Two Timer
Nabibigay mo lahat ng gusto ko
Eto yung para sa mga taong tinuring na
pangalawa kahit sila yung nauna.
Kay lamig ng simoy ng hangin
Parang nangyari sa atin.
Ayoko na sanang isipin
Pero di kayang /pigilin.
Heto na naman ako./
Kumakanta sa hangin tapos alalahanin ang
mga salitang binigkas /nang tayong dalawa
na magkasama /sa gitna ng madilim na
kalsada na walang ibang dumadaan kundi
ang ihip ng hangin/ kasing lamig ng
/pakikitungo mo sa akin/..sa akin at hindi sa
kanya
(as usual talking)
Kala ko pagbibigyan mo ako
Na sa araw ng pasko /magkasama tayo
(stronger)Pero mas pinili mo syang
makasama
Mas pinili mong magpakaligaya sa kanya
Nakakatanga
Hindi ko alam kung bakit hinahabol-
habol parin kita.
Sa tuwing iniisip ko kung paano mo ako
pinapatawa
At kung paano mo ako binubuhat sa saya
Lagi kong sinasambit sa mga alapaap na
sana nandito ka./
Sana../Bumalik ka na../
Pero Malabo/
Hindi naman na kasi ako ang prioridad
mo/
Nasasaktan akong isipin na/ sya parin
ang pinili mo sa kabila na nandito ako/
Malabo/
Hindi/Ako/Ang prioridad mo
Alam mo minsan/naiisip ko
Na bakit ako ang tinuring mong pangalawa/
Kahit ako yung nauna/
Nakakapagtaka/
Hinahanap hanap(slow) parin kita/
Sabi ko noon/
Ang swerte ko sayo/
Dahil binibigay mo ang lahat ng gusto ko/
Ultimo mamahaling gamit pinaggagastusan
mo
Pero alam mo doon ko napagtanto/
Na ginagawa mo lahat ng mga ito
Para mapunan ang mga pagkukulang mo
(pabigla)Dahil hindi naman ako Masaya
Kahit na hawak hawak ko sila
Mas gusto ko parin na ikaw yung kasama
Pero may isa kang bagay na di mo kayang
iregalo/
Yun/ay ang atensyon /na hinihingi ko
Wala nang problema sa akin/ kung ituring
mo akong pangalawa
Nasasaktan lang akong isipin na ako parin
yung pangalawa kahit ako yung nauna
Diba? Nakakatanga.( Makaunget)
Bakit kasi kung sino pa yung nauna
Siya pa tong Walang laban
Sya pa tong pinagkakaitan
Alam mo..Pinilit kong ipaglaban na dapat
ako yung nasa unahan
Pero pilit mong iniiwasan kaya lalakad
nalang ako palikuran
At eto ako../ Nasa dulo ng prioridad mo/
Alam mo/Kailangan ko ng magdesisyon/
Para matigil na yang kakakwestyon
Sinasamahan pa ng emosyon
Ayoko ng maalala ang kalsada
Ang mga salitang binigkas na hindi mo na
Ang mga oras na iniwan mo akong mag-isa
At ang mga panahong palagi nalang akong
kawawa
Tama na/
Hinahayaan na kita../Hinahayaan na kita
Dahil hindi na ako ang gusto mong Makita
Hindi na ako ang gusto mong makasama sa
mesa
Hindi na ako ang gusto mong bilhan ng keso
de bola
At hindi na ako ang gusto mong magkabit
ng parol sa bintana
Hindi na ako ang gusto mong magsabi ng
pasko na
Dahil hindi na ako ang nag-iisa mong unica
hija,Papa
Papa
Papa,Ayoko ng marinig ang mga salitang
kunwari ako yung mahalaga
Dahil kahit minsan hindi mo kami
pinagbigyan ni mama
Tama na /hinahayaan na kitang sumama sa
pinili mong pamilya
Makakaasa ka hindi na kami manggugulo pa
Pero sana
Sana wag mong kalimutang may asawat
anak kang tinuring mong pangalawa kahit
kami yung nauna/
Papa,mahal kita ng sobra
/Pero ayoko ng umasa /
Ngingiti na lang ako at iisipin na/ kuntento
na ako/ kay mama.
Maraming Salamat po,