ATTY. LHEM J.

NAVAL
ARCHDIOCESAN LEGAL OFFICE
Catadman, Ozamiz City

Received from _________________________________________ the sum of

_______________________________________________________________
(P ________) in full/partial payment of ________________________________.

_______________________________

HOMILIYA ni Archbishop Jesus Dosado, C.M.,D.D.

August 07, 1995

Sumala sa gisulti sa atong obispo (Obispo Zacarias Jimenez sa Pagadian), ania kita aron paghimo
og maampuong pamalandong.

Usá ang atong obispo sa naghimo sa module niining maong maampuong pamalandong gikan sa
kaGSKihan hangtod sa DOPIM level.

Niadtong 1990-1991 mihukom ang mga Obispo pagmugna niining maong kalihukan, ug among
gitahasan ang usa ka komitiba aron paghimo sa module ug usa na niini ang atong Obispo nga si
Monsenyor Jeminez, nga niadtong tungora Rektor pa sa atong Seminaryo.

Ang ebanghelyo naghisgot sa pagpadaghan sa kalan-on. Tungod kay gigutom ang dakong panon
sa katawhan, pinaagi sa pipila lamang ka lugas sa pan ug isda gihimo ni Jesus ang pagpadaghan
niini ug nanga-on sila ug nangabusog silang tanan.

Mao usab kita nga gitawag karon alang sa maampuong pamalandong, ug ingon man ang tanang
katawhan nga ania dinhi, ug ang mga katawhan nga atoa sa atong tagsa-tagsa ka mga diosesis.

Mga kabus kita! Apan ang atong gagmay nga pagkakita ug ang atong ginagmay nga mga
kabtangan atong ihalad sa Ginoo, ug siya nalay mag-igong mupadaghan niini.

Gitawag kita dili tungod kay mga bangiitan, mga adunahan kita kon dili tungod kay sa plano sa
Dios kita maoy iyang gihimong instrumento.

Ang ubang mga diosesismay dagko kaayong mga provincial synod, panagtigom sa nagkadaiyang
mga ngilngig nga ma delegado.

Apan ang ato dinhi, usa lamang ka panagtagbo diha sa maampuong pamalandong.
Ug kita nga ania dinhi nagdala sa atong pagkakabus ug precisely nianang atong kakabus o wala
gyod, out of our emptiness, kini maoy gagamiton sa Dios aron nga mudaghan ang iyang grasya
ngadto sa iyang katawhan. Ug dili gyodkini nato kalimtan.

Kining pulong maampuong pamalandong binisaya kini sa discernment. Dili kay pamalandong
lang, maampuon pa gyod.

Ang atong gihimo dinhi mao ang giingon sa balaang kasulatan nga pagtan-aw, pag-iway ug
padawat sa gasa ug grasya sa Espirito Santo aron nga makakita kita sa unsay maayo ug dili
maayo.

Pinaagi sa atong paglantaw, mapili nato ang maayo ug isalikway ang dili maayo. Kini mao ang
ginganlan og discernment.

Kining maong discernment nagagikan sa Dios ug gasa kini; dili kini atong kaugalingong
paningkamot

Gikinahanglan gayod ang pag-ila nga nagagikan kini sa Dios. Ang ato lamang niini mao ang
paghimo og mga lakang aron nga mapahigayon gayod kanang maong gasa sa Dios diha sa atong
mga kasingkasing ug hunahuna.

Dinha sa ebanghelyo makadadhan kita giingnan nga miadto ang Ginoo sa dapit nga awa-aw
aron sa pagpamalandong.

Usahay dili nato mabati ang pulong sa Ginoo tungod sa kagahob dili lamang dinha sa atong
palibot kon dili dinha sa atong mga kasingkasing, sa atong panumduman; tungod sa daghang
mga kabalaka dili makagawas ang grasya sa Dios, ang iyang mga inspirasyon.

Ug mao nga kanatong tanan nga ania dinhi, ang atong gimbuhaton karon mao ang paghabwa sa
atong kaugalingon sa mga butang nga nagtugaw kanato, ug ang pagpakigtabo lamang gayod sa
Dios diha sa kahilum sa atong matag kasingkasing ug ang pagpaambit niini ngadto sa atong mga
kauban nga gitawag usab sa Dios aron sa pagpahigayon niining buhat.

Sa ingon niini ato nga mausab ang panagway sa kalibutan sugod dinhi kanato.

Kay matud pa sa usa ka propeta sa latin nga pinulongan "Disolatione dissolata est omnis terra"
nga sa ato pa, ang kalibutan nakahupot ug disolasyon tungod kay wala may makitang tawo nga
mamalandong diha sa iyang kasingkasing.

Kitang tanan nangandoy nga ang kalibotan dili mahimong desolate kon dili nga mahimo kining
tabunok ug makahatag ug madagayaong kinabuhi kanatong tanan.
Apan tungod kay wala may mamalandong mao nga wala gayod kini mahimo. Mao nga ania kita
karon maghimo niining maong pamalandong aron makatampo kita sa pagpadaghan sa tuburan
sa kinabuhi natong tanan.

Ang tinobdan sa kinabuhi mao ang pagkaon, ug pagkaon dili lamang lawasnon kondili pagkaon
usab nga langitnon, ang Pulong sa Dios.

Diha sa atong pag-ampo sa matag adlaw sa Amahan Namo, nagaingon kita: "Ang kalan-on namo
ihatag kanamo karong adlawa" Ang pagsabot nato niana mao nga ang pagkaon nga kalagnon
ipadangat unta kanato sa Dios sa matag adlaw.

Niining atong Maampuong Pamalandong dili kita maghimog mga balaod ug mga palisiya sa
simbahan sa DOPIM, kon dili magbinaylo-ay lamang kita sa mga panghunahuna aron sa atong
pagpamauli sa tagsa-tagsa nato ka lokial nga mga simbahan, atong mapaambit kini ngadto sa
atong kaigsuonan nga magtutuo, ug mahimo kita nga labaw pa kabahandianon diha sa paghimo
nato sa atong isigkatahas isip mga pinadala sa Dios.

Hinaot pa unta nga sa atong pagsugod karon ang bag-ong kalibutan masugdan, dili lamang
dinha sa atong kaugalingon kon dili dinha sa tanang katawhan sa Dios.