Undersecretary Department Of Labor and Employment Intramuros, Manila
Dear SIR!
Tulungan nyo po kami sa aming kalagayan bilang mga manggagawa na inaapi ng
isang Labor Service Manpower COOPERATIVE na iniikutan ang batas paggawa at D.O.174-17 na bagamat kami po ay sobra na ng sampung (10) taon sa ibat-ibang kumpanya na kliyente ng aming COOPERATIVE MANPOWER, hindi pa rin kami regular sa aming trabaho at maaaring tanggalin sa trabaho kapag hindi kami pumayag na maging miyembro ng COOPERATIVE.
Ang cooperative manpower na ito ay gumagamit ng lisenysa ng D.O.174-17 bilang
isang Janitorial Services provider pero kami ay mga skilled workers na nagtatrabaho hindi bilang janitors bagkus production workers, receptionist, cook, waiters sa kanilang kliyente, Inihaw Express, Handaan, LCC Malls, Mantrade Philippines at CANARY, mga directly related functions na dapat sana ay regular na kami sa kanilang kliyente. Mulat sapul ay hindi kami nakatikim ng dividend mula sa kita ng cooperative bilang isang miyembro at patuloy kaming kinakaltasan ng membership fee at capital build-up kahit ito ay labag sa aming kalooban. Maraming beses na kaming nagtangka na magreklamo pero lagi kaming pinauuwi ng inyong DOLE field office . Totoo nga siguro na napakalakas ng kumpanyang ito at may nagbibigay ng proteksyon sa kanila gaya ng sinasabi nila .
Ang Pangalan ng cooperative manpower ay: SAVEPLUS LABOR SERVICE
COOPERATIVE na may higit na 10,000 cooperative workers nationwide na matatagpuan sa Unit 7161 Schilling Lane Villanueva Village, San Dionisio, Paranaque City.