IMPLEMENTASYON NG CHED MEMO ORDER NO. 59 S.

1996 SA MGA
PROGRAMA NG FILIPINO NG SUCS SA REHIYON 2

JAINE Z. TARUN1

ABSTRACT

Ang isinagawang pag-aaral ay tungkol sa ebalwasyon ng implementasyon ng CHED Memorandum Order

No. 59 sa programa ng Filipino ng ilang piling State Universities and Colleges (SUCs) sa Rehiyon 2.
Kinabibilangan ang mga ito ng Cagayan State University, Isabela State University, Nueva Vizcaya State University
at Quirino State College.

Layunin ng pag-aaral na mataya at matiyak ang lawak ng implementasyon ng CMO No. 59 s. 1996 o “New
General Education Curriculum (NGEC) sa Filipino sa mga piling pampublikong unibersidad at kolehiyo sa Rehiyon
2. Sa teorya nina Kaplan at Baldauf tungkol sa ebalwasyon nakaangkla ang pag-aaral na ito.

Lumabas sa pag-aaral ang ganap na pagsasakatuparan ng SUCs sa iniaatas ng CHED Memo Order No.
59 s. 1996 / GEC Filipino sa Rehiyon 2. Ipinatutupad ng mga intitusyong nabanggit ang memorandum ayon sa
kani-kanilang interpretasyon.

Pangunahing salita: Ebalwasyon, Implementasyon, CHED Memorandum Order No. 59 s. 1996, CHED
Memorandum No. 04 s. 1997, Pampublikong Unibersidad at Kolehiyo (SUCs).

Introduksyon

Itinatakda ng Artikulo XIV Seksyon 6 ng 1987 Kostitusyon na ang Filipino bilang

wikang pambansa ay itinatadhanang opisyal na wika ng edukasyon. Bilang pagtugon, ang
Commission on Higher Education o CHED na itinatag noong 1994 sa bisa ng Commission on
Higher Education Act ay nagpalabas ng kanyang kauna-unahang kautusan noong 1996. Ito ang
CHED MEMORANDUM No. 59 s. 1996 o “New General Education Curriculum” (GEC).
Isinasaad ng kurikulum na ito na simula 1997, ang GEC-Filipino rekwayrment ay siyam (9) na
yunit katumbas ng tatlong (3) kurso / sabjek para sa Humanities, Social Sciences at
Communication o HUSOCOM na mga digri. Bago inimplementa ang memorandum nang
sumunod na taon, muling nagpalabas ang

____________________
1
Assistant Professor and Chair of the BEED Program, College of Teacher Education, Isabela State
University, Cabagan, Isabela.

44
CHED ng kautusan at ito ay ang Commission Memorandum (CM) No. 04 s. 1997, ang
“Guidelines to Implementation of CMO No. 59 s. 1996 (GEC). Dito, nakasaad ang anim (6) na
yunit ng Filipino rekwayrment katumbas ng dalawang (2) kurso/sabjek para sa mga digring di-
HUSOCOM.

Sapagkat magsasampung taon na ang implementsyon ng nasabing memorandum noong

2007, nakita ang pangangailangan sa pagsasagawa ng ebalwasyon. Ang ebalwasyon bilang isang
proseso ay tunay na pag-alam at pagtiyak sa lawak o ekstent kung saan ang mga tunguhin o
layunin ng nabuong estratehiya ay talagang naisasakatuparan. Sapagkat ang pagpaplanong
pangwika ay naglalayong makagawa ng mga tiyak at kaibig-ibig na pagbabago sa isang
sitwasyon o kalagayang pangwika, sa ganito naisasagawa ang ebalwasyon bilang isang proseso
sa pag-alam at pagtiyak ng lalim at lawak ng kung alin sa mga pagbabagong ito ang tunay na
nangyayari at nasusunod.

Ang Layunin at Suliranin Nito

Pangunahing layunin ng pag-aaral na mataya ang lawak ng implementsyon ng

Commission Memorandum Order No. 59 s. 1996 o ang “New General Education Curriculum sa
programa ng Filipino ng mga publikong unibersidad at kolehiyo sa Rehiyon 2.

Tinugunan sa pag-aaral na ito ang mga sumusunod na tiyak na tanong:

1. Gaano kalawak ang implementasyon ng CMO No. 59 s. 1996 sa mga programa ng Filipino
ng SUCs sa Rehiyon 2?

2. Anong mga hakbang ang ginawa ng SUCs sa pagsasakatuparan ng mga probisyon ng CMO
No. 59 s. 1996 partikular sa Filipino komponent?

Kahalagahan ng Pag-aaral

Ang pangangailangan ng ebalwasyon ay higit na binigyang-diin nina Kaplan at Baldauf

(1997). Ayon sa kanila, sa pagpaplanong pangwika ay hindi sapat na makabuo at maipagamit
ang isang estratehiya upang mabago ang isang sitwasyon o kalagayang pangwika. Kailangan ang
patuloy na pagmomonitor o pagsubaybay sa panahon ng implementasyon nito at pagkatapos ay
magsagawa ng ebalwasyon. Kailangan ang pagsasagawa ng ebalwasyon upang makita hindi
lamang ang nagaganap na tagumpay at patuloy na pag-unlad ng estratehiya sa panahon ng

45
implementasyon kundi upang matuklasan din ang kahinaan nito. Ang pag-alam sa kahinaan ng
estratehiya ay kailangan upang mabigyan agad ng karampatang solusyon at pagbabago.

Metodolohiya

Ginamit ang ebalwatib analisis sa pamamaraang kwantiteytib at kwaliteytib sa pag-aaral

na ito na ipinakikita ng figyur sa ibaba.

Figyur 1. Dayagram ng Proseso ng Ginawang Ebalwasyon sa CHED GEC-Filipino

ng SUCS

46
 Ebalwatib Analisis ng Datos

Pagsususri ng Datos sa Pamaraang Kwantiteytib

Sarbey/Kwestityonaryo

frequency percentage ranking

Pagsusuri ng Datos sa Pamaraang Kwaliteytib Gamit ang Muti-Method

Approach o Triangulation

dokumento kurikulum

interbyu Indibidwal/FGD

obserbasyon mga klase

Lawak ng Implementasyon ng CMO No. 59 s. 1996 GEC

Filipino sa Rehiyon 2

Sa pagsusuri ng datos sa pamaraang kwantiteytib, isinagawa ang pamamaraang sarbey sa

pamamagitan ng kwestiyonaryo at sa pagsusuri ng datos sa pamaraang kwaliteytib, ginamit ang
“multi-method approach” o “triangulation” sa mga sinuring datos mula sa mga dokumento,

47
interbyu at aktwal na obserbasyon ng klase. Nagsilbing kumpirmasyon, balidasyon o patotoo sa
isa’t isa ang bawat resulta ng iba’t ibang pamamaraan.

Resulta at Talakayan

Tinalakay sa bahaging ito ang lawak ng implementsyon ng CHED Memo Order No. 59 s.
1996 sa programa ng Filipino ng SUCs. Sa tulong ng datos na nakuha sa kwestiyonaryo para sa
mga administrador at guro, gayon din sa aktwal na interbyu, mga dokumento at obserbasyon ng
mga klase, tinugunan ng pag-aaral ang unang inilahad na suliranin ng pag-aaral: Gaano kalawak
ang implementasyon ng mga piling institusyong pantersyari sa CHED GEC Filipino sa Rehiyon
2.

Talahanayan 1.2-A. Implementasyon ng CHED GEC Filipino sa mga Degree Program ng

Cagayan
State University – Main Campus.

Mga Degree Program Taon ng GEC Filipino

Implementasyon Komponent/ Kabuuang
Rekwayrment Yunit
Fil. 11 Fil. 12 Fil. 13
Bachelor in Elementary Education SY 2005-2006 √ √ √ 9
(lahat ng Erya ng Ispesyalisasyon)
Bachelor in Secondary Education SY 2005-2006 √ √ √ 9
(lahat ng Medyor)
Bachelor of Arts in Mass SY 2005-2006 √ √ √ 9
Communication (lahat ng Medyor)
Bachelor of Arts in Economics SY 2005-2006 √ √ √ 9
Bachelor of Arts in Legal SY 2005-2006 √ √ √ 9
Management
Bachelor of Arts in Political Science SY 2005-2006 √ √ √ 9
Bachelor of Science in Psychology SY 2005-2006 √ √ √ 9
Bachelor of Science in Mathematics SY 2005-2006 √ √ x 6
Bachelor of Science in SY 2005-2006 √ √ x 6
Environmental Science
Bachelor of Science in Biology SY 2005-2006 √ √ x 6
Bachelor of Science in Business SY 2005-2006 √ √ x 6
Administration
Bachelor of Science in Business SY 2005-2006 √ √ x 6

48
Administration and Accountancy
Bachelor of Science in SY 2005-2006 √ √ x 6
Entrepreneurship
Bachelor of Science in Hospitality SY 2005-2006 √ √ x 6
Industry Management
Bachelor of Science in Information SY 2005-2006 √ √ x 6
Technology
Bachelor of Science in Public SY 2005-2006 √ √ x 6
Administration
Bachelor of Science in Civil SY 2005-2006 √ √ 6
Engineering
Bachelor of Science in Agricultural SY 2005-2006 √ √ 6
Engineering
Bachelor of Science in Electronics SY 2005-2006 √ √ 6
and Communication Engineering
Bachelor of Science in Electrical SY 2005-2006 √ √ 6
Engineering
Bachelor of Science in Computer SY 2005-2006 √ √ 6
Engineering
Bachelor of Science in Medical SY 2005-2006 √ √ 6
Technology
Doctor in Veterinary Medicine SY 2005-2006 √ √ 6
Deskriptib na titulo ng mga Filipino sabjek:
Filipino 11 – Komunikasyon sa Akademikong Filipino
Filipino 12 – Pagbasa at Pagsulat Tungo sa Pananaliksik
Filipino 13 – Masining na Pagpapahayag
Malinaw na ipinakikita ng Talahanayan 1.2-A ang lawak at ganap na implementasyon at
pagsunod ng Cagayan State University (CSU) – Main Campus sa CMO No. 59 s. 1996/GEC-A
at CM No. 04 s. 1997/GEC-B sa isinagawang panlahatang rebisyon (general revision) sa mga
kurikulum ng lahat ng mga degree program nito na isinakatuparan noong Taong-Panuruan (SY)
2005-2006.

Sinunod ng CSU ang siyam (9) na yunit na rekwayrment sa Filipino sa mga degree
program sa Edukasyon at HUSOCOM na nilalaman ng GEC-A. Binubuo ito ng Filipino 11
(Komunikasyon sa Akademikong Filipino), Filipino 12 (Pagbasa at Pagsulat Tungo sa
Pananaliksik) at Filipino 13 (Masining na Pagpapahayag).

Sinunod naman ang nilalaman ng GEC-B na anim (6) na yunit na rekwayrment sa

Filipino para sa mga degree program na di-HUSOCOM. Katumbas ito ng dalawang sabjek, ang
Filipino 11 at 12. Mapapansing sa rebisyong isinagawa, ganap na sinunod ng CSU ang mga

49
bagong titulo ng mga kurso/sabjek sa Filipino na ibinigay ng CHED Teknikal Komite at ngayon
ay nakapaloob sa “Enhanced General Education Courses.”

Nakita rin na bukod sa siyam (9) yunit ng Filipino rekwayrment sa mga degree program
sa Edukasyon (BEEd at BSEd), ipinakukuha sa mga estudyante ang Filipino 20 (Panitikang
Filipino) bilang sabjek sa Literatura samantalang sa Ingles itinuturo ang Philippine Lit.sa mga
kursong HUSOCOM at di-HUSOCOM.

Ang mga kurso o sabjek rekwayrment ay nakukuha ng mga estudyante sa una at

ikalawang semestre ng unang taon para sa anim (6) yunit at aabot sa unang semestre ng
ikalawang taon para sa 9 na yunit.

Batay sa impormasyong nakuha mula sa isinagawang interbyu sa mga administrador at guro,

isinabay sa rebisyon ang sinkronisasyon ng mga kurso/sabjek na ito sa lahat ng mga degree
program ng iba’t ibang kampus ng CSU upang maiwasan ang anumang suliraning kakaharapin
ng mga estudyante sa interkampus na paglilipat o maging sa pagpapalit mismo ng kurso o
degree. Ayon pa sa kanila, ang hakbang na kanilang ginawa ay lalong magiging kapaki -
pakinabang kung susunod din ang iba pang mga institusyon sa mga sabjek na iniaatas ng
CHED.

Nasa Talahanayan 1.2-B ang lawak at ganap na implementasyon ng CHED GEC sa

programa ng Filipino sa lahat ng degree program ng Isabela State University (ISU)- Main
Campus.

50
Talahanayan 1.2-B. Implementasyon ng CHED GEC Filipino sa mga degree Program ng
Isabela
State University – Main Campus.

Mga Degree Progam Taon ng GEC Filipino

Implementasyon Komponent/ Kabuuang
Rekwayrment Yunit
Filipino Filipino Filipino
11 12 13 15 16 17
Bachelor in Elementary Education SY 2006-2007 x x x √ √ √ 9
(lahat ng Erya ng Ispesyalisasyon)
Bachelor in Secondary Education SY 2006-2007 x x x √ √ √ 9
(lahat ng Medyor)
Bachelor of Arts in Development SY 2004-2005 √ √ √ x x x 9
Communication (lahat ng Medyor)
Bachelor of Arts Psychology SY 2004-2005 √ x √ x x x 6
Bachelor of Arts in English SY 2004-2005 √ x √ x x x 6
Bachelor of Arts in Sociology SY 2004-2005 √ x √ x x x 6
Bachelor of Arts in Political Science SY 2004-2005 √ x √ x x x 6
Bachelor of Arts in Legal Management SY 2004-2005 √ x √ x x x 6
Bachelor of Art major in Peace & Security SY 2004-2005 √ x √ x x x 6
Bachelor of Science in Nursing SY 2006-2007 √ x √ x x x 6
Bachelor of Science in Public SY 2006-2007 √ x √ x x x 6
Administration
Bachelor of Science in Business SY 2004-2005 √ x √ x x x 6
Administration (lahat ng Medyor)
Bachelor of Science in Entrepreneurship SY 2004-2005 √ x √ x x x 6
Bachelor of Science in Agricultural SY 2004-2005 √ x √ x x x 6
Engineering
Bachelor of Science in Chemical SY 2004-2005 √ x √ x x x 6
Engineering
Bachelor of Science in Food Engineering SY 2004-2005 √ x √ x x x 6
Bachelor of Science in Animal Husbandry SY 2004-2005 √ x √ x x x 6
Bachelor of Science in Accountancy SY 2004-2005 √ x √ x x x 6

51
 Taon ng GEC Filipino
Mga Degree Progam Implementa- Komponent/ Kabuuan
syon Rekwayrment g
Filipin Filipin Filipin Yunit
o o o
11 12 13 15 16 17
Bachelor of Science in Agri-Business SY 2004-2005 √ x √ x x x 6
Bachelor of Science in Information SY 2004-2005 √ x √ x x x 6
Technology
Bachelor of Science in Food Technology SY 2004-2005 √ x √ x x x 6
Bachelor of Science in Hotel & Restaurant SY 2004-2005 √ x √ x x x 6
Management
Bachelor of Science in Architecture SY 2004-2005 √ x √ x x x 6
Bachelor of Science in Industrial SY 2004-2005 √ x √ x x x 6
Technology
Bachelor of Science in Home Technology SY 2004-2005 √ x √ x x x 6
Bachelor of Science in Land Fisheries SY 2004-2005 √ x √ x x x 6
Bachelor of Science in Forestry SY 2004-2005 √ x √ x x x 6
Bachelor of Science in Agriculture SY 2004-2005 √ x √ x x x 6
Bachelor of Science in Biology (lahat ng SY 2004-2005 √ x √ x x x 6
Medyor)
Bachelor of Science in Chemistry SY 2004-2005 √ x √ x x x 6
Bachelor of Science in Criminology SY 2004-2005 √ x √ x x x 6
DAT-BAT (Bachelor in Agricultural SY 2004-2005 √ x √ x x x 6
Technology)
Bachelor of Science in Industrial Education SY 2004-2005 √ x √ x x x 6
Doctor of Veterinary Medicine SY 2004-2005 √ x √ x x x 6
Deskriptib na titulo ng mga Filipino sabjek:

Filipino 11 – Sining ng Pakikipagtalastasan

Filipino 12 – Gamiting Filipino, Pagbasa at Komposisyon
Filipino 13 – Filipino sa Tanging Gamit
Filipino 15 – Komunikasyon sa Akademikong Filipino
Filipino 16 – Pagbasa at Pagsulat Tungo sa Pananaliksik
Filipino 17 – Panitikang Filipino

52
 Sa mga datos na inilalahad ng Talahanayan 1.2-B, tatlo (3) sa mga degree program ng
Isabela State University – Main Campus ang isinunod sa CMO No. 59 s. 1996/GEC-A na may 9
na yunit na rekwayrment sa Filipino, dalawang (2) degree program sa Edukasyon at isa (1) sa
HUSOCOM (Bachelor of Arts in Development Communication). Ang iba pang degree program
sa HUSOCOM at lahat ng degree program sa Di-HUSOCOM ay isinunod sa nilalaman ng CM
No. 04 s. 1997/GEC-B na may 6 yunit na rekwayrment sa Filipino. Mapapansing hindi pare-
pareho ang taon ng implementasyon ng mga degree program sapagkat walang panlahatang
rebisyon na isinagawa ang ISU.

Sinunod ang “Enhanced General Education Courses” sa karerebisa pa lamang na mga

kurikulum ng BEEd at BSEd na isinakatuparan noong SY 2006-2007 sa dalawang kurso/sabjek:
(1) Filipino 15 – Komunikasyon sa Akademikong Filipino at (2) Filipino 16 – Pagbasa at
Pagsulat Tungo sa Pananaliksik. Pinanatili naman ang Panitikang Filipino na binago lamang ang
deskriptib na bilang at ginawang Filipino 17 (dating Filipino 13) alinsunod sa bagong deskriptib
na bilang ng dalawang bagong kurso/sabjek na dati ring Filipino 11 – Sining ng
Pakikipagtalastasan at Filipino 12∗ – Gamiting Filipino, Pagbasa at Komposisyon. Maliban sa 9
na yunit sa Filipino, ipinakukuha rin sa mga estudyante ang Filipino 20 – Pagpapahalagang
Pampanitikan sa kursong BEEd. Bukod pa rito, ipinakukuha pa rin ang Philippine Literature
bilang sabjek sa Ingles. Samakatuwid, walang hiwalay na mga sabjek sa literature sapagkat ang
Philippine Literature (Panitikan ng Pilipinas) at World Literature (Panitikan sa Mundo) na dapat
sana ay mga sabjek sa literature alinsunod sa isinasaad ng CHED Memo Order No. 59 s. 1996 /
GEC ay ipinakukuha bilang mga sabjek sa Ingles sa mga kursong pang-edukasyon.

Ang Gamiting Filipino, Pagbasa at Komposisyon, Filipino sa Tanging Gamit at

Panitikang Filipino (Pilipino pa noon) ay mga kurso/sabjek na nasa MECS Order No. 26 s. 1983
“Policies and Standards for Teacher Education” na hanggang ngayon ay di pa napapalitan ng
ISU sa kabila ng mga pagbabagong isinagawa

Sa ginawang rebisyon sa degree na Bachelor of Arts in Development Communication,

ang bumubuo ng 9 na yunit na Filipino ay ang Filipino 11 – Sining ng Pakikipagtalastasan
(nanatili), Filipino 12 – Gamiting Filipino, Pagbasa at Komposisyon (dating Panitikang Filipino
ang Filipino 12 para sa mga kursong HUSOCOM at ang Gamiting Filipino, Pagbasa at
Komposisyon ay dating Filipino 11 para sa mga kursong pang-edukasyon) at Filipino 13 –
Filipino sa Tanging Gamit (dating Filipino 14 para sa mga kursong pang-edukasyon).

Ang 6 na yunit na rekwaryment sa Filipino sa lahat ng digri program ng di-HUSOCOM

at sa iba pang degree program sa HUSOCOM ay binubuo ng Filipino 11 – Sining ng
Pakikipagtalastasan at Filipino 12 – Gamiting Filipino, Pagbasa at Komposisyon. Ang
sinkronisasyon ng mga sabjek ay ginawa sa mga degree program na inoofer ng bawat kolehiyo
(per College) sa lahat ng kampus ng ISU.

53
 Sa mga degree program na may 6 yunit na rekwayrment sa Filipino, nakukuha ito ng mga
estudyante sa una at ikalawang semestre ng unang taon at hanggang unang semestre ng
ikalawang taon sa mga degree program na may 9 yunit na rekwayrment sa Filipino.

Malinaw sa mga inilahad na datos na ginamit na saligan ng ISU –Main Campus ang
isinasaad ng CM No. 04 s. 1997 o ang patnubay sa implementasyon ng GEC na “HEI’s are in the
best position to evaluate the importance and relevance of specific subjects to the courses of study
of their own students and therefore have the academic freedom and flexibility to formulate and
implement their own curricula, provided that the minimum standards set by CHED are met.”

Nasa Talahanayan 1.2-C. Implementasyon ng CHED GEC Filipino sa mga degree

program ng Nueva Vizcaya State University (NVSU)

Mga Degree Program Taon ng GEC Filipino

Implementasyon Komponent/ Kabuua
Rekwayrment ng
Fil. 11 Fil. 12 Fil. 13 Yunit
Bachelor in Elementary Education (lahat SY 2000-2001 √ x √ 9
ng Erya ng Ispesyalisasyon)
Bachelor in Secondary Education (lahat SY 2000-2001 √ x √ 9
ng Medyor)
Bachelor of Science in Industrial SY 2000-2001 √ x √ 9
Education
Bachelor of Science in Home Technology SY 2000-2001 √ x x 6
(lahat ng Medyor)
Bachelor of Science in Civil Engineering SY 2000-2001 √ x x 6
Bachelor of Science in Agricultural SY 2000-2001 √ x x 6
Engineering
Bachelor of Science in Computer Science SY 2000-2001 √ x x 6
Bachelor of Science in Mathematics SY 2000-2001 √ x x 6
Bachelor of Science in Animal Science SY 2000-2001 √ x x 6
Bachelor of Science in Agricluture (lahat SY 2000-2001 √ x x 6
ng Medyor
Bachelor of Science in Agri-Business SY 2000-2001 √ x x 6
Bachelor of Science in Agricultural SY 2000-2001 √ x x 6
Education
Bachelor of Science in Agricultural SY 2000-2001 √ x x 6
Extension Education
Bachelor of Science in Forestry SY 2000-2001 √ x x 6
Bachelor of Science in Environmental SY 2000-2001 √ x x 6
Science
Bachelor of Science in Hotel & Restaurant SY 2000-2001 √ x x 6

54
Management
Bachelor of Science in Hospitality SY 2000-2001 √ √ x 6
Management
Bachelor of Science in Veterinary Science SY 2000-2001 √ √ x 6

Deskriptib na titulo ng mga Filipino sabjek:

Filipino 1 – Sining ng Pakikipagtalastasan

Filipino 2 – Pagbasa at Pagsulat Tungo sa Iba’t Ibang Disiplina
Filipino 3 – Retorika at Pagsasalingwika

Batay sa Talahanayan 1.2-C, lumalabas na sinimulang ipatupad ng Nueva Vizcaya State

University ang 9 na yunit at 6 yunit ng Filipino na nakasaad sa CMO No. 59 s. 1996/GEC-A at
CM No. 04 s. 1997/GEC-B sa mga degree program nito noong SY 2000-2001. Sinunod ang
GEC-A sa mga digri program na pang-edukasyon na may 9 na yunit na rekwayrment sa Filipino.
Para sa mga degree program na di-HUSOCOM, sinunod ang GEC-B na may 6 na yunit
na rekayrment sa Filipino. Ang 6 na yunit na Filipino ay nahahati sa Filipino 11 – Sining ng
Pakikipagtalastasan at Filipino 12 – Pagbasa at Pagsulat sa Iba’t Ibang Disiplina. Pareho o
“synchronized” ang dalawang sabjek na ito sa lahat ng degree program ng dalawang kampus ng
NVSU at gayon din sa Filipino 13 – Retorika at Pagsasalingwika para sa mga degree program sa
edukasyon na may 9 na yunit ng Filipino.

Kinukuha rin ang mga kurso/sabjek na ito sa una at ikalawang semestre ng unang taon
para sa 6 na yunit at karagdagang isa pang semestre (una) para sa 9 na yunit. Batay sa
impormasyong nakuha, nakaiskedyul ngayong taon ang malawakang rebisyon sa mga kurikulum
ng mga degree program ng NVSU.

Makikita rin ang lawak at ganap na implementasyon ng CHED GEC Filipino sa lahat ng
degree program ng Quirino State University (QSC) sa Talahanayan 1.2-D.

55
Talahanayan 1.2-D. Implementasyon ng CHED GEC Filipino sa mga Degree Program ng
Quirino State College.

Mga Degree Program Taon ng GEC Filipino Komponent/ Kabuua

Implementasyon Rekwayrment ng
Fil. 11 Fil. 12 Yunit
A B A B C D E Fil. 13
Bachelor in Elementary SY 2005-2006 x √ √ x x x x √ 9
Education (lahat ng
Ispesyalisasyon
Bachelor in Secondary SY 2005-2006 x √ √ x x x x √ 9
Education (lahat ng Medyor)
Bachelor of Science in Agro- SY 2005-2006 √ x x x x √ x x 6
Forestry
Bachelor of Science in √ x x √ x x x x 6
Criminology
Bachelor of Science in √ x x x √ x √ √ 6
Information Technology
Bachelor of Science in √ x x x x √ x 6
Agriculture
Bachelor of Science in Home √ x x x x x x x 6
Technology (lahat ng Medyor)
Bachelor of Science in √ x x x x x x x 6
Agricultural Technology
Bachelor of Science in Fisheries √ x x x x x x x 6
and Aquatic Resources
Bachelor of Science in √ x x x x x x x 6
Restaurant and Hotel
Management
Bachelor of Science in Nutrition √ x x x x x x x 6
and Dieteties

Deskriptib na titulo ng mga Filipino sabjek:

Filipino 11: A – Sining ng Pakikipagtalastasan

B – Komunikasyon sa Akademikong Filipino
Filipino 12: A – Pagbasa at Pagsulat Tungo sa Pananaliksik
B – Pagbasa at Pagsulat sa Iba’t Ibang Disiplina
C – Komposisyon at Pagbasa
D – Poklorikong Filipino
E – Gamiting Filipino, Komposisyon at Pagbasa

56
 Filipino 13 – Masining na Pagpapahayag

Ang Talahanayan 1.2-D ay nagpapakita na sinusunod ng Quirino State College ang CMO
No. 59 s. 1996/GEC-A sa mga degree program sa Edukasyon na nagrerekwayr ng 9 na yunit sa
Filipino. May 6 na yunit na Filipino naman ang mga degree program sa di-HUSOCOM na
isinunod sa CM No. 04 s. 1997/GEC-B.

Sinunod ang nakapaloob na mga bagong kurso/sabjek sa “Enhanced General Education

Courses” sa mga kurikulum ng mga degree program sa Edukasyon na sinimulang ipatupad
noong SY 2005-2006: (1) Filipino 11 – Komunikasyon sa Akademikong Filipino, Filipino 12 –
Pagbasa at Pagsulat Tungo sa Pananaliksik at Filipino 13 – Masining na Pagpapahayag. Bukod
dito, ipinakukuha rin sa mga estudyante ang Filipino 21 – Panitikan ng Pilipinas bilang sabjek sa
Literatura na kapalit ng Philippine Literature na itinuturo sa Ingles.

Sa mga degree program na may 6 na yunit na Filipino, binubuo ito ng Filipino 11 –

Sining ng Pakikipagtalastasan at Filipino 12 na may iba’t ibang deskriptib na titulo: Pagbasa at
Pagsulat sa Iba’t Ibang Disiplina sa degree program na BS Criminology; Komposisyon at
Pagbasa sa mga degree na BSIT, BSHT, BSAT, BSFAR, BSRHM, at BSND; Poklorikong
Filipino sa degree na BS in Agro-Forestry; at Gamiting Filipino, Komposisyon at Pagbasa sa
degree na BS in Agriculture. Nangyayari ang ganitong pagkakaiba-iba dahil sa kanya-kanyang
pagsasagawa ng rebisyon ng mga kurikular na programa ang bawat kolehiyo ng institusyon. Sa
Ingles pa rin itinuturo ang Philippine Literature saKinukuha rin ng mga estudyante ang mga
sabjek na ito sa una at ikalawang semestre ng unang taon para sa 6 na yunit at karagdagang
unang semestre ng ikalawang taon para sa 9 na yunit.

Walang nakitang dokumentong magpapatunay kung kailan sinimulang ipatupad ang

karamihan sa degree program ng Quirino State College maliban lamang sa impormasyong
nakuha na ang mga ito ay “Old Curriculum.” Ayon sa nainterbyung ilang administrador, guro at
ang registrar, nagsagawa na sila ng panlahatang rebisyon ng mga degree program maliban sa
mga kursong pang-edukasyon na karerebisa pa lamang, at isinumite na sa Board of Regents para
sa aprubal ng mga ito.
mga kursong nabanggit.

57
Talahanayan 2. Mga Hakbang/Gawain na Isinagawa ng mga Institusyon Upang Ganap na
Maipatupad ang CHED Memo Order No. 59 s. 1996.

Kateorya g mga Hakbang/Gawain

Mga Respondente A B C D E
Blg. % Blg. % Blg. % Blg. % Blg. %
ADMINISTRATOR
Publiko (SUCs) 16 44.44 10 27.78 8 22.22 8 22.22 6 16.67
Pribadong Sektaryan 8 22.22 7 19.44 2 5.56 0 0.00 0 0.00
Pribadong Di-Sektaryan 12 33.33 11 30.56 5 13.89 8 22.22 4 11.11
Kabuuan (Total) 36 100.00 28 77.78 15 41.67 16 44.44 10 27.78
GURO
Publiko (SUCs) 39 43.33 24 26.67 9 10.00 11 12.22 13 14.44
Pribadong Sektaryan 20 22.22 17 18.89 5 5.56 7 7.78 1 1.11
Pribadong Di-Sektaryan 30 33.33 24 26.67 9 10.00 14 15.56 4 4.44
Kabuuan (Total) 89 98.89 65 72.22 23 25.56 32 35.56 18 20.00
Pangkalahatang 125 99.21 93 73.81 38 30.16 48 38.10 28 22.22
Kabuuan (Grand Total)
Ranggo (Rank) 1 2 3 4 5

Hakbang/Gawain na pinapakahulugan ng mga letra:

A – Curricular revision
B – Komperensiya/miting ng mga administrador at mga fakulti
C – Konsultasyon sa. mga estudyante, magulang, alumni at iba pa.
D – Pagpapalabas ng mga memorandum kaugnay nito.
E – Paggawa ng resolusyon ng Board of Regents/Board of Trustees

Batay sa ipinakikitang datos ng talahanayan, nangunguna sa mga ginawa ng mga

institusyong kasangkot ang A - Curricular revision (125 o 99.21%), pangalawa ang B –
Komperensiya/miting ng mga administrador at guro (93 o 73.81%), pangatlo ang D -
Pagpapalabas ng mga memorandum kaugnay nito (48 o 38.10%), pang-apat ang C -
Konsultasyon sa mga estudyante, magulang, alumni at iba pa (38 o 30.16%) at panlima ang E -
Paggawa ng resolusyon ng Board of Regents/Board of Trustees (28 o 22.22%).
Nangangahulugang Curricular revision ang pangunahing isinagawa sa pagpapatupad ng CMO
No. 59 s. 1996 na pinatunayan na ng mga datos na nakuha at nailahad mula sa mga dokumento.
Pinagtibay din ito ng impormasyong nalikom sa interbyu sa mga piling administrador at guro na
nagpahiwatig na curricular revision ang pangunahing hakbang na palagiang isinasagawa sa
pagsunod sa anumang atas ng CHED ukol sa kurikulum

58
Konklusyon at Rekomendasyon

Inilalahad sa bahaging ito ang konklusyon at rekomendasyon ng pag-aaral batay sa mga

kinalabasan o resulta.

Konklusyon

Ang CHED Memo Order No. 59 s. 1996/GEC Filipino ay ganap na ipinatutupad sa ilang
piling publikong institusyong pantersyari o SUCs sa Rehiyon 2 batay sa kani-kanilang
interpretasyon.

May kaunting pagkakaiba ang pagbibigay ng yunit sa Filipino ng mga institusyon na

publiko (SUCs). Sa Cagayan State University (CSU), may 9 yunit ng Filipino sa mga kursong
edukasyon at sa lahat ng mga kursong HUSOCOM at 6 yunit sa lahat ng kursong di-
HUSOCOM. Ang Isabela state University (ISU) ay nagbigay ng 9 yunit ng Filipino sa mga
kursong edukasyon at sa isang kurso lamang sa HUSOCOM, ang AB Development
Communication samantalang ang iba pa na tulad ng AB Philosophy, English, Sociology,
Political Science, Legal Management at AB major in Peace and Security kabilang ang lahat ng
mga kursong di-HUSOCOM ay binigyan ng 6 yunit ng Filipino. Nagbigay din ng parehong 9
yunit ng Filipino sa mga kursong edukasyon at 6 yunit sa mga di-HUSOCOM ang Nueva
Vizcaya State University (NVSU) at Quirino State College (QSC).

Halos magkakatulad sa paraan ng pagsunod sa CHED Memo Order No.59 s. 1996-GEC

Filipino ang mga piling institusyong pantersyari sa Rehiyon 2. Sinunod ang CMO No. 59 s. 1996
o ang tinatawag na GEC-A sa 9 yunit ng Filipino sa mga degree program na nasa pagkakaalam
nila ay nasa kategorya ng larangang HUSOCOM at 6 yunit para sa mga di-HUSOCOM, na
itinatakda ng CMO No. 04 s. 1997 o ang tinatawag na GEC-B. Sa puntong ito, nakikita na may
kakulangan sa ibinigay na patnubay (guideline) ang CHED kung ano ang mga ispesipik na kurso
ang nasa larangan ng HUSOCOM at di-HUSOCOM. Kung naisagawa sana ito, masasabing
nasusunod nang wasto ang nasabing atas.

Bagamat binibigyang-laya ang mga chartered university sa pagpapatupad o hindi ng

CMO No. 59 s. 1996, malinaw na sumusunod pa rin sa kautusan ang mga ito. Kinakitaan lamang
ang mga institusyon ng di-ganap na pagsunod sa mga kurso/sabjek na itinatakda ng CHED.
Tanging ang CSU lamang ang sumunod sa lahat ng kanilang degree program sa mga bagong
kurso/sabjek na nasa “Enhanced General Education Courses”. Ang kopya ay nakalakip sa
ipinalabas na CHED Memo Order No. 30 s. 2004, “Revised Policies and Standards for
Undergraduate Teacher Education Curriculum”.

59
 Tila nagkaroon ng maling interpretasyon ang ibang institusyon sa pagkakalakip ng
nasabing kopya ng E-GEC sa nabanggit na atas. Napansing sa mga kursong pang-edukasyon
lamang sinunod ng QSC ang tatlong bagong kurso/sabjek, dalawa rito ang sinunod naman ng
ISU (ngayon tatlo na mula Filipino 17 – Panitukang Filipino, pinalitan na ng Masining na
Pagpapahayag sa kasalukuyan). Ang mga datihang kurso/sabjek ay sinunod pa rin sa iba pang
mga degree program para sa mga kursong HUSOCOM at di-HUSOCOM. Sinunod ng NVSU
ang tatlong (3) dating kurso/sabjek sa lahat ng kanilang mga kurikular program. Maliban sa
deskripto na titulo ng tatlong dating kurso, may iba’t ibang titulo pa ang ginagamit ng ISU at
QSC. Napansin din na bukod sa Panitikang Filipino na sabjek sa Filipino, ipinakukuha rin ang
Philippine Literature bilang sabjek sa Ingles at/o Literatura sa mga kursong edukasyon ng ISU.

Ang nasabing implementasyon ay masasabing resulta ng pagbibigay-laya ng CHED sa

mga HEI’s na magtakda ng mga kurso/sabjek para sa kani-kanilang mga kurikular program.
Dahil dito, hindi na nagsasagawa ng monitoring o pagsubaybay ang CHED kung sinusunod/di-
sinusunod ang mga itinakda nitong mga kurso / sabjek.

Kung mahigpit / sapilitang ipinasusunod lang sana ng CHED ang “Enhanced General
Education Courses” sa mga kolehiyo at unibersidad, mabibigyan ng solusyon ang mga anumang
suliraning kakaharapin ng mga estudyante hindi lamang sa pagpapalit ng kurso / digri o sa
interkampus na paglilipat kundi maging sa paglilipat sa ibang institusyon.

Rekomendasyon

Inirerekomenda ng pag-aaral ang mga sumusunod:

1. Magsagawa ng katulad na pag-aaral sa CHED GEC Filipino ng mga pribadong institusyong

pantersyari.

2. Magsagawa ang CHED ng mahigpit na pagsubaybay sa lahat ng publikong institusyong

pantersyari o SUCs sa implementasyon ng memorandum.

60
 BIBLIOGRAPY

Mga Libro

Almario, Virgilio S. 1997. Tradisyon at Wikang Filipino. Lunsod Quezon: UP -Sentro ng

Wikang Filipino.

Atienza, Monico M. 1992. Kilusang Pambansa Demokratiko sa Wika. Lunsod Quezon:

UP-Sentro ng Wikang Filipino.

Bautista, Ma. Lourdes S. 1996. Readings in Philippine Sociolinguistics. Manila: DLSU

Press.

Bennagen, Ponciano L. 1991. “Ang Filipino Bilang Instrumento ng Paglaya at Pag- unlad,”
Nasa Tungo sa Ibayong Pagyabong ng Wikang Filipino: Mga Teorya at Praktika. Manila:
Linangan ng mga Wika sa Pilipinas.

Bernabe, Emma J. F. 1987. Language Policy Formulation Programming,

Implementation and Evaluation in Philippine Education (1565-1974). Manila:
Linguistic Society of the Philippines.

Constantino. Ernesto A. 1991. “Theories for Development and Enrichment of Language.”

Nasa Tungo sa Ibayong Pagyabong ng Wikang Filipino: Mga Teorya at Praktika. Manila:
Linangan ng mga Wika sa Pilipinas.

Constantino, Pamela C. 1991. Pagpaplanong Pangwika Tungo sa Modernisasyon:

Karanasan ng Malaysia, Indonesia at Pilipinas. Lunsod Quezon: UP-Sentro ng
Wikang Filipino.

__________________. 2005. Filipino at Pagpaplanong Pangwika. Lunsod Quezon: UP-

Sentro ng Wikang Filipino.

Cooper, Robert L. 1986. Language Planning and Social Change. New York: Cambridge
University Press.

Cruz, Isagani R. 1985. “Language of Instruction in the Humanities.” Nasa New

Directions in Indigenous Psychology: Sikolohiyang Filipino Isyu, Pananaw at
Kaalaman. Manila: National Book Store.

61