Professional Documents
Culture Documents
Paghihintay
Paghihintay
Napipipi ako sa lahat ng mga pangyayari, kaya ngayon hindi ko masabing manatili ka na lamang sa
aking tabi
Nabubulag ako, hindi ko na makita ang kinabukasang kasama kita
Nabibingi ako, sa ingay na gawa ng aking isipan
sa nakakabinging mga gunita ng mga alaalang kasama ka
sa nakakabinging imahinasyon sa hinaharap na naroroon ka.
Marahil, una pa lang, nakatadhana kang lumisan,
nakatadhana tayong di magsama nang matagal,
nakatadhana tayong magtagpo,
ngunit, hindi tayo nakatadhana.
Sa sobrang ikli ng ating kapalaran,
hindi natin natalo ang tagal ng biyahe sa kalakhang Maynila,
ang tagal sa paghihintay ng sasakyan pauwe
Pero, ano pa nga ba'ng aking magagawa, kundi tanggapin ang lahat.
Pag-aaralang makalimot muli sa ganitong mga laro
at isusumpang muli na hindi na sasali sa larong tadhana ang kalaban.