Pinahabol mo ako.
Naririnig pero hindi naman talaga
At ang laki ko namang tanga kasi hinabol rin
kita.
Kahit pa alam kong sa duloy may nanalo na.
Kahit alam kong gaano man kabilis ang aking
takbo
Talunan pa rin ako.
Kailan ba ako nanalo?
Una sa mundo, ngayong sa pag-ibig mo.
Pinahabol mo ako
At hinabol din kita
Kahit hapong-hapo na
Kahit nagmumukhang tanga
Kahit alam kong sa duloy mayroon nang iba.
Inakala kong pwede baguhin ang istorya
Kung saan ako yung magiging bida
Kasi ayokong maging pangalawang aktres na
naman sa iyong pelikula.
Umasa akong sa susunod na pahina
Ay magiging kuwento naman nating dalawa.
Hindi pa pwede?
Bawal ba na pangarapin ka?
Na sanay ako ang larawang tinitignan ng iyong
mga mata?
Ang ngiti ng iyong mga labi
Ang kamay na sa luha moy pumapawi
O ang unan mong inaakap tuwing nag-iisa
Di kayay ang paborito mong kanta sa gitara.
Mali ba? Na magbakasakaling ako naman yung
bida?
Matagal na akong na likod ng kamera.
Ang iyong panandaliang panyo sa tuwing iiyak
ka.
Ang iyong panandaliang libangan sa tuwing
mag-aaway kayong dalawa.
Ang iyong panandaliang panakip-butas sa
puwang na iniiwan niya.
Puro nalang panandalian.
Nagmamadali ka ba? Kasi ako, gusto kong itigil
ang lahat pag nariyan ka.
Kahit ang bukambibig mo lagi ay pangalan niya.
Hindi mo ba talaga alam o nagbubulag-bulagan
ka lamang?
Andito ako oh. Palagi.
Nakikita pero hindi mo naman talaga tinitignan.
pinakikinggan.
Siguroy sasabihin mong, ang damot ng mga
salita ko
Na wala na akong inisip kundi sarili ko
Tama, gusto ko namang ipagdamot ka
Kahit minsan man lang, gusto kong may
ipagdamot sa iba
Kasi inubos ko na ang aking sarili para sa kanila.
Ikaw nalang ang natitira.
Palagi nalang ako yung nasa likod ng kamera.
Pwede bang ako naman yung bida?
Bakit mo kasi sinanay na nariyan ka?
Bat ka nag-iwan ng mga bakas na
nagpapahiwatig na sundan kita?
Inakala tuloy na may pag-asa.
Wala pala.
Bat mo pa hinawakan ang kamay kung
bibitawan mo rin naman?
Bat mo hinayaang mahalin kita kahit iiwan mo
rin naman?
Huwag kang magbulagbulagan
Pakiusap. Tingnan mo naman ako kahit sa
unang pagkakataon man lang.
Binigyan mo ako ng mga pakpak para liparin ko
ang kalawakan
Pero ako lang pala ang lilipad, bat di mo ako
sinabihan?
Pinahabol mo ako
At hinabol din kita
Kahit alam kong sa duloy may naghihintay na
sayong iba.
Nagmumukhang tanga. Hindi na kita maabutan.
Makalipas ang ilang taong nagdaan
Matapos ang pagtakboy walang pinatunguhan,
Huli nang aking malaman
Hindi pala ikaw ang nagsimula ng habulan.
Nakakatawang pakinggan.
Tumatakbo ka lang pala papalayo sa akin, bat di
mo ako sinabihan?
Hindi ka pala nagpahabol
Kusa lang talaga akong naghabol.
Umasang baka sa dulo, ako naman yung bida
Ang pangunahing aktres sa yong istorya.
Ang tanga. Ang tanga, tanga.
Wala pala talagang karera
Kasi sa umpisa panalo na sya.
Ako lang yong umasa.