AYMARA ARU JISK´APTA QILLQA

Yaticha Kamachi 070 Avelino Siñani y Elizardo Pérez, ukhamaraki, jach´a kamachi Constitución
Política del Estado Plurinacional sata, yatichawi qullasuyu markasataki mayjt´añatakiwa Modelo
Socioproductivo ukampiwa amtata. kunjamatixa, yatichawixa jaqinaka ayllunakana markanakana
qullasuyu jichha amtarjama wakichata.

Ukata, kunanakatixa anqa markanakata akaru mantaniri uka tuqinakata uñt´ayasi. Ukata
jichhapachanxa uka anaqa amuyunkaxa jiwasa markachirinakana utjaskakiwa. Uka amuyunakaxa
jani wali amuyunakawa markachirinakatakixa. Ukatwa jichhaxa aka machaqa thakhinchawimpixa
turkakipañataki yatichawinakampi chiqanchataski.

Ukhamata jichhaxa yatichawixa uka amuyunanak turkakipañataki wakisi. Uka yatichawi lurawimpixa
sarawinaka, lurawinaka amthapiña, yäqaña ukata ch´amanchaña ukanakatawa chiqanchasi. Aka
sarawinakaxa amuyunaka markasana arupana utjaski. Ukata thuqtawina, phust´awina, sarawinaka
Pacha Mama urqisana chikanchataski. Ukata uka amthapiñatakixa yatiqirinakaruwa suma
chiqanchañaspa, ukhamata markachirinakaxa yaqha aski amuyunakahmpi jiwasana
sarawinakarjama amuyunipxaspa. Uka amuyunakaxa sarawisa, luarawixa, yatiwisa taqpacha
markachirinakaru ch´amanchañatakiwa.

Ukata, aka amuyu turkakipawina janirakiwa, yaqha yati amauyunaka aparpaykiti, jani ukasti, uka
amuyumpisa chikanchasawa aka lurawixa qananchi. Ukhamata marka masinakampi taqi
lurawinakana, sarawinakana yäqasiña amuyunaka achuyapxsna.

Ukhamata, aka <Intracultural, intercultural plurilingüe> yaticha ukampixa suma yäqasiña

amuyunakampi ch´amanchañatakiwa sarantayataski. Ukhamata jiwasana sarawinakasaxa wali
ch´amampi nayraru apsupxsna. Ukhama lurasa phunchhawinaka, phusawinaka jakawisarjamasuma
chiqanchasipxsna.