NABALLIGI NGA ISESERREK NI JESUS TI JERUSALEM

Bible Reading: Zacarias 9:9; Marcos 21: 1 19

Zac 9:9 Agrag-okayo, tattao ti Sion, agragokayo! Idir-iyo ti
ragsakyo, tattao ti Jerusalem! Kitaenyo, umayen
kadakayo ti ariyo! Umay a sibaballigi ngem
napakumbaba; umay a nakasakay ti asno, ti urbon ti
asno. Marcos 21: 1 19

Introduction: Pananglagip ken panangpadayaw iti

Dios
Mapan ni Apo Jesus diay Jerusalem tapno agatender ti
tinaw-en a Fiesta ti Paskua a) Importance of Passover
(Exodus 12:27) b) reunion dagiti Israelita c)
pannakapilida nga naindaklan a Tribu ni Apo Dios;
pannakawayawayada nga adipen dagiti Egipcio d)
pannangpanawda iti Egipcio ket mapanda iti promise
land.

Responsibilidad ti Gobierno: Maintain Peace and

Order
Significance dayta a Domingo: Maudi a Domingo sakbay
ti pannakatiliw, pannakailansan ken panagungar ni Jesus.
Adda importante nga ipakita ti naibasa nga leksyontayo
ita nga agsapa kakabsat:
I.PANNAIKAPALGAK NGA ARI KEN DIOS NI APO JESUS
Marcos 11:2 Sumungadda iti Jerusalem- addadan idiay
Bantay Olibo, nagbaetan ti ili nga Betfage ken Betania
pinauna dagiti 2 nga adalanna. Imbaonna ida iti
masungad a barrio nga mapanda alaen diay nakagalut
nga Asno no adda agsaludsod kunada nga ti Apo
masapulna a pagsakayan; paisublinanto met laeng a
dagus.
Ti Asno ususaren dagiti ari a pagsakayanda no
rumuarda (1 Ar-ari 1:33) ket kasapulanen ni Jesus daytoy
nga asno tapno matungpal ti padto ni Zakarias, 500 nga
tawenen ti napalabas iti isasangbayna iti Jerusalem:
Agrag-okayo tattao ti Sion, ag-dirikay tattao ti
Jerusalemm umayen ti ariyo a sibaballigi ngem
napakumbaba a nakasakay iti urbon ti asno.
Iti panakatungpal daytoy nga padto, adda dua nga ipakita
ni Jesus
1.Ipakaammona nga isu ti Ari dagiti Israelits ken
mannubbot ken mangisalakan; 2. Tignayenda dagiti
pangpangulo ti nadumaduma nga pammati tapno
aggarawda tapno matungpal ti pagayatan ti Apo nga iti
dayta nga Lawas tu Fiesta isu ti pannakatiliw ken
pannakapapatay ni Jesus. Ket isu ti nangrugian dagiti
papadi nga nangplano no ania ti aramidenda tapno dagiti
tattao agrebeldedanto ken Apo Jesus.
Sublianantayo dagiti pasamak idin naisangpet dagiti
adalan di urbon nga asno nga pagsakayan ni Jesus:

1. Adda nangikkat kadagiti kagayda key inyap-apda ti

bukot ti urbon nga asno; ket nagpukpukkawda a
magmagna iti sangoanan ket kunkunada
Madaydayaw ti Dios. Dagidi dadduma inikkatda ti
akinrabawa badoda, ket inyaplagda nga kas karpet iti
pagnaanna.
2. Dagidi dadduma, nagtukkolda iti sangsanga dagiti
olibo ken palmeras ket inwarasda iti pagdalanan ni
Apo Jesus. Isu dayta ti naawagan nga domingo
ramos. Isu nga no agpasiarkayo diay baba ita adu
dagiti nakaiggem iti nalagalaga nga bulong ti niog,
panglagip iti panagdaliasat ni Jesus nga mapan diay
Jerusalem.
3. Adu ti sumursurot ken Apo Jesus ta dagiti tattao isu ti
panagparada wenno libut kuna dagiti ilokano ta
impagarupda nga mapanen alaen ni Apo Jesus ti
tawidna a trono ni Ari David idiay Jerusalem. Sa
daydi laeng ti kanito nga impalubos ni Apo Jesus
kadagiti tattao nga ikkanda iti dakkel a pammadayaw
tapno ipakaammona kadagiti tattao nga adda idiay
Jerusalem nga isu ti Dios nga mannubbot ken
mangisalakan.
4. Daydi a kanito, ni Apo Jesus dandanin agbalin a
daton ti basol ti sangalubongan. Masapul ken daydi
nga oras nga maiturong amin a mata kencuana ta
kalpasan ti pannakailan- sananto idiay cruz saanen a
mailemmeng daytoy a pasamak ti sangalubongan.
Isu nga inaramid ti Dios nga iti okasyon iti maudi
nga aldaw ni Jesus adda naisangsangayan nga
pannakamarkana tapno uray aniaman nga umay a
pannakabalin saanton a malipatan ti kina Diosna.
5. Dagidi sumursurot ken Apo Jesus isuda ti
nangpaneknek kadagidi milagro nga inararamidna:
a. Dagidi bulag a naisubli ti panagkitada, isudan ti
magmagna iti sangoananna;
b. Dagidi umel nga nakapagsaon, isuda ti napigsa ti
pukkawna nga iririawda Hosanna, madaydayaw ti
anak ni David . . . Bendisionan koma ti Dios ti
umay iti nagan ti Apo. Madaydayaw koma ti Dios;
c. Dagidi pilay a naagasan, siraragsak a
naglagtolagtoda nga nagsepsep-ak kadagidi olibo
ken palmeras ket inwagaywayda iti sangoanan ni
Jesus; aduda pay;
d. Uray dagidi balbalo ken dagidi naagasan ni Jesus
inyaplagda dagiti luplupotda iti pagnaananna;
e. Ni Lazaro nga napagungar kadagiti natay,
nakaragragsak nga nangkadkadua ken Jesus; ket
Bayat iti parada immadu ti simmurot ken
nangipukpukkaw iti pammadayaw ken Jesus.
Matantannawaganen ti Jerusalem ket dagiti tattao
napalalo ti ragsakda ket pimmigsa ti riawda. Ngem iti
pangririawda, naiturong ti panagkitada ken Jesus tapno
kitaenda ti reaksyonna. Ket nasdaawda ta imbes nga
maragsakan ni Apo Jesus napnoan liday ti rupana ket
nagsangit metten. Apay?
2.Aldaw ti panangbigbigna ti pannakadadael ti
Jerusalem. Isu nga sililiday nga kinuna Jerusalem no
ammom la koma nga ita aldaw ti masapul tapno
maaddaanka ti kappia! Ngem dimo met makita.
Dumtengto ti aldaw nga bangenandaka dagiti kabusormo.
Darupen ken lakubendakanto ti amin a suli.
Dadaeledakanto a maminpinsan agraman dagiti amin a
tattaom iti uneg ti padermo. Awanto ti bato nga ibatida
iti sigud a yanna, ta dimo binigbig ti tiempo a yaay ti Dios
tapno isalannaka! Dagidi lideres ken papadi ti
iglesia kadagidi a kanito nagbalinda a bulsek ta
saanda nga binibig ti yaay ni Apo Jesus kadakuada.
Dagidi Judio saanda nga inawat ti mangisalakanda;
dandanin ilansada ti Ari iti krus ket umayton ti rabii ti
pannakairurumen ti Jerusalem. Sinangitan ni Jesus ti
siudad ta asidegen nga mailunod. Ket 40 years iti
napalabas, kalpasan ti pannakailansa ni Jesus idiay
Golgota, pinuoran dagiti soldados a Romano ti Jerusalem,
ket nadadaelen.
Daytoy nga siudad inay-ayatna ken inay-aywananna, ket
napno ti saem ti pusona ta asidegen ti pannakadadaelna.
Ta no dinengngeg koma dagiti tattao ti panursuro ni
Cristo, ket inawatda nga isu ti mangisalakan ken
mannubbotda, ti Jerusalem ket agtalinaed koma iti
agnanayon a kinapintasna. Ta manipud koma ti
Jerusalem, ti espiritu ti kappia, ket adda koma kadagiti
amin a pagpagilian.
Asidegen ni Jesus iti Jerusalem ket gapu ta nakaadadu ti
sumursurot kencuana, sinabat ngarud dagiti opisyales
ken papadi ket situturayda nga nagsaludsod .
Siasino daytoy a tao, sinaludsodda? (Mateo
21:10).
Simmungbat dagiti disipulos nga napnoan ti Espiritu
Santo ken inspirasion ket kinunada:
a. Ni Adan ibagana nga isu ti bukel ti babai a mangrim-
it ti ulo ti uleg.
b. ken Ari Kappia, ket ken Jacob, Isu ti Setro ti Judah
(Gen 49:10)
c. Mannakabalin a Dios, Agnanayon nga Ama, Prinsipe
ti Kappia (Isaias 9:6).
d. Ni Jeremias ibagana met, nga isu ti Kaputotn ni
David, isu ti Apo, Nalinteg ken Awan
Pagkurkuranganna;
e. Ket ni Oseo, kunana, isu ti Apo nga Kangatoan, ken
Agnanayon nga Dios;
f. Ni Juan Bautista, ibagana met Isu ti Kordero ti Dios
nga mangikkat ti amin a basol ditoy lubong;
g. Ket ni Yaweh indeklarana iti tronona Daytoy ti
Dinongdungok nga anak,
Ket dakami nga disipulos ideklarami met, Daytoy ni
Jesus, Naibaon a Mangisalakan ditoy lubong, Prinsipe ti
Kappia ken Manubbot;
Ket uray ti Prinsipe ti Sipnget, ket binigbigna pay ni
Jesus, kinuna, ammok no Siasinoka, sika ti maymaysa a
Nasantoan nga Dios.:
Datayo met kakabsat, ania met ti maibagatayo no
agsaludsodda kadatayo maipanggep ken Apo Jesus?
Maibagatayo kadi iti amin a puso, panunot ken Aramid
nga ni Apo Jesus, isu laeng ti Dios ti biagtayo, nga immay
ditoy rabaw ti daga, nangikaro kadagiti basbasoltayo
babaen iti pannakailansana iti krus idiay Golgota, natay
ket naikali ngem nagungar iti maikatlo nga aldaw, ket
datayo nga immawat kencuana ket nagbalin nga
annakna, inton pumanaw tayton ditoy rabaw ti
daga,mapantayto met makipagnaed kencuana sadi Gloria
a Pagarianna.

Ita nga aldaw kakabsat, selebrasyon ti naballigi

nga iseserrek ni Apo Jesus, sadiay Jerusalem. Masapul
ti panagmaymaysatayo nga agkakabsat iti pammati. No
adda man saan nga napintas a pasamak iti napalabas
nga alaldaw, agpipinnakawantayo, ikkatentayo ti saksakit
ti nakem ket agmaymaysatayo met nga mangipukkaw,
Hosanna ti Anakken Ari ni David, Bendito ti umay iti
Nagan ni Apo Diuos. Madaydayaw iti Dios nga Kangatoan
ken awan Patinggna. Madaydayawka Apo Jesus! Agrag-o
ken Agragsaktayo ta addan NI APO JESUS nga aritayo ken
Diostayo! Amen!