pa. Yung masakit na natitiis pa. Yung masakit na itutulog o ipipikit mo lang ang iyong mga mata ay ayos na. Yung masakit na naramdaman ko nang makita ko sa selpon mo ang pangalang mahal. Natahimik ako sandali. Nanlamig ang aking katawan. Ninamnam ko ang bawat minuto noong oras ng pagsulyap, aking nalaman. Sino tong gagong to. Hanggang sa pag uwi ko sa bahay, inaatake ako ng selos. Ang hirap pag yung nagustuhan mo ay parang diwata sa ganda na mapapatingin yung iba, ngunit hindi ka dapat makaramdam ng selos kasi wala ka namang karapatan diba? Masakit. Hindi ako pinatulog ng aking isip. Nakatira ako sa sariling panaginip, hindi ko mabatid. At kinain na ng dilim ang pighati't sakit. Ang ikalawa, ang mas masakit. Yung mas masakit na medyo kaya pa. Yung mas masakit na medyo natitiis pa. Yung mas masakit na labas pasok ang patalim sa puso ko pero nasasanggahan pa. Yung mas masakit nang nalaman kong kayo na pala. Mas masakit na makita na ang saya niyong dalawa, samantalang ako NGANGA. Mas masakit na makita na magkahawak ang inyong mga kamay sa kawalan at nagpapalitan kayo ng masasarap na ngiti sa isa't-isa. Mas masakit. Nakalipas ang ilang araw at ang buwan, aking napagtanto. Ang salitang kaibigan ay isang mabigat na termino. Ako yung kasama mo lagi kapag iiyak ka. Ako, yung sasabihan mo ng problema pag inaaway ka niya. Ako, yung kasama mong kumain sa labas nang hindi siya sumipot sa date niyong dalawa. Ako yon. Ako yon. Ako lang naman yon. Ang kaibigan mo, kaibigan mo lang. At eto na, ang pinakasukdulan sa lahat. Hindi ko alam kung bakit sa dinamirami ng tao, sayo ko pa ito naramdaman. Ang pagsisisi ko'y umaapaw malapit na itong sumabog. Kaya eto na, ang pinakamasakit. Ang pinakamasakit sa lahat ng masakit. Ang pinakamasakit na hindi ko na kaya. Ang pinakamasakit na hindi ko na matitiis pa. Ang pinakamasakit na hindi kaya ng tulog para makalimutan na. Ang pinakamasakit na parte ng istorya, ang hindi pag-amin sayo na mahal kita. Mahal kita. Mahal parin kita. Sa araw araw nating pagsasama, dala ko ang iyong gamit sa eskwela, pinapayungan kahit mainitan o mabasa man. Kasama kita sa saya at lungkot, kaya ako itong si tanga, nag assume na baka may something sa ating dalawa. At ngayong nasasaktan ka na, dahil sa kanya, wala akong magawa kundi damayan ka. Paano ko sasabihin sayong mahal kita kung ang lagi mong bukambibig ay ang pangalan niya. Ang pangalan niyang nakatanim dyan sa puso mo. Ang pangalan niyang gasgas na gasgas na sa utak ko. Ang pangalan niyang paulit ulit na tumutusok sa puso ko. Sawang sawa na ako, dahil sa bawat oras na umiiyak ka sa tabi ko, naiisip ko na hindi mo deserve itrato ng ganito. Dahil hindi sa lahat ng pagkakataon, pag ibig ang sagot diyan sa kakulangan sa pagkatao mo. Minsan, ayos na ang salitang kaibigan na kahit masakit sa parte ko, kung yun naman ang bubuo sayo, tatanggapin ko, dahil mahal kita. Mahal kita. Mahal ko.