Year 30 No.
8 Ika-21 Linggo sa Karaniwang Panahon (K) Berde
Pumasok sa Makipot na Pinto
S i Hesus ang mahabaging
mukha ng Diyos, sabi ni Papa
Francisco. Ngunit sa Ebanghelyo
ngayon, maririnig natin ang
matalinhaga pero matalim na
pananalita ni Hesus. Kaya sabi
rin ni Papa Francisco, minsan
masakit at maanghang ang salita
ni Hesus dahil ibig niyang ilantad
ang pagbabalatkayo ng kanyang
kausap, ang mali nilang katwiran,
at nakatagong katotohanan.
Sa Ebanghelyo, nagulat ang
mga tao nang sabihin ni Hesus na
hindi niya sila kilala: Hindi mo
kami kilala? Nakisalo kami sa iyo
at kasama mo sa inuman. Naroon
kami nang nangangaral ka!
Marahil ganito ang ibig ilantad
ni Hesus: Nanguna nga kayo
sa pakikisalo sa mga hapunang
dinaluhan ko, kasama kayo
sa kainan at inuman, naroon
kayo habang nangangaral ako
sa lansangan. Ngunit walang
bisa sa inyo ang aking mga
ginawa at sinabi. Ni hindi ninyo
isinabuhay anuman sa aking
mensahe. Nananatili kayo sa
inyong kinagisnang gawi, kilos,
at pag-iisip. Walang nabago sa
inyo! Huwad na pagsunod sa
kanya at maling katwiran ang nais
ilantad ni Hesus.
Pagnilayan natin ang
matalinhaga niyang sinabi: Iilan
ang mangangahas na pumasok
sa makipot na pinto. Parang
ipinapahiwatig niya sa kanyang
mga kausap: mapangahas
kayo sa mga bagay na mayroon
kayong pakinabang; ngunit
para sa kabutihan ng kapwa at
para sa Diyos, ang pumasok sa
makipot na pinto, sa daang
may kahirapang suungin, ayaw
ninyong mangahas! Pasaring
ang tono ni Hesus, upang ilantad
ang nakatagong katotohanan:
mangangahas sila para sa
pansariling kapakinabangan
lamang.
Angkop din sa ating panahon
ang pananalita ni Hesus. Marami
ang nag-aakala, kapag nakisalo
tayo sa piging ng Panginoon sa
Eukaristiya, nakinig sa pangaral,
nagdebosyon sa mga santo,
nagrosaryo, at nakilahok sa mga
gawaing-Simbahan, kilala na
tayo ni Hesus, tanggap na tayo,
maliligtas na tayo. Paano kung
sabihin sa atin ni Hesus nang
harap-harapan: Hindi ko pa rin
kayo kilala. Makikilala ko lamang
kayo kapag matalik kayong
nakipagkaibigan sa akin: kung
maging mapagmalasakit kayo sa
kapwa at mapagpatawad tulad ng
Ama. Ito ang tanda ng pagiging
mapangahas na pumasok sa
makipot na pinto.
Bakit makipot ang pinto?
Ang totoo sadyang maluwang at
SUNDAY TV MARIA 8:30AM 3:00PM 9:00PM
Dream Satellite Ch 1 Destiny Cable Ch 94 Sky Cable Ch 160
Agosto 21, 2016
malapad ang pinto ng pakikipag-
ugnayan ng Diyos sa tao. Ngunit
mula nang gamitin ni Adan,
ang unang nilikha, ang kalayaang
bigay ng Diyos, na piliin ang
sarili, sa halip na ang Diyos,
na magtakda ng pamantayan
ng buti at sama, kumipot ang
pinto. Mula noon mahirap nang
kumilos ang tao bilang kawangis
at kalarawan ng Diyos. Ang
pagbalikwas sa sarili at muling
pagbaling ng puso sa Diyos,
ang pagtanggap sa Diyos at sa
kanyang kalooban nang buong
tiwala, ay parang pagdaan sa
makipot na pinto.
Ngunit tiwala si Hesus na
mayroon pa ring mangangahas
na pumasok sa makipot na pinto:
ang maghahanap sa Diyos at
magsasabuhay ng kanyang salita.
Sila ang magpapakilala kay Hesus
sa mga hindi nakakakilala sa
kanyaang mahabaging mukha
ng Diyos. Sila ang magtitiyagang
pumasok sa makipot na pinto
na itinututing na kapatid ang
bawat nilikha dahil nilikha ang
lahat, anumang lahi, kulay, at
dugo na kawangis at kalarawan
ng Diyos. Silang lahat ang
maliligtas (Unang Pagbasa); sila
ang magiging matalik na kaibigan
ng Diyos.
Mahuli man sila ng dating,
hindi man nila nakaniig si Hesus
nang harap-harapan, sila ang
kikilalanin ng Panginoon, at
sila ang makikisalo sa piging ng
Diyos.
Fr. Fernando L. Macalinao, SJ

PASIMULA
Antipona sa Pagpasok
[Slm 86:1-3]
(Basahin kung walang pambungad
na awit)
Sa aking abang dalangin, Dyos
ko, akoy iyong dinggin. Ang
pagsamo kot pagdaing ay
mangyaring iyong dinggin.
Kaligtasay aking hiling.
Pagbati
(Gawin dito ang tanda ng krus)
P - Ang Pagpapala ng ating
Panginoong Hesukristo, ang
pag-ibig ng Diyos Ama, at ang
pakikipagkaisa ng Espiritu Santo
naway sumainyong lahat.
B - At sumaiyo rin.
Paunang Salita
(Maaaring basahin ang mga ito o
kahalintulad na mga pahayag)
P - Hindi sapat ang kaalaman
tungkol sa Panginoon at sa
Ebanghelyong hatid ni Hesus.
Mahalaga ring isabuhay ang
lahat ng itinuro sa atin ni Hesus.
Makipot ang pintuan tungo sa
langit kung kaya hindi madali ang
makapasok sa kaharian ng Diyos.
Sumaatin nawa ang
kababaang-loob nang makita
natin ang kaharian ng Diyos
bilang biyaya na dapat tanggapin
nang buong kagalakan at katata
gan, at sa gayon magdulot ito ng
mabuting bunga sa ating buhay.
Pagsisisi
P - Mga kapatid, tinipon tayo
bilang kaanib ng angkan ng Diyos,
kaya dumulog tayo sa maawaing
Panginoong nagpapatawad ng
lubos. (Tumahimik)
P - Sinugong tagapagpagaling
sa mga nagsisisi, Panginoon,
kaawaan mo kami.
B - Panginoon, kaawaan mo kami.
P - Dumating na Tagapag-
anyayang mga makasalanay
magsisi, Kristo, kaawaan mo
kami.
B - Kristo, kaawaan mo kami.
P - Nakaluklok ka sa kanan ng
Diyos Ama para ipamagitan kami.
Panginoon, kaawaan mo kami.
B - Panginoon, kaawaan mo kami.
P - Kaawaan tayo ng makapang
yarihang Diyos, patawarin tayo
sa ating mga kasalanan at patnu
bayan tayo sa buhay na walang
hanggan.
B - Amen.
Gloria
Papuri sa Diyos sa kaitaasan
at sa lupay kapayapaan sa
mga taong kinalulugdan niya.
Pinupuri ka namin, dinarangal
ka namin, sinasamba ka namin,
ipinagbubunyi ka namin,
pinasasalamatan ka namin dahil
sa dakila mong angking kapurihan.
Panginoong Diyos, Hari ng langit,
Diyos, Amang makapangyarihan
sa lahat. Panginoong Hesukristo,
Bugtong na Anak, Panginoong
Diyos, Kordero ng Diyos, Anak ng
Ama. Ikaw na nag-aalis ng mga
kasalanan ng sanlibutan, maawa ka
sa amin. Ikaw na nag-aalis ng mga
kasalanan ng sanlibutan, tanggapin
mo ang aming kahilingan. Ikaw
na naluluklok sa kanan ng Ama,
maawa ka sa amin. Sapagkat ikaw
lamang ang banal, ikaw lamang
ang Panginoon, ikaw lamang, O
Hesukristo, ang Kataas-taasan,
kasama ng Espiritu Santo sa
kadakilaan ng Diyos Ama. Amen.
Panalanging Pambungad
P - Manalangin tayo. (Tumahimik)
Ama naming makapangya
rih an, ginagawa mong kamiy
magkaisa ng kalooban. Ipagka
loob mong ang iyong mga utos
ay aming mahalin, ang iyong
mga pangako ay hangarin naming
tanggapin, upang sa anumang
pagbabago sa paligid namin
manatiling matatag ang aming
loobin sa tunay na kasiyahang
matatagpuan sa iyong piling
sa pamamagitan ni Hesukristo
kasama ng Espiritu Santo magpa
sawalang hanggan.
B - Amen.
PAGPAPAHAYAG NG
SALITA NG DIYOS
Unang Pagbasa [Is 66:18-21]
(Umupo)
Nakita ni propeta Isaias ang araw
kung saan ang lahat ng bansa ay
matitipon sa banal na lungsod at
magbibigay pugay sa Panginoon.
Gayundin ang ipinahihiwatig
ni Hesus noong winika niya na
ang lahat ng dulo ng mundo ay
magtitipon sa piging ng kaharian
ng Diyos.
Pagbasa mula sa aklat ni
propeta Isaias
ITO ANG sinasabi ng Panginoon:
Nalalaman ko ang iniisip
nila at mga ginagawa. Darating
ako upang tipunin ang lahat ng
bansa, at mga taong ibat iba
ang wika. Malalaman nila kung
gaano ako kadakila. Malalaman
din nilang ako ang nagpaparusa
sa kanila. Ngunit magtitira ako
ng ilan upang ipadala sa ibat
ibang bansa. Susuguin ko sila sa
Tarsis, sa Pul at sa Lydia, mga
dakong sanay sa paggamit ng
pana. Magsusugo rin ako sa Tubal
at Iavan, at sa mga baybaying
hindi pa ako nababalita sa aking
kabantugan. Ipahahayag nila sa
lahat ng bansa kung gaano ako
kadakila. Bilang handog sa akin
sa banal na bundok sa Jerusalem,
ibabalik nila ang mga kababayan
ninyo buhat sa pinagtapunan sa
kanila. Silay darating na sakay
ng mga kabayo, asno, kamelyo,
karwahe at kariton, tulad ng
pagdadala ng mga handog na butil
sa Templo, nakalagay sa malilinis
na sisidlan. Ang ilan sa kanila ay
gagawin kong saserdote at ang
ilan ay Levita.
Ang Salita ng Diyos.
B - Salamat sa Diyos.
Salmong Tugunan (Slm 116)
T - Humayot dalhin sa tanan
Mabuting Balitang aral.
1. Purihin ang Poon!/ Dapat na
purihin ng lahat ng bansa,/ siya
ay purihin/ ng lahat ng tao sa balat
ng lupa. (T)
2. Pagkat ang pag-ibig/ na ukol sa
atiy dakila at wagas,/ at ang kata
patan niyay walang wakas. (T)
Ikalawang Pagbasa
(Heb 12:5-7, 11-13)
Hindi panghihinaan ng loob
ang sinumang sumasampalataya
sa harap ng pagsubok at
paghihirap. Hinihimok ang
lahat ng Kristiyano na magpaka
tatag sa gitna ng mga pagsubok
at paghihirap, tiisin ang lahat
bilang pagtutuwid ng isang ama.
Pagbasa mula sa sulat sa mga
Hebreo
MGA KAPATID, nalimutan na ba
ninyo ang pangaral ng Diyos sa
inyo bilang mga anak niyamga
salitang nagpapalakas ng loob
ninyo?
Anak, huwag kang mag
walang-bahala kapag itinutuwid
ka ng Panginoon, at huwag pang
hinaan ng loob kapag ikaw ay
pinarurusahan niya. Sapagkat
pinarurusahan ng Panginoon ang
mga iniibig niya, at pinapalo ang
itinuturing niyang anak.
Tiisin ninyo ang lahat bilang
pagtutuwid ng isang ama, sapag
kat itoy nagpapakilalang kayoy
inaari ng Diyos na kanyang mga
anak. Sinong anak ang hindi
itinuwid ng kanyang ama? Habang
tayoy itinutuwid hindi tayo
natutuwa kundi naghihinagpis.
Ngunit pagkaraan niyon, lalasap
tayo ng kapayapaang bunga ng
matuwid na pamumuhay.
Kayat palakasin ninyo ang
inyong lupaypay na katawan
at tipunin ang nalalabi pang
lakas! Lumakad kayo sa daang
matuwid upang hindi tuluyang
mapilay, kundi gumaling ang
paang nalinsad.
Ang Salita ng Diyos.
B - Salamat sa Diyos.
Aleluya [Jn 14:6] (Tumayo)
B - Aleluya! Aleluya! Ikaw, O
Kristo, ang Daan, ang Katoto
hanat Buhay patungo sa Amang
mahal. Aleluya! Aleluya!
Mabuting Balita (Lc 13:22-30)
P - Ang Mabuting Balita ng
Panginoon ayon kay San Lucas
B - Papuri sa iyo, Panginoon.
NOONG panahong iyon, nag
patuloy si Hesus sa kanyang
paglalakbay. Siyay nagtuturo sa
bawat bayan at nayon na kanyang
dinaraanan patungong Jerusalem.
May isang nagtanong sa kanya,
Ginoo, kakaunti po ba ang mali
ligtas? Sinabi niya, Pagsikapan
ninyong pumasok sa makipot
na pintuan. Sinasabi ko sa inyo,
marami ang magpipilit na puma
sok ngunit hindi makapapasok.
Kapag ang pintoy isinara na
ng puno ng sambahayan, magtitiis
kayong nakatayo sa labas, at
katok nang katok. Sasabihin
ninyo, Panginoon, papasukin po
ninyo kami. Sasagutin niya kayo,
Hindi ko alam kung tagasaan
kayo! At sasabihin ninyo,
Kumain po kami at uminom na
kasalo ninyo, at nagturo pa kayo
sa mga lansangan namin. Sasa
bihin naman ng Panginoon, Hindi
ko alam kung tagasaan kayo!
Lumayo kayo sa akin, kayong
lahat na nagsisigawa ng masama!
Tatangis kayo at magngangalit
ang inyong ngipin kapag nakita
ninyong nasa kaharian ng Diyos
sina Abraham, Isaac at Jacob,
at ang lahat ng propeta, at kayo
namay ipinagtabuyan sa labas!
At darating ang mga tao buhat
sa silangan at kanluran, sa hilaga
at timog, at dudulog sa hapag sa
kaharian ng Diyos. Tunay ngang
may nahuhuling mauuna, at may
nauunang mahuhuli.
Ang Mabuting Balita ng
Panginoon.
B - Pinupuri ka namin,
Panginoong Hesukristo.
Homiliya (Umupo)
Pagpahayag
ng Pananampalataya (Tumayo)
B - Sumasampalataya ako sa Diyos
Amang makapangyarihan sa lahat,
na may gawa ng langit at lupa.
Sumasampalataya ako kay
Hesukristo, iisang Anak ng
Diyos, Panginoon nating lahat.
Nagkatawang-tao siya lalang
ng Espiritu Santo, ipinanganak
ni Santa Mariang Birhen.
Pinagpakasakit ni Poncio Pilato,
ipinako sa krus, namatay, inilibing.
Nanaog sa kinaroroonan ng mga
yumao. Nang may ikatlong araw
nabuhay na mag-uli. Umakyat sa
langit. Naluluklok sa kanan ng
Diyos Amang makapangyarihan sa
lahat. Doon magmumulang paririto
at huhukom sa nangabubuhay at
nangamatay na tao.
Sumasampalataya naman ako
sa Diyos Espiritu Santo, sa banal na
Simbahang Katolika, sa kasamahan
ng mga banal, sa kapatawaran ng
mga kasalanan, sa pagkabuhay na
muli ng nangamatay na tao, at sa
buhay na walang hanggan. Amen.
Panalangin ng Bayan
P - Idalangin nating pagkalooban
tayo ng Ama ng pusong bukas
upang patuluyin ang lahat ng tao,
mga kapwa manlalakbay, at mga
kasalo sa piging ng Panginoon.
Buong pagtitiwala nating sabihin:
T - Panginoon, pakinggan mo
ang iyong bayan.
L - Nawa ang mga pari at iba pang
mga ministro ay magsumikap
na maisabuhay ang kanilang
ipinapahayag nang sa gayoy
maging huwarang alagad ni
Kristo. Manalangin tayo: (T)
L - Makita nawa naming mga
sumasampalataya ang kaligtasan
bilang biyaya ng Diyos na
ipinagkak aloob para sa lahat.
Manalangin tayo: (T)
L - Naway ang mga nagdurusa sa
ibat ibang paraan, at mga nag-iisip
na di nila makakayanan ang hirap
ng pagpasok sa pinto ng langit ay
higit na mapalapit kay Kristong
nagligtas sa pamamagitan ng krus.
Manalangin tayo: (T)
L - Naway ang pamahal aan
ay patuloy na tumugon sa mga
pangunahing pangangailangan ng
mga kababayan nating naghihirap
sa buhay. Manalangin tayo: (T)
L - Makaranas nawa ang mga
yumao ng puspus ang galak sa
makalangit na piging kasama ang
mga anghel at lahat ng mga banal.
Manalangin tayo: (T)
(Maaaring gawin dito ang iba pang
panalangin ng komunidad)
P - Panginoon, punan mo kami ng
iyong Espiritu upang maipahayag
namin sa aming pamumuhay ang
iyong kabutihan at kaluwalhatian.
Hinihiling namin ito sa ngalan
ni Hesukristo na aming Pangi
noon.
B - Amen.
PAGDIRIWANG NG
HULING HAPUNAN
Paghahain ng Alay
(Tumayo)
P - Manalangin kayo...
B - Tanggapin nawa ng Pangi
noon itong paghahain sa iyong
mga kamay sa kapurihan niya
at karangalan sa ating kapaki
nabangan at sa buong Samba
yanan niyang banal.
Panalangin ukol sa mga Alay
P - Ama naming Lumikha, pinag
kamit mo kami ng iyong pagkup
kop pakundangan sa isang pam
palagiang paghahandog kayat
sa iyong Sambayanan ay iyong
ipagk aloob ang pagkakaisa at
kapayapaang nagbubuklod bunga
ng aming mga alay na iyong
ikinalulugod sa pamamagitan ni
Hesukristo kasama ng Espiritu
Santo magpasawalang hanggan.
B - Amen
Prepasyo (Karaniwan III)
P - Sumainyo ang Panginoon.
B - At sumaiyo rin.
P - Itaas sa Diyos ang inyong puso
at diwa.
B - Itinaas na namin sa Panginoon.
P - Pasalamatan natin ang
Panginoong ating Diyos.
B - Marapat na siya ay pasalamatan.
P - Ama naming makapangyari
han, tunay ngang marapat na ikaw
ay aming pasalamatan.
Sa iyong kagandahang-loob
kamiy iyong ibinukod upang
iyong maitampok sa kadakilaan
mong lubos. Kahit na ikaw ay
aming tinalikdan dahil sa aming
pagkasalawahan, gumawa ka pa
rin ng magandang paraang may
manguna sa amin para ikaw ay
balikan. Kayat ang iyong mina
mahal na Anak ay naging isa sa
mga taong hamak upang may
kapwa kaming makapagligtas sa
aming pagkapahamak at pagka
ligaw ng landas.
Kaya kaisa ng mga anghel na
nagsisiawit ng papuri sa iyo nang
walang humpay sa kalangitan,
kamiy nagbubunyi sa iyong
kadakilaan:
B - Santo, Santo, Santo...
(Lumuhod)
Pagbubunyi (Tumayo)
B - Si Kristoy namatay! Si
Kristoy nabuhay! si Kristoy
babalik sa wakas ng panahon!
PAKIKINABANG
Ama Namin
B - Ama namin...
P - Hinihiling naming...
B - Sapagkat iyo ang kaharian at
ang kapangyarihan at ang kapu
rihan magpakailanman! Amen.
Pagbati ng Kapayapaan
Paanyaya sa Pakikinabang
(Lumuhod)
P - Ito ang Kordero ng Diyos.
Ito ang nag-aalis ng kasalanan
ng sanlibutan. Mapalad ang mga
inaanyayahan sa kanyang piging.
B - Panginoon, hindi ako
karapat-dapat na magpatuly
sa iyo ngunit sa isang salita mo
lamang ay gagaling na ako.
ISANG TINAPAY, ISANG PAMILYA
Katesismo para sa Taon ng Eukaristiya at Pamilya
Fr. James H. Kroeger, MM
Paglilingkod sa mga Sugatan sa mga Pamilya
Lahat ng mga pamilya ay nakararanas ng mga paghihirap, hamon, problema, at
kabiguan. Totoong dumaranas ng pagiging sugatan ang lahat ng mga pamilya.
Ang katotohanang ito ayon kay Kardinal Tagle ay nag-aanyaya sa atin na tingnan
si Hesus at ang kanyang mapagmahal na ministeryo ng pagpapagaling.
Ang Mabuting Balita ng paghahari ng Diyos ay nahahayag sa pagpapagaling
sa pamamagitan ng pagmamalasakit, pakikisama, at pagdamay sa kapwa at
muling pagbubuo ng mga nasirang relasyon Kapag naghahari ang Diyos at
siya ang nasusunod, naliligtas ang mga tao, napaparangalan at maingat na
napaglilingkuran. Kapag ang Diyos ang nasusunod, nabibigyan ng lunas ang
mga sugat.
Tandaan ninyo kung paanong sa Juan 13, hinugasan ni Hesus ang mga paa
ng kanyang mga alagad, kasama pati ang mga nagbabalak na ipagkanulo siya
Alam natin ang mga talinhaga ng awa. Sa kapitulo 15 ng ebanghelyo ni Lucas,
tatlong talinhaga tungkol sa mga bagay at mga tao ang matatagpuanang
nawawalang tupa, ang nawawalang barya at ang naglayas na anak.
Lahat ng mga talinhagang ito ay nagtatapos sa pagsasaya at pagsasalo-salo.
Bakit? Dahil natagpuan na ang nawawala Ang sugatan at ang nawawala ay
sariling akin Dadalhin ko itong pauwi. Isa sa pangunahing misyon ng mga
pamilya ay ang pagpapagaling sa maysakitdoon mismo sa ating tahanan at
pamilya.
Antipona sa Komunyon katuparan ng tanang inaasam na
(Slm 104:15-15) kabutihan sa pamamagitan ni
Hesukristo kasama ng Espiritu
Ang halaman ay namunga at may Santo magpasawalang hanggan.
pagkaing nakuha, ubas na dulot B - Amen.
ay sigla, pawang bigay ng Dyos
Ama upang tayoy lumigaya. P - At ang pagpapala ng maka
pangyarihang Diyos, Ama, at
Panalangin Pagkapakinabang Anak () at Espiritu Santo ay
(Tumayo)
manaog nawa at mamalagi sa inyo
magpasawalang hanggan.
P - Manalangin tayo. (Tumahimik)
B - Amen.
Ama naming mapagmahal,
lubusin mo sa amin ang kagali Pangwakas
ngang bigay ng iyong pag-ibig na
ngayoy ipinagdiriwang at kami P - Taglayin ninyo sa inyong pag-
naway magkaroon ng ganap alis ang kapayapaan ni Kristo.
na kaunlaran upang sa lahat ng B - Salamat sa Diyos.
aming pinagkakaabalahan ikaw
ay aming mabigyang-kasiyahan
sa pamamagitan ni Hesukristo
kasama ng Espiritu Santo magpa
sawalang hanggan.
B - Amen.
PAGTATAPOS
P - Sumainyo ang Panginoon.
B - At sumaiyo rin.
Pagbabasbas
P - Magsiyuko kayo samantalang
iginagawad ang pagpapala.
(Tumahimik)
Ama naming mapagpala,
basbasan mo ng iyong kabanalan
ang iyong sambayanan upang
cut here
matagpuan sa iyo ang kaligtasan
mula sa kapahamakan at ang