Huling Kabog

Akmang tatalon na ang babae mula sa pinakataas na palapag

ng gusaling kaniyang kinatatayuan. Hindi ako makahinga. Ang bilis
ng kabog ng aking dibdib. Tilay may kabayong naghahabulan sa
dibdib ko.
Nangangatog na ang kaniyang tuhod. Takot siya. Oo, takot
siya. Kitang-kita sa kaniyang mga nanlulumong mga mata.
Tatalon na ako! Ayaw ko nang mabuhay! Paiyak na sigaw
niya. Tumulo pa ang isang malakristal nalikido mula sa kaniyang
mata.
Maraming mga tao ang nagkukumpulan. Naghihiyawan. Silay
natatakot na baka tumalon ano mang segundo ang babae.
Bumaba ka na diyan! Walang maidudulot na mabuti ang
pagpapakamatay, iha! Maawa ka sa sarili mo. Bumaba ka na. Rinig
kong sigaw ng mga tao, parang mapuputol na ang mga ugat nila sa
leeg sa kakasigaw.
Kita ko ang isang lalaking aligaga, hinahawakan niya ang
kaniyang telepono. Siguroy tumatawag siya ng magsasaklolo sa
babae. Panay ang tingin niya sa babae.
Isang paa. Isang paa nalang ang nakasandal sa kaniyang
kinatatayuan. Isang paa niya rin ang nakalutang sa ere.
Si ginawa niyang iyon napasigaw ang lahat. Kinabahan ako.
Lahat ng nakatitig sa kaniya kung hindi tulala, aligaga.
Diyos ko, maawa ka sa kaniya! Huwag niyo pong hayaan na
mamatay siya! Sigaw ng matandang babae habang nakaluhod at
umiiyak. Naawa ako sa kaniya. Parang maiiyak na rin ako ngunit
pinilit kong isawalang bahala siya.
Biglang lumakas ang hangin. Sandaling tumigil ang ikot ng
mundo ko. Nawalan ako nang balanse at tuluyan na akong nalaglag.
Oo, ako.
Paalam mundo ng pighati. Huling sambit ko.
DubdubDubdub Huling kabog ng nagdurusa kong puso.

Brenda Balana Awtput sa Filipino 10 6/13/17

Baitang 10 Pangkat Aphrodite Bilang 1 Gng. Grine