9-Rutherford Artifact Blg. 1 January 29, 2017 Layunin: Nakakasulat ng pagpapahalaga sa mga naiambag ni Dr. Jose Rizal sa Pilipinas.
Maraming mga dakilang bayani ang nagbuwis ng kanilang mga
buhay para sa lupang sinilangan. Isa sa mga bayaning ito ay si Jos Protacio Rizal Mercado y Alonso Realonda o mas kilala sa pangalang Dr. Jose Rizal. Si Dr. Jose Rizal ay maraming naiambag at nagawa para sa ikabubuti ng kanyang bayan ngunit ang mga ito ay unti-unti ng kinakalimutan ng mga Pilipino. Marami na ang nakakalimot kung ano ang nagawa ni Dr Jose Rizal para sa ating bayan kaya paano nga ba natin papahalagahan ang mga naiambag ng bayaning ito? Bilang isang kabataan , papahalagahan ko ang mga naiambag ni Rizal sa pamamagitan ng paggamit ng ating pambansang wika na wikang Filipino.Hindi ko gagamitin at papahalagahan ang wika ng ibang bansa dahil mas importante at mas bibigyan ko ng pansin ang ating sariling wika. Mapapahalagahan rin natin ang kanyang mga naiambag sa pamamagitan ng pagtangkilik ng sarili nating produkto at pagsunod sa mga batas at sa pamamagitan ng paggawa ng mga ito ay nagpapakita tayong mga Pilipino ng nasyonalismo o pagiging makabansa.At ang huling pagpapahalaga sa kanyang mga naiambag ay ang pagsasabuhay sa mga aral na naituro ni Rizal sa bayan. Bilang isang estudyante, mapapahalagahan ko ang mga naiambag ni Rizal sa pamamagitan ng pagbabasa ng mga nobelang kanyang naisulat kagaya na lamang ng El Filibusterismo at Noli Me Tangere, dahil dito ay malalaman mo kung gaano kalupit ang pagtrato sa mga Pilipino ng mga Kastila. Ito ang nag udyok sa mga Pilipino na lumaban para sa kalayaan ng ating bansa sa kamay ng mga dayuhan. At ang pinaka importanteng pagpapahalaga ay ang pag-aaral ng mabuti. Sabi nga ni Rizal Ang kabataan ang pag asa ng bayan, naniniwala si Rizal na ang kabataan ang daan sa pag unlad ng ating bansa at ang edukasyon ang magiging susi upang maisakatuparan ito.