AJA RUMANGSA BISA

1. Saben wong urip saklumprahe mesti nduweni

kepinginan utawa cita-cita.Mbuh sing diarani cita-
cita pengin dadi
pejabat,tentara,polisi,mentri,mantri,bupati,lan liya-
liyane utawa sing mung pingin mangan
thiwul,gathot,gethuk.lemper,klemet,utawa
wajik.Ana maneh sing pengin dadi wong
sugih,pinter,sukses pegawean,lan duwe bojo ayu
nganti duwe bojo lima.

2. Jer mangkono para sesepuh wis paring pitutur yen

sakabehing pepinginan utawa cita-cita kudu
disranani ikhtiyar lan donga.Ora mung cukup
semono,nanging sing pokok uga butuh modal,intine
jer basuki mawa bea,kaya semboyane pamarentah
Propinsi Jawa Wetan.Modal kang dimaksud ing
kene ora mesthi kudu wujud dhuwit.Bisa
kepinteran,keprigelan,tali paseduluran,kabar
utawa informasi,lanakeh conto liyane.
3. Samengko wong nduweni ubarampe modal kang
tansaya pepak mesthi wae dheweke tansaya nduwe
peluang kanggo nggayuh kepinginane utawa cita-
citane mau kanthi luwih gampang lan
cepet.Ananging senajan sawijining wong wis
nglakoni usaha utawa ikhtiar kanthi laku kang
bener,trep,,lan pas dikantheni kapinteran,disranani
modal kang nyukupi,kabeh ikhtiar mau kudu
dikondurake marang Gusti Kang maha kuwasa.

4. Pituture para sepuh, aja nganti nggege mangsa

utawa ndisiki kersane Pangeran.Jer manungsa
wajibe mung usaha.dene sing ngabulake mesthi
wae Gusti Allah. Mula saka kuwi manungsa orakena
rumangsa umuk yen sakabehe mesthi bakal klakon
dadi kasunyatan kaya apa kang dikarepake.

5. Bisaa rumangsa aja rumangsa bisa.bisaa ngrasake

yen manungsa mono sejatine mung titah sawantah
jalma lumrah kang tansah kudu gumantung mring
Gustine.Lamun kanthi sipat kang tansah sumeleh
lan sumarah iku wong bakal bisa nglakoni uripe
kanthi samadya lan ora kumudu kudu tansah
kelakon panggayuhe.
6. Sipat rumangsa bisa mung ndadekake wong gedhe
ndase ,umuk,lan lan kedawan pengangene,malah
asringe dadi nglalekake kang hakarya
jagad,prasasat banjur nekad ngalalake sakabehing
cara amrih kepinginane bisa kelakon.Mula aja
kaget yen banjur ana tumindak korupsi,kolosi,lan
nepotisme ing jaman kang tansaya edan iki.

7. Ana tuladha sawijining kanca kang pengin

nerusake pendhidhikane ing jenjang kang luwih
dhuwur.Mesthi wae cita-citane kuwi luhur lan
mulya.Ning mesthi wae kudu disranani kanthi sinau
kang temenan amrih bisa lulus ujian saringan utawa
seleksi.Ora bisa bab iku dilakoni kanthi
sembrana,kanthi modal rasa rumangsa bisa.Yen
mung rasa rumangsa bisa dadine sak umpama bisa
kasembadan lulus ujian seleksi.wong mau bakale
thukul rasa umuk,ananging kosok baline yen jebul
gagal bisa wae dheweke dadi mutung lan kelaran
atine.

8. Mula nggayuh sakabehing pepinginan utawa cita-

cita apa wae kudu dilandhesi ikhtiar kang temen lan
panyuwunan donga marang Kang Maha
Kuwasa.Wajibe manungsa mung nuntasake usaha
lan donga,sabanjure Gusti kang
ngijabahi.Ladhesan urip kanthi sipat waspada lan
sakmadya