“KAHOY NGA LAWA-AN”

Sa dalom sang kahoy nga Law-an

May gugma nga aton gin sumpaan

Sa imo ko gin hatag ko ang singsing nga bulawan

Agod nga mag sirbing handumanan

Sa may sanga liwat gin lukit ko

Ang matam-is nga letrang I Love You

Bulak sang tapulanga

Ginhatag ko sa imo

Pangako nga imo gid ako

Bakas sang panahon wala ko gin hunahuna-a

Palangga ko nag bag-o ka nag bag-o ka

Sa puno sang kahoy nga amo ang saksi sang tanan

Sang gugma naton subong nga gin lubngan

Daw gin pihak ining kasing kasing

Sang gin uli mo ang akon singsing

Gugma mong ma lu-ib

Wala nag tuman sang saad

Pareho sang singsing mong nag lubad

Kahoy,lantaw-lantawon ko nalang

Mapintas nga bagyo siya napukad

Sanga niya nga laya

Sa gihapon mabasahan

Ang gin lukit nga letrang I Love You

 LUMALABAY NGA DAW ASO

Lumalabay nga daw aso

Aso pa lamang

Ang tanan-tanan nga butang sa kalibutan

Ang mga matam-is, ahay!

Nagapait man, ahay!

Sa Gihapon, ahay!

Umagi lamang.

San-o pa?, san-o pa?

San-o pa nga adlaw?

Magbalik ang gugma

Sa dughan gintigay.

Ang mga matam-is, ahay!

Nagapait man, ahay!

Sa Gihapon, ahay!

Umagi lamang.
 SA KAMPO NI LADIO

Sa higad sang sapa

sa kampo ni Ladio
may turiteng manok nga gina-arado
inari ko malapit
isang ulitawo
nangahas magsulat
sang kamot nyang tuo

Dinikta sang apa

sinulat sang kumpol
binasa sang bulag
namati ang bungol
testigos ang buktot sa pagkamatuod
naakig ang lupog kay dili katindog

Kinuha ang gitara

kag magkinalipay
kinuskos sang pingkaw
ang tarso nag babay
umabot ang sungi
kinantahan lolay
ang buktot kag piang
amo ang nagsabay

Kun akon madumduman

buktot ko nga ugangan
daw malupok ang akon dughan
tungod sang pagpinitensya
sang bayaw ko nga pirot
dughan ko gapuloryakot
dugangan paman gani
sang biras ko nga sungi
dughan ko kay daw magisi
pilit ko nga antuson
asawa ko nga hapuon
anhon kay swerte nakon

Gindamgo ta sa litsehan (sa litsehan)

Nga yara ka sa salmonan (sa salmonan)
Gintigay sa tirsyohan (sa tirsyohan)
Gugma ta sa raynahan
 TURAGSOY

Ginsag-a ko ang sapa-sapa,

Didto sa may talamnanan
Ang turagsoy nga akon nadakpan
Ginhimo ko nga linagpang.

Nag-abot ang mga bisita

Kabarkada ko sa inuman
Linagpang nga turagsoy
Amon ginsumsuman

Linagpang ko nga turagsoy

Sa sabaw nagalangoy-langoy
Ginlaktan pa gid sang ginamos
Pinamalhas gid kami sang higop

Ang siling sang nakatilaw

Sampat gid ang timplada mo
Linagpang nga turagsoy
Kanamit gid pro

Pagkatapos namon sang kaon

Linagpang ko nagbati
May nagadihal, nagasiyup-siyop
Kay ang bibig tama gid kahapdi

May nagatulo ang luha

Nga wala naman sing kasubo
Tungod sang turagsoy nga akon linagpang
Tama gid ka ka kahang.
 AY AY KALISUD

Ay ay kalisud, kalisud ng binayaan

Adlao gabi firmita itao gui natangisan
Ay ay Inday nga walay sing kapalaran
Walay guid walay guid
Sarang ko kalipayan

Ay cielo azul iabao! diin ka na

Baluiguita bangi ang nabilango sang gugma
Mayad pa ang mamatay kun halus mamatay
Agud di ako maka dumdum
Nga ako walay kalipay.