各位街坊 朋

/ 友，
有沒有想起兒時的玩意？
與同學，朋友一起玩的集體遊戲的日子呢？
除了用金錢買的玩具外，有冇自製玩具來
玩呢？
年
17
20

例如：跳大繩、橡根繩、摺紙蜻蜓、
飛機、船、打波子、拋豆袋等；
同時，有否釣起昔日兒時的生活情境呢？
電話：66540537 / 94306771 現在，我們誠邀你們 連
( 小朋友 來
) 參與
一個月一次的放影會，
傾吓計及
參加街上保齡球遊戲、玩樂器、掟水蓋、
風車製作等等
炒散師奶雜記
做師奶，老公賺果份又唔夠洗，個細路又細要照顧，好多都
會打下散工咁。
今期心水報，就分別有蔡師奶和何太，分享下做散工的心
得，教精大家，無咁易俾人搵笨嘛！

一、有朋友追假期錢
追番幾萬蚊呀
對話：何太、怡

何太：我在很多不同茶餐廳做過樓面，現時一日只是番六小
時，要照顧家庭嘛，不過就算是兼職工，老闆強積金有
供足，勞工假都有得放，亦都有人工。
勞工假呢，就未做夠三個月就無人工，番夠三個月就
有，我都好清楚架。

　怡：都真係好多工友唔知，就算兼職都有假期錢，其實如果
個個星期都番超過18小時，根據勞工法例，做滿三個月
勞工假就要放假兼照有糧出。

何太：我都識有些朋友做的另一間，老闆又唔供強積金，又無
假期錢。個老闆仲要好鍾意去旅行，啲錢咪係工人度
來，即其實係工人迫住要請老闆去旅行囉。

　怡：咁嘅情況都應該幾普遍，不過有時打工又要照顧家庭，
搵工都要諗好多，例如近唔近屋企，工作時間啱唔啱，
所以，有時打緊工，都真係好難同老細講話要出番假期
錢，驚份工都無埋嘛。

何太：不過我都聽過有朋友，在茶餐廳做左好多年，後尾無做
之後，去勞工處追番假期錢，追番幾萬蚊呀。
二、刻薄月餅 你食埋佢!

故仔：蔡師奶
轉自：草根行動媒體

話說中秋將至，人地就消費買月餅，我地做推廣
呢一行，就哽係出動搵工賣月餅啦，姐妹們四出
張羅有咩工時，就有人見到華麗園月餅的苛刻合
約。刻薄不在話下，仲唔合勞工法例添！

份合約有36條，大家睇清楚，以家將至刻薄的抄
出嚟俾大家睇：

1) 遲到首10分鐘，每分鐘扣1元；超過10分鐘，扣兩倍，
即每分鐘扣2元；超過15分鐘，即被扣除30分鐘工資，
例如：$500/8/60×30= 31元；
2) 如貨物遺失，沒有合理理由，將由推廣員平均承擔；
3) 禮券數目與銷售紀錄不符，要推廣員需負責缺失的禮券的原價；
4) 禮券蓋錯印，要扣5元印刷費；
5) 推廣員收錯錢，就要負責支付相關款項差額；
6) 每日對賬出現問題，推廣員需賠償公司所有的損失；
7) 自行找替工，將不獲發放任何工資；
8) 推廣員不可透露工資，否則會被嚴重處分；
9) 不能遵守合約精神，賠償 5000元
10) 公司出糧會從工資中扣起 300元查數無誤後，先發回
11) 自行清洗圍裙，否則公司有權追討賠償

哇，睇到都把幾火！咩都要我負責，俾我做老細呀笨！！！
各位姐妹，有得揀（如果有得揀）真係咪幫呢間野打工！雖然，生
活迫人，有時無議價能力遇到呢啲黑心老細真係好頭痕！

香港有一個推廣員及零散工工會，大家若遇到同類問題　
可聯絡工會：27904848 或whatsapp 55421515