Oisãmbyhýva Mbo´ehovusu Tekombo´e Yvateve, Ateneo de Lengua y
Cutura Guarani, Mbo´ehára Tembikuaajára David Addon Galeano Olivera ha ikéra irû Mbo´ehára Mbo´erekokuahára Sabina Nuñez. Omotenondéva Mbo´ehaovusu Tekombo´e Yvateve, Ateneo de Lengua y Cultura Guarani Reg. Fernando de la Mora. Mbo´ehára Tembikuaajára Carlos Pablino Antonio Ferreira. Quiñonez
0re mbo´ehárakuéra
Che irûnguera
ha ore pehenguekuera, anguirû
Maymavévape. Maitei hory horyvéva
Avy´aitereiniko añe´êhague rehe che irûnguéra rérape. Ko árape romohu´ã
porã porãite ko ore mbo´esysy mbo´ehárarã, upévare ropuka ha orejuruvy, apavavéva ore aguara joa. Oiko haguére orehegui mbo´ehára Guarani ñe´ême, romoñepyrû tape ipyahúva. Ko ára guive rojepytaso mbaretétama ikatu ha§ua ñane ñe´ê akóite taipotyjera, ikatu ro´e rohupytýmaha ore kera´yvoty rojuramoguare pe mbo´esyry peteîháme. Heta mba´e rohasa ko mbohapy ary pukukue jave; He´iháichavoi tapicha arandu Aristóteles, pe ñehekombo´e ñembohapo hái ha he´êmbochy ha katu pe hi´a he´ê asy. Oreapañuáinikokuri opavavéva; opaicha roguahê: roguatahápe, rotyryhápe oî ho´áva´ekue ha roñomopu´a jey rojeykekóvo, katu roiméma roina ko´ápe, ha kóva tuicha mba´e oréve, heta áraniko ndorokéi, nosêi oreve tembiapo, orerasê ha mba´e, upéicharo jepe, roguerekókuri oreykére mbo´eharakuéra ikatupyrýva ohayhúva hembiapo ha ombohapéva hekopete tekombo´e, ore rapykuéri ojepytaso mbarete avei orerogayguekuéra ome´êvaekue oréve mbarete. Rome´ê ore aguyje Ateneo Sambyhyhárape akóinte ojepytaso rehe guarani ñehekombo´ére ha avei oîhaguére ko árape ñane ndive. Avei oresambyhyhára ha mbo´ehakuérape oî haguere ore ykére; heta mba ´éma roikuaa guarani ñe´ê rehe ha heta mba´eve roikuaata gueteri rohóvo, umi mba´e iporãveva pehechaukáva oréveniko: pe avatee reko, techaramo, ñemomba´e guasu, ñemomaitei, oresambyhy mba´éichapa roikova´erã ore rapicha ndive, Jepémo oreapañuái rohasa vy´apópe Ateneo mbo´ehákotýpe ha opa ára roimékuri ore rogapeguáicha. Aguyje pembopotyjera rehe oréve penearandu roky, orereroguata pypuku rehe ha pemopyenda porã haguere ore akãme aranduita. Che irunguerápe chevy´apave, ha pojopy, ha nga´u ra´e, opavavetéva ambue arýpe jajapo mbo´epy mbo´ekuaahárarã, aníkena ñane kanguy ñaína jaguatáke oñondivepa, jajepytasóvo mba´eháraháicha ñane retã rehe jahekávo jeikoporãve. Ha Guarani ñe´ê akóinte taipoty ñande jurúpe. Rombovy´apavê ore irunguéra omohu´ãre Guarani kuaaypy, ha rojerure ichupekuéra ani hagua ikanguy ha ore romohu´ãháicha ore mbo´esyry mbo ´ehárarã tomohu´ã avei hikuái. Ko árape mbo´ehára pyahuháicha romomorã mbo´ehára guasu Tembikuaajára Pedro Ernesto Escurra Franco – pe ha´ére techapyrã oréve guara, he´iháicha ñe ´êpapára katupyty Karai Emiliano, nde avei rejuhuma nemomorava´era oimehápe petei mitã pyahu. Avei Mbo´ehára guasu Tembikuaajára Maria Saturnina Alfonzo de Retamozo – pe. Ha ipahaitépe, tajahasaporãite ko Ñandejára ra´y ára reñói hague ñegueromandu´a ha ary pyahu oguahêva, poromboaguyje kakuaa opavavépe. Jajoechajey peve.