Trahedya sa NLEX: 8 patay
MRT, PNR
Danilo Garcia (Pilipino Star Ngayon) - June 30, 2019 - 12:00am
MANILA, Philippines — Walo katao ang agad na nasawi
habang nasa 15 pa ang malubhang nasugatan
makaraang tumagilid ang isang pampasaherong bus na
bumibiyahe sa North Luzon Expressway (NLEX) sa
bahagi ng Valenzuela City, kamakalawa ng gabi
Pinakahuling nakilala ng mga pulis na nasawi sa
insidente sina Norberto Ancajas, 48, ng Quezon City at
si John Christopher Ednave, 36, ng Bocaue, Bulacan.
Una nang kinilala ng pulisya ang anim na nasawing
pasahero na sina Leo Victorino, 38, ng Sta. Maria,
Bulacan; Jennifer Fernandez, 32, ng Quezon City; Joan
Salcedo Garcia, ng Rodriguez, Rizal; Mary Grace
Alvarez, ng Bulacan; Maria Paz Mariano, ng Bulacan at
Zeus Lapig, ng Bulacan.
Sa ulat ng Valenzuela City Police, naganap ang
insidente dakong alas-7:10 ng gabi sa may Km12+800
ng Southbound ng NLEX sa may Brgy. Gen. T. De Leon,
sa naturang lungsod. Sangkot sa insidente ang isang
Isuzu Crosswind SUV (ZGG 985) minamaneho ni Marvin
Joseph Giron, 32 at ang Del Carmen bus (AGA 8610) na
inooperate ng Buena Sher Transport Corp. na
minamaneho naman ni Victorio Delos Reyes, 39.
Dahil sa lakas ng ulan, bigla umanong bumagal ng takbo
ang Crosswind dahilan para mabundol ito ng
kasunod na Del Carmen bus. Tinangka pa umanong
iiwas ng tsuper ang bus dahilan para pumaikot ito,
humampas sa barrier at tumagilid habang tumilapon
naman sa creek ang SUV na nabundol.
Sa lakas ng impact, ilan sa mga sakay ng parehong
behikulo ay tumilapon palabas o kaya naman ay naipit
ang katawan sa sasakyan dahilan ng kanilang kamata-
yan at mga pinsala..
Nasa hospital arrest ngayon ang tsuper ng bus na si
Delos Reyes na nagtamo rin ng mga pinsala sa katawan
habang inihahanda ng pulisya ang pagsasampa ng
kaukulang kaso.
Ngunit iginiit ng Buena Sher Transport Corporation sa
pamamagitan ni Roberto Viardo, operations manager
nito, na naisailalim naman sa road worthiness check ang
kanilang bus at isinisi ang insidente sa ulan. Tiniyak
naman niya na sasagutin ng kanilang kompanya ang
gastos sa pagamutan at pagpapalibing sa mga biktima.
Estudyante libre pasahe na sa LRT-2,
Joy Cantos (Pilipino Star Ngayon) - June 28, 2019 -
12:00am
MANILA, Philippines — Libre pasahe na ang
mga estudyante sa Light Rail Transit (LRT)
Line 2, Metro Rail Transit (MRT) at Philippine
National Railways (PNR).
Inanunsyo ito kahapon ni Transportation Sec.
Arthur Tugade bilang bahagi ng tuluy-tuloy na
pagpapadama ng kanilang tanggapan at ng
mga attached agency nito ng puso at malasakit
para sa mga Pilipino.
Samantalang hindi kasali ang LRT-1 dahil
isang private concessionaire ang may hawak
sa operasyon nito.
Nilinaw naman ni Tugade na ang libreng sakay
para sa mga estudyante ay mula Lunes
hanggang Biyernes lamang at hindi kasama
ang mga holidays.
Sa LRT-2 ay mula 4:30 to 6:00am, 3:30 pm to
5:30pm.?
MRT-3: 5:00am to 6:30am, 3:00pm to
4:30pm.?
PNR: 5:00am to 6:00am, 3:00pm to 4:30pm.
Ani Tugade, nais ng kagawaran na maeng-
ganyo ang mga estudyanteng pumasok ng
maaga para hindi na makadagdag sa siksikan
tuwing rush hour.
Gagawa sila ng online system kung saan
magre-rehistro ang mga mag-aaral kaya
simula July 1 ay dapat daw na iprisinta ng mga
ito ang kanilang ID.
Ayon kay PNR general manager Jun Magno,
ipapatupad nila ang “anti-cut off pass” sa mga
estudyante para otomatiko nang libre ang
pamasahe sa biyahe ng tren.
Maternity benefits ng SSS aabot na
sa P70,000 sa 2020
Angie dela Cruz (Pilipino Star Ngayon) - June 28,
2019 - 12:00am

MANILA, Philippines — Aabot na sa

P70,000 ang matatanggap na maximum
maternity benefits na maaaring
maibigay ng Social Security System
(SSS) simula sa Enero 2020.

Sinabi ni SSS President and Chief

Executive Officer (CEO) Aurora Ignacio,
kasunod na rin ito ng implementasyon
ng Republic Act No. 11210 o ang
Expanded Maternity Law at ng SSS Act
of 2018.

Ayon kay Ignacio, tataas ang SSS

benefits na makukuha ng mga
miyembro dahil na rin sa ipinatutupad
na bagong minimum at maximum
monthly salary credit.

Dahil daw dito, aabot sa halos doble

ang maternity benefit na makukuha ng
isang ina na dating nakatatanggap lang
ng P32,000.

Inihayag pa ng SSS CEO na mula nang

ipatupad ang Expanded Maternity Leave
Law, umabot na sa higit 122,000 ina
ang nakapag-avail ng expanded
maternity benefit.

Katumbas ito sa P2.67 billion na

maternity benefits mula January
hanggang April nitong taon, mas mataas
ng 15.09 percent sa kaparehong
panahon noong nakaraang taon.