REZO A OSHUN Y SUYERE

Oshun mori yeyeo

Abeyi moro
Apanganide
Ekimale odun
Akilade oke
Ibu guaale guaale
Aburuko mase
Oshun mori yeyeo

Suyere
Iya mi ile, odo
Iya mi ile, odo
Bogbo ache, ache mi saramaguo, eh
iya mi ile, odo

Yeye mi la mi ile odo iya mi

Yeye iya mi ile odo iya mi
Iya mi a laye ibu

Ache dedewantolokun
Chenche mi ogbo chebo
Yeye mi owoomada
Iya mama, nilo chochun
Koko mama ni yo
Ebuyi lele ti bebaro ye
Oro inle de kun
Akuetin oshun
Shango mori yeye
Mowiloni, mowiloda oka oba iche
Oloyuti kowa more
Yele leba
 REZO A OBBATALA Y SUYERE

Jekua Obatala
Obatala biriniwa
Aligua lanu
Yakutu kawo kawo obe
Dedere laboru
Dedere labochiche
Toba lori meridilogun

Suyere
Babaru olowo, eke
Babamoquee, maquee obe ekun
Babamoquee, maquee ekua mum
Baba bakile akuko
Akuko atonikole gangan
Atonikole gangan ayaguna leyi, bo
Babaru oluo, eh
REZO A SHANGO Y SUYERE

Lube bara, lube

Oba osoti sieko
Olufina koke
Ayala yiki
Obambi oyo
Elueko asosain
Akatamasi, ogodomase
Olufina
Ayala yiki
Obambi oyo

Suyere
Oba lube lodide
Aluya, oh
Olufina lodide
Aluya, oh
Aluya agimi
Obini obini lodo
Obasufe, oba asi
Iya mi awao
Aladola tilante ago morisa aleyo
Shango ni bara ni kuko arayo
Aguanguanguanguan loro
Okan jere jey
Okan lowo beikuo Olodumare
Obachere obachere lamefa, oh
Obachere lawa oricha
Obachere obachere lamefa, oh
 Obachere lawa oricha
Obachere lawa lado, obakoso
Iluo awa aye obakoso, achere

Coro:
Oba ibo, si areo
Oba ibo, si areo
Eruamala ibo, erao
Oba koso, iru awa ay

REZO A YEMAYA Y SUYERE

Omi omo Yemaya

Iya mi lateo
Alabaru bomi
Iya mi awo oyo odan
Iya mi tuku tukuekueye
Asarayabi Olokun

Suyere:
Abo lona oyale
 Yemaya ye inle ye lodo
Yale yo luma
Akotakue, lebe
Choicho, niwe
Chubobo, bona
Oggun mayelo dogniti bamba baa
Yemaya oro lodo
Orulode
REZO A OYA Y SUYERE

Jekua jey, yansa aribi

Apiti oke
Ya mesa mesa
Obini dodo
Jekua jey, yansa

Suyere:
Oya, Oya ambero
Oya amorele
Akamalaroye
Oyege onu conuso
Kua Yewa ye obi misa
Oya mi lodeo
Osicleta konfu laya meta
Oduru ba loyeo
Ala irawo, eh

El coro y el solista cantan:

Oya, Oya ambero
Akaramala
Oya, Oya ambero
Akaramala
 REZO A OCHOSI Y SUYERE

Ode mata, tamata fi buru, Oshosi

Suyere:
Yakuo, ode chawel
Yakuo, ode chawel
Ochani wewe okonide
Obarena eriki yana

Wakele, Wakele
Ode chawel, ode chawel
Wakele, Wakele
Ode chawel, ode chawel

Awaroko oti osa

Oni bebe, oni bebe
Ochami bebe okoni be
Obarena eriki yana

En coro:
Yakuo, ode chawel
Yakuo, ode chawel
Ochami wewe okonide
Obarena eriki yana
 OSHE BILE DE EGGUN

OBI OBI AWE BILAYE

OBI OLODDARA

OBI YEKU YEKU MAYEKUN

OBI LAYEBI, OBI BIRI BIKU

OBI A LA FIBE IKU

IKU EGGUN OBI OLODDARA

 OBI ITAWA YEBI

OBI IKU OLORUN YAWA NIFE EGGUN

OBI A LA FIBE IKU

LEBO ARA ONU BAYE IRE

OBI A LA FIBE IKU

IKU EGGUN OBI LODDARA

Despus se procede a tirar el coco.