LOKAL

Pormal na nga gin lunsyar sang Provincial government

snag south cotabato ang Convergys program for poverty
alleviation sa sitio traan leteng, Barangay Kematu,
Tboli, South Cotabato.

Gin pahayag ni South Cotabato Governor Daisy Avance

Fuentes nga tinutuyo sang nsambit nga programa ang para
mabuligan ang mga imol nga komunidad sa ila nga
pagpangabuhi.

Napilian man ang nasambit nga sitio bangud madamo suno

pa ini sang mga kabataan nga malnurish ukon kulang sa
nutrisyon.

Magluwas naman sa lunching sang nasambit nga programa,

gin patigayon man ang kasalan sakapin 8 nga pares sa
nasambit nga sitio.

Masunod naman nga patigayunan snag programa ang mga

malagyo nga sitio sa banwa snag Tboli.

LOKAL

Sigurado na ang pagsulod sang city government sang

Koronadal sa Private-Public Partnership Program (PPPP).
Ini ang nangin tono sang pahayag ni Mayor Peter Miguel
matapos ang ginpatigayon nga study seminar sa PPPP
center sa Valenciala City upod ang City Economic
Enterprise Development Officer kag miyembro sang local
finance committee.

Suno sa alkalde, ang PPPP ang mangin sabat para sa

masunod nga mga dalagko nga proyekto sang syudad. Gin-
admiter sini nga damo sang kwarta ang syudad, apang
indi naman ini suno pa nagakaigo nga balor para sa mga
dalagko nga proyekto.
Ginhatagan punto ni Mayor Miguel nga ang pagpatindog
sang hospital, merkado publiko, slaughter house kag
iban pa nga mga dalagko nga proyekto ang
nagakinahanglan sang ginatos ka milyon ka pesos nga
pundo antes ini matukod. Ginhimo nga ehemplo sang
alkalde ang Valenciala City sa diin ginakabig nga
manggaranon nga syudad sa diin nagalab-ot sa 3.5
bilyones pesos ang tuigan nga pundo, apang sa gihapon
nakig-partner ini sa pribado nga sektor agud matindog
ang ila merkado kag mall.

Kaangot sini, ginpahayag ni Mayor Miguel nga ini na ang

uso sa karon nga nagakadapat nga sundon sang syudad.
Suno sa iya, sa ti-on nga hulaton pa ang kwarta,
posible nga maubusan na sang panahon bangud mga 10 pa
ka tuig ang pagahulaton antes kita makapatindog sang
mga dalagko nga proyekto nga kinahanglanon sang mga
katawhan.

NATIONAL

Gin presenter ni Pangulong Rodrigo Duterte kay United

States Ambassador to the Philippines Sung Kim ang iya
nga mga polisiya batuk sa terorismo kag illegal nga
droga.

Sa nsambit nga pagsinapol, gin pahayag ni US Ambassador

Kim nga naintindihan sini ang mga problema ni
Presidente Duterte para madula suno pa ang illegal nga
droga.

Gin dugang man sini nga kinahanglan nga magpatigayon

snag imbestigasyon sa mga pagpatay may angot sa illegal
nga droga para mabalik ang kumpyansa sang katawhan sa
gobyerno.

Gin pahayag naman ni President Duterte nga ang

operasyon sang PNP ang naga sunod sa rule of law.
INTERNATIONAL

Gin igo snag kapin 6.4 magnitude nga linog ang Vanuatu
sa pacific ocean.

Suno sa US Geological Survey, nag igo ini sa sentro

snag Erromago, ang ikaapat nga pinakamadako nga isla,
nga may yara sang populasyon nga 2,000 katao.

Wala naman sang nareport nga napilasan o napatay sa

nasambit nga pag linog.

Nahibaluan nga ang nasidlangan nga bahin sang Australia

ang ginatawag nga “island chain” o “Ring of Fire,” nga
pirmi gina igo snag linog.

SHOWBIZ

Prangka nga ginpahayag sang singer /composer nga si Jim

Paredes nga hindi sini maintindihan ang iya nga emosyon
kung mag abo tang adlaw nga nag deklara sang martial si
former president Ferdinand marcos.

Gin pahayag ni Paredes nga nakabatyag ini sang tuman

nga kaakig kag kasubo sa subong nga adlaw.

Padayon man sini nga gina kwestyon kung ngaa nagpasugot

suno pa ang mga pinoy nga magpaidalum sa martial law.

Gin pahayag man sini nga ang martial law ang wala
nakahatag sang kaayuhan sa pilipinas.

Ginapangabay man sang singer nga dapat hindi na ini

maliwat sa duterte administration.

SPORTS
Ginabantayan na sa subong kung madayon ang ogapatigayon
nga rally sang mga anay Philippine Sports Commission
officials sa Rizal Memorial Sports Complex sa lungsod
ng Maynila.

Paga hingyuon man sang nsambit nga grupo nga dapat may
yara sang pagbag-o sa Philippine sports, manging ang
resignation ni Philippine Olympic Committee president
Jose “Peping” Cojuangco.

Paga pangunahan ang rally ni anay PSC chairman Aparicio

Mequi.