A+ Review Center GenEd Filipino

KOMUNIKASYON
Uri ng komunikasyon
 Komunikasyong verbal – uri ng komunikasyn na ginagamitan ng wika, pasalita man o
pasulat.
 Komnikasyong di verbal – ang uri ng komunikasyon na hindi ginagamitan ng wika, kundi
ginagamitan ito ng senyas, expresyon ng mukha, simbolo at iba pa.

Antas ng Komunikasyon

 Intrapersonal - pakikipagusap sa sarili; pinakamababang antas; tumutukoy sa

pakikipag-usap ng indibidwal sa sarili-sa kanyang replektibong pag-iisip, pakikinig sa
sarili, pagbubulay-bulay, o kaya ay kapag pinakikiramdaman ang paggalaw ng sarili.
 Interpersonal - pakikipagusap sa ibang tao; pakikipagtalastasan sa iba't-ibang
indibidwal.
 Pampubliko - pakikipagusap sa maraming tao; ang halimbawa nito ay ang
valedictory address
 Pangmasa - panglahatan; halimbawa nito ay ang SONA
 Pangorganisasyon - para sa mga grupo
 Pangkultura - pakikipagusap tungkol sa kultura
 Pangkaunlaran - ito ay ang komunikasyong naglalayong gamitin sa pagpapa-unlad
ng bansa.
WIKA
Katangian ng Wika
 Ito ay masistemang balangkas
 Ito ay sinasalitang tunog.
 Ito ay pinili at isinaayos
 Ito ay arbitraryo
 Ito ay ginagamit
 Ito ay nakabatay sa kultura
 Ito ay nagbabago

Teorya ng Pinagmulan ng Wika

 Bow-wow = Ang wika ay maaring nagmula sa panggagaya ng tao sa mga tunog sa
kalikasan.
 Pooh-pooh = ang wika ay nalikha bunga ng masidhing damdamin ng tao gaya ng sakit,
tuwa, sarap, kalungkutan, takot, pagkabigla at iba pa.
 Yo-he-ho = ang wika ay bunga diumano ng pwersang pisikal ng tao.
 Ta-ra-ra-boom-de-ay = ang wika ay nag-ugat sa mga tunog na nililikha ng mga tao sa
kanilang mga ritwal.
 Ta-ta = Ang wika ay nagmula sa panggagaya ng dila sa kumpas o galaw ng kamay ng tao
ng kanyang ginagawa sa bawat particular na okasyon.
 Ding-dong = Ang wika ay nagmula sa panggagaya ng tao sa mga tunog ng nililikha ng
mga bagay-bagay sa paligid, hndi lamang sa kalikasan kungdi maging sa mga bagay na
likha ng tao.
 Biblikal na Pananaw = ang wika ay kaloob ng Diyos at ang pagkakaiba ng wika ay
isinasalaysay sa kwento ni Babel at sa kanyang Tore.

Antas ng Wika
 Pormal – ito ang mga salitang istandard dahil kinikilala, tinatanggap ay ginagamit ng
higit na nakararami.
a. Pambansa – ito ang wikang kadalasang ginagamit ng pamahalaan, aklat pangwika,
aklat pambalarila. (Hal. Ama)
b. Pampanitikan o Panretorika – ito ang mga salitang matatayog, malalalim,
makukulay, masisining, at ginagamit ng mga manunulat sa kanilang akdang
pampanitikan. (Hal. Haligi ng tahanan)
 Impormal – ito ang mga salitang karaniwan, pang-araw-araw, palasak, at kadalasang
ginagamit sa pakikipag-usap at pakikipagtalastasan sa mga kakilala at kaibigan.

1|Page
A+ Review Center GenEd Filipino
a. Lalawiganin – ito ang mga bokabularyong dayalektal. (Hal. Amahan)
b. Kolokyal – ito ay mga pang-araw-araw na salita na ginagamit sa mga pagkakataong
impormal. Kadalasan, ito ay nasa pormang pinaikling salitang pormal. (Hal. Tatay –
Tay)
c. Balbal – ito ay ang pinakadinamikong at pinakamababang antas ng wika na
kadalasang maririnig sa mga usapang kalye. (Hal. Erpat)

Tungkulin ng Wika
 Interaksyonal – nakapagpapanatili/ nakakapagpapatatag ng relasyong sosyal.
 Instrumental – tumutugon sa mga pangangailangan
 Regulatori – kumokontrol at gumagabay sa kilos/asal ng iba.
 Personal – nakakapagpahayag ng sariling damdamin o opinion.
 Imahinatibo – nakakapagpapahayag ng imahinsyon sa malikhaing paraan
 Heuristik – naghahanap ng impormasyon
 Impormatib – nagbibigay ng impormasyon

Barayti ng Wika

2|Page
A+ Review Center GenEd Filipino

3|Page
A+ Review Center GenEd Filipino
Ang Kasaysayan ng Wikang Filipino

Panahon ng mga Katutubo

 Alibata o baybayin ang tawag sa katutubong paraan ng pagsulat

 Binubuo ito ng labimpitong (17) titik: tatlong (3) patinig at labing-apat (14) na katinig

 Alibata

 Ang mga katinig ay binibigkas na may kasamang tunog ng patinig na /a/. Kung nais basahin o
bigkasin ang mga katinig na kasama ang tunog na /e/ o /i/, nilalagyan ang titik ng tuldok sa itaas.
Samantala, kung ang tunog ng /o/ o /u/ ang nais isama sa pagbasa ng mga katinig, tuldok sa
ibaba nito ang inilalagay.

 Samantala, kung ang nais kaltasin ay ang anumang tunog ng patinig na kasama ng katinig sa
hulihan ng isang salita, ginagamitan ito ng panandang kruz (+) bilang hudyat sa pagkakaltas ng
huling tunog.

 Gumagamit ng dalawang pahilis na guhit // sa hulihan ng pangungusap bilang hudyat ng

pagtatapos nito.

Panahon ng mga Kastila

 Maraming pagbabago ang naganap at isa na rito ang sistema ng ating pagsulat.

 Ang dating alibata ay napalitan ng Alpabetong Romano na binubuo naman ng 20 titik, limang (5)
patinig at labinlimang (15) katinig.

 a, e, i, o, u b, k, d, g, h, l, m, n, ng, p, r, s, t, w, y

 Pagpapalaganap ng Kristiyanismo ang isa sa naging layunin ng pananakop ng mga Kastila.

 Ngunit nagkaroon ng suliranin hinggil sa komunikasyon.

 Nagtatag ang Hari ng Espanya ng mga paaralang magtuturo ng wikang Kastila sa mga Pilipino
ngunit ito ay tinutulan ng mga prayle.

 Ang mga misyonerong Kastila mismo ang nag-aral ng mga wikang katutubo.

1. Mas madaling matutuhan ang wika ng isang rehiyon kaysa ituro ito sa lahat ang Espanyol.

2. Higit na magiging kapani-paniwala at mabisa kung ang isang banyaga ay nagsasalita ng katutubong
wika.

 Ang mga prayle’y nagsulat ng mga diksyunaryo at aklat-panggramatika, katekismo at mga

kumpesyonal para sa mabilis na pagkatuto nila ng katutubong wika

 Naging usapin ang tungkol sa wikang panturong gagamitin sa mga Pilipino.

 Inatas ng Hari na ipagamit ang wikang katutubo sa pagtuturo ng pananampalataya subalit hindi
naman ito nasunod.

 Gobernador Tello – turuan ang mga Indio ng wikang Espanyol

 Carlos I at Felipe II – kailangang maging bilinggwal ang mga Pilipino

 Carlo I – ituro ang doktrinang Kristiyana sa pamamagitan ng wikang Kastila

 Noong Marso 2, 1634, muling inulit ni Haring Felipe II ang utos tungkol sa pagtuturo ng wikang
Kastila sa lahat ng katutubo

 Hindi naging matagumpay ang mga kautusang nabanggit kung kaya si Carlos II ay naglagda ng
isang dekrito na inuulit ang mga probisyon sa mga nabanggit na batas. Nagtakda rin siya ng
parusa para sa mga hindi susunod dito.

4|Page
A+ Review Center GenEd Filipino
 Noong Disyembre 29, 1792, nilagdaan ni Carlos IV ang isa pang dekrito na nag-uutos na gamitin
ang wikang Kastila sa mga paaralang itatatag sa lahat ng mga pamayanan ng Indio.

Panahon ng Propaganda

 Sa panahong ito, marami na ring mga Pilipino ang naging matindi ang damdaming nasyonalismo.
Nagtungo sila sa ibang bansa upang kumuha ng mga karunungan.

 Dr. Jose Rizal, Graciano Lopez-Jaena, Antonio Luna, Marcelo H. del Pilar

 Sa panahong ito ay maraming akdang naisulat sa wikang Tagalog. Pawang mga akdang
nagsasaad ng pagiging makabayan, masisidhing damdamin laban sa mga Kastila ang
pangunahing paksa ng kanilang mga isinulat.

Panahon ng mga Amerikano

 Nagsimula na naman ang pakikibaka ng mga Pilipino nang dumating ang mga Amerikano sa
pamumuno ni Almirante Dewey

 Ginamit nilang instrumento ang edukasyon na sistema ng publikong paaralan at pamumuhay na

demokratiko

 Mga gurong sundalo na tinatawag na Thomasites ang mga naging guro noon.

 William Cameron Forbes – naniniwala ang mga kawal Amerikano na mahalagang maipalaganap
agad sa kapuluan ang wikang Ingles upang madaling magkaunawaan ang mga Pilipino at
Amerikano

 Nagtatag ng lupon si Mc Kinley na pinamumunuan ni Schurman na ang layunin ay alamin ang

pangangailangan ng mga Pilipino

1. Isang pambayang paaralan ang kailangan ng mga Pilipino

2. Mas pinili ng mga lider-Pilipino na gamitin bilang wikang panturo ang Ingles

 Jorge Bocobo – naniniwalang ang lahat ng sabjek sa primaryang baitang, kahit na ang Ingles ay
dapat ituro sa pamamagitan ng diyalektong lokal

 N.M Saleeby, isang Amerikanong Superintende – kahit na napakahusay ang maaaring pagtuturo
sa wikang Ingles ay hindi pa rin ito magiging wikang panlahat dahil ang mga Pilipino ay may kani-
kaniyang wikang bernakular na nananatiling ginagamit sa kanilang mga tahanan at sa iba pang
pang-araw-araw na gawain

 Bise Gobernador Heneral George Butte – naniniwalang epektibong gamitin ang mga wikang
bernakular sa pagtuturo sa mga Pilipino

 Labag man sa iniutos ni Mc Kinley na gamiting wikang panturo ang mga wikang bernakular sa
mga paaralan ay nanatili pa rin ang Ingles na wikang panturo at pantulong naman ang wikang
rehiyonal

Panahon ng Hapones

 Sa pagnanais na burahin ang anumang impluwensiya ng mga Amerikano, ipinagamit nila ang
katutubong wika partikular ang wikang Tagalog sa pagsulat ng mga akdang pampanitikan.

 Ito ang panahong namayagpag ang panitikang Tagalog.

 Ipinatupad nila ang Order Militar Blg. 13 na nag-uutos na gawing opisyal na wika ang Tagalog at
wikang Hapon

5|Page
A+ Review Center GenEd Filipino
Panahon nga Malasariling Pamahalaan

 Saligang Batas noong 1935, Seksyon 3, Artikulo XIV – “Ang Kongreso ay gagawa ng mga hakbang
tungo sa pagpapaunlad at pagpapatibay ng isang wikang pambansa na batay sa isa sa mga
umiiral na katutubong wika.”

 Dahil sa probisyong ito, itinatag ni Pangulong Quezon ang Surian ng Wikang Pambansa na
ngayon ay Sentro ng Wikang Filipino upang mamuno sa pag-aaral sa pagpili ng wikang
pambansa.

Manuel Luis Molina Quezon

 Nilikha ng Batasang Pambansa ang Batas Komonwelth Blg. 184 – opisyal na paglikha ng Surian
ng Wikang Pambansa noong ika-13 ng Nobyembre 1936

 Ang tungkulin nito ay magsagawa ng pananaliksik, gabay at alituntunin na magiging batayan sa

pagpili ng wikang pambansa ng Pilipinas

 Si Jaime C. de Veyra ang naging tagapangulo ng komite

 Napili nila ang Tagalog bilang batayan ng wikang tatawaging Wikang Pambansa

 Ipinalabas noong 1937 ng Pang. Quezon ang Kautusang Tagapagpaganap Blg. 134 – nag-aatas na
Tagalog ang batayan ng wikang gagamitin sa pagbubuo ng wikang pambansa

Ilang dahilan kung bakit Tagalog ang napiling batayang wika :

1. Mas marami ang nakapagsasalita at nakauunuwa ng Tagalog kumpara sa ibang wika

2. Mas madaling matutuhan ang Tagalog kumpara sa ibang wikain sapagkat sa wikang ito, kung ano ang
bigkas ay siyang sulat

3. Tagalog ang ginagamit sa Maynila at ang Maynila ang sentro ng kalakalan sa Pilipinas

4. Ang wikang Tagalo ay may hostorikal na basehan sapagkat ito ang wikang ginamit sa himagsikan na
pinamunuan ni Andres Bonifacio

5. May mga aklat na panggramatika at diksyunaryo ang wikang Tagalog

 Dahil sa pagsusumikap ni Pang. Quezon na magkaroon tayo ng wikang pagkakakilanlan, hinirang

siyang “Ama ng Wikang Pambansa”

 Kautusang Tagapagpaganap Blg. 263 noong Abril 1940 – nagpapahintulot sa pagpapalimbag at

paglalathala ng Talatinigang Tagalog-Ingles at Balarila sa Wikang Pambansa.

 Pinasimulan ang pagtuturo ng wikang pambansa sa mga paaralan pampubliko at pampribado sa

buong bansa

 Pinagtibay ng Batas Komonwelth Blg. 570 na ang Pambansang Wika ay magiging isa na sa mga
wikang opisyal ng Pilipinas simula sa Hulyo 4, 1940

 Nilagdaan ni Pang. Ramon Magsaysay ang Proklamasyon Blg. 12 noong Marso 26, 1954 na
nagpapahayag ng pagdiriwang ng Linggo ng Wikang Pambansa ay magaganap mula sa ika-29 ng
Marso hanggang ika-4 ng Abril bilang pagbibigay-kahalagahan sa kaarawan ni Balagtas (Abril 2)

 Nilagdaan ni Pang. Magsaysay ang Proklamasyon Blg. 186 noong Setyembre 23, 1955 na nag-
uutos sa paglilipat ng petsa ng Linggo ng Wika mula ika-13 hanggang 19 ng Agosto bilang
pagbibigay ng kahalagahan sa kaarawan ni Pang. Quezon (Agosto 19)

 Noong Pebrero, 1956, nilagdaan ni Gregorio Hernandez, Direktor ng Paaralang Bayan ang
Sirkular 21 na nag-uutos na ituro at awitin ang Pambansang Awit sa mga paaralan

6|Page
A+ Review Center GenEd Filipino
 Nagpalabas si Kalihim Jose E. Romero ng Kagawaran ng Edukasyon ng Kautusang
Pangkagawaran Blg. 7 noong Agosto 13, 1959 na nagsasaad na kailanma’t tutukuyin ang Wikang
Pambansa, ang salitang Pilipino ang gagamitin

 Nilagdaan ni Pang. Ferdinand Marcos ang Kautusang Tagapagpaganap Blg. 96 na nagtatadhana

ng pagsasa-Pilipino ng mga pangalan ng gusali, edipisyo at tanggapan ng pamahalaan noong
Oktubre 24, 1967

 Marso 27, 1968, nilagdaan ni Rafael Salas, Kalihim Tagapagpaganap, ang Memorandum Sirkular
Blg. 96 na nag-aatas ng paggamit ng wikang Pilipino sa mga opisyal na komunikasyon sa mga
transaksyonng pamahalaan

 Memorandum Sirkular Blg. 488 noong Hulyo 29, 1972 na humihiling sa lahat ng tanggapan ng
pamahalaan na magdaos ng Linggo ng Wika

 Saligang Batas ng 1973, Artikulo XV, Seksyon 2 at 3 – “Ang Batasang Pambansa ay magsasagawa
ng mga hakbang tungo sa pagpapaunlad at pormal na paggamit ng pambansang wikang Pilipino
at hangga’t hindi binabago ang batas, ang Ingles at Pilipino ang mananatiling mga wikang opisyal
ng Pilipinas”

 Hunyo 21, 1978, nilagdaan ng Ministro ng Edukasyon at Kultura, Juan Manuel ang Kautusang
Pangministri Blg. 22 na nag-uutos na isama ang Pilipino sa lahat ng kurikulum na
pandalubhasang antas

 Nabagong muli ag Konstitusyon nang sumiklab ang Edsa I noong Pebrero 25, 1986 at nahirang
na pangulo ng bansa si Gng. Corazon c. Aquino

 Saligang Batas ng 1987, Artikulo XIV, nasasaad tungkol sa wika:

 Sek.6. Ang wikang pambansa ng Pilipinas ay Filipino

 Sek.7. Ukol sa mga layunin ng komunikasyon at pagtuturo, ang mga wikang opisyal ng Pilipinas
ay Filipino at hangga’t walang ibang itinatadhana ang batas, Ingles

 Sek.8. Ang Konstitusyong ito ay dapat ipahayag sa Filipino at Ingles at dapat isalin sa mga
pangunahing wikang panrehiyon, Arabic at Espanyol

 Sek.9. Dapat magtatag ang Kongreso ng isang komisyon ng wikang pambansa na binubuo ng
mga kinatawan ng iba’t ibang mga rehiyon at mga disiplina na magsasagawa, mag-uugnay at
magtataguyod ng mga pananaliksik sa Filipino at iba pang mga wika para sa kanilang
pagpapaunlad, pagpapalaganap at pagpapanatili

7|Page