Jehaipyre sãso Tetã Paraguaípegua.

Ko táva Paraguaípe papo jasypateĩ, sã poapysã irundypa mokõi arýpe, atyguasu “Congreso
General Extraordinariope”, irundysã Diputados oñehenói, Karai Guasu Cónsules Supremo
Tetã Sambyhyhára Gobierno pegua, kuimba’e tetãgua Karai Carlos Antonio López ha Karai
Mariano Roque Alonso, oipuru ipokatu kuimba’ekúéra távaygua ome’ẽva’ekue chupekuéra
oisambyhy haĝua ko aty guasu mba’épe ĝuarã.

Omomba’évo:

Ñanemosãso, ha sãso ha’e peteĩ mba’e guasu noñembohovaíva mbohapypa ary jere jehasápe.

Ymaité guive ko ára ohasávapeve, ha ñane Retã Paraguái ombojoapyhy iñepia’ã rupi España
poguýgui akoi peve ha avei oñemboyke ambue tetã okára pokatúgui, oipotágui upe guive pe
sãso opavavéva (enterovetea) Tetãgui yvy imba’eteéva, ha ojejapo oñemomba’eháicha peteĩ
tetã sãsova ha omosãso íchupe oiporavo oisamby haĝua ko Sistema Republicano, avave
ombohovái’ỹme ko ñe’ẽ sãso rehegua:

Ko mba’e joja ha’e umi Estado kuéra sãso ojehepyme’ẽva ha oñemomba’éva umi ambue tetã
kuéra Provincias de Sud Américape Tetã Argentina rupi, ha naiporãi ni ndaijojáiri ñaimo’ã
oñemboyke ko tetã Paraguáipe añagui, avei orekógui ombohekojojava teko ohechauka haĝua,
opa yvy apére oĩva ha oikovéva ome’ẽva ichupe oiko haguã ichugui peteĩ Tetã mbarete,
ijyvypóra retáva, ome’ẽva mba’e porã jerekoha ha ojeipurúva’ẽra industria ha comerciope.

Hetaite teko asy ha pore’ỹ oikóva’ekue ñane retã sãso mboyve ñande pysyrõ upe ñorãirõ
oikomo’ãva ñande apytépe, ha’e avei jehechauka mbarete orekóva táva kuéra ñande
retãmegua orekoségui sãso teete ha ani haguã avave tetã ambue poguýpe jaikove;

Upévare jerovia mbaretépe ñepyrũme ha jeporavo opavave távagua Tetã mba’éva, anihaguã
ñeikotevẽ oĩ ñande rekovépe política rehegua ñorãirõ, ha jeroviahápe ome’ẽ ñandéve Divina
Providencia, ro’e mombe’upýre:

PETEĩHA

Tetã Paraguái ha’e ára ha ára paha peve peteĩ tetã isãso ha imosãsova opavave tetã
ambuegui.
 MOKÕIHA

Maramove ndaha’emo’ãi mavave tavagua mba’e téra avave ogayguamba’e.

MBOHAPYHA

Oúva ha ohasáva tekuái oñemoãva oisambyhy haguã ñane retã, oñehenóita oñoñe’eme’ẽ
haguã Congreso renondépe, oipysurõ ha oñangareko haguã marangatu ha sãso yvy tetã
Paraguái rehe, upéva ojapo’ỹme ndoikatumo’ái oipuru pokatu oñeme’ẽva chupe. Ojeipe’a
ijapytégui ko tekúai ojapohaguére ko jehai pyre sãso ñepyrũháme.

IRUNDYHA

Tembijokuaái milíko kuéra, tetãgua ha tupão pegua kuimba’ekúerape, oñeñe’eme’ẽta ko

jehai pyre sãso he’iháicha, oñemomarandurire.

POHA

Avave tavagua ndoikatumo’ái orekomba’apo ndo japóirõ ñe’ẽme’ẽ he’íva ko kuatiápe ambue
ñe’ẽme.

POTEĩHA

Supremo Gobierno omomarandúva’erã ko Mburuvichárupi ko Atyguasu tuchaite umi Tekúai

tetã ambuepegua ha Confereración Argentínaguape, ome’ẽ haĝua itembiapokue upe
Soberano Congresope.

POKÕIHA

Tojeikuaákake Poder Ejecutívo Tavayguápe omomarandu haĝua ko yvy Tetãre ha

toñemomba’éguasu, ojejapo ha tojejapo mba’éguasu he’íva.

Oñeme’ẽ ko kotyguasu Congresope, teraguapy ore pógui ha kuatia jopy Tetãguandi, omoañetẽ
ñande Putyvôhára.

CARLOS ANTONIO LÓPEZ

Mburuvichaguasu Supremo Congreso Generalpegua.

(Omboguapy héra irundysã Diputados).

Ombohasa: Guaraní ñe’ẽme Temimbo’e 10mo Mbo’esyry ha Mbo’ehára Antonio Alemán.