Professional Documents
Culture Documents
Ensayo
Ensayo
YVY MARÃE’Ỹ
TECNICO SUPERIOR EN TRADUCCION E INTERPRETACION
Tembiapo paha
Ayvu Internet-rupi
Marandu jehai rupive oñembohasa ko’ã mba’e umi tapicha pyahu oúvape,
ani hag̃ua oñehundi ha avei ikatu ojekuaa opaichagua tekove jehasapyre
ymaguare ỹrõ okañymbaitémaramo’ã ha hasyvéta tekoveaty ohasa tenonde
gotyo. Ko arapýpe niko hetaiterei ñe’ẽ oĩ ndojekuaáiva mamópa oñemoheñói ypy,
ko’ág̃aite oĩme 7000 ñe’ẽ rupi ha umíva apytépe guarani ha castellano
ojeporumeméva Paraguáipe, avei ojeguereko paporundy ypykue ayvu
omanombotáva ohóvo noñeñangarekóire hese.
Ko pojopy niko omoambue tuicha kuri ojeporu ñepyrŭ guive yvypóra rekove,
ojapovoi churuchuchu ñe’ẽkuaaty ryepýpe.
Ko pojopy niko he’iháicha (Cristal, David, pg. 84), heñoivo Word Wide Web
ary 1991-me omoambue ñe’ẽ retepy, hese rupi ñe’ẽkuaaty oñemomýi ha ojeipykúi
tape pyahu rehe, oñesẽmive upe ñe’ẽtekuaágui ha ojeporu heta mba’e ypyahúva
hyepýpe tekotevẽva oñemohenda.
Ary 2004 guive oĩma avei Google Avañe´ẽ. Kóva tuicha oipytyvõ ko ñe’ẽ
ojekuaavévo ha ojeipyso pysove yvy tuichakue javeve. 2007-pe oñemoheñói
Vikipetã guaraníme. Mokõi tapicha arandu, peteĩva oikuaapypukúva informática
rehegua pojoapy, Lituania-ygua Sarunas Simkus, ha Dr. David Galeano Olivera,
haihára ñe’ẽkõi Guarani- Castellano ha ñe’ẽ’asahára, ojoaju ha oñopytyvõ hikuái
Guarani rayhupápe ha upéichape oúmi heñói Vikipetã. Ko marandurenda rehe ae,
oñemoherakuã upete guive ko’ag̃aite peve jehaipyre guaranimegua, taha’e
ñe’ẽtekuaa, tembihasakue, ñe’ẽporãhaipyre, tavarandu ha ambueve mba’e
ojogueraháva ñe’ẽ ha tetã rehe.
Umíva apytépe heta ypykue ñe’ẽ omanóva avei ohóvo ojeheja rehe tapykue
ha avave nomomba’éire, heta jey umi iñe’ẽhára akãme ojegueroike iñe’ẽ ivaiha ha
ndoikoiha mba’everã, upévare ha’ekuéra nombohasái iñemoñarépe. Avei
oñemboyke ichugui iñe’ẽ ha ojeapo’i.