Ano nga butang nga gadula sa imo sang paglaum? May
mga tion man bala sa kabuhi mo nga nagaka-discourage kaman? Isa ka adlaw may ara bata nga naglisensya sa iya nga iloy. Ini nga bata may diperensya sa paghambal kag medyo indi gid maalam. Pirme lang siya gina-into. Kag nadulaan na paglaum ang iya iloy nga makita siya sang ubra. Anak: Nay maubra ko sa call center (punga) Nanay: Nak nga-a ma-ubra ka sa call center kay kabalo ka na gid sang diperensya mo? Basi into-on ka naman didto. Anak: Indi nay ah ma-ubra ko sa call center. Kay naghambal ang Dios sa akon nga didto ko ma-ubra. (punga) Nagkadto sa ubrahan kag nag-apply. Anak: Ma-apply ko di ubra(punga) Manager: Indi ka di puwede kay kabalo kana gid nga dapat nga kabalo ka gid maghambal diri. Anak: Indi diri gid ko ma-apply kay hambal sang Dios sa akon. (punga) Manager: Sige ah, batunon taka. Kag gin-hambal sa iya dapat ubrahon. Pagpuli sa Balay: Anak: Nay ginbaton ko sa call center (punga) Nanay: Tuod anak, ti ano to ang imo ubra? Anak: Hambal sang manager sa akon nay, mag-butang sang telepono. Ako ang ma-tit.. tit.. tit.. tit. Sa Ebanghelyo subong nga adlaw, si Jesus gindala niya si Pedro, Santiago kag si Juan pasaka sa bukid. Kung balikan naton ang natabo sa ebanghelyo, makita naton nga Jesus naghambal sa iya nga gintutun-an nga siya makadto sa Jerusalem para mag-antus kag pagapatyun. Gani, kung aton lang gid huna-huna, madula-an man gid sang paglaum ang mga gintutun-an sang mabatian nila ang mga tinaga ni Jesus. Kay tungod may ara sila mataas nga paglaum nga si Jesus amo ang ila mangin manluluwas, manluluwas sa mga Pamalakad sang Romanhon. Tapos hambalan ka lang ni Jesus nga siya maga-antus kag paga-patyon. Diba kung ikaw makabati sini. Madul- an ka gid sang gana kag paglaum. Isa lider pero maga- antus kag paga-patyon. Makita naton ang amo ni siguro ang rason nga gindala ni Jesus si Pedro, Santiago kag Juan pasaka sa bukid kung sa diin nakita nila si Jesus sa iya pag-bag-o sang dagway ang iya guya nag-silaw subong sang adlaw kag ang iya bayo nagputi subong sang kapawa. Nakita man nila ang duwa ka bigatin nga personalidad sang Daan nga Kasulatan si Moises ang nag-hatag sa layi kag si Elias nga propeta. Kung makita naton nga hitabo, isa ini ka tion nga gin-encourage kag taga-an sila sang paglaum ang mga gintutun-an ni Jesus. Nga nalipat sila nga si Jesus, labaw sa tanan Dios. Kag ang prowiba nga sila na encourage na sila kag may paglaum liwat, sang si Pedro nagsiling kay Jesus nga magpatindog sang tulda kay tungod nabatyagan ni Pedro nga maayo gid nga yari kita diri. It is good to be here. Sang nagligad nga adlaw, naglakat kami sa Patag para sa amon nga recollection. Kag nag-saka kami didto sa 100 steps sa shrine sang mga Hapon nga nagkalapatay sang WWII. Mataas kag makapoy ang pagpanglakaton. Pero kung ara kana didto sa babaw daw indi ikaw maghalin. Kay tungod sa katahom sang palibot kag sang katugnaw sang hangin. Daw gusto ko man magtiner na lang didto. Mag butang sang sa tulda kaangay ni Pedro. Na- experyensyahan ko ang Dios sang matahom nga kabukiran kag mga puno. Experiencing God in Nature. Ano pa gid ayhan si Pedro, gusto niya indi maghalin sa kahimayaan upod kay Jesus. Sang Katahom sang Gahom sa Dios. Gina pakita nga ni Jesus nga siya Dios sa gihapon. Hinigugma ko nga mga utod, sa aton kabuhi may mga tion man nga kaka-discourage kita kag kakadulaan sa paglaum. Basi nalipat kita nga may Dios nga gaupod sa aton. Kulang lang malapit kita sa Iya kag saka sa bukid sang paglaum upod kay Jesus. Taga sabado naga-hatag kami sang recollection sa graduating students sang isa publiko nga eskwelahan. May isa ka bata nga nag-storya sa iya esperyensya sang paglaum. Para may balunon siya adlaw-adlaw sa iya pag- eskwela siya naga-baligya sang mani kag ballot sa plaza. Hambal niya nahuya man siya pero kilanlan niya mag- ubra para matapos sa eskwela. Siya ga-ubra man bilang working student sa ila registrar. Sa sulod sa apat ka tuig puno gid siya sa paglaum kay ga-pati siya nga upod niya ang Dios. Gani sa palaaboton nga Marso 31 siya magraduate na. Aton siya palapakan kag ang Dios nga nag-upod sa iya. Gani kita man gina-agda sa nga paglakaton man sa gihapon sa aton kabuhi biskan ano kadamo sang kabudlayan nga aton masumalang. Nga-a? Kay tungod si San Pablo, sa aton nga ikaduwa nga balasahon nagapadumdom sa aton nga tagaan kita sang kusog halin sa Dios paagi sa Maayong balita. Gani kung nakapoy kana kag may mga luha sa imo mga mata indi gid madiscourage, kundi padayon sa paglakat sa imo kabuhi kay ang Dios may gin-hatag nga kusog sa imo. Amen? Amen! Kung nakita naton nga ang Dios gahatag gid sa aton sa paglaum sa aton mission nga kita man diri sa kalibutan mangin timaan kita sa paglaum para sa tanan. Nagalaum ako nga bag-o sang Dagway ni Jesus magahatag sa aton sang paglaum. Transfiguration brings Hope. Gani mamangkot ako subong sa inyo, kung magpuli ka sa inyo balay ukon mag-ubra sa imo opisina, naga- kakaencourage man ang mga tawo kung makita ka nila? Liliwanag ba ang kanilang buhay? Or they will experience brownout? Amen.