Paglalahad ng sariling kritiko sa kahinaan ng ideya.
Ang wika ay isa sa pinakamakapangyarihang instrumento ng isang
pulitika. Ayon sa Wikang Pilipino Atin ito ni Dr. Consuelo Paz, ang standardisasyon ay nakakabahala, gayunpaman siya mismo ay gumagawa ng sariling ayos sa pagbuo at pagbabago nito. Kung tutuusin, ang usaping standardisasyon ay nakabatay sa kung kaninong lente ng ideya ang gagamitin. Kung ang usaping epekto man lang ang batayan niya rito, malaking epekto nito sa kultura na gusto niyang palawakin. Hindi pagkayaman sa ideya ang magiging bunga nito. Kundi, itoy isang banta ng pagkasira, at pagbabago sa isang puridong karunungan ng wikang nagmula sa mga ninuno ng mga tao sa lipunang ito. Tinatanggalan ng identidad ang mga nakasanayang wika sa paghahalo nito sa isat isa na nagiging dahilan ng isang magulong sistema na dulot ng masyadong malaya na kapangyarihan ng bawat isa.
Ang wika ay may malaking impluwensya sa sikolohiyang aspeto ng bawat
isang tao. Kung ating hihimayin ang punto ni Dr. Consuelo, gusto niya ng pagkakaisa ng wika o tinatawag niyang unification. Pero sa kabilang banda, masama ang magiging dulot ay ang pagkawala, pagkalabo, pagkagulo, ng mga nakagisnang materyal at kultura ng isang lipunan. Magkakamag anak na wikay maglalaho at magiging isa. Ang dagdag bawas ng mga letra at ang kawalan ng pagiging kritikal sa pagtanggap at pagbigay ng mga salita ay magdudulot ng kaguluhan sa isang sistema. Maaaring gusto lamang niyang bigyan ng kapangyarihan ang lahat na magsulat at magsalita pero hindi napansin ang masamang magiging dulot nito upang sirain ang standardisasyong diwa ng mga ideya sa wika. Ang pagiging Kritikal ay nakakatulong upang isa-ayos at madaling matukoy kung ano ang problema ng dumadaloy na ideya sa lipunan. Itoy hindi pagkontrol bagkus, itoy pag-oorganisa ng mga binibitawang salitang pormal upang maging mas kapakipakinabang sa mga susunod na henerasyon. Bilang pandagdag, tila ang wikay parang ginawang isang bugaw sa dayuhan na kung saan hinahayaan na lamang nitong ipagalaw ang katawan at pagpigil sa pagiging kritikal kapalit ng kapangyarihan at pagkakaisa. Filipino ng mga Pilipino ni Virgilio Almario
Paglalahad ng sariling kritiko sa kahinaan ng ideya :
Ang mga nakasulat sa literaturang ito ay sadyang kahanga-hanga at pinag
isipang mabuti ang paggamit ng bawat letra nito sa bawat pangungusap sa pamamagitan ng paggamit ng standardisasyon na nagmula pa sa UP diksyonaryo. Gayunpaman, aking bibigyang pansin dito ang malikhaing paggawa ni Virgilio Almario na kaniyang tinutukoy sa literaturang ito. Sa patuloy na pagbabago ng panahon at henerasyon noon at ngayon, kasabay nito ang patuloy na pagdaloy ng wika at interaksyon sa paligid, marahil may mga bagay na hindi mapigilang mahiram mula sa mga kapit bahay nating dayuhan. Ang sariling hilig ay parang isang balang ibinaril ni Almario sa kaaway at bumalik sa sarili. Ang pagtatayo ng standardisasyon ay may kaakibat na sariling desisyon at tama sa paningin na siya namang isang kapangyarihan at impluwensya mula sa sarili. Ang pamana sa nakaraan ay matagal nang may bahid politikal at impluwensya dulot ng kolonyalisasyon. Kung gayunman, pinapakita lamang rito ay hindi kung ano ang tama na gamitin pero itoy isang pagbasag sa kaaway at pag-aangat ng ideya mula sa sariling perspektibo. Ang pagiging kritikal ay hindi lamang dapat ituon sa kung ano ang dapat na tama sa paningin ni Almario, bagkus itoy nararapat na busisiin ng mataimtim at pagiging kritikal na pagsusulat ng wika sa larangan ng akademya.