HANDURAW
F:
MF:
Sa dili pa namo sugdan,
Kining ga uros-uros namong dughan,
Tugoti nga kaninyong tanan kami
mangayo ug katahuran.
Maayong adlaw minahal namong
katawhan
Ania kami karon sa inyong atubangan
Aron paglipay sa inyong dughan
Sa balitaw amo tamong awitan.
M:
Ako nalipay sa kahigayonan nga
gihatag
Makita ko ang gipangandoy nga dilag
Gipangamuyo ko siya matag adlaw sa
sayong buntag
Hinaot nga makab-ot ko ang gugma sa
ugma damlag.
F:
Ondo dili ingon ana kasayon
pangayuon
Ning gugma ko nga gitipig sa dugay
nang panahon
Busa ayaw ug handuma nga imong
maangkon
Sa dali nga higayon imong sukton
M:
Apan inday ikaw akoang nasinati
Sa facebook nag friend request ug
nabati
Ang pagkagusto dili lang kay tiaw
tiaw
Kundi nahulog na usab ngadto sa lim-
aw
Haha! Ondo Nagkomedya kaba?
Ako makakatawa sa imong istorya
Kay nganu man diay kining gugma
Sama lang ba sa usa ka dula?
Dili tungod kay nilambo na ang
teknolohiya
Sa sayon nga paagi maangkon mo na.
M:
Kay nganu man diay inday ?
Kining pagbati dili ba tinud-anay?
Sa pag chat chat nato sa kanunay
Wala bay relasyon nga mulahutay?
Bisan unsa nga mga pagsulay
Sa gibati ko ikaw maangay.
F:
Sa panahon karon nga hi-tech na
Daghan ang mangilad ug magpaka
naa
Pa-famous sila bisan asa
May youtube, twitter ug instagram pa
May Tiktok, may snapchat ang
camera
Kung mamalit sa shopee ug Lazada
Bisan sa tinuoray walay kwarta
Apan ang itsura murag senyorita
Gugma paba ang atong hisgutan?
Sa kadaghan sa problema nga
gisagubang
Sa kagubot sa atong kalibutan
Ang mga tawo sa problema nag-
atubang
Dili matuki ang tinuod nga katuyuan
Nganung unahon ko pa ang imong
dughan?
M:
Kung adunahan man diay ang imong
gusto
Wala na gayod akoy mahimo
Kay pobre lamang akong gipakatawo
Ug dili makapalit sa tanan nimong
luho
Apan hinaot nga ang pagtuo adunay
kausaban
Kay kung mao kana ang sukaranan
Pakyas ang katuyuan sa kalibutan
Gugma ipatigbabaw labaw sa tanan
F:
Aba Ondo! Dili kana ang maong punto
Katuyuan ko lamang nga masiguro
Dili ang maong salapi ang akong gusto
Kundi masinati ka sa panahon nga
insakto
M:
Apan inday ayaw hikawi
Kining nag uros uros nakong pagbati
Kung mao kana ang imong kalipay
Andam nga maghulat sa kanunay
Ania lamang sa imong kiliran
Magpaabot sa matam-is nga
kauyunan
Nga ikaw ug ako sa katapusan
Maghimo kita ug daghang
handumanan.
F:
Ang panahon dili nato matag-an
Kay dili kita ang naggunit sa
kapalaran
Apan Ondo handumon ko man
Nga ikaw kanako dili mapul-an
M:
Inday wala gayud akoy mapangandoy
Kundili kining akong tinuoray nga
giasoy
Hinaot hatagan nimog bili
Ang mga pulong nga imong nabati
Takos ko kini nga isangyaw
Ang kahidlaw sa matag adlaw
Sa gugma ko karon nga imong ihikaw
Sa layong dapit ako mulakaw
Manimpalad ako ug mulangyaw
Ikalipay ko nalang ang mga handuraw
Sa panahon nga nakaila ko ikaw
MF:
Higala ang mga pagtulun-an
Nga inyo karong nabatian
Hinaot nga nakahatag ug kalingawan
Kaninyo minahal nga mga kahigalaan
Ning awit nga among namugna
Bunga sa among mabulakong
panghunahuna
Ug tapuson nalang kining kantaha
Alang sa tanan among pagtimbaya
Nga sa gugma unta tanan kita
Magkahiusa hinaot pa.
NAJC