Professional Documents
Culture Documents
Dhaqan-Kaab 1
Dhaqan-Kaab 1
Faallo
Buugan oo lagu magacaabo dhaqan-kaab aad buu u yahay
mid loo baahan yahay oo murti iyo suugaan dhaxal siineysa
dadka af soomaaliga ku hadla siiba dadka soomaaliyeed ee
fara badan ee dalalka qalaad u soo baxaya markii
dhibaatada weyni kaga timi dawlad isku sheegii hororka
ahayd ee dalka soomaaliyeed ka talinaysay .
Mahad-celin
Marka hore allaa mahad leh ii saamaxay wakhtiga aan ku
qoray buuga Markii maah maahaha buugan ku qoran aan
qorayey dhalinyarada asxaabtayda ah iyo dadka waa weyn
ee wax ka yaqaan murtida afka soomaaliga ee had iyo jeer
fadhiista maqaaxiyaha lagu cabo shaaha laguna sheekaysto
ayaan waydiin jiray lana sheekaysan jiray si ay bal iigu
sheegaan ,
B
Baadi nin aan lahayn ayey ag joogtaa
Barasho horteed hay nicin
Bartii yaqaan bari uma korodho
Baruuri kula tol ma aha
Baruur qudhuntay ayaa baruuro badan qudhmisa
Baryo badan iyo bukaan badanba waa la isku nacaa
Badhaadho aan bahdaa kula qabin waa bar kuma
taal
T
Taasi waa kud ka guur oo qanjo u guur
Tasi waa bakhtiga ma cuno ee fuudkiisa ayaan cabaa
Talada adiga ayaa ku nool ee iyadu kuguma noola
Taladii xumata iyo gudniin kii xumaadaba dib ayaa
loogu noqdaa
Talo dumar taag darro ayey u dhacdaa
Talo colaadeed nin qudha ayaa loo dhiibaa
Talo qabeen waa maal qabeen
Talo isuma kaa sheegto
Timir laf baa ku jirta
Tolkaa taagtaa looguma taliyo
Tol shir waayey shaasho kama baxo
Tol waxaa bartay nin u taliyey iyo nin tuugey
Tolkaa eexo laguma dilo
Togba taagtii ayuu rogmadaa
Tuujo nin leh ayuun baa maali kara
Tusmo waa lakala leeyahay
J---------X
\Jilaal waxaan ku cuninba waa la cunaa
Jil , jilayc looma dhinto ad-adeegna laguma waaro
Xaajo madax la qabto ayey leedahay ee mijo la qabto
malaha
Xaajo waa kugu soo boodo iyo kugu bareday!
Xaajo nin aan ogeyn indhaha ayuu ka ridaa
Xabali xigto kama tagto
Xabaal iyo ninkeed loo kala teg
Xabaalba nin leh ayaa qardhaba
Xadhko geel ma wada xidhaan
Xalaal cun, xoolihiisu ma booholiyoobaan
Xalaal iftin baa la cunaa
Xeer la,aan waa la xooloobaa
Xidid istus una kala tag
Xil lama qaado oo xero shisheeye lama geeyo
Xil nin qaaday eed qaad
Xiniin yahaagu ma aha kuwa kugu jira ee waa ku
lagula barbar taagan yahay
Xog mooge xaajo waa boolliyaa
Xoolahaagu amba xeredaada ha kuugu jiraan amba
xeer
Xumaani xumaan ma dhaqdo
D
Daayeer dabadiisa cas ma arko ee ka kale tiisuu
arkaa
Dabeecadu diinta waa ka badh
Dad iyo dameero nin leh ayey u daaqayaan
Dar daaran waa inta la xay yahay
Dawaco meeshay macal idaad ku baratay macaluul
ugu bakhtidaa
Dal aqoon la,an waa lagu lumaa dad aqoon la,aana
waa lagu qadaa
Dal nin yaqaan ayaa leh
Dameeraley dad la toy maaha
Dameerka yar mana nasto hooyadiina ma nasiyo
Dameero wada af cad
Dameero isku halayn bay hooyadeed dabada uga
nuugtaa
Dameer kir hadii layidhaahdo kuwa kale ayaa
dhegaha wada taaga
Daymo daayeer iyo daymo caruureed midna lagama
dhergo
Dayaxa hadii la waayo xidigaha ayaa lagu socdaa
Doqon ha una gar-gaarin hana gar-gaarsan
Doqoni sokeeye ma aha
Doqoni hadal kama dadna
Qalinkii
Qalinkii , Casayr
, Casayr Aadan
Aadan Salleebaancasayr.land
Salleebaan( Page:7 ) Page: 7
Prepared
Habka &by,hanaanka
Casayr hidaha
Aadan&Salleebaan Page:7
dhaqanka soomaaliyeed
Dhaqan-kaab
S
Sareedo way badnayde waxaa ka badatay nolol
Sagaaro laba tun oo la kala qalo ma leh
Sagaaro xaar la arkaayo ayey aas aastaa
Sagaaro inteeda waa ku duq
Salaad walba wakhtigeeda ayaa la tukadaa
Saca geesaha weyni lo,da ma hadhiyo isna ma hadh
sado
Saca weysha hana ka qalin hawna dhigin
Sir ma qabe allaa u sahan ah
Si roonba rabaa og
Socodka waa hore sahaydaaduna waa dib
Soo joogso qof laga waayey soo jiifsaa laga helaa
Soomaalidu been way sheegtaa been se ma maah
maahdo
SH
Shabeel caar caar lagama waayoo
Shan nin oo marti soor leh shansho ayaa ka baxda
shan nin oo marti soor lahayna shansho ayaa ka
baxda
Shinbiri maalin ayey dab qaaday maalintiina min alla
ayey gubtay
Shir looma wada uunsiyo
Shifo hore ayaa duco looga quustay
Shinbiri laba geed kama wada bardeesan karto
Shinbir ba shinbirkiisa ayuu la duulaa
Shilal qiiq lagama waayo
Shisheeye sheeda duxa malaha
Shinbir duul duul badani af libaax bay gashaa
DH
Dhaxal nin leh lagama dhawro
Dhallaanimo waa ciil laga waynaaday
Dhallaan ka dhabtaada ogol ayaa dhabarka lagu
sitaa
Dhallaan waxaa raadsha nimaan dhalin u se dhaw
Dhallaan lama doorsho
Dhagax meel dhaw ayuu ku dhacaa warna meel
dheer
Dhagar qabe dhulkaa u dhaqdhaqaaqa
Dhaliili waa nin kii leh
Oodo Dhacameed sida ay u kala sareeyaan ayaa loo
kala guraa
Dhegta iyo isha dhegtaa da, weyn
Dhegta haddii la jaro daloolka ayaa hadha
Dhicisku inta birta loo soo sido ayuu bakhtiyaa
Dhubuq dhubuq hore dhabana hays dambey
leedahay
Dhuumasho dhabarku muuqdaa dhuumasho ma aha
Dhulaw weynidaa! Ma weyniye nin dhagar qaba
ayaan qarin waayey
C
Caano waan jeclaa ee markay dameero galeen ayaan
nacay
Caato waa la la gam,aa
Caado la jaraa cadho alley leedahay
Cadceed soo baxday calaacali ma qariso
Carruuri hadii aad kuftid way kugu qoslaan! Haday
kufaana way ooyaan !
Carruuri mulaca ciyaar bay ku dishaa isna waa ku
qudh gooyo!
carab cunsur waa laga dhawraa
Carabka iyo labadiisa daanba way is qaniinaan
Carmal iyo cir jiilaalba cashbooriga ayey kugu
dilaan
Cantuugo weyn laguma dhergo ee cindi alle ayaa
lagu dhergaa
Calooshu intay madhnaan lahayd ha mudnaato!
Calooshu intay buki lahayd cagtu ha bukto!
Calool cir weyni way dheregtaa ee indho cir weyn
baan dhergin
ceebi nin leh ayey raacdaa
colkaa badan iyo biyo kaa badaniba way ku hafiyaan
colka wadhaf ma lagu deyeey
col iyo dhaanba halka laga eerayo ayay ka
yimaadaan
ceel biyo lihi ma foga
ceel na uma qodna ceelalyana uma maqna
g
Gaashaan qaad ma habaabo
F
Fadhi iyo fuud yicibeed laysla waa
Fariini waa qaan
Fari togdheer ayey kula xushaa
Far qudhi fool ma dhaqdo
Faro aan dufan lahayni wax ma duugaan
Fardo laysku hayo maxaa laysugu faani
Faraska cidhibta waxaa loogu dhuftaa ha ka sii
badiyo
Faras xagiisa dambe nin ka degay wax u dhaama
ayuu waayey
Faras aanad lahayn fuulistiisa futo qar qar ayaa laga
qaadaa
Falaadhi gilgilasho kaagama go,do
Falaadh cirka loo ganay nin walbaw filo
Fiintu jirka haya kama ooydee ka soo socday ka
ooydaa
Ficil habartaana waa kuu geeyaa
Fule xantii ma mooga
Fule ula badanaa
Fule isagaaba geesi ah ilayn cidla ayaabu u cararaa
e
Fulo hooyadii ma goblanto
Fulow guuli kuu dhaw
Fuulmo waa fara ku hayn
L
Lab la gacay lugana kuma taagni
Laba biyo hoostood isku haraatiyey iyagaa is og
Laba qaawani isma qaadaan
Laba qaydhinka ku qayb saday bisaylka iskuma
cawrido
Lalbe waa digniin
Layligu biyaha uurkiisa ku jira ayuu ka didaa
Leebka cirka loo ganay nin walwba filo
Liibaani waa galab si
Libaaxa ka ciya iyo ka aamusa ka aamusa ayaa
khatarsan
Libaax nn aan i aqoon ayaa lax ka rita
Libaax laba raqood lagama wada kiciyo
Lixdan jir hadii la legdo waa isaga iyo taagtii hadii
la khiyaameeyana waa isaga iyo ishii
Lixdan jir halkiisa lagama seexdo cadkisana lagama
cuno
Lilaahay laguma lumo
Luquni madax ma dhaafto
Lule waa ciidan
M
Ma dhinte waa alle
Matag iyo fooli midna meel kuguma sinto
Ma qabtaa raqiis weeye ma haysaa qaali weeye
Madax aanad lahayn maankiisa la isma saaro
Madax meel ka sareysaa oo la taabtaa ma jirto
Marti loo qaday in lala qabo ayey moodaa
Maroodigu takarta saran ma arkee ka kale ta saran
ayuu arkaa
Mayd maxaa u danbeyey iyo kaa la sii sido
Magan tolkaa kula bariin iyo marti afadaadu kula
soorin midna looma tag helo
Meel doonaysa hoo hadal waxba kama taro
Meel aan doonaayey roob igu eri
Midhaha dareyga duuduub ayaa lagu liqaa
Midho guntigaaga ku jira kuwo geed saran looma
daadiyo
Mindi saawira iyo madax ku agjooga midna lagama
quusto
Makulaal minan keedii fadhidaa miciyo libaax bay
leedahay
Ma- madaw badane allaa ku yaqaan
N
Naaska walalkaa qabto kolba waa sidaad ka dhigtaa
Naagi nin kay lagado kama kacdo
Naago hoosiisbay hadh moodaan
Naago ba,ooda ayey ka sheekeeyaan ragna badhaa
dhihii
Naago waxaa u liidata cirteed bogatiyo casar seexato
Nin aad dhashay kuma dhalin
nin aan dhul marin dhaayo ma leh
nin daad qaaday xunbo cuskay
nin aan kuu tudhayn ha ka talo qaadan
nin kuu digey kuma dilin
nin aan kuu furayn yaanu kuu rarin
nin aan qooq dilin maroodi ma dilo
nin aan hadlin habartiina wax ma siiso
nin ani yidhi dad iska reeb
nin bukaa boqol u tali
nin xoolo dhaqay waraabana u dhaq
nin gu, kaa weyni gu, baas kaa weyn
nin qoyani biyo iskama dhawro
ninkii seexdaa sacii dibi dhalay
nin tuur leh tab uu u seexdo isagaa yaqaan
nin la tumay ayey talo gaadhay
nin meeli u cadahay meeli ka madaw
nin waalan tolkii ayaa u miyir qaba
nin hunguri qaaday waa nin seefi kaa qaaday
H
Haani gun bay ka tolantaa
Habar dhali wayday aleelo ku waalatay
Habar fadhida legdini wax uga fudud
Habartii awrka cirka aragtay ee dameerkeedii jarka
ka tuurtay ha noqon
Habartii kimista dubaysay ee tii u dambeysey ka
kacday ha noqon
Hameenkii habar habar maalintiina oday oday
Hadaad dhimanayso dhareerka waa la iska duwaa
Hadii aad timaado meel il qudha la leeyahay adna
mid iska rid
Hadal haamo lagama buuxsho
Hasha kudna waa dilay waxna waa u weheliyaa
Harag sagaaro iiga kac mooyee iiga durug ma laha
Hal aad naaskeeda hayso kuruskeeda lama laaco
Hal libaax arkaysaa ma godlato
Hamadaadu haday kuu been sheegto taagtaada ayaa
kuu run sheegta
Hubsiino halbaa la siistaa
Hunguri wax ka wayn la mariyaa waa uu dilaacaa
Hunguri wed ma arko
W
Wax la raajey rag kuma filna
Waxaanad hurayn hore ayaa loo yeelaa
Wax rag kaa galay rako kaa gale
Wadada yari wada weyn bay kugu ridaa
Waraabe halkii raqi taal isagaa ayaa og
Waraabe ciilna haw qabin calalna ha u reebin
Waraabe naftiisana uma roona laf guri taalna uma
roona
Waraabe xagii loo eryaaba waa u banana
War xumi dugsi ma fadhiyo
War la,aan baa wadaadada rogey
Wanka weyni ilaa la gawraco indhihiisu cirka ma
arkaan
Waysha gawrac dibigu ha ku quustee
Wiil iswaalaba wiil waabiyaa hela
Walaalo xafil tamay way xabaalo badiyaan
A
Abeesadii farta loo taagey fanaxa u booday ha noqon
Abeeso dhul u eeki ayey kugu dishaa
Adhi jiri ma kala abaal weydo
Adhi been waa didaa beense ma dhitiyo
Arrad waa dan uskagna waa doqonimo
Asuubi waa odey nimo
Af wax cunay xishood
Af xumo nabadna way kaa ka xaysaa colaadna
waxba kaagama tarto
Aqoon la,aani waa iftiin la,aan
Awrba awrka ka horeeya ayuu horaan qaadkiisa
leeyahay
Aqal mahdan mawdku muxuu ka qaadi
Afkaaga oo ku xidha kuna furi waayaa waa alle goo
Arin hawsheed iyo indho qudhaanjo midna lama arko
Adhi biyokama talaabo
Abaal nin gala la arkaaye nin guda lama arko
Abaal hadaan rag kudin rabbaa guda
Habka &byhanaanka
Prepared , Casayrhidaha
Aadan& Salleebaan
dhaqanka soomaaliyeed
Page: 21
Dhaqan-kaab
O
Oodi jiidis iyo qaadis waa isla guryo geyn
U
Umusha waxa u dana ayaa ilmaheedana u
dana
Ul jiiftaa ma jabto
sadexley
Sadex laguma gallo
Ban aan faras lahayn
Barqo aan caano lahayn
Bilaad aan boqor lahayn
Sadex baa boqornimo kaa qaada
Gacan gudhan
Gudoon jilicsan
Gar weecsan
Sadex lama arag
Bakayle talaab sanaya
Badhi yicib ah
Balaayo laba qad ah
Sadex ma gaadhid
Nin maalin ma gaadho
Nin na sanad ma gaadho
Nin na waligaa ma gaadhid
geeraar
Geeraarkan waxaa curiyey gabayaaga weyn ee
raage ugaas waxaana uu ku ammaanayaa
faraskiisa (walhad)waxaanu yidhi sidatan .
Geeraar waa nin wanaajiyo nin uu waraar kaga oodmiyo
waadigiisa yaqaan walhadaw faraskayga weedh yar oon ku
ammaano wowga maan ka bilaabo gammaan waa kala waare
weehadaw orodkiisu wadhaf deyr laga xooriyo taarka laysku
warqaadiyo ma waayeelka shukaantoo wanaag loogu qabtaa
wayraxaw camalkiisuna waraab kaan u kaxeeyo isagaan weli
laacin anigoo wada mooyee ninkii hanta ka waabshiyo
wallayskaa garab joogaba widhwidhuu ku dilaaye wiyil
qoodha miyaa? Weedhaansho dhaqsihiisuna ma wareeye
libaaxo intuu neef ka wab siiyey wid hadii la yidhaahdo
wankalaadi u boodkaa dadka waabinayaa Werisow
midabkiisuna cirka oo wadhannaayoo wahabkii laga qaadiyo
ma waagoo sagliyaa . meel walaaqtan col joogo wad nahaan
ku kabaaye , wiil uu eebe kusiiyiyo ma walaalkay rumaa?
Waran waaxyaha gooyiyo waabay qaarka madow iyo riddo
soo widhwidhaaysiyo wanjaafkeeda rasaastuu
iwaydaarinayaaye , ma wadaad xigtadaayoo wanaaggi
Gabay
Gabaygii
Gabay
Gabaygan waxaa tiriyey nin la odhan jiray
barkhad cas waxaa na uu tiriyey sanadkii 1958
gabay
Gabaygan waxaa curiyey abwaan maxamed kaahin
feedhoole maxaned waxaa uu ku dhashay hawdka
burco sanadkii 1928kii
Tixda gabay beryahan maxamedaw waanigaan tirine in
dhawaydba waa taan ka tegey ta, iyo woowgeede ma tilmaamin
maansoonyinkaan teeb garayn jiraye xaluun baan tawalay goor
dhaxay tahay allaylkiiye markii uumiyuhu wada turqaday tamani
laykeenye tu, alifka oo dhacay hurdada taw ka soo idhiye waxaan
tebayo mooyee qalbigu taami noqon waaye tusaalaha aduun iyo
walaac laygu soo tuurye togyar iyo banan iyo annoo tuba ka
baaqaaya Talloolayaal iyo anoo taagi siraw jooga toomaha
walwaaleed anigoo torog ku maalaaya anigoo tusmada
reerkayaga talada goynaaya taajkiyo garoomaha annoo la igu
wada tiirshay ayuun baa la iitumay durbaan taarna ii yimiye
dabadeed talaabo iyo orod taw ku soo idhiye temmuunkii ku immi
meel jinaan lays tamaninayne tawaahida waxaan lahaa fuluus
tuulan baad heliye tabtan aan ku arkay iyo caynkanay tahay ma
moodayne waxaa tuban kun tamar laawe aan tacaba eegeyne
Talaatiin gu, qaar joogeybaan toobba u xaasiline tana xoogsi
kama soo taraan taana laga waaye taf la jiido iyo bay hayaan
tookha dabadeede tays ma laha taalooga iyo timo la xiiraaye
aniguna tabtoodii hadaan tacalimaayaaye mar hadaanan teeb iyo
waraaq taybal dhiganaynin turjumaan afkiisii hadaanan uga
turaabaynin mar hadaanan faaltu tegiyo turugsi raacaynin kol
hadaanan telifoonka iyo taarka ku hadlaynin marse haduu tabtaa
yahay raggii tedhi seben joogey way tala xumo xoogsigaan tan uga
jeedaaye tacliin aabahay wuxuu I baray tooyad soo godole tiska
ooda iyo baan iqiin tirade xoolaha e , inta aan tuldaha jaan wadaa
rag iga tooreeyey waxba gabaygu yuu ila tafine waxaan ku
taaleeyey mugga waan tagaayaa hadaan taabo nooliga e, taban
taabo gacal baan rabaa tallow ha lay dhaafsho
Gabay
Gabaygan waxaa tiriyey abwaan ismaaciil mire waxaa
uu xubinfirfircoon ka ahaa ciidamadii daraawiishta
waxaana uu amaanduule ka ahaa ciidamadii ka dagaal
galay goobtii caanka ahayd ee dul-madoobe :
Gabay
Gabaygan waxaa curiyey abwaan
soomaaliyeed oo noolaa horaantii qarnigii
19aad oo la odhan jirray abwaan raage
ugaas waxaana uu yidhi
Sida koorta yucub oo la sudhay koromo uubaal ah ama geel
ka reeboo nirgii laga kaxaynaayo ama beelo kaynaana oo
kor u hayaamaaya ama ceel karkaarada jebshiyo webi
karkaar dhaafay
Gabay
Gabaygan waxaa curiyey abwaan cali jaamac haabiil
oo degenaa magaalada ber bera waxaana uu u tiriyey
nin saaxiibkii ahaa oo la odhan jirrey xirsi cilmi
goonle oo ka xijaabtay adduunyada isaga oo taa ka
tiiraanyeysan kana damqanaya dhimashada saaxiibkii
uu yidhi
Gabay ( hadraawi)
Gabaygan waxaa curiyey abwaan maxamed ibraahim
warsame maxamed waxay hooyadii xijaabatay isaga oo
inan yar oo toban ilaa sided jir ah isaga oo xasuusan sidii
hooyadii u soo barbaarisay ka tilmaan qaadanaya ayaa uu
yidhi :
Wid = orod
Wadhaf = tuuryo
Riddo = waran
Weris = lab
Gammaan = baqal
kambalka = duleedka
hagoog = hilaab
jees = qoys
masaar = gudin
holli = isku day
hul = god
naaneys = magac-xumo
faro-laab = ul
diga-rogasho = geedi gaab
degel = jabad
gorod = gaaban
ab-guri = madax-mas
damqaabo = durreyn
dudda-guriga = dulleedka
tahli –karayn = awoodi karayn
doonyo-qaad = damiin
dubaaqiisa = xiskiisa
ood-rogo = buuxsinka kadinka
cagidiiba = qacdiiba/markiiba
dhiijiyo = liso
mannaystay = siiyey
af-hayn =quudin
caynta = kaynta
dheel-maday = caraabay
cimidh = buuxa
hu, = dhar
hees-hawleedada
heesaha kebadaha
geedba geedka u dheer lagu
garaacyeey galool mudhay
mulaaxdiiyeey
naagta kebeda lehee kaalin daraney
adaan-kayd u sii dhiganey
Heesta Aloolka
Daah, walaalkiiyow
Doco wanaajaw dad nooleeye duur qalinloow
naagta aan
daah xidhaneey doco, dalooleey ninkeedii
dabayl-raacyeey
Qawlal weyntiyo
Qaafo dheregtee
Awrka qoodhiyo
Qublahaa hadhay
Jeeraad aragtaan
Innamada iyo ul ladaba
Sido
Aaran baa hadhay oo ma wada imman
Xaluu dhiilkii
Iga dhimayoo
Anna dhabastii waan ka dhimayaa
Intay gamanadu
Gaamuraayaan
Waa gu,keliyee
Maan anba u gallo
rakaada geella
haydul-joogine tii
durduurtiyo tii
daftaay durug
caraabada geella
sow caraabadu
caafimaad iyo
caano kuu ma leh
hadhaagaagoo
hebla godaliyo
hadhuub lagu tabay
waa habaar weyn
caana waydsane
waa gartiiyoo
gu,gaan la xer geyn
nina dhaqashuu
kuugu dhabar jabay
nina dhuunuu kuu dhex joogaa
marka yalasluhu
yeedhi waayaa adna
yoomaay laguu
yaabaa
seerma waydiyo
sagaalaha dirir
waanu kugu simi
hadaad seegtana
waanu kaa socon
sadex boqoliyo
sagaashan hameen
oo sadkaa yahay
hameenkaan gudo
Aan guryaha maro
Aan garayskiyo guntiga
U furo garaad badanuhu
Waaygu garan jiray
shalay huguntoo
hugun baadhoo
hadhuub-gaalkiyo
huggii ka anbaday
lo,da
wanaagsane weris
wayluu xalay dhalay
wiil la moodyoo
loo wal qali gaadh
xiix wanaagsane
xareediibuu xoorin jirayoo
xoolo ku ahaa
cirku mayaybuu
la madaw yahay
badu maal bay la
madaw dahay
ana murugiyo
maxay mudan baan
la- madoobahay
dhiinow dhaydaa
naag dhadhamisaa
way dhalaashaa
oo dhiqlaa galla
wiilashaadana
wadaan iyo waran
miduunbaw u wada,
waylahaagana wajac iyo wayd
miduunbaw u wada
fardaha
haddii gelin hore geela
lala tago
oo raggu is gallo gabal
gaab kii gar nugaaleed
gabac yeeyoow
waar bullaalow
bayna bayniyo
beeni dhimataye
waa bariyo socod
ashkir halablow
meeluu hala waday
haadku ka cashee
dameeraha
ninka awrta leh aan
ku orinee
adimada fidi
jilba gaabane
jaawa
geelbuu jees u dhaamaa
idaha
dayla foorara
allaw fad u curi
oo nakala furro
dayla foorara
addoo foorara
foorihii gu,gu
oonad filanay
feedha kaa qabay
riyaha
qaroofey orgigu
meel qadhoonliyo
qarfe kugu leged
beeraha
bariis reerka magaalo
bada looga talaabiyo
waankan oo labudeeyoo
buushihii laga saaray
booroow beeraha hagaaji
maqasha
maqaley war lay
maqaley war lay
malaguu waramay
wax jira arlada inuu waa
beryoo la waraab shay beerii
in waxbarashadii loo wada
baxoo waxyi gelin la wado
ma laguu waramay
ma maqline warkaa
yaa ii waramay
ma walaalkay baa
waal hoose iyo waadeer ka yimi
heesha geedka
gacal baa ahaynoo
garashaan lahaynoo
adigaa I igardaadshoo
hoostaadu gogoliyo
gurray ii ahayde
geedyahaw ma nabad baa
hees ciyaareedka
ka ciyaaray caga weyn
ka ciyaaray ceel dhaab
ka ciyaaray caga dheer
ka ciyaaray hawd sare
caawana tan baan imi
nin ciyaaro tumijiray
caawana tan joogaa ciil kaambi waaynaa
heesta hooyada
hooyadu waa lama huraan
gagaag waa loo socdaa
horwaa loo sii hoydaa
hadal waa la hindisaa
muddaan uurka hurudnoo
culeys beey hayn jirtoo
xanuun bay la hingatee
hooyadu waa lama huraan
abaarta hawaaristiyo
haraad meel loogu go,ay
haayhaata uu dhaanku yahay
cirkuna haawanahayaa
halihii ay soo heshaa
hadey hoo ina dhehdaa
inaga aan soo hambeyn
waa tii aan heensanoo
hamuumteedii horiyo
dhab bay la hagoogataye hooyadu waa lama huraan
hiloowlaha ay dhashaa
haddii meel laga hayana
asuu haaraa hameen
waa tii hooygeeysatoo
ilmadu ay hibitiqdee
hooyadu waa lama huraan
Heesta Arooska
Geel iyo gamaan faras
Ayaan kugu gelbinaynaa
Farxad aan gaboobay ayaan
Ayaan kugu gelbinaynaa
Hoobaala hoobaalayey heedheh
Anigoo garoowe jooga yaan maqlay
guursigaa goo
kabihii ma baadhine
cagtaan boodhka soodaraye
waxaan soo bayiigaba hadaan
baydka soo galaye
iminkaan bayaan kuu arkaye
boqor maxaad sheegtay?
Barbaarinta hablaha :
Waxay hooyadu hablaheeda ku barbarin jirtey
Xishood, gaarinimo, hufnaan, hawlkarnimo, iyo
marwonimo heesihii ay ku koolkoolin jirteyna wxaa ka
mid :
\ Heesta qorqodaha
Eedooy qor qode wuu qayliyaa
wuu qalaxtamaa
naa ridaa qal- oo qaribuu dhahaa
naa qiiqu yuu bixin buu dhahaa
qoolaabka dheeree buu dhahaa
naa kubadu waa kurus buu dhahaa
naa malawad waa miid buu dhahaa
naa xiidan waa xubin buu dhahaa
naa qoran qoryo u diruu dhahaa
naa dhiiga dhagax saar buu dhahaa
ugaadha
ugaadha alle hibo u siiyey wadamada soomaaliyeed
iyo waxaa la kala yidhaahdo labkooda iyo dhedigiisa iyo
weliba ubbadkoda
garanuug
garanuugtu waa sakaaro aad u weyn
markay geedka daaqaysana kor kaga timaada leh na sur
dheer oo ka geela oo kale ah
Sakaarada
Sakaarada waxaa laga helaa meelkasta waxayna u qayb
san taa guud ahaan laba qaybood oo kala ah:
Qosley &
Golcas
Qosleydu waxaa laga helaa buuraha, midab keeduna
waa midab dameeriya
Waanay ka ci, duwan tahay golcasta hadaan samaynoo
dhawaaqa ay samaysana waxaan odhan karnaa qoosh,
qoosh,
Deerada
Deerada lab keeda waxaa layidhahdaa
Deer
Dhedigeedadana waxaa loo yaqaan
Deero
Cawsha
Cawsha lab keeda waxaa loo yaqaan
jaxeedh
dhedigeedana waxaa loo yaqaan
masaal
biciidka:
biciidku badanaaba waxaa laga helaa oo uu ku nool
yahay hawdka iyo dhulka cawska leh
labkiisa waxaa layidhaahdaa
saryan
dhedigiisana waxaa layidhaahdaa
biciid
carruurtiisana waxaa layidhaahdaa
ama kiisa yar yar
sawaro
gorayada
gorayadu badanaa waxay ku dhaqantaa oo ay ku
nooshahay banaanada , iyo dooxooyinka
labkeeda waxaa layidhaahdaa
haldhaa
dhedigiisana waa
gorayo-cawl
waxaanay dhashaa kaliishii
ubadkeedana waxaa layidhaahdaa hal-garac
maroodiga
maroodiga waxaa uu badanaaba ku noolaadaa dhulka
kaymaha waa weyn ee geedaha badan ee badanaaba
cagaaran ee cufan
labkiisa waxaa layidhaahdaa
arbe
daayeerka
daayeerka waxaa uu uu ku nool yahay dhulka togoga ah
ee dhaameelka badan ee qudhacda dhaadheer leh
daayeerka kiisa lab waxaa layidhaahdaa
coofle
kiisa dhedigna waxaa layidhaahdaa
heeliyo
kuraygiisana waxaa layidhaahda haaruun
magacyada roobabka
mayay: waa roobka subaxdii da,a ilaa inta ay qoraxdu
dumayso
miiraale: roobka hameenkii da,a inta ay dadku hurdaan
ayaa lagu magacaabaa miiraale
mahiigaan : waa marka cirka daruuri is xodho
roobkuna qaadi waayo ayaa layidhaahdaa mahiigaan
tumay :waa roobka ciida sare uun qooya ee aan lahayn
biyo laga cabo ayaa layidhaahdaa tumay
bushucle:waa roobka qaadi waaya ee aan sida fiicana u
di,in ayaa layidhaahdaa bushucle waa na ka soomaalidu
ay tidhaahdo waa roobka soo saara dhir hoosaadkii
nabaad guurey sida ramaaska
hogol:waa roobka meel hela ee lagu soo guur guuro
waxa kaloo layidhaahdaa biyo dhig
dabaylaha ka dhaca
geyigeena soomaalida :
Erayo
Ceelalyo:
marka geela oo kale ama adhigu uu beri oo
kale soo arooraayo ayaa waxaa maanta oo kale la sii
diri jiray rag layidhaahdo ceelalyo si ay ugu sii eegaan
ceelkii uguna diyaariyaan qalabka & agabka xoolaha
lagu waraabinayo raggaasina hameenkaas tuulada ayaa
ay u hoydaan subaxdiina qalabkii ayaa ay u diyaariyaan
xoolihii soo arooraayey
guul:
waa marka xooluhu ay ka fog yihiin ceelka isla
markaana la soo arooriyo waxaa subaxda ay guriga
laga ka xeeyo hameenka danbe u sii hoydaan xero dhexe
oo magaadhaan ceelkii hameen labaadka ayaa ay
gaadhaan ceelka isla markaana la soo waraabiyaa
marka ay ka soo fulaana waxaa ay hadana hameen kale
u soo hoydaan xeredoodii dhexe ee lagu soo guul siin
jiray ee cidlada ahayd hameenka danbe ayaa ay u soo
hoydaan gurigii taas ayaa lagu magacaabaa guul
sahan :
marka laguuraayo layskama raro reerka ee waxaa
ladiraa nin layidhaahdo sahan si uu u soo arko meel
geedo fiican leh oo lagu rari karo reerka una dhaanta
tan ay joogaan iyo weliba guri madhan ay dagaan taas
ayaa lagu magacaabaa sahan
hayaan:
yagleel:
waa marka la waayo guri madhan oo la dego ee ay
noqoto meeshu buuq laysku soo guuray isla markaana
odayga ama inanka ayaa sameeya wax layidhaahdo
yagleel
oo waxaa uu reerkii u oodaa meel aan guri madhan
ahayn oo gegi ah taas ayaa layidhaahdaa yagleel
jabad :
waa marka reerka lagu furo guri aan beryahaaba la
degin oo oodiisii dhamaatay oo kasii joogo xambus yar
xambuskaas ayaa layidhaahdaa jabad isla markaana
dusha laga oodo xambuskii yaraa si uu reerku u dego
xawawar:
waa marka idaha iyo riyaha la kala sooco ee lakala
kaxeeyo lana geeyo guri madhan oo kale oo cidlo ah
idahana lala raadsho meel caws leh riyahana meel
caleen leh kala kaxayn taas ayaa layidhaahdaa
xawawar
mareeg :
marka uu adhigu isku dhalo waxaa maqasha loo
sameeyaa xadhko qoorta lagaga taxo si aanu neefka yari
hooyadii ugu baxsan oo looga listo kadibna lagu sii
daayo xadhigaas ayaa layidhaahdaa mareeg
qalwo :
marka maqal badani dhalato waxaa loo sameeyaa xero
yar oo dugsoon oo dusha ka daloosha oo neef waliba
xigasho:
marka hasha laba nin lisaan ee ay caanaha aanay ka
wada dhamayn ayaa ay uga baxaan nirigta si ay u jaqdo
taas ayaa layidhaahdaa xigasho
gaane :
geela aan irmaanay ee wada gudhan ayaa layidhaahdaa
gaane
xergeyn :
marka geela laga kaxeeyo guriga lana geeyo meel cidlo
ah oo xero looga sameeyo taas ayaa layidhaahdaa
xergeyn
cokan :
waa marka xoolaha la soo waraabiyo maanta oo kale
ama shalay oo kale taas ayaa layidhaahdaa cokan halka
marka uu haraadan yahayna layidhaahdo waa uu
ooman yahay
wabax-taraar:
marka uu geelu soo cabo maanta oo kale ee uu cokan
yahay xerada ayaa uu raarta jebiyaa marka uu
habeenkii ragu hurdo oo waa uu iska daaq tagaa
hadaan la ilaalin hameenkaa taas ayaa layidhaahdaa
wabax-taraar
igadh:
waa marka geelu in badan irmaanaa caanihiisu lafta
ayaa ay ka yara qadhaadhaadaan geelaas inta badan
irmaanaa ayaa layidhaahdaa igadh
maraq:
danbar:
waa caanaha ugu horeeya ee laga liso hasha marka ay
dhasho waa na caano macaan oo isjiidanaya oo adag
markaa waxaa hasha looga lisaa si aanu neefku ugu
daaban( xaarin)
sidig:
marka hasha neefku kabo waxaa lasameeyaa neef kale
oo lagu khaldo si aanay hashu u gudhin oo loo maalo
waxaa lagu khaldaa neef kale si ay u moodo neefkeedii
isna uu u jaqo taas ayaa layidhaahdaa sidig
carab-daar:
marka nirigtu weynaato ee lays dhaho ka gudhiya hasha,
qaarkamid ah ayaa karita maraqa hasha naasaha
lagaga xidho oo dabadeedna jaqa kadibna waxaa loo
sameeyaa intaa nirigta carabka dhexdiisa laga dalooliyo
ayaa lageliyaa qori yar oo laba madax oo buur buuran
leh kadibna sidaas ayaa ay kudaysaa hashii kadibna ay
ku gudhaa hashu qorigaas yar ayaa lagu magacaabaa
carab daar
qalax:
marka hashu diido neefka ay dhasho ama in la maalo
ayaa laba qori oo la kala jeexay lagaga xidhaa dabada
si uu xaarku ugu dhego oo ay u ogalaato in uu jaqo
neefkeedu ama la maalo taas ayaa layidhaahdaa qalax
hadhuub-gaal:
waa weelka lagu maalo geela waxaana laga sameeyaa
geed layidhaahdo qabo
rakaad:
marka geelu joogo darka inta cabtaaba waa ay ka
baxdaa biyaha oo waxaa ay istaagtaa ceelka agtiisa
ayuu istubaa marka uu dhamaado geelii oomanaa ayaa
marka la siidaynaayo geela ayaa lagu soo waabiyaa
biyaha si uu aad uga sii dhargo biyaha dhamaantii
markaas ayaa lasiidaayaa taas ayaa layidhaahdaa
rakaad
qaaje:
qaaje waa fardaha aan qoraxda ka hor jeesan galabtii
ama subaxdii waa na faras cad
xamar:
waa fardaha hadii uu helo kayn aan kabixin ee iska
daaqa geedaha waana faras cas
Ashkir:
Faraska aan buurta mari ama haduu marana qunyar u
dhutiya ee aan deg-deg u marin ayaa layidhaahdaa
Ashkir
Ba,roor:
Faraska ugu dheereeya fardayaasha mell walbana
mara ayaa layidhaahdaa baroor waana faraska afarta
qoob iyo san-qaroorka madow waa na faraskii uu
sheekadii odaygii fardayaa yaqaanka ahaa iyo
inankiisii tuugta ahaana uu ku lahaa odaygu inanka
aabe ma haysaa faras afarta-qoob iyo san-qaroorka
madow oo raarta danbe fadhiya oo raafka ku xoqaaya
ooda uu yidhi haa uu ugu jawaabay odaygii maandhe
jaraha inoo sudh
waayahaye geenyooy
waxaa galabta sheeko leh
casrigan lagaadhiyo
weli guri caskaad taale
ruuxaagan gaamurayee
garashiyo aqoonta lahee
quruxduna ku gobo, tidhi
maxaa geedka qodaxda leh iyo
weli gumarta kugu xidhay
miyaanad geenyooy
geyigaba warkii hayn ,
in adduunku guuraayoo
geedigu jiciirtayoo
bada guure lagu marayoo
yurub loogu galay lacag,
oo hablihii gankaaga ahaa
gacalkii ay ka dhoofeeniyo
reerii gargaareenoo
gawaadhi dhaadheer iyo
guryo ay u jeexeenoo
lacagtuna gingiman tahayoo
dahabshiil ka goostaan
maxaa adiga gawraarkii iyo
miyigii go,doonka ahaa
weli kugu gabaanadayee
garba duubka kuu xidhay?
Gabshadii qarsoonaydiyo
Gocondhadii aan sheegayey iyo
Waa kaa gaarkii soo baxay
Inkastoo gol qabashada iyo
Goofaadhigaagani
Inanyahow gef igu yahay
Maxaa geedka qodaxda leh iyo
Weli gumarta kugu xidhay
gabay baa lagaa yidhi
marka hore garwaaqsoo
geyigan baanu leenahayoo
ido gorod madow iyo
geeslayda xoolaha iyo
gurgurshaa la dhaansado iyo
hadalkuna go,aankiyo
gawduu ku wacan yahay e
haduu sida gud-gude rooboo
gudcur iyo habeen da,ay
gaydh iyo qayoodiyo
gabedhkeeno waa khalad
balse guurtiibaa tidhi
geesigu ma gaagaxo e,
inanyahow gadiidkii
xaajadaynu godalnay
may gaasabixin weli
qoraxduna gabaabsiday
reerkuna geedi weeyaanoo
socotaa galfeedhiyo
galool hogato loo diray
adiguna galiilyada iyo
waadigan giirka kicinaayoo
hadalbaa ku goconaayee
guulahay ku nabad geliye
haddii reerku geediyo
waa inoo gumacii tuur-dheer
waayahaye geenyooy
marka hore garaad dumar
waad u garsho dheertay
marka xiga gobbaad tahaye
guulahay ku nabad geli
marka xiga gufaacadii
maynaan gunaanadinoo
waxaa hadhay gu,iyo dayr
marka xiga na geenyooy
hadii reerku geedi yahay
amba raadka waan guriyoo
gurigiina waan heliye
guulahay ku nabad geliye
waa inoo gumacii tuur-dheer
hadaba gargaaroow
sheekadu gaftaal malehe
arrinkii geenyo sheegaysiyo
geedigii xaqiiqaawyoo
sahankii geedo soo arag
reerkiina guuryoo
xalay gelin dhexaadkii
dayaxii ku guuree
anna gocasho reenkii
sidii galow ma seexane
talaa igu galgalanaysoo
geenyaa ii hilaacaysoo
waxaan gaaf wareegaba
sawaxankii geediga iyo
galaydhayntii heesaha
iyo goos goos mashxaradeed
iyo gurxankii i laab qaad
sidii gaade aan ahay
godobi ay ka maqan tahay
ama aar gadoodiya
waxaan gaadh ahaadaba
waagii galalacdiisii iyo
gudguduudkii waa beri
xalay igadh aan gaaxsaday iyo
intaan gaawe xoorsaday
oo guntigii u gaabsay
gaadhay gudulkii geediga
weliba geenyo raadkeedii
goonibaan u weheshaday
waxaan sii gash leeyaba
gaafkiyo arooskana
gool, lagu qalaa weyn
gibladiyo cayaarahana
gobi kuu mashxaradaa
waayahaye gacaloow
marka hore nin gabadh raba oo
guur isaga hammuumaayoo
gaaf iyo aroos jeceloo
samir gaaban yaad noqon
ana goray haldhaa iyo
hayga dhigin goroyo cawshii
laga helay garloo gubayee
galab qudha la fiidhsaday
meeshana xaajo guuniyo
Arrin gure fogbaa yaale
Ha ku gubanin sheekada
Marka xiga gamaan farasiyo
Giriinoofkaad sheegaysiyo
Geelanaad ku faanaysiyo
Goolashanaad ku dhololaysiyo
Isma laha goobtaan joognaa
Ana geedi baan furayoo
Weli maanu luxus goynoo
Goosgoosyadii iyo
Gufadii dugsoonayd iyo
Gur gurkii ma xidhan weliyoo
Gacantaaban ku hayaa
waayahaye geenyooy
geeraarka maansada
inta kale gudhweeyee
hadhaw yaan ganuun adag iyo
guuldarada la eersado iyo
sheekadani waxay ku
xasuusinaysaa habkii &
hanaankii hidaha & dhaqanka
soomaaliyeed
(xasuusnow habka & hanaanka hidaha & dhaqankeena
soo jireenka ahaa )