungto. Nagbabaha ha
bungto. Damo an balay nga naanod han
baha. Inabot an baha ha bukid.
Nabaraka hi Tatay han iya mga hayop.
13
An Lobo ni Lita
May pula nga lobo hi Lita. May laso nga
pula an lobo ni Lita. Ginpakita ni Lita
an pula nga lobo kan Lisa. Naruyag hi
Lisa han pula nga lobo nga may laso.
Ginpirit pag-aro ni Lisa an pula nga
lobo kan Lita. Nabuhian ni Lita an pula
nga lobo.
1. Hin-o an may ada lobo?
2. Iladawan an lobo ni Lita.
3. Kay ano nga ginpirit ni Lisa pag-aro
han lobo kan Lita?
4. Nahingain an lobo?
5. Kaangayan ba kuhaon an butang nga
imo naruruyagan bisan diri imo?
14
An Amon Pamilya
Pirmi namamarigos an amon pamilya ha
dagat. Nag-aandam hin damo nga
pagkaon hi Nanay. May-ada tinuon nga
mais ngan mani. May-ada dagko nga
masag ngan litson nga manok. Magtam-
is an dara nga Prutas sugad han
mangga ngan melon. Sugad ka
malipayon an amon pamilya nga
nagkaka- urusa.
1. Hain pirmi namamasyada an pamilya?
2. Hin-o an nag-aandam han mga pagkaon?
3. Ano an mga pagkaon an ira andam?
4. Kay ano nga malipayon an pamilya?
5. Ha ano nga pamaagi naglilipay an iyo
pamilya?
15
An Edro
An edro usa nga sarakyan. An edro
ginpapalupad han piloto. Ginsasakyan
han mga pasahero an edro.
Ginkakargahan gihapon hin mga gamit
an edro. Dako an bulig han edro para
madagmit an biyahe.
1. Ano an edro?
2. Hin-o an nagpapalupad han edro.
3. Ano an gamit han edro?
4. Ano an kaupayan an gindudurot han
edro ha pagbiyahe?
5. Karuyag mo ba sumakay hin edro?
Kun oo , Kay ano? Kun diri, kay ano?
16
An Wati ha Gardin
Usa ka adlaw binulig hi Wally
pagtanum ha garden. Kinita hiya hin
mga wati. Nahadlok hi Wally han mga
wati. Nanay, aadi hin mga wati,siring
ni Wally. Ayaw kahadlok Wally kay an
mga wati nabulig pagbungkag han tuna
para tumubo an mga tanum, baton ni
Nanay. Salit, waray na kahadlok hi
Wally han mga wati.
1. Ano an kinita ni Wally ha garden?
2. Kay ano nga nahadlok hi Wally han
mga wati?
3. Ano an nabaruan ni Wally kan
Nanay?
17
4. Kaangayan ba nga puypuyon an mga
wati ha garden?
5. Tikang yana, ano it imo bubuhatan
kun makita ka hin mga wati ha gardin
18
Mga Barasahon han Grade 1
MTB1
From Sequence of Letters in the Mother Tongue-Waray
Compiled by:
JENA M. BASEA
19