1.

0 HOGOT OM PENGKOMPUTERAN

1.1 Hogot
Hogot nopo nga iso unit mantad do boros I kiwaa rati om nadadi mantad iso toi ko lobi
morfem. Suai ko ii, hogot nopo nga mantad do iso guas boros I kiwaa toi ko aiso afiks.
Piomungan do hogot nga kobontuk do frasa, klausa, om panandatan.

1.2 Pongkomputeran Do Hogot Id Boros Kadazandusun

Pongkomputeran nopo nga kokomoi ( maan, proses, ssp) popokomputer (maklumat, ssp),
ponggunaan toi ko sistom komputer montok popoindalan / mongundali. Pongkomputeran do
hogot nopo nga kirati do posuangon i boros id iso sistom i momoguno teknologi do
komputer.

Pongkomputeran id Boros Kadazandusun nopo nga notimpuunan no. Kiwaa no

pongkomputeran sistom Boros Kadazandusun om milo gunoon id internet. Sundung po do
ingkaa, komoiboros i nokosuang id internet nopo nga okuri om au ogonop kopio. Kiwaa
ogumu po goos di kawasa do wonsoyon montok momogonop toi ko popoingkawas
kinoingkokoton do pongkomputeran id Boros Kadazandusun.

Wookon nopo goos do tulun id pongkomputeran do Boros Kadazandusun nopo nga,

momoguno do blogspot montok manahak piipiro rati do boros. Poomitanan nopo do
blogspot nokomoi nga milo momoloyog do http://somporiding.blogspot.com/2008/10/kamus-
bahasa-malaysia-ko-bahasa-dusun.html om https://glosbe.com/dtp/ms/Kadazandusun.

Suai ko ii, kiwaa nogi goos do minomonsoi aplikasi flash card Boros Kadazandusun.
Aplikasi nopo diti nga milo loyogon toi ko onuon id google playstore. Maya do aplikasi diti,
kaanu tongotulun balajar boros Kadazandusun id hombo nopo, momoguno do tolipaun.
Sumusuhut, isai nopo tulun nga kaanu balajar boros Kadazandusun maya do aplikasi diti.

Flash Card id Boros Kadazandusun

1.3 Kounalan

Kiwaa ogumu kounalan do hogot om pongkomputeran montok tulun ginumuan. Wookon

nopo nga koponguhup id proses pangajaran om pambalajaran. Maya do kinoburuon
pongkomputeran id boros, asanang o mongingia popoindalan proses pangajaran do boros.
Suai ko ii, osonong o tangaanak om mongingia mogihum rati do boros miampai amu minog
mongigit do buuk (komoiboros) di tangagayo.

Sumusuhut, koponguhup nogi montok popointutun do isoiso boros. Kaanu o tulun

mongilo om mongintutun boros do suai. Mantad no do hiti, ointutunan isoiso boros maya do
pongkomputeran do boros.