NEW YEAR’S RESOLUTION NI MAYOR JOE ESPINOSA, MANGIN MAS MAAYO

NGA PUBLIC SERVANT

New year’s resolution ni Mayor Joe Espinosa ang mangin mas maayo bilang tawo kag
public servant.

Suno kay Espinosa, sa masobra 30 anyos niya nga public servant snag syudad, indi
siya magbag-o bisan ano pa nga kritisismo ang ihaboy batok sa iya.

Ginpahayag niya nga ma-resign siya kun may makahambal nga may ginsinggitan siya
sa sulod sang 30 ka tuig kag sa masunod pa gid nga mga tinuig.

Lakip man sa New year’s resolution sang alkalde ang maayo nga lawas, prosperity kag
happiness sa tanan.

FOR: AMREPORTS
FROM: JEREMAE
DATE: JAN 1

PAGSAULOG SANG BAG-ONG TUIG SA PROBINSYA NANGIN MALINONG SUNO

KAY IPPO DIRECTOR MARLON TAYABA

Sa una nga kahigyayunan nangin malinong ang pagsaulog sang bag-ong tuig sa
probinsya sang Iloilo.

Ini ang ginpahayag ni IPPO Director PSSupt Marlon Tayaba.

Suno kay Tayaba, wala sang firecracker-related incidents nga na-record ang kapulisan
sa probinsya.

Zero man, suno sa iya, ang indiscriminate firing.

Base sa data nga na-record sang IPPO, 3 ang na-preso sa Passi City nga naglapas sa
Executive Order 28 ukon nagpalupok sa indi designated firecracker zone.

Samtang 3 naman ang stabbing incident nga na-record: 2 sa Calinog kag 1 sa Sta.
Barbara.

Isa naman ang na-record nga shooting incident sa Anilao.

FOR: PUBLIC AFFAIRS
FROM: JEREMAE
DATE: JAN 1

46 ANYOS NGA LALAKI AKSIDENTE NGA NABUN-AN BANGUD SA WALA PAG

PAG INTINDIHANAY SANG IYA KASILINGAN SA STA. BARBARA

Aksidente nga nabun-an sa wala nga dughan ang 46 anyos nga lalaki sang hinali nga
natumba sila sang ginsumbag niya nga 35 anyos nga lalaki sa Mambuyo, Sta. Barbara,
11:45 kagab-i.

Suno kay PO2 Ricky Subaldo, gintamyaw sang Happy new year ni Wilfredo Castigador
35 anyos ang biktima nga si Jorge Suedad, 46 anyos, lunsay mga residente sang
nasambit nga lugar. Nag-reply si Suedad sang malain nga mga tinaga batok kay
Castigador nga nagtuga sang wala nila pag intindihanay.

Ginsumbag ni Suedad si Castigador nga may nauyatan nga kitchen knife rason nga
sang natumba sila, naigo sang kutsilyo si Suedad.

Detained si Castigador sa Sta Barbara Police Station samtang naka gwa naman sa
ospital si Suedad.

2 KA STABBING INCIDENT NATABO SA MAGKATUHAY NGA INSIDENTE SA

CALINOG

Ginbuno sang tiyo ang iya hinablos sa Garangan, Calinog, 9:30 kagab-i.

Ginkilala ang biktima kay Kevin Castor, 21 anyor sang nasambit nga lugar. Samtang
ginkilala naman ang suspek kay Narciso castor, 55 anyos.

Suno kay SPO4 Alexander Lauron, ginsumbag sang biktima ang iya amay matapos
nagbaisay.

Hinali nga gintabangan sang suspetsado ang utod sini kag ginbuno ang biktima sa wala
nga kili kili.

Gindala sa Dr Ricardo Ladrido District hospital ang biktima samtang at large ang
suspetsado.

Samtang,

Ginbuno naman sang ice pick ang 18 anyos nga lalaki sa tuyungan calinog, 1:25 kaina
sang kaagahon.

Ginkilala ang biktima kay John Micho Castigador nga may pilas sa tuo nga parte sang
likod.
Suno kay SPO4 Alexander Lauron, natumba sa ginasakyan nga motor si Castigador
kag sang nagbangon, hinali lang nga ginbuno sang wala nakilala nga suspetsado.

Wala pa nahibaluan ang motibo sa insidente.

Gindala sa Western Visayas Medical center ang biktima.