A PAZ sábeme a luz

que anuncia a mañá,

pincel de trazo amable

en cada espertar.

NÓS

Trae sempre no recheo

un NÓS ben apetecible,

de sabores diferentes,

de textura impredicible.

Sabe a apertas de presente,

sabe a olladas de futuro;

a diálogo interminable,

a compromiso seguro.
Ten sabor a brisa fresca,

a alegría compartida,

a camiño sen atallos,

a defensa da empatía

Sábeme a palabra mansa

que cicatriza feridas,

a traballo e a paciencia,

a pan quente e a benvida.

a partir dun verso de Ana Mª Fernández