Gahri Andheri Raat mein, woh Apane Laptop ke Aage sir pakde baitha tha...

Soch raha tha ya sir nonch Raha tha kuch pata nahin Chal Paa raha tha..
"Aakhir koi Idea kyun nahin Aa raha , Kahan se shuru Karun..???
Kya likhun , Dead line nazdeek Aa rahi hai,
Agar time pe koi story nahin de paya..
To naya set fir late ho jayega, aur uska khamiyaja sab ko uthana padega.."

" Kya hua .... Subah ke char Baj gaye hain Sona nahin hai ??"

" Kya Karun Dimaag ne to jaise kaam karna hi band kar Diya hai.., koi idea nahin Aa
raha, pahale bhi do teen bar .. Adhura set nikalana pada publisher ko kyunki main
story nahin bhej paya, Aisa raha to shayad .. Job se bhi nikal den..fir kya karenge
",

" Haan WO to hai, Aapko aur kucch Aata bhi to nahin.., fir Ghar kaise Chalega ...,
Aapko hi Dimag chalana padega..
Ab Batao woh ek cup coffee se kaam karega ya Mere Belan se ??"

"Abhi to ek cup Coffee hi le Aao.., shayad coffee hi Dimag chala de kuchh."

" Ab subah ke Char baje mujhe Choolhe pe Chadhaoge ?

So jaao abhi, chup kar ke subah uth kar likha na kuchh".

Aur fir WO so gaya.. Par Aankhon mein neend ka namonishan naa tha.., Dimag mein bas
Dead line Daud rahi thi, warna career ka dead end tay hai..

Yehi sochate sochate......

Hmf hmf..

Woh AndhaDhundh bhag raha tha, uski Taange kaanp rahi thi, Saansen fool rahi thi..
Fir bhi woh Ruk nahin Sakta tha. Haan palat kar peeche Dekh leta tha ek pal ko, par
fir daudane lagta tha..

Nahin main ruk nahin Sakta..., Ruka to...,

Usane fir peechhe Dekha... ,Door Door tak koi nazar nahin aa raha tha....,

Achanak kahin ek bhayankar cheekh goonj uthi...

Woh sihar utha, par fir bhi Apna Sara Dum bator Cheek ki Disha mein Daud pada...

Char kadam Aage ja kar usne naa jaane kya Dekha..

WO ulte kadam wapis Daud pada..

Aur Daudate , Daudate woh us Imarat mein Daakhil hua...

Aur fir...

" Use BaChA leejiye, please use BaChA leejiye..

Maine hi kiya, Maine hi kiya yeh sab....

Kah kar .... WO phoot phoot kar Rone laga...

Kya hua...
Yun tukdon mein bol kar suspense na badhao.. Poori baat batao...

Batata hun, Tabhi Dhadak ki Aawaj se Darwaja Khula aur uska Chehra Dehshat se bhar
utha..
Cut it ...

Very Good Shot, yeh movie to Super hit Jaayegi..

Aapane Bahut hi Gajab ki Story likhi Anand Bhai , Aap ko to is story ke liye Alfred
Hitchcock puraskar milana Chahiye.

Par Yeh Puraskaar ka naam to Maine kabhi suna hi nahin

Ab Aise hi Sote rahoge Din bhar to Job Termination ka Puraskar hi milega..

Utho aur kaam par lago..

Oh yeh kya ho raha hai.. Dimag mein Jo Ideas run kar rahe hain, unka ..abhi ke liye
needed story se koi tallukaut hi nahin...

Aise raha to kaise Chalega..

Itane Dinon baad Office Aaye ho , ab to Story Finish kar li Hogi , fir Artist ke
pas bhi Bhejani hai.. Arts Aur Frames taiyar karane ke liye.

Pahale bhi Aapke karan sets late aur Adhure ja Rahe hain..

Aisa raha to publication band karana Padega ya Aapki jagah Naye log Rakhane
padenge..