CARA NGADAMEL ONDE-ONDE

Onde-onde nyaeta ngaran kadaharan anu rasana amis, dijieun tina tipung
ketan dibuleud-buleud. Dijerona di eusian ku enten atawa kacang hejo, tuluy di
puih-puih diluhureun siki wijen, nepi ka eta siki wijen teh napel minuhan bagian
luarna, sanggeus kitu digoreng.

Bahan-bahan kanggo ngadamel onde-onde nyaeta 1/2 kg kacang hejo

(direndem cai tiis salami 4 jam), 1/2 sdt uyah, 1 kg gula bodas, 1/4 sdt vanilla
bubuk.

Cara ngadamelna nyaeta kulub kacang hejo nganggo api alit dugika empuk,
teras tambahkeun gula jeung vanilla essence aduk rata, tambahkeun cai sakedik-
sakedik bari di aduk sampe empuk jeung garing, teras angkat.

Kanggo kulitna nyaeta campurkeun tipung ketan, tipung beas, uyah jeung
vanilla bubuk, aduk rata, teras panaskeun cai, tambahkeun cai sakedik-sakedik
kana campuran tipung aduk rata sampe adonan nu tiasa dipulung, saterasna
nyaeta candak 2 sdm adonan tipung pipihkan ditangan sampe ngadamel
cekungan, teras isi ku adonan kacang hejo tutup teras buledkeun deui jadi bola-
bola, teras dicelupkeun kana cai tiis, salajengna gulingkeun kana wijen, puter-
puter ku dua tangan sampe bentukna buled jeung wijenna napel rata, panaskeun
minyak alitan api, goreng onde-onde sampe ngapung jeung kakonengan, teras
angkat tiiskeun.
 CARA NYIEUN COMBRO

Combro atawa oncom di jero nyaeta kadaharan khas ti Jawa Barat. Combro
di jieun na tina parutan sapeu nu di bentuk buleud lonjong anu bagian jero na di
isian ku oncom. Combro nyaeta kadaharan tradisional anu rasana kaetang raos
sareng unik.
Bahan nyieun combro teh nyaeta 1 ½ sapeu anu geus di parud nepi ka
lembut,1/2 kalapa ngora anu geus di parud nepi ka lembut, uyah sareng minyak
goreng sacukupna.
Bahan isi na combro nyaeta 400 gram oncom anu geus di lembutkeun, 5 iji
sabrang rawit, 3 iji bawang daun anu geus di iris lemut, bawang bodas ,
ketumbar, uyah sacukupna , sareng bumbu panyedap.
Proses nyieun oncom lumayan gampang nyaeta sadaya bahan isi na kanggo
nyieun combro di aduk terus di lembutkeun. Aduk sapeu sareng kalapa anu geus
di lembutkeun terus bere uyah sacukupna. Bentuk adonan nu di jieun ka buleud
lonjong pipih terus jerona bere bahan isi anu tadi. Goreng adonan combro dina
seneu anu sedeng saentos warna na koneng kacoklatan angkat combro.
 BUBUR KACANG HEJO

Kacang hejo nyaeta palawija anu kakoncara pisan di nagara tropis,

kacang hejo seueur mangpaatna dina kahirupan sadidinten, salah saiji mangpaat
tina kacang hejo nyaeta dijadikeun minangka asal bahan pangan, margi kacang
hejo ngandung protein nabati anu luhur pisan. Di Indonesia, kacang hejo ayeuna
aya di urutan ka-3 pangpentingna saentos kedelai sarta suuk minangka
pepelakan pangan legum.

Siki ti kacang hejo mangrupa bagian penting anu bernilai ekonomi.

Biasana siki kacang hejo dijadikeun bubur anu disebat bubur kacang hejo.
Sajaba ti eta, siki kacang hejo oge biasa dianggo minangka eusi ti jajanan
bakpao atawa onde-onde, sedengkeun kanggo kacambah kacang hejo tiasa
dijadikeun sayur. Sajaba ti eta, kacang hejo oge tiasa diolah jadi tipung anu
saterusna dijadikeun mie atawa nu biasa dikenal mie soun.

Lamun nyarios perkawis kacang hejo, tangtos henteu tiasa esot tina
bubur kacang hejo. Di manten bubur kacang hejo ngabogaan rasa anu khas,
ngandung protein nabati luhur, ku kituna bubur kacang hejo sae pisan kanggo
kasehatan barudak, dugi ka jalmi dewasa. Ngadamel bubur kacang hejo teh
gampil, margi cara-cara na oge sederhana.

Pami urang bade ngadamel bubur kacang hejo, bahan-bahan anu kudu
disiapjeun nyaeta 600 ml santen kentel, 400 gr kacang hejo, 600 gr gula
jawa/gula beureum, 3 lambar daun pandan, 1,5 sdt uyah, 3,5 ltr cai bersih.

Cara ngadamel bubur kacang hejjo nyaeta, mimiti kumbah kacang hejo
nganggo cai bersih, piceun sadaya sampah kaasup kacang hejo anu ngapung.
Margi kacang hejo nu ngapung hartina rusak. Teras, kulub kacang hejo kalawan
2,5 ltr cai dugi ka ngembang, hipu sarta asak. Saentos eta, panaskeun gula
beureum kalawan 500 ml cai dugi ka ngahiji. Disaring, teras dituangkeun kana
kacang hejo anu tos dikulub tadi. Asupkeun uyah sarta daun pandan dugi ka
ngagolak, pami tos ngagolak, tuangkeun santen. Aduk-aduk lalauanan. Angkat,
bubur kacang hejo siap disayogikeun.

Kanggo ngahasilkeun rasa anu langkung variatif, tiasa ditambihan buah

nangka atawa cau anu atos asak, atawa tiasa oge nyampurkeun bubur kacang
hejo sareng nu sanes na, margi sadaya na ge gumantung ka urang saluyu sareng
selera masing-masing.