Hinikayat ngayon ng Malacañang si Supreme Court (SC) Chief Justice
Maria Lourdes Sereno na tanungin mismo si Solicitor General Jose Calida kung sino ang nag-utos o nagbigay sa kanya ng otoridad para maghain ng quo warranto petition sa Korte Suprema.
Reaksyon ito ng Palasyo sa pahayag ni Sereno na nais niyang
malaman kung sino ang nasa likod ng hakbang ng SolGen matapos maghugas-kamay rito si Pangulong Rodrigo Duterte.
READ: 'Terror tagging' vs mga umano'y konektado sa CPP at NPA,
kinondena ni Zarate
Sa panayam ng Bombo Radyong umaga, sinabi ni Presidential
Spokesman Harry Roque, mas mabuting si SolGen Calida ang tanungin ni Sereno para ito mismo ang magsabi kung sino ang nagbigay sa kanya ng otorisasyong kuwestiyonin ang ligalidad ng kanyang appointment bilang punong mahistrado.
Ayon kay Sec. Roque, pwede ring tanungin ni Sereno ang mga kapwa mahistrado ng SC kung sino ang may gustong magtanggal sa kanya sa pwesto.
READ: Mag-asawa binaril habang nasa lamay
Iginiit ni Roque na tama na daw ang panduduro dahil sarili niyang
mga kasamahan sa Korte Suprema ang gustong magbakasyon siya ng habambuhay at tanungin daw kung bakit ganito ang mga pangyayari.
INTERNATIONAL
Hinangaan ng United Nations ang naging pagpapasya ni US
President Donald Trump na makipagkita ng personal kay North Korea lider Kim Jong Un. Sinabi ni UN spokesman Stephane Dujarric, suportado nila ang hakbang sa pamumuno ni UN Secretary General Antonio Guterres para tuluyan ng umusad ang kapayapaan.
Dagdag pa nito na handa silang tumulong kung anuman ang maari
nilang ibigay para matuloy na ang usapin.
READ: Pagpataw ng mataas na taripa sa mga imported steels at
aluminum pirmado na ni Trump
Nauna rito ipinahayag ni Trump na handa niyang harapin si North
Korea lider Kim Jong Un sa buwan ng Mayo para matigil na ang nuclear program nito.
Nagpahayag din ng pagtulong ang Switzerland na bilang neutral na
bansa ay maaaring doon sa kanila gawin ang naturang pag-uusap.
READ: Diplomats, experts: Trump, maging maingat sa mga hakbang
sa meeting nila ni Kim
Samantala iginiit ng White House na matutuloy lamang ang pag-
uusap basta makita nila na gumagawa ng hakbang ang North Korea sa mga kondisyon na inilatag ng US.
SHOWBIZ
Hinangaan pa rin ng maraming fans at mga celebrities ang
performance ni KZ Tandingan kahit na bigo itong makapasok sa top 4 ng Week 8 ng “Singer 2018”.
Sa pinakahuling performance nito sa reality singing contest ng China
ay kinanta nito ang awiting “Real Gone” ni Shery Crow.
READ: KC Concepcion sa isyung hiwalay na sila ni Aly Borromeo:
'We will always have that connection'
Inamin ng Pinay singer na kinabahan ito dahil ngayon lamang niya
kinanta ang nasabing awit na sinabayan pa niya ng paggitara. Tatlong araw lamang niya itong pinag-aralan bago ang performance.
Hindi nakapag-perform ang British pop star na si Jessie J dahil ito ay
may sakit kaya ipinagpaliban ang elimination.
READ: Mark Bautista inaming nilayuan ng mga kaibigan matapos
amining siya ay bisexual
Sa iba’t-ibang social media ay pinaabot ng mga fans ang kanilang
pagbati kung saan bilib pa rin sila sa performance ng Pinay singer.
SPORTS
Itinuturing ni Filipino boxing champion Manny Pacquiao ang sarili na
“underdog” sa nilulutong laban nila ni Lucas Mattysse sa Hunyo 24 sa Kuala Lumpur, Malaysia.
Sinabi ng fighting senator na ituturing niyang motivation ang
nasabing estado para mas lalong paigtingin ang kaniyang training pagkat sabik na umano ito muling maging kampeon.
READ: Beermen nakuha ang unang panalo sa best of five semis
matapos talunin ang Ginebra 102-90
Tikom naman si Pacquiao sa pagkakatanggal ni Freddie Roach sa
kaniyang training camp matapos ang 17-taon.
Nauna ng inanunsiyo ng kampo ni Pacquiao na pangungunahan ni
Restituto ‘Buboy’ Fernandez, Nonoy Neri at Roger ‘Haplas’ Fernandez ang kaniyang magiging ensayo,