Ang binata ay animong luksang luksa sa kanyang damit na kulay itim. Sa pagdating ng binata, sa kabilang dako ay siyang pagkabigla at lihim na pagkabahala ni Padre Damaso. Ipinakilala ni Kapitan Tiyago ang kagalang galang na si Ginoong Crisostomo Ibarra, anak ng kanyang nasirang kaibigan na si Don Rafael Ibarra. Nang walang lumapit at nagpakilala sa kanya, siya na mismo ang lumapit at nagpakilala sa mga kalalakihan bilang Si Juan Crisostomo Ibarra y Magsalin. Napahiya si Ibarra at iniatras ang kamay ng tanggihan ni Padre Damaso ang pakikipag-kamay sa kanya. Dagling tinalikuran niya ang pari at napaharap sa tinyenteng kanina pa namamasid sa kanila. Masayang nag-usap sina tinyente at Ibarra. Nagpapasalamat ang tinyente sapagkat dumating ang binata ng walang anumang masamang nangyari. Sa kabilang banda ay may nagpaanyaya kay Ibarra para sa isang pananghalian. Siya ay si Kapitan Tinong na kaibigan ni Kapitan Tiyago at matalik na kakilala ng kanyang ama. Tumanggi sa anyaya ang binata sapagkat nakatakda siyang magtungo sa San Diego sa araw na naturan. Lumapit na sa hapagkainan ang mga panauhin. Galit na galit si Padre Damaso at sinipa niya ang lahat na mga silya na madadaanan hanggang sa nasiko niya ang isang kadete na walang magawa kung hindi tumahimik.Dahil sa pagitgitan, nagalit si Donya Victorina dahil sa may nakaapak sa kanyang kasuotan na isang teniente. Pinagsabihan niya ito at agad naman humingi ng tawad ang teniente. Sa hapagkainan, nag-agawan sa kabesera ang dalawang pari na si Padre Damaso at Padre Siblya. Nagbulahan pa ang dalawa kung sino talaga ang karapat dapat na maupo sa ulohan ng mesa. At sa huli, si Padre Siblya ang naupo sa kabesera dahil sa kadahilanan na siya ang kura sa lugar. Ipinahain na ni Kapitan Tiago ang handang tinolang manok sa kanya-kanyang bisita. Natuwa ang bawat isa sa mga natanggap na mga parte ng manok maliban kay Padre Damaso. Dahil sa pagkadismaya maingay niyang binitawan ang mga kutsara, at padabog na itinulak ang mga pinggan. Habang kumakain ang lahat, napag-usapan naman nila ang tungkol sa buhay ni Ibarra. Ikinuwento naman ni Ibarra ang kanyang pagkawala sa bansa ng 7 taon para makipagsapalaran sa Europa. Biglang sumulpot sa usapan si Padre Damaso, at nagmayabang siya ng kanyang mga nalalaman. Dahil sa nasabi ng Fransican, nagdesisyon si Ibarra na umalis sa Hapunan. Pinigilan siya ni Kapitan Tiago ngunit hindi ito nagpatinag.