PANUNUMPA NG TUNGKULIN

(COMMITMENT)
ni Gng. Felina P. Pungtilan

Bilang manggagawa ng Kagawaran ng Edukasyon, ako si

______________________________ ay taos-pusong nanunumpa na aking
gagampanan nang maayos ang aking tungkuling bilang guro sa darating na
pasukan. Gagawin ko ito hindi lang dahil ito’y mandato ng kagawaran
bagkus isasakatuparan ko ito nang bukal sa aking kalooban.

Ako’y nangangakong isasakatuparan ang lahat ng aking natutunan sa

limang araw na seminar na ito. Sisikapin kong ang lahat ng aking mag-aaral
ay matututong sumulat, bumasa nang may pang-unawa at marunong
makipagtalastasan sa kapwa. Papanindigan kong hahabaan ang aking
pasensya at pang-unawa sa mga batang mas mahina. Maglalaan ako ng
oras para tulungan silang bumasa nang walang hinihinging kapalit. Handa
rin akong ibahagi ang aking natutunan sa aking mga kapwa guro upang
wala ng batang di – marunong bumasa. Gagawin ko ito para sa ikakaunlad
ng aking bayan.

Ang lahat ng ito’y aking babalikatin nang buong tapang at husay.

Sana’y kasihan nawa ako ng Panginoon.