Salamat sa mayong patod na pagkamoot , pag- ataman asin suportang padagos na ipinapamati asin itinatao sakuya. Kamo po an dakula kong inspirasyon na isurat ang istoryang ini. Ang satuyang pamilya ang ginibo kong ladawan na nagpaheling sa mga tauhan asin lugar na ginamit ko sa sakuyang istoryang Maogma sa Uma. Dai ko nungka malilingawan ang gabos na maoogmang agui agui kan satuyang pamilya na pusog ang pagkakasararo sa kaogmahan man o kasakitan. Para sa sakuyang mga amigo asin amiga: Salamat man sa pagiging tunay na amigo/amiga, sa dayaday asin daing sawang pagdangong, pag-agapay asin pag-intindi sa sakuya. Ang satuyang magayon na iribahan, ang mga istoryang daing ontok, mga matatanog na ngirit, maoogmang lakaw asin pag-iribahan sa pag-adal ang mga naging inspirasyon ko sa pagsurat kan istoryang ini. Lugod, magdanay ang satuyang magayon na pag-iribahan. Para sa mga kaakian: Para saindo ang istoryang ini. Ngonian niaon kita sa pag implementar kan K to 12 Curriculum sa sistema kan satuyang Edukasyon kung saen ang Mother Tongue Based- Multilingual Education (MTB-MLE) kaibahan na sa kurikulum, dakulang tabang ang maitatao kan istoryang ini. Sa paagi kan makolor na mga litratong ginamit, magayon na istorya, maoogmang tauhan asin madaling intindihon na mga tataramon na ginamit , aram kong magiging inspirado kamo sa pagbasa kaini na magagamit nindo sa saindong pag adal. Ang istoryang Maogma sa Uma kapupurotan man nindo ning mga adal sa buhay na mawot kong ihiras saindo asin ihiras man nindo sa iba. Sa saindo po gabos, DIYOS MABALOS.