OBI A SHILEKUN IGBODUN

ORIBAWA OLOFIN ORIBAWA LODE

ILEKUN INSHELE IFE EDUN
INLE OGUERE OLODUMARE
BABA OBRE MODUPUE OLORUN
AKOKOIBERE OBI MOKUEO
ENI BODUN AYARA ORO AYARA
ODDUN SHANGÓ BABA AGBA
YIROMI IFE ORUNMILA MODUPUE
OMO OFO UMBO ILE OLOFIN
OBI ODARA
ODOROFÚN ODOROWÁ

BABA EJIOGBE: BABA EWE MEYI

BABA TITI OTOTORAYE
ODOROFÚN ODOROWÁ

BABA OYEKUN MEYI: ORANNIYAN AWANI SHANGÓ ORIBAWA OLOFIN IROGUE IRE
ODOROFÚN ODOROWÁ

BABA IWORI MEYI: EGUILABASHE OLODDUMARE AWARILODE

AWARILODE ORUNMILA
ODOROFUN ODOROWÁ

BABA ODDI MEJI: ASHAMA ARUMA KORDIMA ARAYINE OBATALA JEKUA ORILEGUN MARILEGUN
OSEMAKO KALEKUN AWO IFÁ
ODOROFÚN ODOROWÁ

BABA IROSO MEYI: ABANTAIKA AWARIYERO OLOFIN OBANISHE OZUN MOSINIEYO AWARENIFA
ODOROFÚN ODOROWÁ

BABA OJUANI MEYI: AWANI LORUN AWANI LOYE IFÁ BEREYÉ NI AWO ADIFAFUN ORULE MEYI
ILEKE OBORUREGUN
ORUNMILA YEYE YEYEKUN YEYE OFÁ
ODOROFÚN ODOROWÁ

BABA OBARA MEYI: OBARA ENI BARA NI BARA BAWA ORUNMILA NISHELEKONFUN ENI LEKUN
ENI BARA BAWA ONI BABALAWO OMO IFÁ LESE NI BODUN ODUDUWA BABA
ODUDUWA YEYE
ODOROFÚN ODOROWÁ

BABA OKANA MEYI: ONI KANA KANABEYEIFA OMO LASHE ODUDUWA ARAGELE AWO IFÁ LADE
ONI BABALAWO BERE NIFA
ODOROFÚN ODOROWÁ
BABA OGUNDA MEJI: EYE NIBAWA OBATALA
JEKUA ONIRE ODUDUWA ORIBAWA IFÁ
BARAYIRE ORUNLA IFÁ ODARA
ODOROFÚN ODOROWÁ

BABA OSA MEYI: BABA BARÚ BARÚ

BABA FASHÓ FASHÓ ADIFAFUN IFÁ OBARANIFA IFÁ OMO ALORA
YANSA OYÁ ABELEKUN OMO YEWÁ
LODDÉ NI UNTEFA ORUNMILA IFÁ ODARA
ODOROFÚN ODOROWÁ

BABA IKA MEYI: KANIKA ERI IKABARA

ORIBABAWÁ OLOKUN BORIBAWÁ
EKANI EKANI IKARABAWA IKA LODDE ORUNMILA NITOSHE ORIBAWÁ
LESE OMO LAYIRE UMBO LESE BODUN
ODOROFUN ODOROWÁ

BABA OTRUPON MEYI: ENIME NASHARE NI OBARA NI AWO JEKUA OBATALA

OMO LASHE IBA ASHE
AWO ORUNMILA
ODOROFUN ODOROWÁ

BABA OTURA MEYI: ASEKUNDIFA ADIFAFUN IMALE SALE MALE MALE KUNSALA ABE IFÁ
NI MALE AWO NOORDUN OMAGUEGUERE
UNTEFA OTURAMEYI
ODOROFÚN ODOROWÁ

BABA IRETE MEYI: ADIFAFUN OLUWO MAGAYI OMO IFARI FAFARÍ AWA NIPOROSEMASHE ASHE
BABA
ODOROFÚN ODOROWÁ

BABA OSHE MEJI: MULUKU MULUKU OSHE

ONI BABALAWO LORDAFUN EYIO
OBANIRE AWO ORUNMILA ONABA
YAYEKUN ORIBOSHE
ODOROFÚN ODOROWÁ

BABA OFUN MEJI: OBONIBOSHE OLOFIN AWANI LEKUN OMO AYIRA BORDUN ORIBAWA
ORUNMILA ODDUN LOFUN OLOFIN OMOFÁ UNTEFÁ LORDAFUN
IFA ODARA
ODOROFÚN ODOROWÁ