LANDOI OM BONONG

Id iso liwotung tagayao, kiwaa o landoi om bonong poingion id suang dii. Insan tadau
soira mimpanau i Bonong do mogium taakanon, kokito disio i Landoi masai-kasai.
Nokuro ko oi Landoi? ka di Bonong minoguhot. Nakasawit oku rongilut ka di Landoi
minonimbar. Soira nokokito di Landoi do nakasawit rongilut di, ongoyo no di Bonong
uhupai mongidu do rongilut i nokosowitan di Landoi. Mantad di, miambalut nodi i
Bonong di Landoi mimpanau id liwotung mogium do taakanon.

Insan tadau maso diolo mimpanau, kokito diolo tontolu do lampam I pointirung-tirung do
roun. Louson oku, ongoyo kito akano lo tontolu lampam ka di Bonong pinoburung di
Landoi. Yoho nogi nga louson no ti ka di Landoi mimpai osikap minintolon tontolu di
lampam. Pintalanan diolo I tontolu di lampam gisom naawi om pogidu tomod yolo minoi
lisok tu orosian okosupan di Lampam. Luminisok om minagandad yolo doros i
pinogontoluan di Lampam gisom nokorikot isio. Kotigog i Lampam nokokito tontolu
disio aiso no miampai minimpalak do isai minagampalas o tontolu ku. Mingkokol po yo
Bonong duo di Landoi do kokito di Lampam do mingangau tu natagakan o tontolu
koupusan disido tu kumoinsaan nogi do minogontolu.

Suai ko iri, naamot di Tuntul mamanau id watang di otoood kokito po dio Bonong di
Landoi om piangat no mongoi pangasou. Tuntul nokuro tu otood ko mamanau,
intangai oku bo dogo tu osiau ka di landau miningkiwos do monginsasana. Aiso simbar
di Tuntul tu noilaan no yolo nopo ti nga asarau magasou mogigion id suang do liwotung
di. oi botutong nokuro tu miagal ko tuod do barasan ka di Bonong miampai minanap
do tuntul di Tuntul. Karatu no i Tuntul lobi saalom po kopio.

Insan tadau minongoi da yolo di pogium do taakanon kokito yolo bangkala i ogumu
tanak sada do poinsuang. Om pimboros I Bonong do kano moi intong ilo suang nung
ogumu tontolu lampam kumaa di Landoi. Kosuang podi yolo di bangkala om au nodi
nokosoliwan tu noowit yolo tulun do pinosuang balatak om pinatai yolo do akanon tulun
di.