Nawara nga Kalipay

Ni: Vanessa Mae O. Navera

Permi ko gud nahihinumduman

An adlaw kun san-o ako nakamiling hin usa nga misay

Tungod na duro ine hin kabuotan

Akon ine ginhimo nga ak sangkay.

Iba an ak gin-aabat kun permi ko ine upod

Bisan ak pagpahuway

Ada la ine ak sapit nalingkod

Baga an ak kasing-kasing naapaw hin kalipay.

Pero ine nga tanan tigda la nagbag-o

Kay ine udog nga misay, naglinanat-lanat hit iba nga tawo

Dire ak maaram kun kay ano an ak dughan umabat hin sakit

Sugad hin napuno ine hin kahangit.

Bisan nagdidinaop-daop na ine utro ha akon

Dire ko la gihap hiya kaya asihon

Ha katikangan makuri gad udog para ha akon

Pero kinahanglan ko ini aksiptaron.

 Umabot pa it pira ka adlaw

Kun hain ine nga misay dire ko na gud nakit-an

Tungod hine umabat ak hin kamingaw

Didto ko pala nasabtan na dire ko ngay-an hiya kaya kalimtan.

Waray adlaw nga dire ko gin ampo

Na unta makit-an ko hiya utro

Pero bis ano pa ada an ak buhaton

Dire na gud ada mababalik an misay ha ak kinabuhi.

Submitted by:

Vanessa Mae O. Navera

BEED 3-1

TFri (5:30-7:00)