LOKAL

Naglab-ot sa kapin 95 ang numero sang kaso nga rape

ukon pagpanglugos sa South Cotabato.

Gin pahayag ni PCI Rey Egos, Chief sang investigation

section sang SCPPO, nga kadam-an sa mga biktima lunsay
mga lamharon pa ang edad.

Gin pahayag sini nga kasami mabiktima ang mga kabataan

bangud sa pakigkita sa mga textmate ukon ang pag-eye-
ball sa chat.

Gin pahayag ni Egos nga mas gin pabaskog pa sang South

cotabato police provincial office ang information
campaign ilabi na sang mga malagyo nga barangay para
hindi magdamo ang kasubong nga kaso.

Magluwas suno pa sa pakigtxtmate kag eyeball,

nakapagkit man ang SCPPO sa mga pagpanglugos sa mga
kabataan sang ila nga tatay ukon tiyo nga kasami naga
luntad sa mga panimalay.

Ang nasambit nga pahayag ang kadungan sa celebrasyons

ang childrens month sa Koronadal city nga may tema “
bata iligtas sa illegal nga droga”

LOKAL

Ginalauman ni City Environment and Natural Resources

Officer (City Enro) Augustus Bretana nga ma-umpisahan
na ang konstruksyon sang sanitary land fill (SLF) sa
labing madali nga panahon matapos nga nagpatigayon sang
pagsinapol ang nasambit nga talatapan kag ang
contractor sang amo nga proyekto.

Nahibalu-an nga liwat nga nadelatar ang konstruksyon

sang SLF bangud sa gamay nga pagbag-o sa bahin sang
slope sini, apang ginalauman nga mapinalisar na ang
nasambit nga proyekto kag maaprobahan sang project
management team agud ma-umpisahan na ini. Samtang,
bangud sa liwat nga pagdelatar sang konstruksyon sang
SLF, liwat na naman nga magapangayo sang dugang nga
plaso yadto sa banwa sang Surallah ang lokal nga
pamunu-an sang Koronadal para sa paghaboy sang basura
sa nasambit nga banwa.

Ginpahayag ni Bretana nga mangin problema sang syudad

ang pagdata sang basura sa ti-on nga indi na maghatag
pa sang konsiderasyon ang banwa sang Surallah.
Nahibalu-an nga tubtub na lamang sa bulan sang
Nobyembre ang ginhatag nga higayon sa syudad sang
Koronadal agud maghaboy sang basura sa SLF sang
Surallah matapos nga nagpangayo sang dugang nga plaso
ang syudad.

NATIONAL

Gilayon nga napakanta si Pangulong Rodrigo Duterte sa

ginpatigayon nga gala dinner sang Association of
Southeast Asian Nations (ASEAN).

Gin amba snag presidente ang kanta nga “ikaw” kung sa

diin ka duet sini si Pilita corales.

Gin pahayag snag presidente nga gin pati nya gid lamang
ang kamanduan ni US president donal trump.

Gin patigayon ang gala dinner sa SMX Convention kung sa

diin gin umpisan ang event pina-agi sa traditional nga
wine toasting.
INTERNATIONAL

Nag lab-ot sa kapin 33 katao ang patay matapos nga

nasunog ang train sa Democratic Republic of Congo.

Nagluntad ang insidente sa Buyofwe sa probinsya sang

Lualaba.

Sa inisyal nga imbestigasyon sang mga otoridad may

karga nga mga flammable materials ang nasambit nga
train.

May byahe naman ini padulong sa Lubumbashi, ang ika

duwa sa pinakadako nga syudad sa congo.

SHOWBIZ

Gin kilala bilang Best Southeast Asia Actor 2017 sa MTV

Europe Music Awards ang actor/singer nga si James Reid.

Nalabawan sang 24-anyos nga actor ang anum nga iban pa

nga mga artist kasubong nanday Faizal Tahir sang
Malaysia, Dam Vinh Hung sang Vietnam, Isyana Sarasvati
sang Indonesia, Slot Machine sang Thailand, The Sam
Willows sang Singapore kag Social wildcard winner
Palitchoke Ayanaputra sang Thailand.

Ang nasambit nga anunsyo ang mas gin paaga snag isa ka
semana antes igapatigayon ang 2017 MTV EMA sa Wembley
London, United Kingdom.

SPORTS

Nagbubu ang nagapalab-ot sang kalipay kay Los Angeles

Lakers Lonzo Ball matapos nga nakapagkit sang record
nga triple double.

Ini apisar nga napaslawan ang grupo sa kamot sang

Milwaukee Bucks 98-90.
Nakahimo naman ang 20-anyos sang 19 points, 13 assists
kag 12 rebounds.

Bangud sa nasmabit nga record, ginakabig na sya

pinakabata nga manughampang nga naka triple double sa
15 nga adlaw nga nagahampang sa NBA.