fdf

‫ايه هي اللغة؟‬
‫ببساطة شديدة اللغة أداة تواصل يعنى شيء ربنا خلقه علشان الناس‬
‫تفهم بعض بيه عشان لما حد يكلمك تفهمه و اما يسمعك يفهم انت عايز ايه‬
‫ليه بنتعلم لغة؟‬
‫أكيد عشان نوصل لهدف معين سواء كان وظيفة أو دراسة او منحة و هكذا باإلضافة‬
‫ان اللغة مجرد أداة مش شياكة وال وجهة نظر‬
‫في البداية اتعلم انجليزى بريطاني و اال امريكي؟‬
‫ال انت تتعلم انجليزى األول و بعدين ندور سوا على اللهجة ^^‬
‫هو ينفع تدور عالفرع و انت مش معاك األصل!!!‬
‫بمعنى ان اللهجة كمان مجرد أداة‪ ،‬يعنى مثال لو انت طبيب هتحتاج تتكلم بريطاني‬
‫كويس يبقى البريطاني هو أداة أهل مهنتك و لو انت مبرمج بنسبة كبيرة هتحتاج‬
‫أمريكى و هكذا مش موضوع ايه فيهم اسهل عليك او اقرب لقلبك و معدتك ‪...‬‬
‫لكن عالميا بيتم استخدام حاجة اسمها انجليزى دولى ‪ International English‬في‬
‫التعامالت بين المؤسسات و الدول و في الوثائق و الكتابة التقنية كمان‬
‫بعتقد انت دلوقتى فهمت من الكالم ان المادة العلمية للنظام دا معتمدة على انجليزى‬
‫دولى و ابشرك انك فهمت صح ألنك أكيد ما زلت متذكر احنا ليه بنتعلم انجليزى "أداة‬
‫من أجل هدف ما"‪.‬‬
‫هل األفالم بتعلم لغة؟‬
‫اإلجابة نعم األفالم و البرامج الحوارية التوك شو و النشرات اإلخبارية و الراديو و‬
‫الكتب المسموعة اه بيعلموا لغة كويس جدا ألنهم بيسمحولك تسمع االنجليزى بتاع‬
‫التعامالت اليومية و تاخد المصطلحات و األساليب اللى على لسان أصحاب اللغة‬
‫األصليين‪.‬‬
‫هل االغانى بتعلم لغة؟‬
‫علميا ال ألن االغانى بنسبة كبيرة بتبوظ البناء الصحيح للجملة و الجرامر و أحيانا‬
‫النطق الصحيح عشان تناسب اللحن او النغم و دا يربى جواك لغة مشوهة كطالب‬
‫محتاج تبنى لغة صحيحة‬
‫باإلضافة انى مش هعرض حكم شرعى لكنى شخصيا مقتنع انها حرام و ان العلم هدية‬
‫من عند ربنا و انا في تعلمى للغة بطلب علم‪" ،‬و علم هللا ال يهدى لعاصى" "وما عند‬
‫هللا اليبتغى اال بطاعته" و انت ليك الحرية في سماع االغانى من عدمه لكنها علميا مش‬
‫بتعلمك لو مبتدئ تماما‪.‬‬
 ‫مين أفضل حد بيتعلم لغة؟‬
‫لو رحت إنجلترا و قابلت طفل عنده ‪ 4‬سنوات أكيد هتالقيه بيكلمك‬
‫انجليزى كذلك لو رحت روسيا هتالقى الطفل اللى عنده ‪ 4‬سنوات بيكلمك روسى‬
‫قيس الموضوع عالطفل الصينى هيكلمك صيني و المصرى أكيد هيكلمك عربى مش‬
‫مصري يا ناصح ‪ ..‬و من هنا نستنتج ان الطفل هو افضل متعلم للغة او بصورة أوضح‬
‫الطريقة اللى ربنا خلق االنسان بيتعلم بيها اللغة هي األفضل ‪ ..‬و منه يجب تكون على‬
‫علم ان اللغة هي العلم الوحيد اللى كل البشر بيتعلموه بنفس األسلوب و بيتقنوه بنفس‬
‫الدرجة و طبعا في اختالف في الزمن القياسى لتعلم كل لغة ابحث عنه و اعرف ^^‬
‫ازاي بيتعلمها بالسهولة دى؟‬
‫ببساطة ربنا خلق االنسان بيكتسب اللغة من و هو جنين بمراحل خلينا نتعرف عليهم‪:‬‬
‫أوال االستماع‪ :‬واحدة من أوائل الحواس اللى بتشتغل من الشهر الخامس عند الجنين‬
‫هي السمع و يستمر يسمع فقط لعمر ‪ 6‬او ‪ 9‬شهور لتبدأ بعدها مرحلة النطق و‬
‫محاوالته‬
‫ثانيا التحدث‪ :‬عند سن ‪ 18‬شهر بيقدر يتكلم بشكل أفضل لكن في شرطين بيوصلوه‬
‫للمرحلة دى‪:‬‬
‫‪ .1‬االستماع المستمر المتكرر‪ :‬يعنى بيسمع كل يوم و بيتكرر االستماع على ودانه‬
‫كتير جدا لنفس الكالم‪.‬‬
‫‪ .2‬التحفيز و الهدف ‪ :‬في بداية نطق الطفل بيبدأ أفراد االسرة بتحفيزه بانهم بيفرحوا‬
‫انه نطق و بدأ يقول و لو نص كلمة زى ما او دا و يحاولوا يالعبوه و يظهروا‬
‫ادامه فرحهم بنطقه للشئ البسيط دا و من هنا هو بيحاول ينطق أكتر ألنهم‬
‫هيالعبوه و يفرحوه أكتر و بالتالى هو هنا بيسعى لهدف انه يبقى سعيد طول‬
‫الوقت و الوسيلة هي انه يحاول ينطق فيحصل على هدفه غير مدرك انه بكدا‬
‫بيطور قدرته على الكالم مع استمرار عملية االستماع و تكرارها في نفس الوقت‬
‫و من هنا الزم تعرف انك علشان تستمر الزم تربط تعلمك للغة بهدف يساعدك‬
‫تكمل عشانه و تسيبك من حجة الظروف و انك حالتك خاصة عن كل البشر و‬
‫الشماعات الكتير دى‪.‬‬
‫الجزئية دى بتوضحلك ان اللغة مبتجيش في يوم و ليلة عشان في ناس بعد‬
‫أسبوعين من بداية كورس او نظام تعليمى بتقول انا بقالى اسبوعيييين بحاالهم و‬
‫لسه مبقتش أتكلم زى األجانب ‪ ..‬محدش بيبدأ سوبر لكن في حد بيبدأ و يحاول و‬
‫يستمر و يوصل بالمجهود و الصبر ‪ ..‬متستعجلش على النتائج ألنك مش هتلمس‬
‫تغيير ظاهر حقيقى اال بعد شهر و نص او شهرين‬
 ‫باإلضافة ان الجزئية دى بتوضح ان االستماع بيحافظ على وجود اللغة و بيعلى‬
‫معدل الفهم ‪ ،‬بينما التحدث و محاوالت التحدث بيطور اللغة و بيساعد على بنائها‬
‫بشكل مستمر عشان في ناس كتير بتخلص الكورسات و بعدها ب ‪ 4‬شهور يقول‬
‫انا نسيت اللغة عشان مش القى حد أتكلم و امارس اللغة معاه و وقتى مضغوط و‬
‫مشاغلى الخ الخ ‪ ..‬المشكلة هنا مش اللى قالها المشكلة انه لسه ما اتعلمش‬
‫بأسلوب يحافظ على قوة لغته و يعلمه ازاى يخليها تستمر معاه زى ما انت‬
‫هتستمر معاك اذا اتبعت تعليمات الكتيب اللى انت بتقرأه دلوقتى كلها‪.‬‬
‫و بناء عليه يجب ان تتأكد ان أي نظام تعليمى للغة غير قائم على االستماع‬
‫المستمر المتكرر هو فاشل من الدرجة األولى و إهدار لوقت و مال المتعلم مهما‬
‫نجح في ابهاره‪.‬‬
 ‫طب اعمل ايه؟!!‬
‫ركز هنا عشان دى الخطوات اللى انت هتنفذها بالترتيب‪:‬‬
‫أوال‪ :‬تسمع كل درس من ‪ 20‬ل ‪ 30‬مرة او اكتر و دا أحسن حسب وقتك و طاقتك‬
‫تسمع العدد دا عشان تحقق التكرار الالزم لتثبيت اللغة في ذاكرتك طويلة المدى او‬
‫الالوعى او الذاكرة الدائمة‬
‫يبقى تفهم هنا ان الغرض من التكرار التثبيت مش الفهم عشان في حد ناصح هيقولى‬
‫مهو انا فهمت من اول او تانى مرة ايه داعى انى اكرر كتير كدا‬
‫ثانيا‪ :‬تسمع ساعة يوميا على األقل عشان تحقق مبدأ االستمرار و اعرف انه لو حتى‬
‫نص ساعة يوميا أفضل من ‪ 4‬ساعات أسبوعيا "االستمرار يا ريس"‬
‫ثالثا‪ :‬لو انت لسه مستواك صفر و بتسأل نفسك ازاى اسمع ‪ 30‬مرة للدرس و ساعة‬
‫يوميا و انا أصال مش بفهم حاجة لما بسمع‬
‫الحل انك تقرأ النص اللى بتسمعه من ملف ال ‪ PDF‬الموجود في المادة العلمية مع كل‬
‫درس‬
‫يبقى هتبقى سامع و عينك مع الكتابة و عارف ان الكلمة اللى ادامك دى هي اللى‬
‫بتسمعها دلوقتى و دا هيعلى من معدل فهمك بحيث انك دلوقتى بتستخدم حاستين‬
‫"السمع و البصر" مع بعض مش حاسة واحدة "السمع" في عملية التعلم‬
‫رابعا‪ :‬لو بتقابلك كلمات جديدة مش فاهم معناها و بالتأكيد انت محتاج تحفظ كلمات‬
‫يبقى الحل ايه؟‬
‫ببساطة اعمل كراسة صغيرة كدا هنسميها قاموسك الشخصى و اكتب فيها الكلمات‬
‫كعبارات قصيرة "‪ "Phrases‬و دا يعتبر أقوى أسلوب تحفظ بيه الكلمات ألنك عن‬
‫طريقه هتحل مشكلة‪:‬‬
‫التحدث و الكتابة بقواعد صحيحة "‪"Grammar‬‬
‫و بناء الجمل لو انت من الناس اللى بتسمع تفهم و مبتقدرش ترد باالنجليزى‬
‫و بتنمى عندك ازاى تفكر باالنجليزى و تتخلص من التفكير في االنجليزى ‪ ..‬تفكر في‬
‫االنجليزى يعنى تفكر بالعربى و تترجمة في دماغك النجليزى و تفضل تدور عالكلمات‬
‫الدالة عالزمن و في اآلخر تتحرج تتكلم خوفا من ان الناس ممكن تضحك عليك او تظهر‬
‫أقل منهم‬
‫العبارات القصيرة الزم تكون من النص األصلى اللى استخرجت منه الكلمة الجديدة مش‬
‫من دماغك و تكون ‪ 4‬او ‪ 5‬كلمات بالكتير جدا من الكلمات اللى حوالين الكلمة الجديدة‬
‫عليك و دا هيفيدك في مجال عملك و في ربط الكلمات باغراض استخدامها‪.‬‬
 ‫انفذ ازاى؟!!‬
‫طبعا كيفية عمل الشئ هيسهل عليك كتير جدا ألبعد الحدود و باختصار‬
‫تعالى نفهم هننفذ ازاى‪:‬‬
‫أوال‪ :‬قسمهم‬
‫يعنى ال ‪ 30‬مرة استماع اللى قلتهم فوق هالقى ناس بتقول انا مشغول و عندى حاجات‬
‫كتير و كل واحد هيحكى ظروفه ‪ ..‬الصح انك تقسمهم عشان متحسش انهم تقال عليك‬
‫‪ ..‬يعنى اسمع مثال ‪ 10‬مرات الصبح و ‪ 10‬الظهر و ‪ 5‬العصر و ‪ 10‬آخر اليوم و ‪10‬‬
‫قبل ماتنام هتالقى انك عديت ال ‪ 40‬مرة مستريح و محستش بضغط عليك‪.‬‬

‫ثانيا‪ :‬ظروفك المتاحة فقط تكفيك‬

‫مثال ظروفك المادية يعنى مش شرط تشترى موبايل بآالف عشان تسمع عليه ‪ ..‬يكفيك‬
‫لو حتى ‪ MP3 Player‬صغير او موبايل بيتحط فيه كارت ميمورى حتى لو نوكيا أبو‬
‫‪ 200‬جنيه الصغير دا‬
‫ظروفك االجتماعية يعنى متتحججش بانك بتجيب طلبات البيت كله او بتشتغل لوقت‬
‫متأخر او عليكى شغل البيت و الطبيخ و الغسيل و الحاجات الكتير دى او اخواتك‬
‫بيجيبوا عيالهم يقعدوا على كتافك و بيكتفوك ‪ ..‬يكفيك حتة سماعة في ودانك و شاشة‬
‫موبايل تعرض عليها ال ‪ PDF‬اثناء االستماع و لو موبايلك مش تاتش اطبع الملف‬
‫بشوية فكة عند أقرب مكتب طباعة و امسك ورق في ايدك المهم متخليش حاجة توقفك‬
‫و مش شرط تكون مركز مع كل مرات االستماع‪.‬‬
‫اعرف ان كل واحد لغته بقت قوية هو زيك عنده ظروف لكن في ناس بتتحجج و تفضل‬
‫تشتكى و في ناس بتتحرك و تتكيف مع الوضع و تتقدم و تصنع قصص نجاح تصدعنا‬
‫بيها بعدين ‪ ..‬بالمناسبة الصداع مالنوع دا حلو و الكل بيحبه ‪ ..‬فرفشنا يا ببالوى ^^‬

‫ثالثا‪ :‬استمع في وقت فراغك فقط‬

‫يعنى متخصصش وقت لالستماع و تخنق يومك اكتر ماهو مخنوق ‪ ..‬اسمع في‬
‫المواصالت و دى مش أقل من ساعة من يومك ‪ ..‬اسمع في طوابير الحكومة او شؤون‬
‫الطالب و دى كفيلة تحضر فيها دكتوراة في اللغة ‪ ..‬اسمع قبل و بعد الوجبات ‪..‬‬
‫الصبح بدرى و قبل ما تنام ‪ ..‬بين المهام و في بريك الشغل ‪ ..‬اصله مش من الذكاء‬
‫انى انصحك تخصص وقت لتعلم اللغة‬
‫عمرك سمعت عن واحد مصري بيخصص وقت يقوى فيه العربى اللى بيتكلمه؟!! طب‬
‫انت نفسك بتعمل كدا ؟!!‬
 ‫يبقى خلى الموضوع طبيعى و بسيط عشان تحبه و تستمر و اعتبره زى الجرنال اللى‬
‫بتشتريه و تقرأه تتسلى بيه ‪ ..‬اتسلى باللغة و متبقاش رخم و تقول مبشتريش جرايد‬
‫>_<‬
‫رابعا‪ :‬نظم و رتب‬
‫يعنى اشتغل بترتيب الملفات الموجودين في المادة العلمية و بالش فهلوة و اكتشاف‬
‫هنا‪ ..‬يعنى لو مثال ‪ 5‬دروس اسمع األول ‪ 30‬ثم التانى ‪ 30‬ثم التالت و هكذا و افتكر‬
‫انك بكدا بتحافظ على ثروة تركيزك ألن التركيز ثروة يجب علينا نديرها صح زى‬
‫مابنتعلم إدارة األموال و إدارة الوقت فبالش تشتت نفسك ‪ ..‬باإلضافة انك لو طاقتك‬
‫عالية و حابب تزود في يوم مجهود عاللغة؛ زود عدد مرات‬
‫استماع نفس الدرس و مياخدكش الفضول تدخل عاللى بعده‪.‬‬

‫خامسا‪ :‬ماتشبعش ‪Stay Hungry‬‬

‫يعنى لما تيجى تسمع و تكمل ‪ 10‬مرات او ‪ 20‬مرة متقولش كفاية كدا و اتعشت و انا‬
‫بقيت برنس و حفظتها خالص ‪ ..‬كمل عاألقل ‪ 30‬و اعرف انك اول ما تحس انك بقيت‬
‫جامد أوى انت كدا ابتديت تفشل و تتغر و دا طريق الالعودة لتقدمك و علمك‪.‬‬

‫سادسا‪ :‬على صوتك ‪Use Your Voice‬‬

‫و دى أهم نقطة في الكالم كله ‪ ..‬يعنى توظف صوتك‬
‫ألن ناس كتير بتنسى اللغة و بتهملها بحجة ان مفيش حد تمارس معاه و تتكلم معاه ‪..‬‬
‫طريقتين سهلين جدا ‪" ..‬بفكرك تانى عشان تبقى عارف الهدف من اللى هتعمله هنا" ‪:‬‬
‫أولهم انك تكرر بصوتك ورا ملف االستماع في آخر كام مرة في ال ‪ .. 30‬فايدته في‬
‫انك هتحسن النطق ألنك دلوقتى بتقلد حد لغته االصلية انجليزى فأكيد بينطق صح‬
‫باإلضافة انه هيزود جرأتك عالكالم باالنجلش‬
‫ثانيهم انك تسجل لنفسك المقطع اللى سمعته بعد انتهاء ال ‪ 30‬كذلك ‪..‬‬
‫سجل بصوتك من النص اللى في ال ‪ PDF‬و دا هيسمحلك تقارن‬
‫بين تسجيلك و ملف االستماع االصلى ‪ ..‬كل اما تالقى فروقات‬
‫و اختالفات بين تسجيلك و االستماع االصلى سجل تانى و قلده‬
‫بالملى بالظبط و بكدا تبقى قدرت تقيم نفسك و تعرف أخطائك‬
‫و تطور من نفسك لو حتى مبتخرجش تشوف ناس تماما‪.‬‬
 ‫محتاج افهم اكتر!‬

‫انت بكدا اتعلمت كل المهارات الرئيسية و الفرعية بحيث انك‬ ‫‪.1‬‬

‫بالفعل استمعت‪ ،‬نطقت‪ ،‬اتكلمت‪ ،‬قرأت‪ ،‬كتبت و حفظت كلمات كمان ‪..‬‬
‫النظام كامل و مش محتاج حاجة جنبه لو السؤال دا في دماغك دلوقتى‬
‫باإلضافة انك لو بتسأل نفسك ابدأ منين ؟ في الكتيب دا تعليمات و مادة علمية‬
‫‪ ..‬بتنفذ التعليمات باستخدام المادة العلمية األنسب ليك من رقم ‪.3‬‬

‫جنرال واال محادثة‪:‬‬ ‫‪.2‬‬

‫ربنا خلق االنسان بيتعلم اللغة بالطريقة البسيطة اللى قولناها فوق عند الطفل‬
‫الصغير مقسمهاش في االكتساب للتعقيدات دى و معظم الناس اللى بتقتنع انه‬
‫الزم ‪ 6‬مستويات جنرال و ‪ 6‬محادثة مش بيتعلموا اى حاجة و بيهدروا وقت و‬
‫فلوس عالفاضى ‪ ..‬لما حد بيسألنى الكالم دا جنرال و اال محادثة بقوله‬
‫انجليزى و بس ألن المهارات بتتكامل والزم تتعلمهم كلهم‬
‫مهارات استقبالية ‪ :‬االستماع و القراءة‬
‫مهارات إنتاجية‪ :‬التحدث و الكتابة‬
‫مهارات فرعية‪ :‬النطق و القواعد و المفردات‬

‫المادة العلمية‪:‬‬ ‫‪.3‬‬

‫أكيد بتسأل نفسك طول الوقت هي فين الملفات او المادة العلمية اللى هنفذ بيها‬
‫التعليمات دى كلها ‪ ..‬ليك طريقين‪:‬‬
‫اولهم ‪ : Effortless‬ابدأ فيها بفولدر اسمه ‪ Listen First‬و دا جواه سبع‬
‫دروس المفترض انك تخلصهم في اول ‪ 7‬أيام لكل يوم درس يعنى تبدأ بيهم‬
‫وتقدر تحملهم من هنا‪:‬‬

‫ثم الفولدر التانى اللى اسمه ‪ Original English‬و من هنا يبدأ اللعب‬
‫الصح ‪ ..‬اما تدخل جواه هتالقى ملف صغير هيساعدك كتير بس نصيحة بالش‬
‫تحاول تقرأه قبل ما تخلص ‪ Listen First‬و الفولدر دا يتحمل من هنا‪:‬‬
 ‫ثانيهم ‪ : www.esl-lab.com‬و دا موقع شامل في االستماع بيناسب كل‬
‫المستويات بحيث لو انت صفر ابدأ بتانى جدول هتقابله في الموقع ‪ ..‬لو طالب‬
‫كلية عملية او مستواك متوسط ابدأ بأول جدول في الموقع ‪ ..‬لو مستواك عالى‬
‫يبقى تالت جدول انسب حاجة ليك‬
‫كل دروس الموقع لما تفتحهم هتالقى فوق في اول الصفحة بتاعتهم كلمة‬
‫‪ Quiz Script‬و دى عن طريقها تقدر تشوف النص بتاع االستماع و انت‬
‫بتسمع‬
‫ملحوظة إضافية ان االستماع اللى في الموقع او ‪ Effortless‬مدته قصيرة و‬
‫مش مملين و متنوعين بحيث تفهم انجلش في نواحى الحياة المختلفة ككلمات‬
‫و أساليب تعبير و تعامل و مصطلحات متخصصة أحيانا‬
‫واحد هنا هيسألنى و يقول يا كابتن لطيف انا اتلخبطت يعنى احمل الماتريل و‬
‫اال اشتغل من الموقع؟!!‬
‫حمل الماتريل و ابدأ بيها من النهارده ‪ ..‬الموقع هو أنسب ليك لو هتبدأ‬
‫مالصفر و كمان بينفع لزيادة االستماع لو لغتك حلوة ‪ ..‬و هو بديل عن‬
‫الماتريل في حالة العجز عن تحميلها‬
‫نصيحة هلل لو اى لينك ما فتحش معاك جرب جهاز تانى او‬
‫متصفح مختلف حاول تتصرف عشان تستفيد‪.‬‬

‫‪ .4‬البرشتة يا ريس "مش عارف اكتبها انجلش دى"‬

‫ببساطة حاول تتكلم انجلش و تمارس بكل السبل المتاحة ‪..‬‬
‫يعنى مثال يوم مفتوح لالنجلش انزل و شارك ألن معظم اللى‬
‫هناك لغتهم زيك قليلة و حابين يطوروها و مش عيب انك تغلط‬
‫محدش هيضحك عليك بالعكس هيدعموك ‪ -‬فريق تطوعى تخصصه انجلش ‪..‬‬
‫انزل رسالة أقرب فرع ليك هتالقى كورسات انجلش مجانية برشت عليها و‬
‫اتعلم و"التزم" يخليلك نضارتك ‪ .‬لو حد بيتكلم انجلش في الشارع أتكلم معاه ‪..‬‬
‫لو صاحبك بيفهم انجلش متروحوش كل دماغه باالنجلش‪ ..‬ادخل مواقع بتعمل‬
‫محادثات زى ‪ Verbling‬مثال ‪ ..‬مش هتحس بقيمة الكلمتين دول اال لو بطلت‬
‫خوف و كسوف و جربتهم وافتكر دايما "‪"You shy, You die‬‬
 ‫‪: Study Block‬‬ ‫‪.5‬‬
‫الكلمة دى معناها بالبلدى الفتور أو التوقف او ان روحك تقل‬
‫من ناحية التعلم و تبقى مش عايز تكمل و دى بتيجى تلقائيا بعد شهر من‬
‫البداية لو بمعدل طبيعى و ممكن بعد أسبوعين لو ضغطت على نفسك زيادة‬
‫عن اللزوم في تطبيق النظام ‪ ..‬بالمناسبة هي حاجة طبيعية جدا لكن البد انك‬
‫تكون مدرك انها عاجال ام آجال هتجيلك ‪ ..‬افتكر من البداية انك رابط تعلمك‬
‫بشئ واضح هتوصله لو اتحسنت في اللغة عشان تتحفز تكمل ‪ ..‬و متغضبش‬
‫من وجودك في المرحلة دى لكن دلوقتى قلل جهدك للربع أو اقل من الربع‬
‫المهم انك متستسلمش و تتوقف فيحصل انقطاع ‪ ..‬قلل معدل االستماع لكن‬
‫اياك و االنقطاع تحت أي ظرف ‪ ..‬الفارس يغير موقعه وال يترك المعركة‬
‫نصيحة إضافية‪ :‬استعن بصحبة صالحة تعينك يعنى ناس نشيطة و بتاعة شغل‬
‫تدفعك مثال أصدقاء الدفعة او أعضاء عمل تطوعى‪.‬‬

‫‪: Make it Fun‬‬ ‫‪.6‬‬

‫خلى الموضوع مسلى بأفكار كتير حلوة‬
‫منها انك تربط الكلمات الجديدة بحركات تعملها بلغة الجسد‬
‫أو بتعبيرات الوجه و هكذا‬
‫منها انك تجيب من جوجل أسماء كل حاجة في شقتك و تلزق لمدة شهر أسماء‬
‫الحاجات عليها بورق استيكر أو ورق و لزق و الشهر التالى تلزق على نفس‬
‫الحاجات جمل قصيرة و تتعمد تقول الحاجات دى بصوتك كل اما تحتك بحاجة‬
‫ملزوق عليها اسمها او جملة عنها "طريقة عبقرية دى"‬
‫منها انك ترسم رسومات تعبر عن الكلمات حتى لو الرسم مش هوايتك و‬
‫هتشخبط باأللوان >جربها هتالقيها ممتعة‬
‫منها انك تسمع أفالم و تحاول تسأل نفسك اسألة عن االحداث اللى فيه‬
‫باالنجلش ‪ ..‬و انك تخلى موبايلك و حساب الفيسبوك باالنجلش ^^‬
‫منها انك تحاول تعمل قصص قصيرة باستخدام الكلمات الجديدة عليك في‬
‫االستماع و تصدع اصحابك بيها عشان‬
‫يحبطوك قصدى يقيموك‪.‬‬
 ‫‪ .7‬األطفال‬
‫لو النظام دا وقع في ايد ام او حد حب يعلم بيه‬
‫أطفال ‪ ..‬النصيحة تعمل كل حاجة فيه ما عدا انها‬
‫هتشغلهم من ‪ esl-lab.com‬من تانى جدول اللى قلنا عليه بتاع المبتدئين و‬
‫يكون بمعدل درسين في األسبوع بالردود بتاعتهم و دى هتفهم معناها لما تفتح‬
‫الموقع و تفتح ال ‪ Quiz Script‬بتاع دروس تانى جدول باالخص و تبدأ‬
‫تخليهم يمثلوا الموقف و يحفظوا الجمل بتاعته بالتكرار و المكافئة و اسمحلهم‬
‫يقرأوا و يغلطوا وحفزهم يكملوا ‪ ..‬و تقدر كمان تجيبلهم قناة ميكى يرددوا‬
‫وراها الحروف و أسماء الحاجات ‪ ..‬مسلية جدا و انا نفسى بتفرج عليها ^^‬
‫احنا مش هنبطل كرتون لما نكبر ‪ ..‬احنا هنكبر لما نبطله ^^‬

‫الصين و الهند مجموع سكانهم على بعض حوالى نص سكان الكرة‬ ‫‪.8‬‬
‫األرضية و بالتالى اكتر من كل سكان أمريكا و إنجلترا مع بعض باإلضافة ان‬
‫الدولتين لغتهم التانية بعد الرسمية اللغة اإلنجليزية و خلينى اضيف انها‬
‫رسمية في الهند و دا ال يعنى انها اللغة االصلية ألهل البلد‬
‫يعنى فيما معناه ان اكتر من ‪ %90‬من اللى هتقابلهم بيتكلموا انجلش مش‬
‫امريكان و مش بريطانيين فمتتعبش نفسك باللهجة بدرى ‪ ..‬اتعلم اللغة زى‬
‫العجينة الخام بالطريقة ال ‪ international‬الدولية اللى في المادة العلمية و‬
‫تقدر بعد كدا تشكل العجينة دى ألى لهجة تانية تحتاجها حسب طريقك و‬
‫اهدافك‪.‬‬
‫‪ .9‬حطم اصنام عقلك‪:‬‬
‫بمعنى ان الكالم اللى هنا مبنى على ابحاثى و دراساتى‬
‫و تجاربى و خبراتى في الشرح و اإلدارة ‪ ..‬يعنى انت تقدر‬
‫تضيف للنظام خبرتك و أفكارك ألنك أكيد بتقدر تفهم و‬
‫تقيم و تبدع أحسن منى بشكل مختلف ‪ ..‬طول ما‬
‫الكالم مش من قرآن او كتاب سماوى يبقى قابل‬
‫للتغيير و اإلضافة‪ ..‬مش شرط تقفل اللعبة‪.‬‬
‫أيام االمتحانات عند المصريين صنم قديم لسه محدش كسره ال بالعكس بندعم‬
‫بناءه بشده بإننا بندير وقتنا و اولوياتنا غلط و نتدلع طول السنة و نيجى‬
‫عاالمتحانات نسيب اللغة و االستماع بحجة ضغط االمتحانات ‪ ..‬مش هنصحك‬
‫تذاكر كل حاجة أول بأول عشان دا الصح و انت عارف انه الصح و بتخالف‬
 ‫بس هل في نفس األيام دى بتبطل كالم بالعربى ؟!! أكيد ال ‪ ..‬يبقى الحل انك‬
‫في أيام امتحاناتك تقلل جهدك تماما بس متنقطعش ‪ ..‬يعنى كل يوم الصبح‬
‫عامل االستماع معاملة الجورنال ‪ ..‬اصحى اسمع مرة واحدة لدرس مختلف‬
‫كأنك صحيت فتحت الشباك و قلت صباح الفل لعم محمد اللى بيشرب الشاي في‬
‫البلكونه ادامك ‪ ..‬الموضوع بياخد منك دقيقتين بس لو عملت كدا من موقع‬
‫‪ esl-lab.com‬و دى استراتيجية الوقت الحرج‬

‫‪ .10‬شهادتى معتمدة و موثقة‬

‫الزم تتأكد ان العمل و الشركات ال تعترف بأى شهادات لغة تماما غير المعايير‬
‫الدولية اللى زى التوفل ‪ TOEFL‬و االيلتس ‪ IELTS‬و غيرهم كتير و دول‬
‫بتحضرلهم و تمتحنهم عند االحتياج ليهم فقط و بتكون ليهم مدة صالحية بعدها‬
‫تمتحن تانى اذا احتجتهم تانى‪ .‬يعنى متجريش ورا االعتمادات و ال تنخدع‬
‫بالمسميات ألن معظمها نصب و أسماء براقة للجذب كعامل‬
‫تسويقى مش أكتر‬
‫و التوثيق بتاع الخارجية هتحتاجه لو انت مسافر فقط‬
‫و بيكون على الشهادات المعتمدة محليا في دولتك اعتماد‬
‫حكومي معترف بيه زى شهادة التخرج مثال ‪ ..‬و مكاتب‬
‫الكورسات بتجيبه بفلوس و تدفعك عليه كتير عشان انت بتحب تدفع زى‬
‫الباشا‪.‬‬
‫‪ .11‬الطالقة او الفصاحة ‪: Fluency‬‬
‫دايما لما بنسمع الكلمة دى بنفكر انها بتطلق على االنسان اللى عدى كل‬
‫مراحل اللعبة بالنسبة للغة ‪ ..‬بمعنى انه بيتكلم بسرعة البرق و عارف كل‬
‫الكلمات و معدى ال ‪ 12‬مستوى اللى بيقولوا عليهم ‪ ..‬طبعا الموضوع ابسط‬
‫من كل دا ‪..‬‬
‫باختصار شديد معناها الوضوح في توصيل الرسالة فقط ‪ ..‬يعنى تكلم الناس‬
‫بألفاظ سهلة و بسيطة توصل المعنى بتاع الكالم بصورة سليمة مش أكتر يعنى‬
‫مش شرط تكون عارف كل الكلمات التقنية الطويلة الدقيقة اوى بالنسبة لكل‬
‫معنى ‪ ..‬يعنى ممكن تكون مبتدئ ‪ Fluent‬و ممكن تبقى لغتك قوية و مش‬
‫‪ Fluent‬عشان لغتك صعبة عالناس و بناء عليه الزم تتأكد ان اللغة مجرد‬
‫أداة تواصل مش أداة استعراض ‪..‬‬
 ‫‪ .12‬اعمل من بنها‪:‬‬
‫يعنى بالش تشتت نفسك و كل اما تالقى ماتريل جديدة أو موقع جديد أو بوست‬
‫فيه مليون لينك او ‪ 2‬طن كورسات تجرى وراه و تسيب اللى انت شغال بيه ‪..‬‬
‫الصح تشتغل بأسلوب واحد و تعمل من بنها يعنى تعمل مش واخد بالك من أي‬
‫جديد ممكن يشتتك عن طريقك ‪ ..‬اكتفى بماتريل واحدة و أسلوب تعليمى واحد‬
‫‪ ..‬العبرة بااللتزام اللى هتحققه ألى نظام تتبعه‪.‬‬

‫‪ .13‬فن التعلم ‪:‬‬

‫‪ -‬الكتابة ‪:‬‬
‫ال ينسى العقل ما خط بالقلم‬
‫عقلك دائما من معلومات‬ ‫تعود على الكتابة لتفريغ محتويات‬
‫الضغط النفسي و للمساعدة‬ ‫و أفكار و مهام للتقليل من‬
‫على التذكر بسهولة‪.‬‬
‫‪ -‬البحث‪:‬‬
‫من يبحث دائما ال يحتاج ألحد و تهون بيده الصعاب‬
‫احرص على البحث عن كل معلومة جديدة او معنى صعب "جوجل يعرف أكتر"‬
‫‪ -‬التوصيل‪:‬‬
‫من يوصل العلم لغيره هو خير متعلم فعند تلقيك المعلومة تكن مرة و عند‬
‫شرحها و توصيلها لآلخرين تكن عشرين مرة‬
‫‪ -‬الصبر‪:‬‬
‫ال يتقن االنسان المعلومة فى يوم و ليلة و ليس كل التعلم لعب و تسلية‬
‫‪ -‬عدم اصدار االحكام على المعلومة من الوهلة األولى‪:‬‬
‫فلكل معلم اسلوب خاص يميزه عن غيرة و ربما يختلف عن توقعاتك المسبقة‬
‫‪ -‬تقديس العلم و المعلم‪:‬‬
‫فبهما ترتفع درجة و تحفظ شأن العلم الذى تحمله و شأن حامله‪.‬‬
 ‫‪ .14‬ليس هناك مكون سرى‪:‬‬
‫النظام دا عمل لوجه هللا و متاح انك تعلمه و تشرحه لغيرك‬
‫و تفيد بيه أي حد ممكن يستفيد منه ‪ ..‬قوته أعلى من أي‬
‫نظام تعليمى في المؤسسات المعروفة و المشهورة‬
‫سواء كنت بتدفع فيها كتير أو قليل يعنى مش عشان‬
‫مجانى يبقى ضعيف ‪ ..‬من حق الكل يتعلم بجودة عالية‬
‫سواء قدر يدفع أو مقدرش ‪ ..‬باتباعك للنظام التعليمى دا تقدر في خالل ‪6‬‬
‫شهور تتقن اللغة بحيث انك تقدر تتأهل بعدها ألعلى اختبارات زى التوفل‬
‫‪TOEFL‬و االيلتس ‪.. IELTS‬‬
‫الهدف الرئيسي من صناعة النظام دا باألسلوب اللى شوفته هو انك تتعلم اللغة‬
‫بأسلوب يمنعك من نسيانها مرة تانية و تبنيها في عقلك بنفس القوة اللى بتبنى‬
‫بيها عضلة في جسمك بالتدريب المستمر المتكرر ألن اللغة شيء مستمر معاك‬
‫مش علم أكاديمى بتنتهى دراسته بامتحان أو شهادة‪.‬‬
‫بإضافة انك لو لقيت الدرس صعب شوية و فيه كلمات جديدة اعرف انك كدا‬
‫بتتعلم جديد و ان دا الصح ‪ ..‬لو كل اللى بتتعلمه سهل و انت أصال عارفه يبقى‬
‫فين اإلضافة؟!!‬
‫‪ ..‬أخيرا احب أوضح ان النظام دا تقدر تتعلم بيه أي لغة تانية ألنه قائم على‬
‫األسلوب الطبيعى اللى ربنا خلق الناس بيكتسبوا بيه لغتهم األصلية و زى ما‬
‫وضحت في البداية ان الجميع بيتعلم اللغة اآلم بنفس األسلوب مفيش اختالف‬
‫بالتوفيق لحامله و ناقله‪.‬‬

‫‪Waleed Essam‬‬
‫‪Instructional Designer and Developer‬‬
‫‪01282124090‬‬
‫‪walidessam@outlook.com‬‬
‫‪Facebook /walidessam0‬‬
‫‪LinkedIn /walidessam0‬‬
‫‪bit.ly/walidessam‬‬