salamat mahal sa mga araw ng pagbigay sakin ng kaligayahan

sa mga oras ng nababalot ito ng kalungkutan

ikaw ang nagsilbing liwanag sa madilim kong daanan
natungo muli sa landasin at mga pangarap kong nais makamtan

Isa ka sa mga pangarap kong nais sanang matupad

ngunit di ko man lang naasam at binali agad
alam kong nasaktan kita kaya humihingi ako ng patawad
ngunit buo na ba talaga ang desisyon at ang galit moy nasagad?

ang balakid sa pagkatha ng ganitong tula

ay ang unti unting pagpatak ng aking mga luha
mababasa ang papel, magugusot o maaring masira
na parang yung tiwala mong tila ba nawala

Ang isang pamamaalam paano ko ba sisimulan,

totoong ikaw nga ay nakilala ng biglaan
at biglaan din akong umibig na di ko napigilan
ngunit biglaan din pala tayong matatapos ng di ko inaasahan.

Labis na kalungkutan ang sa puso koy namumutawi

Ang hirap ng ibalik ng mga ngiti sa labi
Ang mga nasambit, hindi na ba maaaring mabawi
At mapalitan ng saya muli, ang nararamdamang pagkasawi.

Salamat mahal at yung pagibig moy aking naramdaman

Mga layunin mo sa buhay sana ay iyong makamtan
Mahal kita yun lang ang sana'y iyong pakatandaan
Ngunit ngayon ako munay magsasalaysay sa aking basang unan

Salamat pa din mahal sa buhay ko'y ikaw ay dumating

Salamat sa pagpaparamdam sakin ang langit sayong piling
Salamat sa pagiging puso at ako ang naging saging
Kaligtasan at kasiyahan mo'y tangi ko lamang hinihiling.