Paglalahad ng Suliranin

Naniniwala ang mga mananaliksik na makakatulong sa pagtaas ng marka ng

mga estudyanteng kumukuha ng Bachelor of Science in Accountancy ang pagkakaroon

ng wastong study habit na naaangkop sa kanilang sarili.

Tinitiyak sa pag-aaral na ito na sagutin ang mga sumusunod:

1. Anu-ano ang mga estratehiya na makakatulong sa pagpapaangat ng marka

ng mga Accountancy students?

2. Anu-ano ang mga relasyon ng mga estratehiya sa pag-aaral ng mga

estudyante patungkol sa mga piling baryabol:

Study habit

Academic Standing
Saklaw at Limitasyon ng Pag-aaral

Ang pag-aaral na ito ay isinagawa sa Unibersidad ng San Jose-Recoletos sa

Magallanes St. Cebu City, sangkot ang mga mag-aaral na kumukuha ng kursong

Bachelor of Science in Accountancy. Tinatalakay sa bahagi ng papel na ito ang tungkol

sa study habit ng mga estudyante. Nakatuon ito sa mga estratehiya sa pag-aaral na

naaangkop sa kanilang mga sarili.

Ang pananaliksik na ito ay nalilimitahan lamang sa pagtalakay sa mga

estratehiya sa pag-aaral na makakatulong sa pag-angat ng marka na makukuha ng

mga estudyante. Binibigyang pokus sa papel na ito ang mga sumusunod na

estratehiya: Visual Strategy, Auditory Strategy, Read & Write Strategy, at Kinesthetic

Strategy.

Simula pa noong mga taon na nagdaan hindi na talaga maipagkakaila na ang

kursong Bachelor of Science in Accountancy ay sadyang napakahirap. Sa araw ng

pagtatapos ay mapapansin talaga na iilang mga mag-aaral nalang ang nagtapos bilang

accounting student. Itoy hindi na ikinagugulat ng nakakarami sapagkat ang daan para

makuha ang titulong Certified Public Accountant (CPA) ay hindi talaga madali.

Sa kursong ito, matira talaga ang matibay. Bawal ang tatamad-tamad kung gusto

mong makapasa. Hindi naman dahilan ang pagka-komplikado ng Accounting kung bakit

konti lang ang nakakalagpas. Masasabing marami ang mga salik kung bakit ito

nangyayari, isa na rito ang hindi pagkakaroon ng tama at epektibong study habit.

Likas na sa mga Pilipino na sinasabi ang mga katagang: Bahala na, kaya

panahon na ngayon para baguhin ito. Ang pangangailangan ng epektibo at mabisang

estratehiya sa pag-aaral ang nag-udyok sa mga mananaliksik para maisagawa ang

pag-aaral na ito.

Kahalagahan ng Pag-aaral

Ang pag-aaral na ito ay mahalaga at makakatulong sa mga sumusunod: Una, sa

unibersidad, upang mabigyang pansin ang mga mag-aaral na kulang at hindi alam ang

tamang study habit para sa kanila. Makakatulong ito na mas makilala ang paaralan

dahil sa kalidad ng edukasyon tungo sa pag-aaral ng mga estudyante. Maaari silang

makakuha ng ibang estratehiya na pwede nilang ibahagi sa iba pang mag-aaral sa

unibersidad.

Pangalawa, sa College of Commerce, makakadaragdag ito sa mga

estudyanteng gustong mag-enrol sa mga kursong nasasakop sa kolehiyo na ito. Mas

mapapadali ang sistema ng pagtuturo ng mga guro at ang pagkakatuto ng mga

estudyante.

Pangatlo, sa departamento, nakakatulong ito na mas madagdagan o tumaas

ang porsyento ng mga makakapasa sa CPA Board Exam. Mapagtitibay din ang

relasyon ng guro at estudyante. Sa pamamagitan nito ay wala ng mababagsak sa

Accounting.

Pang-apat, para sa mga estudyante, madadagdagan ang kanilang kaalaman at

mapagsisikapan pa nila ang kanilang pag-aaral dahil sa iba pang mga estratehiya.

Makatutulong din ito upang mas makilala pa ng mga nasabing mag-aaral ang kanilang

mga sarili. Magkakaroon sila ng ideya kung anong estratehiya sa pag-aaral sila mas

magiging komportable nang sa gayoy mas makakapag-aral sila ng mabuti at mas

maintindihan nang maayos ang mga aralin na makakaangat ng kanilang mga grado.
 Panghuli, sa susunod na pag-aaral, maaaring gamiting batayan ng mga

susunod na mananaliksik ang mga impormasyong nakalap ng mga kasalukuyang

mananaliksik. Magkakaroon sila ng inspirasyon at tulong para sa pag-aaral nila at

upang makatuklas pa sila ng ibat ibang ideya kung ano bang estratehiya sa pag-aaral

ang maaari nilang gamitin na mas makakatulong para sa kanilang pag-aaral.