Professional Documents
Culture Documents
TaxReform GabayTalakay
TaxReform GabayTalakay
Sa ilalim ng TRAIN, bababa ang personal income tax ng mga kumikita ng mas
mataas kaysa minimum wage, at may mas mababang 6% flat rate para sa estate
(mana) at donor (mga donasyong higit P100,000.) taxes.
Pero pantay lamang ang halaga na bubuwisin sa kanila sa mga dagdag na buwis
samantalang babawasan pa nga ang sisingiling buwis sa pinakamayayaman.
Tandaang walang ganansya sa mas mababang personal income tax ang mga
kumikita ng minimum wage pababa dahil exempted sila sa pagbayad nito.
Habang mainam para sa ilang nasa middle class ang mas mababang personal
income tax, hindi makatuwiran na babawasan pa ng obligasyong buwis yaong
mga kumikita na ng limpak-limpak na salapi. Hindi makatuwiran na bigyan ang
isang corporate executive na kumikita na ng Php 303,059 kada buwan (o Php 3.7
milyon kada taon) ng dagdag na Php 1,212. Hindi rin makatuwiran na ang chief
executive officer ng isang kumpanya, na kumikita ng Php 706,017 kada buwan (o
Php 8.5 milyon kada taon), ay buwisan lamang ng Php20,694.
Isakatuparan ang progresibong tax system: Taasan pa ang direct taxes gaya ng
personal income tax at corporate income tax; at babaan pa ang indirect taxes
gaya ng VAT at iba pang buwis sa produktong pangkonsumo.