Deinde Romulus et Remus urbem condere

decreuerunt in locis ipsis ubi expositi educatique

fuerant. Sed de imperio inter eos orta est magna
contentio, et , ut res a diis diiudicaretur ,
adhibuerunt auspicia. Remus quidem sex uultures
uidit prior,Romulus autem paulo post duodecim. Hic
igitur augurio uictor urbem futuram aratro
designauit, et edixit ne quis sulcum uomere
circumductum transiliet. At Remus hanc fossam
sacram transiluit irridens. Tum uero Romulus iratus
fratrem interfecit his increpans uerbis:<<Sic deinde
malo afficiatur quicumque transiliet moenia mea>>.
Ita imperio solus potitus est Romulus,urbemque
nuper conditam uocauit Romam.