KYE

by JFstories

There's something wrong with my family -KYE TAN of GR Series

Copyright ⓒ JamilleFumah 2014, All rights reserved

=================

BASURA

Isinandal siya ng binata sa pader ng bahay nila. Nagulat pa siya ng mahinuha ang
kanilang posisyon! Halos daganan na siya ni Kiko at dikit na dikit na ang kanilang
mga katawan!"I hate you!!! You piece of trash! You mabahong pulubi na galing sa
basurahan!!!" Pulang-pula ang mukha niya sa kilig? "Look anong ginawa mo! Nabura
‘yung mamahalin kong lipstick because of your kadiring kamay!!! Idedemanda kita ng
harassment!!!" Tungayaw pa niya with a little kilig pa din.Dinuro naman siya nito.
"Hoy ikaw bubwit ka! Manahimik ka diyan huh! Matagal na akong nagtitimpi sayo baka
akala mo! Tigilan mo na ang panggugulo mo sa kaibigan ko! Tsaka hindi ako basura
noh?! May ganito bang ka-gwapong basura?!" Itinuro pa ng binata ang sariling mukha.

Napatitig naman si Kye sa mukha ng binata.Oo nga naman... ang pogi ni Kiko para
maging basura!

=================

PROLOGUE

THE PROLOGUEShe was born rich.Sanay din siyang nakukuha ang lahat ng naisin niya sa
isang kumpas lamang ng kaniyang magagandang kamay. Wala siyang pakialam kung ano
ang mga consequences ng mga desisyon niya sa buhay, anyway hindi naman niya
kailangang pahirapan ang sarili niya dahil nasa kaniya na naman ang lahat.Siya
iyong ipinanganak na may gintong kutsara sa kaniyang bibig. Siya lang naman kasi
ang nag-iisang anak na babae at bunso ng business tycoon na si Sabastian Mondragon
Tan na nagma-may ari ng isa sa pinakamayamang kumpanya sa Pilipinas na Princess
Honey. Higit pa roon ay napakayaman din ng kaniyang Ina na nagmamay ari ng ilang
malalawak na lupain sa ibat-ibang panig ng mundo. Kumbaga, kahit na magtapon siya
ng pera minu-minuto ay hindi naman iyon kawalan sa pamilya nila.But despite all
that ay may malaking kulang pa din sa pagkatao niya na nais niyang hanapin...

Hindi siya ganoon ka-weirdo pero batid niyang may mali sa kaniya at maging sa
pamilya niya. Minsan pakiramdam niya ay kabilang siya sa pamilya ng Adams Family,
minsan din ay pakiramdam niya na bampira ang daddy niya dahil hindi ito tumatanda,
although baby face naman ang mommy niya kaya keri lang.

And his older brother na hindi niya din sure kung isa rin bang vampire dahil gabi
lamang ito lumalabas...

Kaya nag-decide siyang ipagkibit-balikat na lamang ang mga kababalaghan sa bahay

nila at i-enjoy ang outside world bilang isang primadonang sosyal.

Basta ang motto niya in life ay hinding-hindi siya mai-inlove sa kung sino mang
hampas lupang makakasalubong niya sa daan.As in never!Pero parang gusto siyang
asarin ni Kupido, dahil bigla na lamang siyang nakaramdam ng sparks sa loob ng
dibdib niya ng makita ang gwapong dukha na si Kiko.

Si Kiko na isang half american dahil nga sa prostitute ang nanay nito noong araw.
Pero of course ay gagawin niya ang lahat para iwasan ang pulubing Kiko na iyon!
Sukdulan pang awayin niya ang kaniyang suwail at walang taste na puso!Pero diba
nga? You couldn't just pick and choose kung sino ang matututunan mong mahalin o
kung kailan ka magmamahal o kailan ka titigil sa pagmamahal. It wasn't like a light
switch, easy to turn on or off. If you were in, you were in. Out, you were
out.Kumplikado talaga ang buhay ng tao, at lalo pa itong nagiging kumplikado kapag
natuto ng magmahal ang puso mo... Minsan kahit gaano ka katalino ay hindi pa din
iyon sapat upang utusan mo ang puso mo na itigil na ang ginagawa nito. All you
really need to know ay hindi lamang ikaw ang taong nakakaranas ng ganoong
pagkalito, the universe is a lot more complicated than you might think specially
when it comes to LOVE.

SUNDAN ang bagong kwento ng pagibig ni Kye Lemon Tan...Ang maarte at matapobreng
bunsong anak nina Hani & Sab...

Ang istoryang hindi sure kung magtatapos din ba sa pagibig na wagas...

=================

UNO

Chapter 1

Ipinanganak siyang may gintong kutsara sa kanyang bibig.

Siya si Kye Lemon Tan.

Hindi siya simple, dahil para sa kanya ay wala siyang katulad.

"I'm one of a kind!" Naninirik ang mga matang sabi niya sa mga kaibigan.

Nasa isang bar sila sa Libis ng mga oras na iyon.

"Syempre naman! You're a famous hottie Kye!" Ang sabi naman ng bestfriend niyang si
Audrey Miles. Rich kid din itong kagaya niya, of course hindi siya nakikipak-
friends sa mga mahihirap na nilalang.

"A Princess..." Nakangiting inakbayan naman siya ni Ryan. Isa ito sa mga makukulit
niyang suitors.

"Oh yes..." Baling niya dito. "I can buy you! I can buy your friends and this bar!"
Medyo tipsy na pagmamayabang niya.

"Bagay na bagay kayo!" Kinikilig na chorus ng ilan pa nilang kasama.

"Parehong rich at hot!"

"I know right!" Sabay tungga niya muli sa kopitang may wine.

Nasa dulo sila ng bar kung kaya't medyo nagkakarinigan pa sila.

Tiningnan ng dalagita ang manliligaw na si Ryan. Sa lahat ng nanliligaw sa kaniya

ay ito ang pinaka-gusto niya.

Ryan is cool. Mayaman din ang pamilya nito gaya ng pamilya niya. Kumbaga ay hindi
ito alangan sa kaniya. He's tall and handsome. Mabait din ang lalaki at malambing.
"Hey, 'wag nating i-spoil ang gabi! We're here to celebrate!" Nakatawang sigaw ni
Audrey.

"Let's dance..." Nakangiting hinawakan siya ni Ryan sa kanyang bewang.

"Sureness..." Maarteng sagot naman niya.

Sa ayos nila at sa kanilang malalaking bulas ay hindi sila mapagkakamalang menor-

de-edad. Ito ang trip nila sa buhay, ang gumala, mag-party at magpakasaya.

"Yeah partyyyy!!!" Umiindak na nagsisigawan sila sa gitna ng dancefloor ng Eden

bar.

16 years old... Iyon siya.

Pero kung titingnan ay parang dalagang-dalaga na...

With her red sexy dress and black boots...

At ang maiksi niyang buhok na bagay na bagay sa kaniyang hugis pusong mukha...

Sino ba ang hindi mahu-hook ng mala-anghel na si Kye?

Kaya nga kabi-kabila ang manliligaw niya hindi ba?

Pini-pilahan siya ng mga mayayaman at gwapong lalaki. Pero wala pa siyang napu-
pusuan sa mga iyon.

She wants a perfect man! As in perpekto! Ganoon siya kapili...

Pero ngayon? Parang gusto niya nang mag-try na pumasok sa isang relasyon. At si
Ryan nga ang napipisil niyang pagbigyan.

PERO parang wrong move ang pagpapakita niya ng interes kay Ryan.

THE next day ay isang balita ang sumalubong sa kaniya sa kanilang Campus. Nasa
school siya that day para magpa-enroll na sana nang maaga together with her fellas
nang biglang...

"Kye!!!" Humahangos na tawag sa kaniya ni Audrey. Basang-basa ito ng pawis dahil sa

pagmamadali.

Nasa lounge siya noon at nagso-soundtrip sa kaniyang ipod. Maarteng inalis niya ang
mga hugis Hello Kitty niyang earphones at saka hinarap ang kaibigan. "Why? And
bakit ka hinihingal? Wag ka ngang ganyan, ayan you're so pangit na tuloy!"

"Si Ryan!" May hingal pang sagot nito.

Ngumiti siya nang matamis. "So what about him? Bakit may surprise na naman ba siya
for me?! Hay naku I'll sagot him na nga! He's really sweet and thoughtful!"

"Not that friend!"

Tumaas naman ang kilay niya. "Ano bang nangyari?"

"Iyong kuya mo..." Ibinitin pa ni Audrey sa ere ang mga sasabihin.

Bigla namang napatayo sa kinauupuan niya ang dalagita. Narinig niyang binanggit ni
Audrey ang panganay niyang kapatid. And knowing his brother, ay wala itong alam na
gawing maganda!

"A-Ano ang kuya ko?!" Kabadong tanong niya kahit pa medyo may hinala na siya sa
ginawa nito.

"Binugbog niya si Ryan... And Ry is in the Clinic right now!"

"Oh My Gee!!!" Napanganga siya.

THIS IS IT!

Hindi pa ba siya nasasanay? Her brother is always like that! Wala itong
pinapalampas, siguro ay nalaman nito na nililigawan siya ni Ryan so tinakot na
naman nito ang manliligaw niya.
"Hindi niya ba ako hahayaang maging masaya?!" Frustrated na sigaw niya.

Kumukulo ang dugong agad siyang naglakad palabas ng kanilang Campus. She's going
home, kailangan niyang makaharap ang salbahe niyang kuya.

Hindi niya alam kung ano bang meron sa pamilya nila...

Partikular na sa weird niyang kuya!

Eos is her brother's name. Sinasamba din ito ng mga babae sa eskwelahan nila dahil
sa gwapo at malakas ang dating nito. Pero para sa kaniya ay madaming nakaka-turn
off sa kuya niya.

He's weird.

Weird.

Weird.

Weird.

With the capital W !

Kahit ang parents niya ay nahihirapang pakibagayan ang kuya Eos niya! Para kasi
itong may sariling mundo! Mahilig ito sa away! Palagi silang napapa-transfer ng
school because of her brother's annoying attitude!

Kung siya ay bratinella si Eos naman ay sumpungin! Wala itong makasundo dahil sa
tahimik lang ito at hindi palakibo!
At siya ang paborito nitong pakialaman!

Well, her family is really weird naman talaga. Mayaman sila , yes. But hindi noon
mapapagtakpan ang kakaibang mga bagay sa kanilang pamilya.

Kasi sa tanda nilang iyon ay hindi pa sila nabi-binyagan ng kuya niya.

Her dad Sab na hinihinala niyang bampira noong bata pa siya dahil hindi ito
tumatanda... Well, naisip niyang pwede din namang baby face lang ang daddy niya.

And his brother na kasing lakas yata ni Hercules!

Basta madaming weird! And minsan pakiramdam niya ay madaming lihim na itinatago ang
kaniyang butihing mga magulang. She loves them, pero hindi pa din siya kumbinsido
na normal silang angkan.

Specially her... Minsan may mga bagay siyang nagagawa na hindi kayang gawin ng
normal na tao.

Gaya nang mabilis na paghilom ng sugat niya tuwing nasusugatan siya.

May kakayahan din siyang bumuhat ng napakabigat na bagay. Kagaya ng malaking vase
sa kwarto niya na agad niyang nailipat ng pwesto, samantalang ng iutos niyang
ilabas ito sa kwarto niya ay nagtulong pa ang limang tao upang mabuhat lamang ang
vase.

"Something is really wrong about our family..." Mahinang bulong niya.

Kaya nga inaaliw na lang niya ang sarili sa pagpapakasaya.

MEDYO madilim na din nang makarating siya kanila. Inabot din kasi ng traffic ang
taxi na sinakyan niya.

Nasa main door pa lamang siya ng mala-palasyo nilang bahay ay sumisigaw na siya.
Calling the attention of her loving parents.

"Dad!!! Mom!!!"

Nakapuyod ang maiksi niyang buhok na lalong nagpaliit sa kaniyang cute na mukha.
Pinkish ang nguso niya dahil sa kulay ng lipstick na ginamit niya.

"Kye!" Sinalubong siya ng isang magandang babae na may edad na. It was her mom,
Hani Tan. In her age ay napakaganda pa rin nito.

Nakasimangot na humalik siya sa pisngi nito at saka padabog na naupo sa kanilang

mahabang sofa.

Spoiled siya sa kaniyang mga magulang kaya naging ganoon siya ka-bratinella.

Nagkatinginan naman ang mommy at daddy niya dahil sa inasal niyang iyon.

"Si kuya!" Nakangusong umpisa niya.

"Oh bakit anong ginawa ni Eos?" Halos sabay pang tanong ng mga ito.
"Pumunta siya sa school kanina! Tapos binugbog niya 'yong manililigaw ko! Kung
hindi pa siya inawat ng mga guards muntik niya pang mapatay si Ryan!" Tukoy nito sa
manliligaw. "I hate kuya! Lahat na lang ng mga nanliligaw sa akin kung hindi
takutin ay binubugbog niya! I hate him! Para siyang monster eh! I really hate him!
Kaya pag nagka girlfriend siya lagot din sa akin ang magiging girlfriend niya! But
for sure hindi siya magkaka girlfriend kasi nga monster siya!" Tuloy-tuloy ang
bibig ng dalagita.

Nagkakatinginan na lamang ang mommy at daddy niya. Alam ng mga ito kung gaano ka-
protective sa kanya ang kuya niya.

"I hate kuya! Ryan is so cute pa naman!" Maktol pa niya.

"Hep-hep... Anong cute-cute ka diyan ha?" Biglang namewang ang Daddy niya. "Bata ka
pa. Baka naman dinidigahan ka noong Ryan na 'yon kaya siya binugbog ng kuya mo? Eh
kung ako din 'yon baka binugbog ko din yang Ryan na 'yan eh." Wika pa nito.

"Sab!" Nandidilat naman ang mga mata ni Hani sa asawa.

"Daddy naman eh!" Inis na tumayo na siya at nagmamartsang umakyat sa kanilang

mataas na hagdan. Ayaw na ayaw niya sa lahat ang pinagagalitan siya.

Naiwan na lamang na iiling-iling sa sala ang kaniyang mga magulang.

Tumungo na siya sa kaniyang kwarto at nagpalit ng pantulog. Hindi pa din mawala ang
inis na nararamdaman niya ngayon para sa panganay na kapatid.
"Paano ako magkaka-lovelife nito kung palagi siyang kontra-bulate sa buhay ko?"
Asar na nahiga siya sa kaniyang kulay pink na kama.

WALA siyang kamalay-malay... Na malapit niya nang makaharap ang kanyang katapat...

Isa sa mga araw na ito...

TBC

JamilleFumah

=================

DOS

xKYEx

NASA kwarto na siya at nagpapahinga nang makarinig siya ng isang sigaw ng babae at
kasunod noon ay parang pagtatalo. "Ha? Ano kaya iyon?" Takang bumangon siya mula sa
pagkakasubsob sa kaniyang malaking kama. "Nandiyan na kaya ang basagulero kong
weird na kuya?" Agad siyang pumunta sa kabilang silid. Magkatabi lang kasi ang
kwarto nila ng panganay na kapatid na si Eos. Ganoon na lang ang gulat niya ng
makitang nakalugmok sa sahig ang kapatid at ang daddy Sab naman niya ay yakap-yakap
ng umiiyak niyang mommy Hani. "Oh my God kuya?! Who did that ?!" Nagulat siya ng
makitang putok ang gilid ng labi ng kaniyang kuya. "Baby, get out of here...
Bumalik ka na sa room mo." Pinilit ni Hani na maging malumanay sa pagkausap sa
kaniya. Pero pumiksi lamang siya. "No Mom. I need to know what's happening here!
Bakit kayo ganyan? Dad? Anong nangyayari dito at sino 'yang babaeng yan!" Pinukulan
niya ng masamang tingin ang babaeng kasama ng kaniyang kuya. "Narinig kong may
sumisigaw kanina! " Naiiritang dagdag pa niya. Sa wakas ay tumayo na din si Eos
mula sa sahig. Nanlaki ang mga mata ni Kye... Hindi kaya nanri-rape kanina ang kuya
niya?! But that's impossible... Kasi wala namang hilig sa babae ang baliw niyang
kuya! Madilim na madilim ang mukha nito habang nakatingin sa mga magulang nila lalo
na sa kanilang ama. "Tama na po..." biglang singit nung babae. Tumayo na ito sa
kama at lumapit sa kanila. "Wala pong kasalanan si Eos, nagkakamali ho kayo..." Di
naman niya napigilang hindi mag-taray. "So? Kung gayon hindi ka niri-rape ni kuya
at kaya ka nagsisisigaw dahil nagpapapansin ka lang? Pipikutin mo ang kuya ko huh?!
Nice try!" "Shut up Kye!" Nagulat siya ng sawayin siya ng kaniyang Kuya Eos. At
lahat sila ay napatanga ng bigla na lang nitong hilahin iyong babae. "This girl is
my girlfriend and gagawin ko lahat ng gusto ko sa kaniya!" "Eos..." Their mom said.
Hindi naman makapaniwala ang mga magulang nila, gayon na din si Kye. Kahit alam
nilang temperamental si Eos ay never naman itong sumigaw sa kanila lalo na sa
parents nila. Mabait naman si Eos kahit pa hindi nila mawari ang tunay na tumatakbo
sa isipan nito. At ngayon lang may ipinakilalang Girlfriend ang kuya niya! "Kahit
ang mang rape? Ha?! Matigas na bungo mo?! Sumasagot ka na at lumalaban pa huh?!"
Kung hindi lamang pigil-pigil ni Hani ang asawang si Sab ay baka nasuntok na naman
nito ang kuya niya. Iyong babae namang katabi ng kuya niya ay agad na pumagitna
muli. "Tama na po... Nagkakamali po kayo... Hindi po ganoon 'yon. Wala pong
ginagawang masama sa akin si Eos, binabangungot lamang po ako kanina!" "Kung gayon
Eos, pakasalan mo ang babaeng 'yan! Ano man ang totoo , gusto kong magpakasal
kayong dalawa!" Si Sab na sa panganay pa din nakatingin. Lumabas na ng kwarto ang
mga magulang nila. Bago naman lumabas si Kye ang binigyan niya muna ng isang
nakamamatay na irap ang kaniyang hipag na hilaw. Si Eos naman ay bigla na lamang
nagpatibuwal sa kama at pumikit. Pero hindi pa din siya matahimik. Hinabol niya sa
pasilyo ang kaniyang mommy at daddy. Kahit kailan ay wala pang nadadalang babae ang
kuya niya sa bahay nila, kaya takang-taka talaga siya. Kilala niya ang kapatid. Ito
ang hinahabol ng mga babae, subalit kahit kailan ay hindi pa ito nagse-seryoso sa
kahit na anong relasyon. "Who's that bitch, mom?!" Habol niya sa mga magulang. "Hey
little brat, kailan ka pa natutong magsalita ng ganiyan?!" "Okay, sorry... Eh sino
ba kasi iyong babaeng iyon?! And totoo bang ipapakasal niyo sila?" Tanong pa niya.
Hindi umimik ang mag-asawa. Silence means yes right? Parang biglang gustong magwala
ni Kye. "This is impossible!!!" Tungayaw niya. "Samantalang ako todo bantayan ni
kuya!" "Kasi bata ka pa..." Mahinahong sagot naman ng mommy Hani niya. "But..."
Tututol pa sana siya. "Go to your room now Kye..." Utos naman ng daddy niya.

"You guys are impossible!!!" Inis na sagot niya. Asar na pumasok na siya sa
kaniyang silid.

KINABUKASAN ay maaga siyang nagising. Bumaba siya sa sala para hanapin ang
kaniyang alagang tuta ng bigla niyang makita na nakabukas ang kanilang main door.
"Sino iyong nasa labas?" Tanong niya sa dumaan nilang kasambahay. "Ay bisita ho
yata ng girlfriend ng kuya niyo, mam." Magalang na sagot nito. "What?" Inis na
nilabas niya ang nakatayong lalaki sa labas ng bahay nila. Wala siyang pakialam
kung ano lang ang suot niya. Nakapantulog pa siya with her favorite stuffedtoy sa
kaniyang mga braso. Malayo pa lang ay kitang-kita niya na ang naka sideview nitong
mukha.'Hmmn... He's cute.' Iyon agad ang pumasok sa isipan niya. He's tall kagaya
ng kuya Eos niya. Malaki din ang katawan nito na parang bida sa isang love story
with action na palabas sa T.V. Pinasadahan niya pa ng tingin ang buong katawan ng
lalaki. Bahagya pa siyang napasimangot ng makitang walang brand ang damit na suot
nito! He's wearing a kupasing maong pants at puting T-shirt na may kaunting gusot
pa. Sa paahan naman nito ay isang army shoes na parang minana pa nito sa kaniyang
lolo. "Ewww... But infairness, nadadala niya..." Nilapitan niya ang lalaki at
sinit-sitan. Agad naman itong lumingon sa gawi niya. "Who are you?" Agad na tanong
niya dito. Ngumiti naman ang lalaki. Feeling niya ay kaharap niya ang batang
version ni Brad Pitt. Ang ganda ng ngiti nong lalaki, pati ang mga mata nito ay
nakangiti din sa kaniya. 'NO WAY KYE!' Saway ng isipan niya. 'Obviously na mahirap
ang lalaking yan, bawal magka-crush sa dukha remember!' Lumapit sa kaniya ang
lalaki. "Hi Miss... I'm looking for Usha... Ako nga pala si Kiko..." Inilahad nito
ang isang palad para makipagkamay sana sa kaniya. Pero hindi niya tinanggap ang
pakikipag-kamay nito. "Akala ko naliligaw ka lang na pulubi..." Sabi niya dito.
"Ang pangit kasi ng suot mo..." Kitang-kita niya ang pamumula ng mukha ng lalaki.
Halatang napahiya ito sa sinabi niya. "Wala akong pakialam sa Usha na sinasabi mo.
And FYI, hindi 'Miss' ang pangalan ko! I am Kye Tan! Keep that in your mind!" At
tinalikuran niya na ito. Iniwan niyang nakatanga ang binata sa labas ng kanilang
malaking main door. Tinungo niya ang kwarto ng kuya niya. Nakabukas iyon kaya agad
niyang nakita 'yung babaeng pangalan ay Usha. "Hi..." Kiming bati nito sa kaniya.
Tinaasan niya ito ng kilay. "I dont like you!" Gusto niyang magdiwang sa nakikitang
pamumula ng pisngi nito. "Someone is looking for you. Nasa baba siya, I'm pretty
sure na he's your boyfriend." Sabi pa niya. Nangunot naman ang noo ni Usha. "Babain
mo na 'yong boyfriend mo!" Utos niya. "Get out of here! Hindi ka bagay sa kuya ko
dahil mukha kang poor! Mas bagay kayo ng boyfriend mo, mga dukha!" Pero nakatanga
lang sa kaniya si Usha. "Ano pang tinitingin-tingin mo diyan? Babain mo na ang Kiko
na 'yon at lumayas na kayo dito sa house namin!" Sigaw niya muli dito. Agad naman
ng tumayo ang babae na para bang natakot sa kaniya. Tumakbo na ito palabas ng
kwarto. Naiwan naman siyang nakatayo pa din sa may pintuan. "Kapal ng mukha..."
Naiinis na bulong niya. "Gusto pa niyang pikutin ang kuya ko, eh may boyfriend na
pala siya! The nerve!" Bigla niyang naalala ang mukha nong Kiko. "Ang pogi niya,
sayang nga lang at ipinanganak siyang mahirap! Ano kayang trabaho niya? Siguro
snatcher siya o kaya kidnapper?"

SAMANTALA... Sa baba ng mansion ng mga Tan. Aligaga ang binatang si Kiko. Naroon
siya sa malaking bahay na iyon upang sunduin ang kaniyang kababatang si Usha. Nag-
alala siya dito ng malaman niyang pinalayas ito ng mahadera nitong nanay kagabi.
Napag-alaman niyang sumama ang dalaga sa lalaking nakilala nito sa pangalang Eos.
Mabuti na lang at nauto niya ang Nanay ni Usha na ibigay sa kaniya ang address na
nakasulat sa calling card na iniwan ng lalaking nagdala dito. Kung saan-saan siya
nakarating para lamang mangutang ng pera na ibabayad niya kay Eos. Gusto niya ng
maiuwi ang kababatang si Usha. Napataas ang tingin niya ng makitang pababa na sa
matayog na hagdanan ng naturang mansion ang dalaga. "Bashang!!!" Sigaw niya sa
palayaw nito. Agad niyang sinalubong ng yakap ang babae. "Im sorry..." Nagtatakang
kumalas naman ito sa kaniya. "Kiko, paano mo nalamang naririto ako?" -o-

PABABA na din ng hagdanan ang dalagitang si Kye. Napasimangot ang maganda nitong
mukha sa nabungarang tagpo. "Anong drama 'to mga pulubi?" Matinis ang boses na
nagpatingala sa kanila. Nanlisik naman ang mga mata ng binata sa narinig na sinabi
niya. "Hoy batang mukhang rag doll wag ka ngang makialam dito!" Hindi na napigilan
ni Kiko ang asar sa dalagita. Kanina pa siya naiirita dito, ito kasi ang unang
sumalubong sa kaniya sa mansyon na iyon. Batid niyang matapobre ang dalagita dahil
kita naman iyon sa mukha nito. Oo nga at maganda ang babae subalit nakabadya naman
sa mukha noon ang pagiging spoiled brat nito. "Hoy ka rin palaboy!" Sagot nitong
namewang pa sa harap nilang dalawa ni Usha. "Pwede ba lumayas na kayo dito, bago ko
pa kayo ipahabol sa mga aso namin!"

"Aba! Napakasama talaga ng ugali mo!" Halos sigawan niya na din ito. "Wag Kiko!"
Maagap namang umawat si Usha. "Kiko, kapatid siya ng nobyo ko!" Napamaang naman ang
binata sa narinig. "Nobyo mo?" Marahan tumango si Usha. "Iyong kini-kwento ko
sayo... Iyong mayamang lalaki na boyfriend ko. Siya ang nakatira sa bahay na ito.
Hindi ako totoong ibinenta ni Inay, naririto ako dahil isinama na ako ni Eos dito."
Bulong pa nito sa kaniya. Bumalatay ang hindi matatawarang sakit sa mukha niya.
"Kung gayon ay mag-aasawa ka na Bashang?" "Ewww! Bashang?! DUH..." Nakisabat muli
ang dalagitang kapatid ni Eos. "Ang pangit ng name mo huh! Pang poor talaga! At
ikaw naman Kiko-Matsing! Bagay kayong dalawa!" Humagikhik pa ang dalagita. "Eh kesa
naman sa'yo! Ang pangit din ng pangalan mo kasing pangit ng mukha mo!" Napipikong
sagot ni Kiko. Hindi niya na mapagtiisan ang kamalditahan na iyon ng dalagita.
Nakita naman ni Usha ang pag-asim ng mukha ni Kye dahil sa sinabi niya. "Naku
nagbibiro lang siya Kye! Napakaganda mo kaya..." Bawi ni Usha sa sinabi ni Kiko. Si
Kiko naman ang napasimangot. Alam niyang hindi magiging maganda ang panunuluyan ni
Usha sa bahay na iyon dahil sa babaeng kanilang kaharap.

NANG biglang ... "Anong meron dito?" Parang kulog ang boses na iyon na nagpalingon
sa kanilang tatlo sa tuktok ng hagdanan. Nakatayo si Eos sa tuktok ng hagdanan at
nagsisimula ng humakbang pababa sa lugar nila. Pormal ang ekspresyon ng mukha nito
bagamat may halong pagtatanong na nakatingin sa gawi nila. "Sino siya?" Pormal na
tanong nito. Sinalubong naman ni Kiko ang tingin ng bagong dating na lalaki.
Malakas ang pakiramdam niya na iyon ang nobyong tinutukoy ng kaniyang kaibigan.
Pinasadahan niya ng tingin ang lalaki, hindi naman siya nalalayo ng itsura dito
magging sa tangkad at tikas. Lihim siyang napaismid, mukha nga kasing lamang ng
ilang paligo sa kaniya itong si Eos. "Kuya boyfriend 'yan ng babaeng 'yan!" Matabil
na kwento ni Kye at kumapit pa sa braso ng bagong dating nitong kuya na tila
nagmamalaki pa. "Hindi Eos! Kaibigan ko lang si Kiko!" Nabiglang sagot naman ni
Usha. Gayon na lamang din ang sakit na nadama ni Kiko dahil sa isinagot ni Usha.
Marahan na siyang umatras upang lumayo sa dalaga. Ibinaling niya ang tingin sa
sinasabing Eos. "Pare, sinigurado ko lang na okay siya..." Simula niya.
Nakikipagsukatan siya ng tingin sa kaharap. Tumango lamang si Eos. "Aalis na ako
Bashang..." Nakatungo at laglag-balikat na paalam niya sa kaibigan. "Basta, kapag
kailangan mo ako naroon lamang ako sa atin. Mag-ingat ka sana ..." Tinapunan niya
muna ng makahulugang tingin ang kapatid ni Eos bago tuluyang naglakad patungo sa
pinto. "Kuya pasamahin mo na rin siya!" Nakangusong turo naman ni Kye kay Usha.
Nabigla naman si Usha ng bigla itong akbayan ni Eos. Lumapit sila sa gawi ni Kiko
na kasalukuyang napahinto nang makita ang ginawa ng binata. "Wag kang mag-alala...
Hangga't nasa akin siya ay walang mangyayari masama sa kaniya." Para namang
tinarakan ng punyal ang dibdib ni Kiko sa nakitang kislap sa mga mata ni Usha dahil
sa sinabing iyon ni Eos. "Kung gayon, aasahan ko 'yan pare." Muli ay naglakad ng
palabas ng pinto ng mansyon si Kiko. "Kye, ihatid mo ang bisita ng ate mo..."
Baling ng binata sa kapatid. Seryoso ang mukha nito kaya't sa takot ni Kye ay
maagap naman itong tumalima sa inutos ng kapatid. Labag man sa loob ay sumunod na
lang si Kye sa palabas ng si Kiko. Ewan ng dalagita pero parang gusto niyang maawa
kay Kiko. Napangiti siya, may naiisip siyang maganda pero malupit na kalokohan para
sa poging dukha na kaibigan ng kaniyang ate Usha. "EWWW? ATE USHA?" parang bigla
niyang gustong sabunutan ang sarili dahil sa isiping magiging ate niya na ang isa
pang dukha na iyon.

Si KIKO naman ay hindi makapaniwala sa mga nagaganap... Ito na nga ba ang

kinatatakutan niya. Ayaw niyang tuluyang mawala si Usha sa kaniya. Matagal niya ng
iningatan ang pagmamahal na iyon sa puso niya para sa dalagang kababata. Kung sana
ay mayaman lamang din siya. Natigil ang pag-iisip niya ng makitang kabuntot niya
ang salbaheng kapatid ni Eos. Napasimangot siya dahil ngiting-ngiti sa kaniya ang
dalagita. "Hoy palaboy! Ba-bye! Ingat ka huh!" Kumakaway pa ito sa kaniya.

Inis na tuluyan na siyang lumabas ng gate. Badtrip na badtrip talaga siya dito,
may ganoon pa palang tao.... saksakan ng sama ng ugali. Nangangamba tuloy siya
para kay Usha. Pero sa isang bahagi ng utak niya ay para bang naaaliw na din sa
matapobreng si Kye. Kahit alam niyang medyo bata pa ito ay naroon na rin naman ang
dating at ganda nito bilang dalaga. Natuwa pa nga siya ng makita itong nakapantulog
na pajama kanina. She's cute and mukha itong manikin sa kinis ng balat na taglay
nito. "Shit! Bakit ko ba iniisip ang malditang iyon!" Sa asar niya ay muntik pa
siyang matalisod sa kaniyang paglalakad.

JAMILLEFUMAH

=================

TRES
HINDI yata lumilipas ang isang araw na hindi nami-miss ni Kiko ang kababata niyang
si Usha. Mahirap lamang sila ni Usha. Pero kahit ganoon ay nagsikap silang
magkaibigan ng unti-unting paglabanan ang buhay... Marami siyang pangarap para sa
kanilang dalawa. Noon pa man kasi ay may lihim na siyang pagtingin sa dalaga. Na
kay Usha na kasi ang lahat ng katangian ng babaeng gusto niya. Mabait ito at
simple... Subalit kaibigan lang talaga ang tingin nito sa kaniya. Sila ang
magkasamang lumaki sa looban at inaasahan nang mga tao doon na sila ang
magkakatuluyang dalawa, pero hindi iyon ang nangyari. Dahil nakatagpo ng ibang
lalaki ang kaniyang kababata. Wala naman siyang panama sa lalaking napusuan ng
kaniyang kaibigan dahil napakayaman nito. Kahit pa yata magkanda-kuba siya sa
pagta-trabaho ay hindi niya kayang mapantayan ang mga bagay na kayang ibigay ni Eos
kay Usha. Pero ayaw niyang pabayaan ang dalaga... Gusto pa din naman niyang
siguraduhin ang kalagayan nito sa mansion ng mga Tan. Hindi niya maipaliwanag, pero
kakaiba ang nararamdaman niya sa pamilyang tinutuluyan ng dalaga.

NANG araw na iyon ay nagdesisyon si Kiko na dalawin muli ang babae. Hindi na siya
nag-alangan kahit pa batid niyang makakabangga na naman niya ang matapobre nitong
hipag na si Kye. At dahil sa pagdalaw niya ay nakita na naman niya ang dalagitang
si Kye. Hindi niya maintindihan kung bakit ba napakasama ng ugali ng babaeng ito
gayong mukha naman itong anghel. Minsan ay parang gusto niyang paniwalaan ang
nakita niyang paghanga sa mga mata nito noon ng una silang magtama ng tingin. Pero
ayaw niyang i-entertain ang damdaming unti-unting nagkakapangalan sa kaniyang
dibdib. Sabi nga nito, isa siyang basura at pulubing dukha. Malabong magka-crush sa
kaniya ang isang sosyal na anak mayamang katulad nito. Nakaramdam siya ng matinding
pagka-concious. Hindi naman siya pangit, sa totoo lang ay mukha din naman siyang
mayaman sa kaniyang itsura at kutis. Tanging ang kapatid lang ng boyfriend ng
kababata niyang si Usha ang nagsabi sa kaniya na mukha siyang basura. "Nakakainis
talaga ang babaeng iyon... Alam kong wala siyang gagawing matino sa kaibigan ko."
Sa pag-aalala niya ay hinanap niya agad si Usha pagkatapak niya sa mansion ng mga
Tan. Mabuti na lamang at wala yata doon ang nobyo nitong si Eos. At gaya noong una,
paharang-harang na naman sa kanilang pag-uusap ang matabil na dalagita. Tila ba isa
itong manonood sa isang romantikong eksena. Pakinig na pakinig pa ito sa pag-uusap
nila ni Usha. "Sigurado ka bang okay ka lang dito? Hindi ka ba nila
pinagmamalupitan o ginugutom man lang?" Alalang tanong niya sa kaibigan. Pinilit
niyang huwag na lang pansinin ang presensiya ng dalagitang si Kye. "Of course not!"
Pero ang matabil na dalagita ang sumagot sa tanong niya. "Ang lakas ngang kumain
niyang kaibigan mo eh!!!" Gagad pa nito. "Para siyang ginutom ng matagal na
panahon! Patay-gutom!" "Manahimik ka nga pwede?" Baling niya dito. Hindi niya na
naman natiis ang pagka-pakialamera nito. "Wag mo na lang siyang pansinin Kiko..."
Mahinahong wika naman ni Usha. "Bashang... Hindi mo naman maaalis sa akin na hindi
mag-alala hindi ba?" "Okay na ako dito Kiko..." "Pero Bashang..." Hinawakan niya
ang mga kamay nito. "This is so heartbreaking! As in heartbreaking sa pagiging
O.A.!" Palatak ni Kye habang nakahawak pa sa sariling mga pisngi. "Napipikon na ako
diyan sa hipag mong hilaw!" Inis na bumaling siyang muli sa nakamasid na dalagita.
Pero sinaway siya ulit ni Usha."Kiko..." "Pero napakaarte ng babaeng iyan!" Sagot
niya. Ang totoo ay nag-aalala siya sa magiging kalagayan ni Usha sa bahay ng mga
Tan. "Sigurado ka bang okay lang na iwan kita dito?" "Oo." Sagot ng bagong dating
na si Eos. Nakatingin ito sa kaniya. Halos magsukatan na nga sila ng tingin sa
isat-isa. Nagtataka naman si Kiko kung paano nito narinig ang binubulong niya kay
Usha. Sabagay, weird naman talaga ang pamilyang ito. "You can leave her." Sabi pa
ni Eos na para bang isa siya sa mga katulong ng mga ito kung utusan siya.
"Everything she needs is here." Naasar naman siya sa pagkakasabi nito ng
'everything'. Kulang na lang ay ipagsigawan nitong napakayaman ng mga ito. Hindi
niya akalaing lalapit si Usha sa lalaki at kakapit sa braso nito. "Salamat na lang
sa pagbisita Kiko." Nginitian pa siya ng kaniyang kababata. "Dumalo ka sa kasal
namin ha?" "P-pero..." Sasagot pa sana siya ngunit sumama na si Usha sa lalaki
paakyat sa hagdanan ng Mansion. Nagdesisyon na talaga ang kaniyang kababata. Mas
pinili ni Usha ang mayamang lalaki na iyon, hindi naman niya ito masisisi dahil
pagod na sa kahirapan ang babae. Pero sana man lang ay hindi ang Eos na iyon ang
pinili nito. Wala siyang nakikitang maganda sa pa-uugali ng lalaking iyon kahit pa
gwapo ito at mayaman. "Huy umalis ka na daw!" Isang matinis na boses naman ang
nagpabalik sa ulirat niya. Nasa tabi niya pa pala ang bubwit na kapatid ng lalaking
kinaiinisan niya. "Oo na, aalis na nga ako!" Tumaas ang kilay nito. "Bilisan mo!
Ang baho mo kaya!" "Nakaka-buwiset ka, alam mo ba iyon?!" Hindi siya pumapatol sa
babae pero sa pagkakataong ito ay talagang naiinis na siya sa kaniyang kaharap.
"Me? Nakaka-buwiset? Our feelings are so mutual pala!" Maarteng balik nito sa
kaniya. "Nakaka-bwisit din ang pagpabalik-balik mo dito sa house namin! Akala mo ba
welcome ka dito?" Tinalikuran niya na ito at tiyaka siya naglakad patungo sa
malaking main door palabas ng bahay ng mga Tan. Nagulat siya nang sa paglingon niya
ay nakitang nakasunod pa din sa kaniya ang dalagita. "Bakit?! Aalis na nga ako eh!"
Asar na lingon niya dito. Nagtataka siya kung bakit bumu-buntot pa ito sa kaniya.
"Make sure ko lang na talagang aalis ka na!" Naka-ingos na sagot nito. "Malay ko ba
kung malikot iyang mga kamay mo at pagnakawan mo pa kami!" "Ano bang tingin mo sa
sarili mo?!" Naaasar na sigaw niya dito. "Im just pretty and too damn rich!" Sagot
nito at tiyaka siya tinalikuran. "Sige na nga umalis ka na! Kahit nakawin mo pa
lahat ng gamit namin dito ay okay lang! Hindi naman namin ikakahirap iyon!"
"Grabe..." Naiiling na lang si Kiko habang sinusundan ng tingin ang papalayong
dalagita. Ngayon lang siya nakakilala ng ganitong klase ng babae.

MULA naman sa pintuan ng mansion ay naiwang nakatayo si Kye. Hindi niya alam kung
bakit natutuwa siyang inisin ang gwapong dukha na si Kiko. "Ang cute niya pag
nagagalit siya..." Bigla siyang napakagat labi. Hindi nga kaya totoong may crush na
siya sa kaibigan ng hipag niyang hilaw? "Oh my gee!!!" Inis napinagkuku-kurot niya
ang sarili. "No way!!! Ewww!!! Duhhh!!!" Halos sumuka-suka pa siya sa kanilang main
door. Kahit kailan ay hindi pa siya nagkagusto sa mahirap! Mataas ang standards
niya kaya imposible siyang magkagusto sa lalaking iyon. Na siya namang dating ng
kaniyang mommy. "Anak? Anong nangyayari sayo?" Takang tanong nito sa kaniya.
Pahiyang napatingin naman siya sa Ina. "A... W-Wala po... May naamoy lang akong
mabahong basura!" Sagot niya at tiyaka nananakbong pumasok sa loob ng kanilang
mansion. Takang-taka naman si Hani habang habol-tanaw ang papalayong dalagita.
"Minsan hindi ko na talaga siya maintindihan..." Iiling-iling na pumasok na din
siya sa loob ng kanilang malaking bahay.JAMILLEFUMAH

=================

CUATRO

LOOBAN

"WHERE are you going ba?" Sunod sa kaniya ng kaibigang si Audrey.

Nasa campus siya noon para sa kanilang cheerdance practice. Tambay naman sila
palagi sa kanilang prestihiyosong Unibersidad kahit na bakasyon pa.

"Diyan lang!" Nakasimangot na sagot niya. Kanina pa siya hindi mapakali at tila ba
may nais siyang makita.
"May practice pa tayo later." Paalala nito.

"Kahit ang aga pa?" Inis na hinarap niya ito. "May pupuntahan lang akong
importante. Pakisabi sa driver ko na hintayin ako mamayang hapon."

"Hay naku... Sige na nga!"

"Bye Audrey! Bye Elle!" Tinanaw niya ang isa pang kaibigang si Elle na abala sa
pagsa-soundtrip sa isang tabi.

"Baka hanapin ka ni Ryan?" Muli'y si Audrey.

Ayon tuloy pa din pala ang panliligaw ni Ryan sa kaniya kahit na na-jombag na ito
ng kuya niya kama-kailan lang. Pero imbes na ma-turn on ay naiirita na siya sa
manliligaw.

"I don't care!" Maarteng wika niya. "He's so yabang na for me!"

"Wow? Ayaw mo na kay Ryan?"

"May iba ka na bang nagugustuhan Kye?" Sabad ni Elle.

"Secret!" Pinandilatan niya ng mata ang dalawang bestfriends niya.

Agad siyang pumara ng taxi. Ngayon siya pupunta sa bahay ng kaniyang hipag na hilaw
na si Usha. Bigla kasi siyang na-curious kung anong uri ng buhay meron ito. Bagamat
alam naman niyang mahirap naman talaga ang babae.

"I need to make sure na hindi niya lang kami pini-perahan!" Wika niya sa sarili.
Subalit kahit anong tanggi niya ay isang bagay ang tila nagsusumiksik sa kaniyang
isipan.

Si Kiko.

Si Kiko na kababata ng kaniyang hipag-to-be.

"Oh that basura! Stop!" Maarteng kastigo niya sa sarili.

Wala lang, siguro nami-miss niya ding inisin ang gwapong binata.

"Ano kayang ginagawa niya ngayon?" Bigla niyang naisip. "Ano kaya ang trabaho
niya?"

Sa buong buhay niya ay ngayon lamang siya nagka-interes sa isang lalaki na hindi
niya kaano-ano. Kahit nga may ilan siyang naging crush ay wala siyang pakialam sa
ginagawa ng mga ito. Ngunit kaiba si Kiko. Palagi niya itong naiisp at naku-curious
siya kung ano ba ang mga kaganapan sa buhay nito.

"May girlfriend na kaya siya?" Bigla siyang napasimangot sa isiping baka meron na
nga. "No. I think wala!" Natigilan siya.

Hindi ba't obvious naman na may gusto ang Kiko na iyon kay Usha? Malamang wala
itong girlfriend! At malamang ay brokenhearted ito ngayon dahil sa ikakasal na ang
Usha na iyon sa kuya Eos niya.

"Hay... Siguro malungkot siya ngayon?" Nakaramdam siya ng simpatya para sa binata.

SA LOOBAN...

NAGKUKUMAHOG si Kiko sa pagbaba sa kanilang makipot na hagdang yari sa kahoy.

Muntik pa nga siyang mauntog sa nakausling kahoy na nakasuporta sa kanilang plywood
na kisame.

Larawan ng payak na pamumuhay. Dumiretso siya sa kanilang maliit na lababong

kanugnog din ng kanilang pinaka sala upang mag-toothbrush. Mabilis ang kilos niya
na para bang ayaw niyang masayangan ng oras.

"Kuya alis na ako!" Mula sa kung saan ay biglang sumulpot ang bunso niyang kapatid
na si Francia.

"May baon ka na?" Tanong niya dito.

"Opo, binigyan na ako ni Nanay ng sampung piso."

Nginitian niya ang paslit. Elementarya pa lang ito subalit biba na at maaasahan.
Walking distance lang ang eskwelahan nito sa kanilang tinitirahan kaya okay na dito
ang sampung piso, dagdag pa ang pandesal na baon. Wala namang pasok ng panahong
iyon dahil bakasyon, subalit may ilang remedial sa kanilang pampublikong paaralan
dahil sa nakaraang tag-ulan kung kaya't papasok pa din ang kaniyang mga kapatid.

"Nay una na ho ako?" Tawag niya sa pansin ng babaeng paparating.

"Anak... May pera ka pa ba diyan?" Kakamot-kamot na tanong sa kanya ng Nanay niyang

nasa edad kuwarentay singko. Naka-duster ito na pambahay at nakataas papuyod ang
magulo nitong buhok. Gayon pa man ay bakas pa din dito ang kagandahang taglay noong
kapanahunan nito.

"Teka ho..." Agad naman siyang dumukot sa bulsa ng kaniyang pantalong maong.

"Ibigay mo na lang kay Freya ha? May project na naman kasi siya!" Anito na tila
nahihiya pa sa kaniya. "Kuuu! Ang pogi talaga ng panganay ko!" Bola pa nito sa
kaniya. "Sana ay makapag-asawa ka din ng mayaman kagaya ni Bashang!" Tukoy nito kay
Usha.

Saktong pasok naman ng kaniyang amain. May bitbit itong bayong na puno ng gulay.
Iyon kasi ang sideline nito, ang maglako ng gulay gamit ang kariton. "Lintek! Puro
project!"

Napa-simangot naman ang Nanay niya dahil sa sinabi ng bagong dating na lalaki.
"Ganoon talaga iyon! Palibhasa hindi ka nakapag-aral!"

"Asus! Bakit ikaw nakapag-aral ka ba?" Ganting tanong nito habang nagpapagpag na ng
putikang paa.

"Aba'y nakatungtong ako ng grade 2!" Ngumisi ang nanay niya sabay kindat sa kaniya.
Napangiti na lamang si Kiko. Ganoon maglambingan ang dalawa.

"Ako'y grade 6!" Pagmamalaki din naman ng may edad na lalaki.

Naiiling na lang ang binata sa pakikinig ng usapan ng kaniyang nanay at amain. Mula
naman sa kanilang maliit na hagdanan ay pababa ang kaniyang nakababatang kapatid na
babae. Kapatid niya ito sa ina kagaya ni Francia.

"Parine ka Freya!" Tawag niya sa dalagitang kapatid. Inabot niya dito ang perang
papel na nagkakahalagang bente pesos. "Pagpasensiyahan mo na ha? Iyan na lang kasi
ang sobra ni Kuya... Mamaya pa ako babale sa talyer eh."

"Kuya thank you!" Tuwang-tuwa naman ang dalagitang naka-unipormeng pang highschool.
"Hay naku! Buti na lang may pera ka kuya! Kasi kailangan kong bumili ng kartolina
eh! May reporting kami sa Araling Panlipunan mamaya!"

Pinagmasdan niya ang bawat pagkilos ni Freya.

Sa mura nitong edad ay responsable na ito. Matalino din at scholar ang dalagita
kaya't wala silang masyadong problema sa pag-aaral nito. Sa bahay naman ay
naaasahan na ito sa paglilinis, paglalaba at pagluluto. Napailing siya ng sumagi sa
kaniyang isipan ang dalagitang kapatid ni Eos. Wala itong sinabi sa kaniyang
kapatid na si Freya.

Natigil siya sa pag-iisip ng mapunang sira na ang suot na sapatos ng kapatid.

Nakita niyang halos nakanganga na nga ang unahan ng balat nitong sapatos-pampasok.

"Oh, sira na pala 'yang sapatos mo?" Nilapitan niya ito.

"Ayos pa 'to!" Ngumiti ang dalagita.

"Hayaan mo... Pag naka-sweldo si Kuya sa talyer ay mabibilhan na din kita ng

sapatos." Naawa naman siya dito. Alam niyang ika-tatlong taon na ang sapatos na
iyon, subalit tina-tiyaga pa din iyon ng dalagita.

"Salamat po kuya!"

Si Kye kaya? Ilang sapatos kaya ang meron sa loob ng closet nito? Siguro'y kahit
minu-minuto itong magpalit ng sapatos ay hindi pa din nito kayang ubusin ang lahat
ng sapatos nito sa pagsuot sa loob lamang ng isang araw. Ganoon naman ang mayayaman
diba?

Binalingan niya ang dalagitang nakatayo na ngayon sa harapan ng pintuan ng kanilang

munting bahay. "Basta bawal muna ang boyfriend ha?"

"Opo!" Masiglang sagot nito.

"Good!"

"Apir!"

"Apir!"

Nangingiti na lamang siya habang tinatalunton ang may kaliitang espasyo na

papalabas sa kanilang lugar. Dito sila sa dulo ng palengke nakatira.

Kahit mahirap lamang sila ay nagagawa pa din naman nilang makaraos sa araw-araw.
Dating nagta-trabaho sa Club ang nanay niya ngunit ngayon ay may matino na itong
trabaho. Sa edad niyang bente-kwatro ay wala pa siyang nagiging girlfriend. Inuuna
niya kasi ang pagsuporta sa pamilya bago ang sarili niya.

Working student siya. May pangarap pa din naman siya sa buhay, maliban sa
mapagtapos sa pag-aaral ang dalawa niyang half sisters. Sina Freya at Francia ang
bunga ng bagong pag-ibig ng kaniyang Ina sa katauhan ng amain niyang si Mang
Armando.

Tinuturing niya na ding biyaya ang bagong asawa ng kaniyang Nanay. Atleast ngayon
ay may direksyon na ang buhay ng Ina dahil sa bago nitong kinakasama. Naanakan lang
kasi ng isang kano si Ason at iniwanan din pagkatapos. Ang balita niya ay parokyano
lamang nito sa Olonggapo ang naturang amerikano.

At sya ang bunga noon...

Nagpapasalamat na lang siya at kahit paano'y binigyan siya ng pagkakataong magamit

ang apelyido ng di nakilalang banyagang ama.

Siya ngayon ay si Francis Elwood.

At ang pangarap niya ay maiahon sa hirap ang kaniyang pamilya.

Ang tanging pinagsisisihan niya lang naman sa kaniyang pagiging mahirap ay ang
katotohanang hindi siya minahal ng kaniyang kababatang si Usha. Noon pa man kasi
ang minamahal niya na ito, pero mataas din ang pangarap ng babae. Kaya hindi niya
ito masisisi kung mas pipiliin nito ang mayaman nitong mapapangasawa na si Eos Tan.

SA paglalakad niya patungo sa labasan ay bigla siyang napahinto. May natanawan

siyang pamilyar na pigura na para bang may hinahanap. Hinahangin ang may kaiksian
nitong buhok at ang suot na bestida.

"Siya?" Nagulat siya ng makilala ang babaeng nakatayo sa tabi ng poste ng Meralco.

Halos magkanda-haba ang leeg nito sa paghahanap ng kung ano.

"Anong ginagawa niya dito?" Takang tanong ni Kiko sa sarili.

Naka pulang bestida ang dalagita at sa kanang kamay nito ay may kulay asul na
payong. Tila ba inip na inip na ito sa ginagawang paghahanap.

Napakunot naman ang kaniyang noo. Ano bang sadya ng malditang iyon sa kanilang
lugar? Wala na siyang nagawa kundi ang tuluyan na itong lapitan upang personal na
tanungin.

"Hoy!" Tawag niya dito.

NAPALINGON si Kye sa may ari ng baritonong boses. Gayon na lamang ang panlalaki ng
kaniyang mga mata ng matanawan ang papatawid na si Kiko. Huli na para magtago siya
dahil nakita na pala siya nito.

Nang tuluyan na silang magkalapit ay kusa naman siyang napa-atras. Napakatangkad

naman talaga ni Kiko kaya nagmistula siyang unano ng magkatapat na silang dalawa.
Medyo naamoy niya pa ang mabangong pabango ng binata. Hindi pamilyar ang amoy na
iyon pero nasisiguro niyang hindi iyon mamahalin.

"Anong ginagawa mo dito sa lugar namin?" Walang kangiti-ngiting tanong ng binata sa

kaniya.

"P-Pakialam mo ba?" Nabubulol na balik-tanong niya dito. Hindi niya maintindihan

ang sarili kung bakit ba bigla na lang bumilis ang kabog ng kaniyang dibdib ng
magkalapit na sila ng binata.

"Nag-i-spy ka ba?" Muli'y tanong ni Kiko.

"Spy?!" Tumaas ang kilay niya. "Excuse me?! I am here para puntahan ang bahay ng
magaling kong hipag! Just wanna check it out kung mukha ba 'yong pusali or ---"

"Alam mo ang sama talaga ng ugali mo!" Agaw nito sa mga sasabihin niya.

"Ano?!" Napahumindig naman siya sa sinabi nito.

"Talagang pumunta ka pa dito para maghanap ng kasiraan ng ibang tao?! Hindi ka ba

maligaya sa buhay mo?!" Kulang na lamang ay tumalsik ang laway ni Kiko sa mukha
niya.

"Pwede ba?" Inis na itinulak niya ang binata sa dibdib. "Hindi tayo close kaya 'wag
mo akong pangaralan!"

"At bakit hindi? Mas matanda ako sa'yo! At hindi na tama iyang ginagawa mo!"
"Wow huh?! So kuya na kita ngayon?!"

"Alam mo bang kahit mahihirap ang nakatira sa loob niyan ay mas masasabi kong
mabubuti silang tao kesa sayo! Hindi sila nangmamata ng kung sinu-sino! Hindi sila
nanghuhusga dahil pantay-pantay kaming kumakayod para may maipakain sa aming
pamilya!" Nag-igting na ang boses ni Kiko.

Para namang naumid ang kaniyang dila sa nakikitang galit sa mukha ng binata. Bigla
siyang natauhan sa kagaspangan ng kaniyang ugali. Napatingin siya sa halos magliyab
ng mga mata ni Kiko sa galit, pero imbes na mainis dito ay para pa siyang
nabibighaning napatitig doon.

Napalunok ang dalagita. Bakit hindi niya maiwasang humanga sa ka-gwapuhang taglay
ng lalaking kaharap. Na kahit ilang ulit niyang ipagdikdikan sa isipan niyang isang
dukha lamang si Kiko ay para bang nagka-crush pa din siya dito?

Anyway Kiko have it all... Gwapo, may sense din ang mga salitang lumalabas sa bibig
nito, malinis sa katawan at kahit mura lang ang mga sinusuot nito ay mukha pa din
itong may kaya. Magaling pumorma at magdala ng damit si Kiko. Maganda din ang
pangangatawan nito na tulad ng kaniyang kuya.

Ngunit sa kabila ng lahat ng iyon ay naghuhumiyaw naman ang katotohanang mahirap

lang ang binata.

"Eh kasi nga mahihirap kayo! Mga pulubi!" Nagulat pa siya ng iyon ang lumabas sa
kaniyang bibig.

"Aba't!" Lalo namang nag-igting sa galit si Kiko dahil sa sinabi niya.

"Totoo naman ah..." Pinangatawanan niya na din ang pagma-maldita.

"Alam mo kung hindi ka lang babae ay baka nasuntok na kita!" Gigil na saad nito.

"Ano?! Ang bastos mo din ano!!!" Bulyaw niya dito, kahit ang totoo ay bigla siyang
natakot sa sinabi nito.

"Hindi ako bastos!" Itinuro pa nito ang sarili. Napipikong naihilamos na lang ng
binata ang sariling mga kamay. Para bang nagpipigil na lang ito.

Oh my he’s really cute!

"At sino ang bastos huh? Ako?!!!"

"Oo." Tinapunan siya nito ng matalim na tingin.

"Damn you!" Singhal niya dito. Sa tanang buhay niya ay wala pang sumagot-sagot sa
kaniya ng ganoon. She's a princess! Spoiled siya sa kaniyang mayayamang magulang!
At wala ni isa man sa kaniyang mga kaklase ang nakaka-sigaw sa kaniya!

"Damn you too!" Nakakalokong gaya nito sa english niyang mura.

Halos umusok na ang ilong niya sa asar kay Kiko. Nagma-martsang tinalikuran niya na
na lamang ang binata. Nagbago na ang isip niya, babalik na lamang siya sa school
para sa kanilang cheering practice. Ipagpapaliban niya na ang pagpunta sa bahay
nila Usha. Mukhang hindi na din niya kayang sikmurain pa na pumasok sa kaloob-
looban ng palengke.

She's a rich kid, at never pa siyang tumapak sa basang semento! Ayaw niyang
madumihan ng putik ang kaniyang mamahaling dollshoes na nagkakahalaga lang naman ng
150 thousand pesos!

"Hoy batang maldita!" Pero humabol sa kaniya ang binata.

"Stop calling me that!" Lingon niya dito.

"And why not?" Nakangising tanong nito. Ang siste mukhang nag-enjoy si Kiko na
buwisitin siya bilang ganti sa pambu-buwisit niya dito kanina.

Hindi niya ito pinansin. Sa halip ay agad niyang pinara ang paparating na taxi.
"Taxi!"

Nanlumo siya ng hindi siya hinintuan ng dumaang taxi, may laman na pala ang loob
noon.

"Walang bakanteng taxi na dumaraan sa lugar na ito. Doon pa sa dulo ang meron!
Hindi mo ba nakikitang nasa kalagitnaan ka ng palengke?" Pukaw ni Kiko sa pagsi-
sintemyento niya sa gilid ng daan.

"H-Ha? Paano ako uuwi?" Alalang lingon niya dito.

"Problema mo na 'yon!" Maangas na sagot nito. "Mag-ingat ka na lang sa mga luko-

lokong nakakalat diyan. Sana walang mambastos sa'yo, at sana din hindi ka
mapagnakawan dito ng mga pulubing sinasabi mo." Nang-uuyam na pananakot nito sa
kaniya.

"W-What?" At tumalab naman sa kaniya ang pananakot na iyon.

Tinalikuran na din siya ng binata. "Sige bye! May trabaho pa ako eh."
"Hey wait Kiko!" Siya naman ngayon ang kanda-habol dito.

"What?" Nakangiting lumingon ito.

"Ihatid mo naman ako oh..." Pakiusap niya.

"Eh kung ayoko?" Nanghahamon na tanong nito.

"Babayadan kita! I will pay you!" Agad niyang sagot.

Sumama naman ang hilatsa ng mukha nito dahil sa sinabi niya. "Sorry pero hindi ko
kailangan ang pera mo."

"Eh ano bang gusto mo?" OKay, aminado siyang baka na-offend niya nga ang ma-
prinsipyong binata.

Nagulat siya ng biglang kunin ni Kiko ang payong na hawak-hawak niya.

"H-Ha?"

"Okay tara na." Inalalayan siya nitong maglakad upang hindi siya tilamsikan ng
kakaunting tubig na nasa bako-bakong kalsada.

"S-Sige..." Lihim siyang napapitlag ng madama ang mainit na palad ng binata sa

kaniyang braso.

SA kanilang paglalakad ay may mangilan-ngilan silang nakakasalubong na kakilala ng

binata.

"Pareng Kiko! Ang ganda niyan ah!" Iyong nagtitinda ng buko ay todo ngiti sa
kanilang dalawa.

"Mukhang mayaman! Ang kinis!" Sabat pa ng isa sa mga tinderong naroroon. Tabi-tabi
ang tindahan ng mga iyon gayon din ang mga naglalako ng Pirated DVD's.

"Ang ganda ng girlfriend mo ah! Bagay na bagay kayo!"

"Iyan na ba ang girlfriend mo Kiko? Saan mo nakuha iyan?! " Wika pa ng isang
tindera ng palamig.

Pero mukhang game si Kiko sa mga biro ng mga ito. "Diyan lang!" Sagot nito na tila
pinagmamalaki pa siya.

Imbes na mainis o magalit ay parang natuwa pa siya dahil hindi tumatanggi si Kiko
sa mga nagtatanong dito. Feeling niya ay proud pa ang binata na kunwari ay
girlfriend siya nito. Samantala puro tipid na ngiti lang naman ang iginaganti ni
Kye sa mga ito. Himala at hindi niya pinagmalditahan o pinag-supladahan man lang
ang mga kaibigan ni Kiko na tindero.

"Mukhang bata pa ah! Baka mademanda ka diyan Kiko!" May tumapik pa sa balikat ng
binata.

At ang nagpakilig sa kaniya ng sagutin ito ng binata na : "Hindi 'yan! Mahal ako
neto', ipaglalaban niya ako sigurado!"

"Naks!" Kilig na kilig din ang ilan pang nakarinig sa sinagot na iyon ni Kiko.

PERO kailangan niyang magreklamo! Hindi niya hahayaang isipin ni Kiko na nag-e-
enjoy din siya! Nang medyo malayo na sila sa mga ito at malapit na sila sa labasan
ng palengke ay agad niyang hinarap ang lalaki.

"What the hell are you saying to them?" Pinameywangan niya pa ito.

Napansin pa niya na hindi pa pala binibitawan ni Kiko ang braso niya. "Ano ba?!
Nandito na tayo kaya bitiwan mo na ako!"

"Fine." Malamig pa sa yelong sagot nito sa kaniya saba'y bitaw sa kaniyang braso.

"Masyado ka namang nag-enjoy sa paghawak sa braso ko!" Angil niya dito sabay
talikod. Ayaw niya kasing makita ng binata ang pagkislap ng kaniyang mga mata.

"Akala mo lang iyon!"

"Anong sabi mo?" Inis na muli niya itong hinarap.

"Kung hindi ko pinalabas na syota kita kanina, ay malamang kinuyog ka na ng mga

tambay sa looban!" Napipikong sagot nito.

"Ano?" Para siyang tinadyakan sa dibdib dahil sa sinabi nito. Kung gayon, palabas
nga lang ang lahat kanina? Teka, bakit parang na-hurt yata siya ng very very light?

"Yes Princess!" Nakakalokong sagot nito.

"Hey wait! Eh di si Usha gayon din?" Tanong niya.

Umiwas naman ng tingin si Kiko. "Iba siya... Iba ka."

Para namang patalim na sumugat sa puso niya ang sinabi nito. Bakit ba nasasaktan
siya? Hindi na siya umimik pa. Medyo nailang na din siya ng makitang seryoso na ang
anyo ng binata.

"Sige na umuwi ka na..." Pagtataboy nito sa kaniya.

"K-Kiko..." Tila ba may bumikig na kung ano sa kaniyang lalamunan.

"Ano?!" Medyo inis pang tanong nito ng tingnan siya.

"S-Salamat..." Pagkawika noon ay nagsimula na siyang lumakad palayo sa binata.

Ewan, pero ang bigat ng pakiramdam niya habang naglalakad palayo sa binata.

HABOL-habol na lamang ni Kiko ng tanaw ang papalayong dalagita. Hindi niya

maunawaan ang damdamin sa tuwing nagkakasanga ang landas nilang dalawa.

Wala sa loob na nailagay niya ang kaniyang kanang kamay sa tapat ng kaniyang
dibdib.

"Bakit ba ganoon na lang kalakas ang dating sa akin ng malditang 'yon?"

JAMILLEFUMAH

=================

Cinco at Seis

‘♪ Kung ako na lang sana ang iyong minahal

di ka na muling mag-iisa...
Kung ako na lang sana ang iyong minahal

Di ka na muling luluha pa... ♫

Di Ka na mangangailangan pang

Humanap ng iba...

Narito ang puso ko...

Naghihintay lamang sa’yo oh... ♪♫

Kung ako na lang sana...’

“Kung ako na lang sana...” Feel na feel niya ang pag-awit habang nanalamin sa
kaniyang lifesized mirror. “Hay... Ang ganda ko naman talaga!” Nakangising umikot-
ikot pa siya sa harapan ng salamin.

Wala siyang balak ngayong maghapon kundi ang magkulong sa kaniyang kwarto. Movie
marathon, sound trip at magkakain ng mga junkfoods.

“Ito ang buhay ko! I’m a princess!!!” Pinatalbog-talbog niya pa ang kaniyang sarili
sa malaki niyang kama. “Ano kayang ginagawa ni Kiko? Ah siguro naghahanap ng
makakain nila... He’s kawawa naman...” Ewan kung bakit bigla siyang nagka-pakialam
sa kahirapan ng binata.

Napatingin siya sa kartolinang nakalatag sa kanyang kama. Iyon ang project niya na
hindi niya naipasa nitong huling pasukan. Nakita niya lang iyon kanina ng magkalkal
siya ng mga gamit niya. Balak niya na sanang itapon iyon dahil hindi maganda ang
memories niyon sa kanya.
Tanda niya kasi ay muntik na siyang bumagsak dahil sa kapabayaan niya. Well hindi
naman sa kapabayaan iyong matatawag ano! Sukat ba naman kasing utusan sila ng guro
nila na mag-drawing ng parts of the penis ng lalaki!

Of course kahit isipin ay hindi niya magawang mag-drawing ng ‘to-toot’ ng guy!

Napasimangot siya. Sabi ng teacher niya noon ay wala naman daw malisya ang pag-
aaral ng advance sex education! Para daw iyon sa kabutihan na din ng mga kabataan!

Sabi naman ng kaibigan niyang Audrey ay pare-pareho lang naman daw ang hitsura ng
mga ‘to-toot’ ng boys kaya nga nakagawa agad ito ng project nila. Pero hindi siya
naniniwalang pare-pareho nga ang hitsura niyon... Tapos bigla niyang naalala ang
binatang si Kiko!

Napahagikhik pa siya ng ma-imagine kung ano ang hitsura ng ‘to-toot’ nito. Pero
agad niya ding sinaway ang kaniyang sarili. “Bad girl Kye!” Kinurot niya pa ang
kaniyang tagiliran.

Pero hindi niya pa din mapigilan ang sarili na ‘wag matawa. Hanggang sa may marinig
siya sa labas ng pintuan ng kwarto niya.

“SAB! Dapat ng malaman na ng mga bata! Malalaki na sila!” Boses iyon ng mommy niya!

Napalingon siya sa gawing pintuan ng marinig ang tila usapan sa labas noon.

“Huh? Sina mom at dad!” Out of curiousity ay idinikit ng dalagita ang kaniyang
tainga sa pinto.
“Mukhang papunta sila sa library ni Dad!” Naiiling na bumalik siya sa kanyang kama.
“Nagiging weird sila lately!” Nakasimangot na bulong niya.

“Anyway... Medyo nagiging weird na nga din ako lately!” Pinatay niya ang ipod at
nahiga sa kama.

Paano niya ba nasabing nagiging weirdo na din siya?

Ah... about that Kiko! Her hipag’s friend! Naiirita siya sa lalaki pero hinahanap-
hanap naman niya ito. Oh well, ang pogi kasi ng lalaking iyon! He’s one hell of a
man! Tall, handsome and malakas ang oozing sex appeal! Ganoon ang type niya sa mga
lalaki! Iyon bang lalaking-lalaki talaga ang dating!

Just like her brother, Eos.

“Kaya lang... Si Usha naman ang gusto niya...” Parang may blade na humiwa ng
kapiranggot sa puso niya. “Kaya nga siya laging pumupunta dito ay para bisitahin
ang kababata niya! Hindi siya pumupunta dito para sa akin...”

Natigilan siya sa kaniyang mga iniisip. “Oh!!! Bakit ko ba pinagpapantasyahan ang

isang iyon!” Napatakip siya sa kaniyang mukha. “Madami namang pogi sa mundo diba?!
Bakit parang nagkaka-crush na yata ako kay Kiko!!!”

Asar na bumangon siya sa kama at inabot ang teleponong nasa side table. Nag-dial
siya patungo sa kanilang kitchen. “Hello manang!” Kailangan niyang ma-refresh.

Nang marinig niya ang boses ng kanilang mayordoma ay tumikhim muna siya. “Pahatid
ka nga dito ng Juice! Iyong fresh from fruits huh! Make it double!!! And pakihaluan
ng kaunting bilis! Thanks!” Tiyaka niya ibinaba ang telepono.
Well, ganoon siya ka-bossy! Kaya siguro malabo siyang matipuhan ni Kiko.

Bossy siya sa lahat ng tao sa bahay nila. Actually sanay na ang mga kasam-bahay
nila sa pagiging toyoin niya. Pero atleast siya ay nagsasalita, unlike her kuya Eos
na parang pipi!

Pero kung malalaman lang ng mga magulang niya ang kaniyang pagma-maldita ay
malamang na pagsasabihan siya ng mga ito. Kapwa down to earth kasi at mabubuting
tao ang kaniyang parents... At nais ng mga ito na maging ganoon din sana sila ng
kuya niya. Masasabi naman niyang mabait din siya... Iyon nga lang hindi niya pa
masyadong ma-practice ang kaniyang naitatagong kabutihang asal.

“Hay ang tagal naman ng juice ko!” Himutok niya. “Kailangan ko ng mag freshin’ up!
Baka magka-wrinkles ako kakaisip sa Kiko na iyon!!!” Lately na siyang nagiging
conscious sa hitsura niya.

Minsan pa nga ay naiisip niya kung mas maganda ba ang Usha na iyon kesa sa kaniya?
Pero sabi naman ng mommy niya ay parehas naman silang maganda, iba nga lang ang
dating at personalidad nila.

“Hay... Kiko... Kasalanan mo ito eh!” Himutok niya.

---
Dumating na din ang araw na pinakahihintay ng lahat...

LOPEZ & TAN Nuptial

A Garden Wedding... Ang garbosang wedding of the year!

SI KIKO...

The best man. Nakatayo siya sa gilid ng red carpet at hinihintay ang pagdating ng
kaniyang kababatang si Bashang... o mas kilala na ngayong Usha... At soon to be
Mrs. Jerusha Tan.

Ngunit bakit wala siyang makapang kahit ano sa dibdib niya. Ito na ang araw ng
kasal ng kaniyang kababata. Ang babaeng mula ng kanilang pagiging paslit ay lihim
niya ng minamahal...

Siya din ang gusto nitong maghatid dito sa altar. Dapat diba’y para siyang
namatayan? Ngunit hindi, dahil ang tanging nararamdaman niya lang ngayon ay
pakikisaya para kay Usha.

Hinihiling niya lang na sana’y maging maayos ang buhay nito sa piling ng magiging
kabiyak. Hangad niya ang kaligayahan ng babae, at oo ngayon ding araw na ito ay
pinapalaya niya na si Usha sa puso niya...

Bakas naman sa mukha ng babae na hindi ito magsisisi sa kahit ano pa man ang
kahinatnan ng kasal nito sa kapatid ni Kye. Ang importante ngayon ay makuha na nito
ang pamilyang matagal na nitong ninanais.

Na-sense niya ang pagiging kabado ni Usha kaya’t minabuti niyang biruin ang
kababata. "Mas mukha ka pang makikipaglamay sa hilatsa ng mukha mo kaysa
magpapakasal eh."

"To naman oh... Kabado lang syempre!" Nginitian siya ng babae.

Nang marating nila ang altar ay ibinigay niya na ang kamay ng babae sa
mapapangasawa nito.

"Ingatan mo siya at ‘wag na ‘wag mo siyang sasaktan dahil pag hindi eh kukunin ko
si Usha sa’yo." Madiin subalit pabulong lang na sabi niya sa groom nito.

"Hindi ko siya ibibigay sa'yo." Mahinang sagot ng groom.

Tumango siya at ngumiti sa ikakasal. Totoo naman, wala na siyang hurt feelings
kahit katiting.

Naglakad na siya patungo sa likuran ng kasalan para sana lumayo muna sa karamihan.
Hindi siya lumalayo dahil ayaw niyang masaksihan ang kasal nina Usha at Eos kundi
dahil sa kanina pa siya nangangati sa suot niyang barong!

Hindi siya sanay magsuot ng ganoon eh! Kahit ng bata pa siya ay ayaw na ayaw niya
na ng ganoong damit, pakiramdam niyang pulang-pula na ang balat niya sa kati.

Ah, ipinangako niya sa kaniyang sarili na kapag ikinasal siya ay hinding-hindi

barong ang pipiliin niyang isuot! Mas nanaisin niya pang mag amerikana na lang
kaysa sa barong, kahit gano pa ito kamahal.

"Hoy pulubi !"

Napalingon naman si Kiko sa matinis na boses sa kaniyang likod.

Siyempre, sino pa nga ba iyon kundi si Kye, ang malditang hipag ni Usha. Hindi niya
sana ito papansinin pero natakot na din syang manggulo pa ito sa kasal ng kababata
niya.

Muntik ng malaglag ang panga niya ng makita ang ayos nito. Nawala na ang pagiging
nene nito dahil sa matured na pagkakayos sa dalagita.

And yes, malaking bulas din kasi si Kye Tan. At ang pinanlaki ng mga mata niya ay
ang nakasungaw na maputing clevage nito sa sexy na tabas ng fitted gown na suot
nito. At ang mukha ni Kye ay parang nagmatured ng ilang taon because of the make
up. Her face is like a model and her body is like a goddess: Perfect body! Iyon
ang pumasok sa isip niya.

‘Wag lang pansinin ang pagiging childish nito.

Nakita niya ang talim ng mga tingin nito habang nakatitig sa kaniya. But somehow,
napi-feel niya na parang humahanga din ito sa kaniya? Pero hindi niya na iyon
pinansin pa.

Inilibot niya ang paningin sa paligid, lahat ng tao ay malayo sa kanilang

kinatatayuan dahil naroon ang mga ito sa ikakasal. Muli niyang tinapunan ng tingin
ang dalagitang si Kye. Mukha ba itong gagawa ng hindi maganda?

"Halika nga dito bubwit ka!" Hinila niya sa braso ang dalagita.

"Hey let go of me, you amoy basura!!!" Magti-titili pa sana ito pero maagap niyang
tinakpan ang bibig ng babae.

"Manahimik ka diyang bubwit ka! Kasalanan mo dahil tinawag mo pa ako! Ilalayo muna
kita dito hanggat hindi pa tapos ang kasal ni Usha at ng kuya mong weirdo!"
Pasimple niyang kinaladkad si Kye sa likod ng mansyon ng mga Tan.
Wala namang nagawa si Kye kundi sumunod dito.

ISINANDAL SIYA ng binata sa pader ng bahay nila. Nagulat pa siya ng mahinuha ang
kanilang posisyon! Halos daganan na siya ni Kiko at dikit na dikit na ang kanilang
mga katawan!

"I hate you!!! You piece of trash! You mabahong pulubi na galing sa basurahan!!!"
Pulang-pula ang mukha niya sa kilig? "Look anong ginawa mo! Nabura ‘yung mamahalin
kong lipstick because of your kadiring kamay!!! Idedemanda kita ng harassment!!!"
Tungayaw pa niya with a little kilig pa din.

Dinuro naman siya nito. "Hoy ikaw bubwit ka! Manahimik ka diyan huh! Matagal na
akong nagtitimpi sayo baka akala mo! Tigilan mo na ang panggugulo mo sa kaibigan
ko! Tsaka hindi ako basura noh?! May ganito bang ka-gwapong basura?!" Itinuro pa ng
binata ang sariling mukha.

Napatitig naman si Kye sa mukha ng binata.

Oo nga naman... ang pogi ni Kiko para maging basura!

Super cute kaya ito... ‘yun nga lang, ewan ba ng dalagita kung bakit nabu-bwisit
siya sa lalaking kaibigan ng kaniyang hipag-to-be.

"Panget ka kaya! Mukha kang palaboy!" Pinilit nyang tapangan muli ang boses kahit
ang totoo ay nalulunod na siya sa titig ni Kiko.

"Ako panget? Wow huh?" Inis na tinulak niya ang dalagita. Napakasama talaga ng
ugali ng bunsong kapatid ng mapapangasawa ni Usha.

"Oo panget kaaaa! Kaya nga ang kuya ko ang nagustuhan ng basura mong friend kasi
panget kaaa!!! Bleee!" Binirahan naman agad ni Kye ng takbo ang lalaki.

Alam niya kasing pikon na pikon na sa kaniya si Kiko. Pero sa pagtakbo niya ay
hindi niya maiwasang damahin ang kuryenteng naiwan ng binata sa kaniyang balat...

And yes, hindi naman talaga basura si Kiko... Walang basurang kasing bango niya, at
kasing guwapo...

At kung basura man ito... Mukhang gusto niya ng maging basurera bigla!

ITUTULOY!!!

=================

Siete

BACK to school! At ito ngayon si Kye Tan... Balik na naman sa dating routine ng
kaniyang buhay.

“Hi!” Bati sa kaniya ng kaniyang ‘legal’ ng hipag.

Umikot ang mga mata niya. Oo nga pala, doon ito mag-aaral sa school nila ng
kaniyang kuya Eos. Hindi niya ito pinapansin, well ayaw lang niyang kinakausap siya
tuwing umaga. Sakay ng Van ay ihahatid na ulit sila ng kanilang personal driver na
si Mang Tonio.

Inilabas niya ang kaniyang tablet sa loob ng kaniyang LV shoulder bag. Doon niya
inubos ang oras niya habang nasa biyahe sila papunta sa school. Tahimik lang naman
sa tabi niya ang kaniyang hipag na si Usha.

Ang alam niya’y highschool lamang din ang natapos ng babae, pero dahil sa naipasa
nito ang ALS ay makakapag-college na agad ito. Sa tulong na din ng pera nila at
koneksyon ay nakapasok agad sa prestihiyosong St. Louise si Usha. At ang kaniyang
bulakbol at weirdong kuya naman ay may ilang masteral lamang na tatapusin ngayong
taon dahil sa nalalapit nitong pagma-manage sa kanilang mga negosyo.

Pagkarating sa eskwela ay sinalubong na siya ng kaniyang mga friends.

“Kye!!!” Nakipagbeso-beso agad ang mga ito sa kaniya. “You’re so pretty beyond
words!”

“So gorgeous!” Bulalas ni Elle.

Napa-ingos siya. “Kahit naka-uniform lang ako?” Pambabara niya sa mga ito na halata
namang binobola lamang siya.

Naghagikhikan na lamang ang mga kaibigan niya.

Nagpatiuna na siyang maglakad sa mga ito. Well, ganoon talaga siya. Feeling
importante.
“Hey girls! Why so bagal huh?” Inis na sita niya sa mga ito sabay irap.

“May pupuntahan kami!” Chorus na sagot ng mga ito.

“Whatever!” Inis na muli na siyang naglakad papasok sa prestihiyosong eskwelahang

pinapasukan.

- o -

AFTER ng klase ay lumabas muna siya ng gate upang hanapin sana ang kaibigan niyang
si Audrey. Kasama kasi itong na-cutting na ilan pa niyang kaibigan kanina upang mag
mall. Hindi siya sumama, ayaw niyang lumiban sa klase kahit isang subject lang.

Naglalakad siya patungo sa tawiran ng masulyapan niya si Kiko.

Nasa tawid ito at nakapamulsang nakatingin sa kaniya. Napataas naman ang kilay niya
pagkakita sa binata.

‘Anong ginagawa ng pulubing ito dito?’ Iyon agad ang pumasok sa isip niya.
Namalayan na lamang niya na naglalakad na pala ang mga paa niya patungo sa gawi
nito.

“What are you doing here?” Salubong ang kilay na tanong niya dito, kahit pa may
ideya na siya kung bakit.

Napalunok muna ang binata bago siya sagutin. Tila ba tensionado ito. “Ah... Gusto
ko lang makita si Usha...”
“What?!” Kumulo naman ang dugo niya ng malamang tama ang hinala niya. Kaakibat na
din ng inis niya ay ang kaunting selos na hindi niya maunawaan kung saang lupalop
nga ba nagmula. “May asawa na siya! Hindi mo pa ba siya titigilan?!” Iritang sigaw
niya dito.

Nakita niyang tila nag-enjoy si Kiko sa nakikitang iritasyon niya. Pero mukhang
ganado itong makipagmatigasan sa kaniya. “Bakit? Magkaibigan lang naman kami ah!
Isa pa gusto ko lang malaman kung maayos ba ang trato ng pamilya mo sa kaniya!
Lalong-lalo ka na!”

“Aba’t!—“ Inis na hinampas niya ang dibdib ni Kiko. Medyo na-shock siya na ma-feel
ng kaniyang mga kamay ang matigas nitong dibdib. Oh yeah, ma-muscle pala itong si
Kiko-Matsing!

Sumimangot naman ang gwapong mukha ng binata. “Diba? Eh ikaw pa nga lang ay hindi
ko na tiyak kung ano ang ginagawa mo kay Usha eh!”

“Excuse me! Wala akong ginagawa sa kaniya! Kasabay ko lang siya sa service araw-
araw, aside from that ay hindi na kami nagkakasama! May sari-sarili kaming buhay
noh?!” Inirapan niya ito. Defense mechanism niya ang pagtataray.

“Well that’s good to hear!” Lumapad ang pagkaka-ngiti nito.

“Wow marunong ka pa lang mag english!” Pang-aasar niya sa lalaki.

“Bakit kayo lang bang mayayaman ang may karapatang mag english? Hindi mo ba alam na
mas mauutak ang taga PUBLIC kesa PRIVATE!” Inilapit nito ng maigi ang mukha sa
mukha niya.

Bigla siyang napaatras. “Aba! Ang yabang mo ah!!!”

“Rich kid!” Nakangising hinimas ni Kiko ang pisngi niya.

Tinampal niya ang kamay nitong humaplos sa mukha niya. “Poor kid!” Tili niya. Kasi
ba naman eh para siyang na-ground ng hawakan siya nito. At ang lakas-lakas ng kabog
ng dibdib niya!

“Alam mo magada ka sana eh...” Iiling-iling na wika nito.

“Maganda talaga ko!” Bulyaw niya dito. Kasehodang pinagtitinginan na sila ng mga
dumaraan doon.

“Kaya lang maldita ka!”

Pinandilatan niya ito ng mga mata. “Depende lang sa kausap ko Mr. kuwago!”

Napatigil sila sa pagbabangayan ng may humintong pulang SUV sa gilid nila. And hell
yeah, ang mga istorbo niyang kaibigan!

“Hey Kye!” Naunang bumaba si Pamela. Titig na titig ito kay Kiko. “Who is he?!”
Malanding tanong nito.

Nakababa na din sina Audrey mula sa SUV. “Siya na ba ang pinalit mo kay Ry?”

Nagulat siya ng biglang haplusin ng kaniyang bestfriend ang braso ni Kiko. Parang
gusto niya agad itong ingudngod sa kalsada dahil sa kahitaran nito!

“Is he your new prospect Kye?” Nakangising tanong pa ng friend niya.

“H-Ha?” Di niya malaman ang isasagot niya sa mga ito. At ang Kikong katabi naman
niya at tila game na game makipag-lambutsingan sa mga hitad niyang friends!

“Hi! Anong pangalan mo Mr. Cute?” Si Audrey na halos idikit na pati ang kaluluwa
kay Kiko.

“Francis Elwood...” Magalang na sagot ng binata.

“Wow nice name!” Si Ashley na nakiki-usyoso na din.

“Ang macho naman ng name mo!” Segunda ni Audrey. Bahagya ng namumungay ang singkit
nitong mga mata.

Napaingos siya. ‘Francis daw! Pwe!’ Sigaw ng malditang bahagi ng isip niya. ‘Bakit
ayaw niyang ipakilala ang Kiko-Matsing niyang pangalan? Malandi din pala itong Kiko
na ito!’ Halos umusok na ang ilong niya sa asar.
“Taga saan ka? Saan mo nakilala si Kye?”

Ngumiti ng simpatiko si Kiko. “Sa common friend... Anyway, girls I have to go na.”
Paalam nito.

Napangiti ng lihim si Kye. Atleast paalis na pala si Kiko, hindi na ito mapagpi-
pyestahan pa ng mga kaibigan niya! Mukhang naiilang si Kiko sa klase ng pagko-
kompronta dito ng mga kaibigan niya.

“Ah sige Francis, ingat ka!”

“Thanks ladies...” Tumawid na ito. Pero bago iyon ay nilingon muna siya ng binata,
“Bye Kye...” Sabay kindat sa kaniya.

At napanganga siya because of that!

Nagtilian naman ang mga kaibigan niya. “Eeee... So cute ang papable!”

Samantalang siya ay may after shock pa ng kindat ni Kiko.

“Kye, siya na ba ang bago?” Siniko siya ng bestfriend niyang si Audrey.

Napangiti siya. “Hindi ko pa siya sinasagot!”

“Wow!!!” Dahil sa pagkumpirma niya ay lalong kinilig ang mga kaibigan niya. “Grabe!
Ang lapitin mo talaga sa pogi! You’re so kaka-inggit na huh!”

“Sayang akala ko hindi mo siya type kasi parang nag-aaway kayo kanina eh!” Si
Ashley na parang disappointed.

Tinaliman niya ang titig sa babae. “Excuse me! LQ lang iyon noh!”

“LQ? Eh diba hindi mo pa naman siya sinasagot?” Nakatawang buska ni Ashley.

“Pero M.U. na kami!” Pagsi-sinungaling niya. Pero natigilan siya sa salitang M.U...
Ano nga ba iyon? Ah... Magulong Usapan...

“How nice!” Kinikilig pa din ang mga kaibigan niya.

Napapa-ngiti na lamang siya habang papatawid sila ng kalsada. Ano kayang sasabihin
ni Kiko kapag nalaman nito ang mga pinagsasa-sabi niya sa kaniyang mga friends?
Mandiri kaya ito sa kaniya? Masuka? Magalit? ... Or tulad niya ay kiligin din ito?

Huwhat??? KILIGIN?!
- O -

SA mga sumunod pang araw ay hindi na talaga siya nilubayan pa ng mga kaibigan niya.
Lahat ito ay tila ba kinikilig sa mga inimbento niyang kwento tungkol sa kanila ni
Kiko. Ang pinalabas niya kasi sa mga ito ay matagal na siyang nililigawan ng
gwapong binata but hindi niya pa ito sinasagot.

SA LABAS ng St. Louise. Nakatayo sila ng mga kaibigan niya sa gilid ng daanan.

“Kamusta na pala kayo ni Francis?”

“Okay lang... Tampuhan minsan pero sweet naman siya.” Nakangiting sagot niya habang
sinusuklay ng mga daliri ang kaniyang may kaiksiang buhok. “Siya ang laging
nauunang makipagbati sa akin. Sweet talaga siya and minsan I’m so kilig na! Diba
he’s gwapo?” Sabi pa niya.

“Bakit hindi mo pa kasi siya sagutin kasi?” Pangungulit ni Audrey sa kaniya.

“Oo nga, obvious namang like mo siya! Why can’t you sagot him na?” Segunda pa ni
Ashley.

“Kaya nga... Tyaka bakit wala kayong photo together! Iyong mga picture niya sa CP
mo ay puro stolen at malalayo ang kuha!”

“Pwede ba?!” Inis na inirapan niya ang mga ito. “Hindi pa ako pwedeng magBF noh!
You know, mom and dad will be galit to me!” Maarteng sagot niya. Natatakot siyang
mabuko sa kaniyang pagsi-sinungaling sa mga kaibigan.
“Ay sayang!” Natatawang wika ni Elle.

“Sa akin na lang siya!” Tiling wika ni Ashley.

Hindi nya nagustuhan ang sinabi nito kaya hinampas niya sa balikat ang babae. “Eh
kung sampalin kaya kita diyan? And I’ll tulak you there sa kanal?!” Inis na saad
niya sa kaibigan.

Natakot naman si Ashley sa banta niya. Kilala siya ng mga ito na may pagka moody.

Umawat naman si Audrey sa kaniya. “Ah—Ah... So your jealous bratty princess!”

Nagpaawat naman siya. “He’s mine lang huh! Ayaw ko nagpapa-cute kayo sa kaniya when
he’s around!”

“Eh bakit nga pala di na siya napapadalaw dito?” Pag-iiba na lang ni Audrey.

Napasimangot siya. “Ah kasi he’s busy sa negosyo! You know naman Kik--- este
Francis is a busy businessman! Only child kasi siya ng kaniyang mom and dad! But he
dalaw me always naman eh!” Pagsi-sinungaling niya. Patong-patong na talaga ang mga
kasinungalingan niya sa mga kaibigan.
Oh well, alangan namang sabihin niya ang totoo na mahirap lang si Kiko diba? Dyahe
‘yon!

“Ay namimiss na kasi namin siya!” Si Ashley ulit na di nakatiis.

“Hey stop that! He’s mine huh!”

“Oo na po!” Ngumiti ito. “Mukhang type mo talaga siya!”

Napangiti siya ng matamis. Saglit lang ay napalis ang ngiti niya ng makitang
umiiyak na patakbong lumabas ng gate ang hipag niyang si Usha.

“Anong problema non?” Takang tanong naman ng dalagitang si Kye ng makitang umiiyak
na pumara ng taxi ang kaniyang hipag.

“Hey why Kye?” Tanong ng mga kaibigan niya.

“Uhm nothing! I just need to go home!” Sagot niya sa mga ito. “See yah tomorrow
girls!” Nag-paalam na siya sa mga ito.

Bigla kasi siyang kinabahan...

Hindi kaya nakita na nito ang kaniyang sikat na kuya sa Campus at nagselos ito sa
mga may gusto dito?
Pumara na din siya ng taxi.

Mahirap na...

Nasa business trip ngayon ang mommy at daddy nila...

Walang ibang tao sa bahay maliban sa kanilang mga kasambahay.

Ewan pero kinakabahan talaga siya.

Itinext niya na lamang si Mang Tonyo na nakauwi na sila ni Usha at wag na silang
sunduin pa.

JAMILLEFUMAH

=================

Ocho

SA GATE naman ng subdivision...

Naglalakad si Kiko dala-dala ang ilang kalamay sa isang supot.

Bibisitahin niya at kukumustahin na rin sana ang kaniyang kababatang si Usha.

May katagalan na din niya kasing hindi nakikita ang babae.

“Kamusta na kaya si Bashang?” Miss na miss niya na ang kaniyang kaibigan.

Kahit naman may asawa na ito ay hindi niya pa din kinakalimutan si Usha, bagamat
hindi na din siya umaasa pa na magiging sila pa din sa huli.
Sa ngayon ay busy na din siya sa kaniyang pag-aaral... at sa pagta-trabaho na din.
Balita nga niya ay nakakapag-aral na din ngayon si Usha. Masaya siya para dito.

Bigla niyang naalala ang makulit at malditang kapatid ng napangasawa ni Usha.

Napailing siya, mukhang makaka-banggaan niya na naman ang dalagitang iyon.

Ewan pero parang bigla din siyang nasabik na makita muli si Kye.

Habang naglalakad ay may biglang dumaang taxi sa kaniyang harapan.

“Usha?” Nagulat pa siya ng makita kung sino ang sakay noon.

Dahil sa transparent ang salamin ng taxi ay nakilala niya agad ang babae.

At malinaw niya ding nakita na umiiyak ito sa loob ng taxi!

Ganoon na lamang ang pag-aalalang dumagsa sa dibdib niya.

Kilala niya si Usha. Matibay itong babae at hindi ito iyakin! Hindi ito basta-basta
umiiyak kahit nahihirapan na ito.

Kaya kung ano man ang iniiyak nito ngayon ay malamang na may napakalalim na
dahilan!

Dahil doon ay lalo niyang binilisan ang kaniyang paglalakad patungo sa mansion ng
mga Tan.
At pagdaan ng isa na namang taxi na kinalulunan naman ni Kye.

SA MANSION...

"Oh bakit ka nandito?" Mataray na salubong ni Kye kay Kiko.

"Ano ba? Gusto kong makausap si Eos!" Inis na binangga niya lang ang nakaharang na
dalagita.

Asar na muling humarangnaman muli sa kaniyang daraanan si Kye.

"Hoy! Trespassing ka!!!"

"Tumahimik ka!" Tuloy-tuloy pa din sa pagpasok sa malaking bahay si Kiko. Kabado

siya sa kung anong nangyayari kay Usha eh.

"Eos!!!" Sigaw niya na halos mag-echo sa malaking mansyon.

Nagmamartsang sumunod naman ang dalagitang si Kye. "Stop ano ba?!"

Mula naman sa dulo ng mataas na hagdan ay pababa si Usha.

"K-kiko?"Nakita agad nito ang binata.

"Usha! Nakita kita kanina, pero kasi nasa loob ka ng taxi kaya hindi mo ako
narinig!" Agad siyang lumapit sa dalaga.

"Kiko..."Hindi naman malaman ni Usha ang sasabihin. Kung gayon ay nakita pala siya
ng kaniyang kababata na umiiyak kanina sa taxi.

Si Kiko ...

"Usha okay ka lang ba?" Hinawakan niya sa magkabilang balikat ang natutulalang
dalaga."Bakit ka umiyak? Bakit? Anong ginawa nila sayo? Hindi ba maayos ang trato
nila sayo dito ha?" Puno ng pag-aalalang tanong niya.

"Excuse me!"Sabat naman ng dalagitang si Kye na nadidinig ang sinasabi ni Kiko.

"Anong ginawa namin? Bakit mga monster ba kami ha? Dumating siyang umiiyak ano!
Wala kaming kinalaman sa pag-e-emote niya!"

Hindi naman pinansin ni Kiko ang pagma-maldita ni Kye.

Mas importante sa kaniya ngayon si Usha...

"Usha? Ayoko na iiyak ka... alam mong mga bata pa lang tayo ay iniingatan na kita
diba?" Masuyong hinaplos ni Kiko ang makinis na pisngi ng babae.

　　

At iyon naman ang tagpong naabutan ni Eos.

　
Kakapasok pa lamang nito sa main door ng mansyon.

"Bitawan mo siya!" Matigas na utos nito.

Napunta naman dito ang atensyon ng lahat.

"Bakit mo hinahawakan ang asawa ko?!" Tila kulog na tanong nito.

Kung gulat ang rumehistro sa mukha ni Usha, ay takot naman ang kay Kye. Kilala niya
kasi ang nakatatandang kapatid. Alam niyang galit na ito, at natatakot siya sa
maaari nitong gawin kay Kiko.

"Kuya, umiiyak kasi si Usha ng dumating siya..." Humarang na agad si Kye sa pagitan
ng mga ito.

Pero hindi papatalo si Kiko. “Nakita kong umiiyak si Usha! Akala ko ba iingatan at
aalagaan mo siya? Bakit mo pina-iiyak si Usha?! Kung ganito lang din ang mangyayari
ibalik mo na lang siya sa amin!”

Nagtagis naman ang mga ngipin ni Eos dahil sa mga sinabi ni Kiko.

Si Usha naman ay hindi na matagalan ang tagpong iyon...

Nahihiya siya sa kaniyang kababata.

Walang lingong-likod na tinakbo niya ang pagitan nila ng malaking front door.

Pakiramdam niya kasi ay hindi na siya makahinga.

“Usha!!!” Si Kiko naman na biglang naalarma.

Pero pinigilan siya niEos.

Seryoso ng mukha ng lalake. “Away mag-asawa ito.. at aayusin naming itong dalawa.
Kaming dalawa lang!” May pagbabanta naman sa boses ni Eos.

"Kuya wag mo siyang sundan!" Awat ni Kye sa panganay na kapatid.

"Kuya!!!" Tili nito na akmang hahabol pa.

"Pwede ba huwag ka ng makialam!" Inis na hinila ni Kiko ang braso ng dalagita at

ibinalya ito paupo sa sofang naroroon.

Tuluyan naman ng sinundan ni Eos ang nanakbong asawa.

"You jerk !"Inis na muling tumayo si Kye at inundayan ng malakas na suntok ang
binatang nagpa-upo sa kaniya.

Halos tumilapon si Kiko sa lakas ng suntok ng disi-sais anyos na dalagita.

Bigla ang pagkahilo niyang maramdaman ang masaganang dugo na tumutulo mula sa
kaniyang ilong at bibig.

"Shit ...b-bakit ang lakas mo?" Gumegewang-gewang pa siya habang pinipilit ang
sarili na makatayo.

NABIGLA din naman ang dalagita sa nagawa.

Tarantang nilapitan niya si Kiko. "Oh my! Nabigla lang ako! I'm sorry..." Naiiyak
na aalalayan niya sana ang binata pero nagulat siya ng bigla itong bumagsak muli sa
sahig.

Tuluyang nawalan na ng malay si Kiko. Bulagta ito sa marmol na sahig ng kanilang

mansyon. Hindi naman malaman ng dalagita kung ano ang kaniyang gagawin.

"Oh my! Oh my! Hindi ka nila pwedeng makitang ganyan! Magagalit sa akin sina Daddy!
Lagot ako!!!" Paikot-ikot siya sa nakahandusay na lalaki.

Marahan niyang sinipa si Kiko. "Hoy please gising!"

Pero walang sagot mula dito.

"Parang awa mo na Kiko gumising ka!"

　

Wala na siyang ibang naisip... kailangan niyang maitago ang lalaki... pero saan?

"Sa kwarto ko na lang kaya?" Naguguluhan man ay iyon na nga lang ang naisip niyang
paraan.

Pero bakit parang kakaiba ang nararamdaman niya sa isiping doon niya itatago ang
binata sa kaniyang kwarto?

'Kilig' ba yon? Inis na ipinilig niya ang ulo.

"No way! Yuck!" Saway niya sa sarili.

Pero kahit pa itatwa niya ang damdaming yon, ay batid naman niyang iba na ang
isini-sigaw ng kaniyang batang puso.

- O -

Sa kwarto ni Kye.

Kanina pa paikot-ikot ang dalagita sa harapan ng kaniyang kama.

Nasa kaniyang kama naman ang nawalan ng malay na si Kiko.

“Ano ba namang pulubi ‘to?! Ang tagal magising! Nakakainis!!!”

Nagtataka din siya sa kaniyang sarili.

16 years old pa lamang at magsi- 17...

Pero bakit ganoon na lamang ang lakas niya? Sabagay, matagal niya na din iyong
pinagta-takhan sa kaniyang sarili. Ano bang klaseng mga tao sila? Hindi lang pala
ang daddy at kuya niya ang weird! Kundi siya din mismo.

Iyon bang kaya niya ng makasira ng mga gamit kung gagamitin niya lamang ang
kaniyang lakas.

Sinabi at pinaliwanag na din ng kaniyang mommy at daddy na iba sila sa mga

pangkaraniwang tao...

Pero hindi niya pa din lubos na maunawaan ang bagay na iyon.

Iniiwasan din ng kanilang parents na mapapa-away sila.

Kagaya ng kaniyang kuya Eos,

Kapag nagagalit ito ay kulang na lamang ay basagin nito ang mukha ng mga nakaka-
away nito.

Palipat-lipat sila ng school dahil doon.

Oo mayaman at kilala ang pamilya nila.

Sikat din ang gwapo niyang daddy dahil sa napakababy face daw nito! Pero ang
totoo... napa-pansin na nilang parang hindi tumatanda ang kanilang padre de
pamilya.
Hindi kaya immortal din sila?

Napailing ang dalagita. “Stupid...” anas niya.

Nilapitan niya na ang natutulog na binata sa kaniyang kama. “At ang pulubing ito na
nag-e-enjoy sa paghiga sa kama ko!” Nakasimangot na sumampa siya sa gilid ng kama.

Hindi naman nya maiwasang titigan ang natutulog na si Kiko.

“Ang cute mo talaga...” Natutuwang pinitik niya ng mahina ang matangos na ilong ng
lalake.

“Bakit kaya hindi mo pa tinatanggap ang friend request ko sa FB?” Nakalabing tanong
niya sa natutulog na binata. “Hindi ka ba nahihiya sakin? Ako ang ina-add! I have
thousands of followers! Pero ikaw??? Ni hindi mo man lang i-accept iyong friend
request ko?!”

Tinitigan niya ang mukha ni Kiko.

Ang mala-puso nitong mukha...

Ang napakatangos talagang ilong...

Ang mahahabang pilik-mata.

No wonder, hindi maipagka-kailang may lahi nga ang lalake.

Pero gayon pa man, kahit walang lahi ang mga half sisters nito ay magaganda pa din
naman ang mga iyon.

“Nakakainis... Nagkaka- crush na yata talaga ako sayong dukha ka!” Nakapangalumbaba
pa siya sa gilid ng ulo nito.

Hanggang sa hindi niya na natiis ang pagtitig lang sa mukha ng binata.

“Ang pula-pula ng lips mo...” Hanggang sa namalayan niya na lamang na para siyang
nama-magnet palapit dito.

At ngayon ay nakalapat na ang kaniyang murang mga labi sa mga labi ng natutulog na
binata.

“Hmmm ang lambot...” Tukoy niya sa labi ni Kiko. Hindi pa siya nakuntento at gusto
niya pang umisa!

Akmang hahalikan niya itong muli ng biglang magdilat ng mata ang lalake.

“Huli ka! Batang manyak!”

JAMILLEFUMAH

=================
Nueve

KINABUKASAN... Lulan naman ng isang taxi ang dalagitang si Kye. Kasama ng kaniyang
mga kaibigan ay tutungo sana sila sa isang sikat na restaurant para doon kumain ng
lunch. "Hey Kye?" Pukaw sa kaniya ng kaniyang kaibigang si Angie. "Kanina ka pa
walang kibo ah? What happened to you girl?" "Yeah kanina pa ganiyan si Kye?
Tulalers!" Sabat naman ng isa pa nilang kaibigan na katabi ng driver sa harapan ng
taxi. "Ha?" Doon naman na natauhan ang dalagita. "Ah don’t mind me guys! May
naiisip lang kasi ako..." Nagkibit-balikat na nga lamang sa kaniya ang mga kaibigan
niya. Bakit nga ba siya absent minded sa buong araw na iyon?

At bakit sa kauna-unahang pagkakataon ay na- late siya at pumasok na hindi man

lamang nakakapag-suklay ng kaniyang buhok? Bigla tuloy niyang naalala ang nangyari
ng huling gabi... Ang gabing dinala niya si Kiko sa kaniyang kwarto para itago...
Paano’y napalakas ang suntok niya sa binata kaya nakatulog ito. PAGBABALIK-
TANAW... "Huli ka batang manyak!" Biglang pagdilat ni Kiko. Paano’y nakasampa siya
sa kama at halos nakadagan na sa lalaki. Wala naman siyang balak na masama...
maliban na lang sa... gusto niyang maramdaman ang mapupulang mga labi nito. Nakaka-
isa na nga siya! At sa pangalawa ay dumilat naman na si Kiko. Titig na titig ito sa
kaniyang namumulang mukha. "Bakit mo ako hinalikan? Ha bubwit?!" Tanong ng nakahiga
pa ding binata. "Excuse me! Hindi kita hinalikan noh?!" Simula ng pagta-taray niya
dito. "Talaga lang huh?" Napa-simangot na si Kye. "Eh ikaw? Gising ka na pala pero
bakit nagtu-tulog-tulugan ka pa diyan sa kama ko? Bakit first time mo bang makahiga
sa malambot at mamahaling kama? Oo nga pala, isa kang pulubi! I’m sure ngayon ka
lang nakahiga sa isang kwartong may aircon! I pity you---" Hindi niya natapos ang
mga sasabihin ng bigla siyang itulak ni Kiko. Dahil sa pagka-out of balance ay siya
naman ang napahiga sa gilid ng kama, at ngayon ito naman ang nakadagan sa kaniya.
Hawak-hawak pa ng binata ang dalawang kamay niya paitaas. "Hey?! What are you doing
basura?! Bitawan mo nga ako!!! Ang baho mo!!!" Bulyaw niya dito. Pero nakangisi
lang si Kiko. "Let go of me you piece of trash!" Nagpapa-palag siya, but of course
hindi niya nila-lakasan, mahirap na... baka mapatulog na naman niya ng de-oras si
Kiko. "Bakit ba napakasama ng mga salitang lumalabas diyan sa bibig mo ha?"
Iritadong tanong nito sa kaniya. "Unang-unang sa lahat... Hindi ako basura! At
hindi ako pulubi! Oo mahirap lang ako, pero hindi ako namamalimos ng kakainin ko o
kakainin ng mga kapatid ko! Pinagta-trabahuan ko ang lahat ng inilalaman ko sa
tiyan namin! At may pangarap ako sa buhay! Nagta-trabaho ako habang nag-aaral. Kung
tutuusin eh ikaw nga diyan ang pulubi sa ating dalawa eh!" Nanlisik naman ang mga
niya dahil sa sinabi ng lalaki. "How dare you!" Tumawa pa ng mahina si Kiko. "Diba
totoo naman? Pulubi ka! Wala kang ginawa kundi magpakasarap at mag-inarte sa buhay!
Hindi mo naman pinag-hirapan ang lahat ng mayroon ka ngayon hindi ba? Lahat ng
kayamanang winawaldas mo ay limos mo lang galing sa mga magulang mo! Hindi mo
pinaghirapan ang lahat ng iyan..." "I hate you!!!" Naiiyak na tugon niya sa binata.
Medyo sapul kasi siya sa mga sinabi nito. "Hate me all you want. Brat!" Pang-aasar
pa ng binata. "Mabaho! Pulubi!!! Ang baho ng hininga mo! Dukhaaa!!!" Pikon na pikon
na si Kye. Pero tinatawanan lang siya ni Kiko. "Mabaho ang hininga ko ha? Kaya pala
nagnanakaw ka ng halik sakin habang tulog ako kanina? "That’s not true! Conceited
asshole!!!" "Hindi mo naman kailangang magnakaw ng halik sa akin eh... Mabait naman
ako, pwede kitang pagbigyan kung hihingi ka lang ng maayos." At kumindat pa ang
lalaki. Pakiramdam ng dalagita ay pulang-pula na ang kaniyang mukha. "Sabi ko na
nga ba at may crush ka sa akin, kaya palagi mo akong sinu-sungitan! Alam mo na, the
more you hate, the more you love daw!" Pang-aasar pa nito sa kaniya. "Hindi ka pa
ba titigil sa pang-aasar mo sa akin ha?!" Asik niyang napipikon na dito. "Hindi...
Hanggat hindi ka umaamin. Crush mo ako diba?" Nakakaloko pa nga ang mga ngiti ng
lalaki sa mga labi nito.

Pakiramdam naman ni Kye ay lalo siyang na-ku- kyutan sa binata. Mas gwapo pala ito
kapag gising ito! Iyon bang pakiramdam na parang gusto niya ulit halikan ang mga
labi ni Kiko. SI KIKO naman ay nahihiwagaan na din sa kaniyang sarili. Kung bakit
ba pina-patulan niya ang dalagitang hipag ni Usha. Buong buhay niya ay tanging si
Bashang lamang ang itinuring niyang pinaka magandang babae sa buhay niya. Si
Bashang lang talaga ang minamahal niya... pero dahil sa nag-asawa na ito, ay
kailangan niya ng kalimutan ang nararamdaman niya para sa kaniyang kababata. At
itong bubwit na spoiled brat sa kaniyang harapan. Si Kye Tan... Hindi niya mai-
paliwanag kung bakit para itong virus na naka-pasok sa kaniyang sistema. Alam nyang
hindi sila pwede... Suntok sa buwan iyon... Una, dahil mayaman si Kye at mahirap
siya... Pangalawa, batang-bata pa ang dalagita! Child abuse siya kapag nagkataon...
Pangatlo... Malabo naman siyang magustuhan ng matapobreng si Kye diba? Dahil sa mga
isiping iyon ay binitawan niya na lamang ang mayamang dalagita. "Uuwi na ako..."
Pormal na paalam ng binata.

TAKA NAMAN si Kye. Napabangon na din siya mula sa kaniyang hinihigaan.

Dissapointed siya, akala niya kasi bilang parusa ay hahalikan siya ni Kiko. "Hindi
ka pwedeng umalis!" Biglang sabi niya. Na ikinalingon naman ni Kiko sa kaniya. "At
bakit?" Lumikot naman ang mga mata ng dalagita. "K-Kasi... Nandiyan na yata sila
mommy. Magtataka sila pag nakita ka... Lalo pa at galing ka sa kwarto ko..."
Napapakagat pa siya sa kaniyang daliri habang sinasabi ang mga bagay na iyon. "At
paano ako uuwi kung ngayon?" Tanong ng lalaki. "Dito ka muna... hanggang sa
makatulog na ang lahat... pati na din ang mga katulong namin sa bahay. Iyong
gwardiya mamaya sa gate, tutulungan na lang kita na hindi ka niya mapansin."
Napasapo naman ang binata sa sariling mukha. Mukhang wala na itong choice kundi ang
mag-stay sa kwarto niya magdamag! "Dito ka muna..." Nakatungo pang sabi ng
dalagita. "Ano pa nga ba?" Sukong muling napahiga na lamang si Kiko sa malambot na
kama niya. Medyo masakit pa din kasi ang ulo nito mula sa pagkaka-suntok niya
kanina. Ngayon? Paano niya titiisin ang presensiya ng malditang kapatid ni Eos?
Nagulat pa siya ng biglang mahiga na din ang dalagita sa kaniyang tabi. Awkward
lang... Magdamag sila sa ganoong posisyon... Nakahiga... Nakatulala sa kisame...
Nagpapakiramdaman... Hanggang sa mag-umaga na nga... Ang dahilan ng pagkapuyat ni
Kye... At iyon na yata ang pinaka-mahabang gabi sa buong buhay niya... x x x
SUBALIT doon na nagsimula ang lahat... Medyo bumait na siya sa kaniyang brandnew
hipag dahil inspirado na siya. Palagi siyang nasasabik na makita si Kiko. Naging
concious na din siya sa kaniyang hitsura at pananamit. Ayaw niyang magmukhang
‘neneng’ sa paningin ni Kiko. Hangga’t maaari ay nais niyang mas maganda siya kay
Usha!Kinahapunan... Ganoon na lamang ang pagliwanag ng mukha niya ng malaman kung
sino ang kanilang bisita. "Let him in." Utos niya. Agad namang sumunod ang
kaniyang inutusan. Mabilis naman niyang sinuklay ng kaniyang mga daliri ang may
kaiksian niyang buhok. Na-miss niya na ang mahirap na binatang iyon. Napatingin pa
siya sa gawi ng kanilang hagdanan. Ipinapanalangin niya na ‘wag muna sanang bumaba
ang kaniyang kuya at hipag. Maya-maya lamang ay nakita niya ng papasok sa malaking
pintuan nila ang binatang si Kiko. Hindi niya maiwasang mapangiti ng makitang naka-
gel ang buhok ng parating na lalaki. Ito kasi ang unang beses na nakita niya itong
nag-effort para sa may pagka long-back nitong buhok. Simpleng asul na T-Shirt
lamang ang suot nito at isang kupasing pantalong maong. Sa pang-ibaba naman nito ay
isang lumang itim na rubbershoes na halata namang hindi branded. Gayon pa man ay
gwapo pa din ito... Simple lamang si Kiko pero kahit paano ay may laban naman ito
sa pa-pogian sa kaniyang kuya Eos! "Good afternoon..." Magalang na bati nito sa
kaniya. "Good afternoon!" Mataray niyang sagot dito. Ayaw niya pa kasing tuluyang
maging mabait sa binata sa hindi naman niya mai-paliwanag na dahilan. "Nandiyan ba
si Usha?" Bigla'y tanong ni Kiko. Doon na lalong napa-simangot ang dalagita. Akala
pa naman niya ay siya ang sadya ng binata, iyon pala ay ang kaniyang hipag pa din!
"Wala siya dito kaya umalis ka na!" Halos sigaw niya dito. "Napakasama talaga ng
ugali mo!" Naiiling na sabi naman ng binata. Akmang tatalikuran na sana ni Kye si
Kiko ng bigla siya nitong hawakan sa kaliwang braso. Pakiramdam ni Kye ay bigla
siyang na-kuryente dahil sa pagkakahawak na iyon ng binata. "Hey! Get off me you
son of a---" "Son of what?!" Gigil na tanong naman ni Kiko. "Pwede ba bitawan mo
ako!!!" Inis na hila niya ng braso niya mula dito. "At pag hindi kita bitawan?
Anong gagawin mo huh?! Patu-tulugin mo ulit ako sa suntok mo?" Seryosong tanong ng
binata. Napalunok naman si Kye. "I-I don’t know what you’re saying...err..." "Iba
ka Kye... Iba kayo..." Umiiling-iling na sabi pa ni Kiko. Bumadha naman ang sakit
sa mukha ng dalagita. Oo alam naman niyang iba sila eh, iba ang pamilya nila! Pero
matagal niya ng tinatakasan ang katotohanang iyon! "You’re thinking ... na... I’m
a...monster?" Mahinang tanong niya kay Kiko. Kay Kiko niya ba muli maririnig ang
mga sumbat na iyon tungkol sa kanilang pagkatao? Hindi sumagot ang binata. Nanatili
lamang itong nakatingin sa kaniyang mukha. "Ano?!! Monster din ang tingin mo sa
akin???!" Pumiyok na ang boses ng dalagita.

Pero ikinagulat niya ng bigla siyang kabigin ng binata ay yakapin ng mahigpit. "K-
Kiko?..." Takang tanong niya bagamat ganoon na lamang ang pagka-kuryenteng nadama
niya dahil sa pagkakalapat ng kanilang mga katawan. "Shhh... Lalo kang magiging
monster kapag nag-sungit ka na naman, sige ka!" Malambing na anas ng binata sa
kaniyang punong-tainga. Nahihiwagaan naman si Kye sa ikini-kilos ng lalaki. Subalit
nagugustuhan naman niya ang pagkakalapat ng kanilang mga katawan sa mga oras na
iyon. She felt safe... At ang sarap mayakap sa matitigas at maiinit na braso ni
Kiko. "May kilala akong ganiyan... Na mga bata pa lamang kami ay batid ko ng iba
siya... Itinatago niya ang kakaiba sa kaniyang pagkatao...Pero kahit ganoon ay alam
kong mabuti siyang tao... Kaya gusto ko siyang protektahan..." Mahinang sabi ng
binata. "Si... Ate Usha ba ang tinutukoy mo?" Malungkot na tanong ni Kye.
Pakiramdam niya ay may kumirot sa isang bahagi ng puso niya. "Asawa na siya ng kuya
ko..." Ngumiti naman si Kiko at pagkuway hinawakan ang kaniyang mukha. "Magpakabait
ka na ha?" Malambing na sabi nito. Napa-simangot naman ang cute ng mukha ng
dalagita. "Why should I?" Mataray na tanong niya. "Kasi... gusto kong hintayin ang
pagda-dalaga mo..." Diretsang sagot ng binata habang nakatitig sa kaniyang mga
mata. Para namang malulusaw sa kilig si Kye dahil sa kaniyang narinig. Napa-ngiti
na lamang sila sa isat-isa... Hindi nila alam na bilang na lamang pala ang mga oras
sa pagdating ng panibagong dagok na naman sa kanilang mga buhay... Dahil mula sa
labas ng mansion ay isang pajero ang huminto at lulan noon ay ang mga kalakihang
may kinalaman sa nakaraan ni Sab Mondragon Tan. SUNOD-SUNOD na door bell ang
naulinigan nila maya-maya.

JAMILLEFUMAH

=================

Dies

SUNOD-SUNOD na door bell ang naulinigan nila maya-maya.

“Sino ho kayo?!” Tanong ng katulong subalit pabalya lamang silang itinulak ng mga
ito.

Inagaw ng mga ito ang mga baril ng mga guwardiya sa mansion ay pinapasok ang lahat
sa loob.

“Anong nangyayari???” Takang tanong naman ni Kye. “Mommy!!! Daddy!!!!” Nagsisigaw

na ang dalagita. Naalerto siya ng makita ang mga pangahas na pumasok sa kanilang
bahay.

Humahangos na bumaba naman ng malaking hagdan ang mag-asawang Hani at Sab kasunod
ang mag-asawang sina Eos at Usha.

“Sir! Bigla na lang ho silang pumasok!” Paliwanag ng isang guard na putok ang labi
at dumudugo pa ang ilong.

Takot na takot naman ang lahat ng mga katulong na nagku-kumpulan sa isang sulok.

Nilapitan naman ni Sab ang kanilang mga kasambahay. “Lahat kayo! Bumalik sa
servants quarter! Walang aalis, walang lalabas doon o sisilip man lang! Kahit anong
mangyari o marinig niyo! Maliwanag ba?!” Utos niya sa mga ito.

“Walang tatawag ng pulis o kung ano pa man...” Si Hani na namumutla na.

Nahiwagaan naman si Kiko bagamat hindi na siya nagtanong pa. Naramdaman niya din
ang pagkakapisil ng mga palad ni Usha sa kamay niya.
“P-pero sir?” Takot na tanong ng isa sa mga guard na sugatan na din.

“Magtiwala kayo sa akin...” Seryosong sagot lang ni Sab sa mga ito.

Agad namang tumakbo si Kye palapit sa Ina nitong si Hani at takot na yumakap doon.

Nang mawala na ang mga kasambahay ay tiyaka na hinarap ni Sab ang apat niyang
panauhin.

“Kamusta ka naman mahal kong pamangkin?” Wika ng isa sa mga ito.

Nagtagis ang mga ngipin ni Sab ng makilala ang apat.

Sina Elijah, Victur, Timon... at ang kapatid ng kaibigan niyang si Kiron na si

Carl.

Ang mga kamag-anak niyang parte ng kaniyang nakaraan...

Batid niyang darating din ang oras na ito...

“What’s this dad?!” Takang tanong naman ni Eos sa ama.

Si Kiko at Usha ay takang nakamasid lamang.

Nang biglang bumukas muli ang malaking main door at iniluwa noon ang nanay ni Usha
na si Carmelita.

“MGA HAYOP KAYOOO!!! ANONG GINAGAWA NIYO DITO??? NARIRITO BA KAYO UPANG KUHANIN ANG
AKING ANAK???!!!” Bulyaw ni Carmelita sa mga ito.

“At sino ka namang babae ka?!” Baling ni Elijah dito. Siya ang pinaka-pinunong
tumatayo ngayon sa kanilang apat. Siya ang nag-iisang kapatid ni Leandro at
pamangkin niya si Sab.

Nagsimula ng gumaralgal ang boses ng nanay ni Usha. “Hindi niyo ako natatandaan?
Ako lang naman ang babaeng nakatakas mula sa inyong maruruming kamay! Ang babaeng
sinira niyo ang buhay!!! Mga kampon kayo ng Diablo! Kayo ang sumira sa buhay
kooo!!!” Tangis nito.

“N-Nay?!” Gulantang naman si Usha sa narinig.

Halos lahat ay nagulat sa sinabing iyon ni Carmelita.

“Small world pala!” Nakangiting wika naman ng isa apat na lalaki. Si Timon.

Nangalit naman ang bagang ni Sab. “Ano bang kailangan niyo?! Tapos na ang lahat
bakit bumalik pa kayo?!”
Walang tigil naman sa pag-agos ang luha ni Usha habang nakatingin sa apat na
lalaking iyon.

Tumawa naman ng mahina si Timon. “Kung gayon ay nagbunga pala ang pagpaparaos namin
sayo tanda? Akalain mo ano...” Baling nito sa nanay ni Usha. “At iyon ang bunga
noon? Sa totoo lang ay wala kaming pakialam! Siguro kung naging lalaki siya ay
maari pa... Pero isa lang din siyang walang kwentang babae!” At bumaling naman ito
sa gawi ni Usha.

SI USHA...

“Anong klaseng mga tao kayo?” Nanginginig na tanong ni Usha sa mga ito. Nagtataka
siya, kung totoo ngang ang mga ito ang nanggahasa sa kaniyang nanay, ay dapat
matatanda na ang mga ito ngayon hindi ba?

Tila naman nabasa ni Elijah ang tanong na tumatakbo sa isipan niya. “Hindi kami
tumatanda! Grupo kami ng mga bampirang may buhay na walang hanggan! At mga
kababaihang ginagahasa namin ang pinagkukuhanan namin ng aming lakas at kabataan!”

“Mga hayop!” Gigil na wika naman ng nanay ni Usha.

Nakikinig lamang si Eos sa mga sinasabi ng mga ito. Isa-isa niya na ngayong
napagtatagpi-tagpi sa kaniyang isipan kung bakit hindi tumtanda ang kanilang daddy
Sab... at kung bakit iba sila sa lahat ng mga tao.

Hindi naman makapaniwala si Kiko sa kaniyang mga nadidinig.

Ang alam niya noon ay na-gang rape ang nanay ng kaniyang kababata kung kaya’t hindi
naging maganda ang turingan ng mag –ina, dahil bunga lamang ng kalapastanganan si
Usha. Pero hindi niya akalaing higit pa pala sa masasamang tao ang may gawa ng
lahat ng iyon!

At ang masakit... Kamag-anak ng ama ni Kye ang mga demonyong dahilan ng pagpatay at
pangga-gahasa sa mga kababaihan 25 years ago na ang nakararaan...

Kung gayon... Kaya kakaiba ang lakas ni Usha at ni Kye dahil iisa lamang ang dugong
nananalaytay sa mga ito!

They are modern vampires...

Ngunit iba ang pamilyang ‘Tan’. Mabubuti silang tao na mas pinili ang pumanig sa
kabutihan at mamuhay ng normal...

Subalit hindi ito matanggap ng kanilang nilayuang angkan.

And now they are here for vengeance!

Naglakad palapit si Timon kay Sab. “Matagal kaming nagtago at nagpalamig... Akala
namin pwede naming ibaon sa limot ang lahat... Pero hindi Sab! Dahil kinamumuhian
namin ang ginawa mong pagtalikod sa aming lahi!” Pagkasabi noon ay agad na tumaas
ang kamay ng lalaki.

“Sab!!!” Napasigaw naman si Hani. Umiiyak na ngayon ang mommy ni Kye.

“Daddy!!!” Halos sabay pa sina Eos at Kye.

Hindi naman nakailag si Sab sa kabiglaan. Sugat ang kaniyang kaliwang balikat.

“Ugh...” Napaluhod ito sa sakit na nadama.

“Wala kang kwenta Sab Mondragon! Or shall we say... Sabastian Tan?” At tinadyakan
pa nito ang nakaluhod na si Sab.

Doon na hindi nakapagpigil si Eos.

Namumula ang mga mata nitong lumapit sa lalaking nanakit sa ama.

Sa kauna-unahang pagkakataon...

Nakita nilang lahat ang pagbabago ni Eos... Mabangis... Handang pumatay...

Ang mga mata nitong nagniningas at ang mga kamay nito ay tinubuan ng mahahabang
kuko na matalas pa sa isang matalim na balisong.

“Demon!!!” Agad niyang itinarak ang kaniyang kamay sa leeg ng lalake na sumipa kay
Sab.

“Timon!!!” Nagulat naman ang tatlong kasama nito.

Subalit bumagsak na ng tuluyan si Timon sa marmol na sahig ng mansyon.

Umaalingasaw ang dugong tumapon mula sa wakwak na leeg nito. Tila ba isa itong
nabubulok na hayop na unti-unti ng nagiging abo.

“E-Eos...” Mangha naman si Usha sa nakikita niya.

Maging si Hani ay gulat na gulat...

Kailan man ay hindi niya inaasahang makikitang ganoon ang lalaki!

Si Victur naman ay agad na sumugod sa gawi ni Eos. Pero alerto na ang lalake.
Nakipagtagisan dito si Eos.

Sa kauna-unahang pagkakataon ay natuwa naman si Eos dahil may nakalaban na siyang

hindi niya napapatumba kaagad!

At si Carl naman ay patungo sa gawi nila Usha. Pero maagap na humarang si Carmelita
dito.

“Hayop!!! Kayo ang dahilan kung bakit nasira ang buhay ko!!!”

Isang malakas na sampal naman ang natamo ni Carmelita mula sa lalaki. Halos
tumilapon ito at nawalan ng malay.
“Inaaayyyy!!!” Napasigaw naman si Usha.

Pero ang mga halang ang kaluluwa ay desidido silang saktan!

Patungo sila sa gawi ng nanginginig sa takot na si Usha at Kye.

Agad namang hinarangan ni Kiko ang mga babae. “Kye iakyat mo sila sa kwarto madali
ka!!!” Utos ng binata.

Agad na sinunggaban ni Carl si Kiko. Pilit namang humuhulagpos ang binata mula sa
halimaw subalit hindi niya kaya ang lakas nito.

“Kikoooo!!!” Sabay pang sigaw nina Usha at Kye.

Ganoon na lang ang kaba ni Kye ng makitang sasaktan ng mga demonyong bampira na
mula sa kanilang nakaraan si Kiko.

No! Hindi niya hahayaang may madamay sa gusot ng kanilang pamilya! Lalo na si
Kiko!

Hindi niya na napansin ang biglang pamumula ng kaniyang mga mata. Sa buong buhay
niya ay ngayon lamang siya nagalit ng ganito na pakiramdam niya ay kaya niyang
pumatay ng kahit ilang demonyo!

The bratty girl... No. Isa na siyang mabangis na bampira ngayon na handang
manakmal!
“Bitawan mo siya!!!” Tila isang mabangis na hayop na sinalakay ng dalagitang si Kye
ang lalaking sumasakal kay Kiko.

“Aba’t lalaban ka!!!” Isang hagupit naman ang ibinigay nito sa dalagita sanhi upang
tumilapon ito dingding.

“Kye!!!” Umiiyak na dinaluhan naman ni Hani ang bunsong anak.

“K-Kye...” Hirap na tawag ni Kiko sa dalagita, kitang-kita niya ang namumulang mga
mata ni Kye. Itinaas siya sa ere ni Carl na hawak lamang ang leeg niya. Pinagta-
tadyakan niya ang tiyan ng bampirang kaharap.

Akmang dudukutin na ni Carl ang tiyan ni Kiko ng biglang sumigaw si Kye.

“WAGGGGG!!!!”

Napigilan din iyon ni Sab na agad na sumugod sa gawi ni Carl. Bumagsak naman sa
sahig ang nanghihinang si Kiko.

Talsik ang bampira subalit muli itong bumangon. “Ipag-hihiganti ko ang kuya Kiron
ko!” Ang maputlang si Carl.

“Hindi ako ang pumatay sa kaniya... Kundi ang mga kalahi niyo din. Sa kahuli-
hulihang pagkakataon ay nagsisi si Kiron... Tinalikuran niya na ang mga kasamaan
ninyo...” Malungkot na wika ni Sab kay Carl.

“H-Hindi ako naniniwala!!!” Galit na sumugod muli si Carl sa sugatang si Sab.

Pero isang malakas na tadyak ang ibinigay ni Sab dito.

Tumalsik naman ito sa kinatatayuan ni Eos.

Hindi pa nakakatayo ang lalaki ay agad na itong kinubabawan ni Eos. Napatay ni Eos
si Carl. Tuluyang naging abo ang Bampira.

Malabo na sa kaniyang paningin ang lahat. Ang tanging naaalala na lamang ni Kye ay
ang biglang paglapit sa kaniya ni Kiko habang ang mga mata nito ay punong-puno ng
pagsuyo at pag-aalala...

JAMILLEFUMAH

=================

Onse

Hatred paralyzes life; love releases it. Hatred confuses life; love harmonizes it.
Hatred darkens life; love illuminates it. - Martin Luther King, Jr.

After that day...

Ang araw na nalaman nila ang sagot sa kanilang mga katanungan...

Wala mang naiwang ebidensiya maliban sa mga itim na buhangin na abo ng mga halang
na iyon... Wala ng naiwan pang iba.

And yes nasagot na ang mga tanong...

Ang ama nila na si Sabastian Tan Mondragon ay dating kasapi ng kultong iyon...

They are immortals... They are vampires...

Modern Vampires...

Sila iyong samahan ng mga kalalakihang nanggagahasa ng mga babae at pumapatay.

Iniinom nila ang mga dugo ng mga kawawang babae at pagkatapos ay sasamba sa
kadiliman...

For the sake of power, wealth and immortality.

Pero iba ang kanilang ama. Sab is a good man. Umibig ito sa kanilang ina at
nagbagong buhay... At sila ng kaniyang kuya Eos ang bunga ng pagibig na iyon.

They are fruits of love...

Subalit nasa dugo pa din nila ang parusa ng langit. Malalakas sila sa karaniwang
tao at sila ay may kakaibang talino.

They are different... Kaya hindi sila naging tahimik kahit minsan...

Pero tapos na iyon...

Sarado na ang pahina na iyon ng kanilang mga buhay...

Lahat sila ay may mga sugat sa pusong pinapagaling sa ngayon...

And time will heal them.

“Bakit naririto ka?” Maang na tanong niya sa lalaking bigla na lamang sumulpot sa
kaniyang harapan.

Hindi niya inaasahang makalipas ang ilang linggo mula ng pangyayaring iyon ay
babalik pa si Kiko sa kanilang mansion.

“Kamusta ka na?” Nakangiting tanong ng binata.

“Ayos lang naman...” Naiilang na sagot niya. Kahit ang totoo ay nagwawala na naman
sa tuwa ang puso niya pagkakita sa lalaki. “I-Ikaw kamusta ka na?”

“Okay na ako... Lalo ngayong batid kong ayos ka na...”

Napatitig siya sa mga mata nito.“K-Kiko...”

“Kye...”Hinawakan nito ang kamay niya. “Wag mong isipin na naging masama ang tingin
ko sa’yo... O sa pamilya mo... Para sa akin mabuti kayong tao. Kagaya ng kaibigan
ko... Hindi ko man lubos na maunawaan kung bakit kakaiba kayo... Alam ko namang
nasa panig kayo ng kabutihan.”

Umiling siya at humakbang palayo sa binata. “May kakaiba akong lakas... Bata pa
lang ako ay hindi ko na alam kung saan galing iyon. Kakaiba siya sa lahat. Ang
talinong taglay ko na pinagdududahan ng mga teachers ko mula ng grade school ako...
Grabe ang paghihirap na dinanas ko, Kiko.” Napasigok na siya. “Kailangan kong
magpanggap na hindi ko alam ang mga bagay-bagay na alam ko naman sa sarili ko na
alam ko. Kailangan maging normal na tao... Na bata... Upang magkaroon ako ng mga
kaibigan. Kailangan kong maging normal para hindi na ako asarin, katakutan at
kainisan ng mga kapwa ko bata noon.”

“Kye...” Hinawakan siya nito sa balikat.

“Nahirapan akong mag adjust... Nagpapanggap akong nakikinig sa lessons ng mga

teachers para hindi sila ma-intimidate sa talino ko. Kailangan kong pakibagayan ang
mga kaklase ko para hindi nila mapansin ang pagiging weirdo ko...” Nagsimula ng
yumugyog ang balikat niya. “Palipat-lipat kami ni Kuya Eos ng school... Palagi na
lang bagong pakikibagay at pakikisama... Ang hirap...”

“Kye...” Tuluyan na siyang niyakap ni Kiko.

Itinuloy niya ang pag-iyak sa dibdib ng binata. “Kiko... Mabuti pa nga si Usha
dahil naroon ka sa tabi niya ng kinailangan niya ng kaibigan ng mga panahong iyon.
Pero ako? Wala kong maituring na tunay kong kaibigan... Bata pa lang ako ay punong-
puno na ng insecurities ang puso ko... Oo nga’t mayaman ako at nabibili ko lahat ng
naisin ko. Na ultimo kaibigan ay kaya kong bilihin... Pero hindi sapat...”

“Tama na...” Hinaplos nito ang buhok niya.

“K-Kiko...” Nag-angat siya ng tingin ng ma-realized ang pagkakalapit nilang iyon.

Ngumiti ang mga labi ng binata. “Magmula ngayon ay naririto na ako Kye...”

“Kiko...”
“Ako na ang magiging tunay na kaibigan mo...” Hinagkan siya nito sa noo na
ikinabigla niya.

Pero tumutol ang isipan niya sa sinabi nito. ‘Kaibigan lang ba?’

“Kiko...” Ah wala na siyang pakialam sa kahihiyan... Basta ang nais niya ngayon ay
madama ang init ng katawan ng binata. He felt safe with him...

So complete...

And na-miss niya ito...

At ito, siguradong-sigurado na... She’s madly in love with him...

HABANG tumatagal ay lalo niyang napapatunayan na hindi na siya bata. She’s in

love... At si Kiko ang lalaking itinitibok ng puso niya.

“Kiko!” Lumapad ang ngiti niya ng isang araw ay makita ang binata na nakaabang sa
labas ng kanilang school. At dahil sa hindi na pumapasok ang hipag niyang si Usha
ay natiyak niyang siya nga ang sadya ng binata at wala ng iba!

“Hi...” Isang simpatikong ngiti ang ibinigay nito sa kaniya.

“B-Bakit ka narito?” Nabubulol na tanong niya. Paano ba naman ay halos mangisay na

siya sa kilig dahil sa klase ng pagkakatitig sa kaniya ng binata.

Ang bango ng gamit nitong panlalaking cologne na para bang tinatangay siya patungo
sa dako paroon. He’s wearing a black polo shirt na lalong nagpatingkad sa makinis
ang mapusyaw nitong balat. In short super gwapo ngayon ni Kiko!

Ngumiti ito at yumukod. “Dinadalaw ko ang kaibigan ko...”

Dagli namang napalis ang kanina’y matamis niyang ngiti dahil sa isinagot nito.
“Ganoon?”

“Pwede ba kitang yayaing lumabas?”

Bigla namang nataranta ang puso niya. “H-Ha?”

“Labas tayo... Pasyal lang...” Hindi na hinintay ni Kiko ang sagot niya. Agad
nitong kinuha ang kaniyang bag at isinukbit sa sariling balikat. “Tara!”

“Ah sige...” Nangingiting sagot na lang niya.

Parang biglang gustong magwala ng puso niya dahil sa kilig...

It’s a date right?

AT Ang pagsundo sa kaniya ni Kiko after school ay nasundan pa ng maraming beses.

Dahil doon ay hindi na siya nagpapasundo pa kay Mang Tonio. Mas gusto niyang si
Kiko na din ang maghatid sa kaniya sa kanilang bahay...

“Dito tayo...” Isang araw ay dinala siya ni Kiko sa tapat ng simbahan ng Dolores sa
TayTay Rizal.

“T-Teka!” Halos madulas na siya sa pagsunod dito. Paano’y umulan noong umaga kaya
medyo basa pa ang kalsada.

“Tikman mo ‘to!” Agad itong lumapit sa nagti-tinda ng fishball at kumuha ng isang

stick at nilagyan iyon ng kikiam at fishball. “Masarap iyan!” Itinapat nito ang
pagkain sa bibig niya.

“Eh kasi...” Hindi naman niya malaman kung nga-nganga ba siya o ano. Never pa kasi
siyang nakakain ng streetfoods.

“Sige na! Wala namang lason iyan eh...”

“S-Sige na nga...” Napilitan siyang kainin ang sinusubo ni Kiko.

“Good...” Masayang saad ng binata.

“Ang sarap nga!” Napangiti siya ng malasahan ang pagkain.

“Oh ito pa ha...” Sinubuan pa siya nito ulit.

“Sige.” Kinikilig na tinanggap niya ulit iyon.

“Ano type mo ba?”

“Oo! Ngayon lang ako nakatikim nito eh!” Masayang sagot niya.

Medyo pinagtitinginan na sila ng mga tao doon dahil sa pagsu-subuan nila ng

fishball. Kahit ang ilang tindera at ibang dumaraan ay kinikilig sa kanilang
dalawa.

“Ikaw kasi eh. Puro pang sosyal lang yata na pagkain ang kinakain mo!”
“Hindi naman!” Naka-irap na sagot niya dito. “Ate pabili pa nga po ako!” Hinarap
niya ang tindera ng fishball.

“Ang lakas mo pa lang kumain!” Namamanghang wika ng binata.

“Oo naman noh!” Pagmamalaki niya. “Hindi lang halata kasi payat ako! Mabilis kasi
ang metabolism ko!”

“Ganoon din ako eh. Kahit matakaw ako ay sexy pa din ako!” Nakangising wika ni
Kiko.

Napatawa naman siya sa sinabi ng binata. “Yabang!” Kinurot niya pa ito sa

tagiliran.

“Totoo naman diba?” Nangi-ngiting tanong nito.

Nginitian niya na lamang ang binata at saka pinagpatuloy ang pagkain.

It was an extra ordinary experience for her... At masaya siyang makilala ng lubusan
si Kiko o Francisco Elwood...

Mabuti itong tao... Mabait na anak, kapatid at kaibigan...

Natuto siyang sumakay ng tricycle... Magbigay ng barya sa pulubi... Magtampisaw sa

ulan... Kumain ng mga street foods...

At higit sa lahat ... tinuruan siya nitong magmahal ng totoo.

Iyong walang standards na tinitingnan. Wala siyang pakialam kung mayaman o

mahirap...
Basta ang alam lang niya ay mahal niya na ito.

“Bye...” Medyo tutol pa ang kalooban niya na magpaalam sa binata ng ihatid na siya
nito sa tapat ng gate ng kanilang mansion.

“Salamat sa time mo Kye... At sa pagtitiwala mong sumama sa akin...” Seryosong saad

nito habang nakatitig sa kaniyang mga mata.

“Salamat din Kiko...” Hinintay pa siya ng binata na makapasok muna sa gate bago ito
umalis.

At batid niya... na hanggang sa kaniyang panaginip ang makakasama niya pa din ang
lalaki ngayong gabi...

JAMILLEFUMAH

[A/N: Sa mga nagtataka at nahihiwagaan sa takbo ng kwento... basahin niyo muna ang
For The Love of Eos :) ! Maraming salamat sa mga sumunod sa maiksing kwento ni
Kye... tuloy-tuloy pa rin tayo. ]

=================

Dose

SUMUNOD na araw... "Hi." "Kiko!" Wala na siyang pakialam kung nahalata nito ang
excitement sa boses niya dahil sa pagkakita dito! Nagmamadali siyang lumapit sa
binata na ngayon ay nakatayo na naman sa harapan ng gate ng kaniyang school. Wala
na din siyang pakialam kung nagtatampo na sa kaniya ang mga kaibigan niya dahil
palaging si Kiko na ang kasama niya. "Kamusta?" His smile... Tulad ng dati ay
malakas pa din ang impact sa kaniya. At gaya ng nakagawian, si Kiko ulit ang
magdadala ng kaniyang bag habang akbay-akbay siya nito sa kanilang paglalakad...
PERO lahat pala ay may katapusan... Kagaya ng mga ilang araw na lumipas... Walang
Kiko na nag-aabang sa kaniyang paglabas matapos ang klase. Ilang araw na siya
nitong hindi sinu-sundo at talaga namang nato-torete na siya! "Nasaan kaya siya?"
Mangiyak-ngiyak na tanong niya sa hangin. It’s been 3 days na ng di na magparamdam
sa kaniya ang binata! And nami-miss niya na ito! Nagwo-worry din siya dahil baka
nagsawa na ito sa pakikipag-kaibigan sa kaniya! O kaya naman na-realized nitong
wala siyang sense maging kaibigan. "Kiko..." Naiiyak na nagsimula na siyang tumawid
sa kalsada... Pero mali siya ng akala... Dahil sa kaniyang patawid ay isang lalaki
ang nakatayo sa kaniyang harapan at hinihintay na lamang ang paglapit niya dito...
"Kye!" Ang boses nitong kahit nakapikit siya ay imposibleng hindi niya makilala!
Ganoon na lang ang ligaya niya ng makilala ang matangkad na lalaki sa kaniyang
harapan. "Kiko!!!" "Hey... Na-miss mo ba ako?" Lumapit na din ito sa kaniya. "O-Oo
naman..." Medyo naiiyak pang sagot niya. Ngumiti ng matamis ang binata at pagkuwa’y
niyakap siya ng magaan... Iyong punong-puno ng paggalang at pagsuyo... At sapat na
ang init ng katawan ng binata para mawala ang pagtatampo niya dito. "Kamusta na
si... Ate Usha..." Tanong niya dito. Wala kasi siyang ibang masabi sa binata, isa
pa curious din siya kung bakit hindi pa umuuwi sa kanila ang hipag niya. "Ayon..."
Nagkibit-balikat si Kiko at saka tumingin sa malayo. "Ha?" Napatitig siya sa
gwapong mukha nito na tila ba may hinahanap na reaksyon. "Okay naman siya... Naroon
siya sa bahay nila. Dinadalaw ko siya minsan at kinakamusta..." Kwento nito.

"Ah..." Napatango-tango siya. Kahit pa may tila sumaksak sa puso niya sa isiping
dinadalaw ni Kiko ang hipag niya. "H-Hindi pa ba siya uuwi? I mean kasi..." "Hindi
ko alam." Mabilis na sagot nito sabay ngiti sa kaniya na kaniya namang ikina-irita.

"Bakit parang masaya ka?" Angil niya dito. "Ha?" Sinimangutan niya si Kiko. "Masaya
ka ba na naghiwalay sila ni Kuya ngayon? Naiisip mo bang pwede na kayo ni Ate
Usha---" "Kye!" Awat nito sa paglilintanya niya. "Asawa na ni Usha ang kuya mo! Isa
pa kaibigan ko na lang siya ngayon..." "Bakit hindi mo sabihan ang kaibigan mo na
umuwi na sa amin?!" Inis na sagot niya. "Nalulungkot si kuya! Palagi lang siyang
nakakulong sa kwarto at—" Inilagay ni Kiko ang dalawang daliri sa kaniyang mga labi
upang hindi na siya makapagsalita. "Ayokong pangunahan si Usha. Isa pa dapat ang
kuya mo ang sumusuyo sa kaniya kung talagang nais pa niyang makasama ang kaibigan
ko! Isa pa, wala tayong alam sa kung anong usapan at pagkakaintindihan ang meron
sila ngayon!" Seryosong wika nito.

"Pero dinadalaw mo siya..." Inalis niya ang mga daliri nito sabay sa marahang
pagtabig ng kamay ng binata. "Masaya ka na ikaw na ulit ang mas malapit sa
kaniya... Kaya nga ngayon mo na lang ulit ako dinalaw diba? Kasi ngayon nandiyan na
ulit ang Bashang mo! Malapit na ulit sayo ang babaeng mahal mo!" Puno ng pagka-
disguto ang boses niya. Dahil totoo namang naninibugho siya sa isiping may pag-asa
na si Kiko kay Usha ngayon. "Kye!" Nanlaki naman ang mga mata ng binata. "Ayoko ng
sumama sayo!" Inis na tinalikuran niya ito. Nagbago na ang mood niya bigla. "Kye!"
Habol nito sa kaniya. Pero hindi niya na ito nilingon pa. Ayaw niya ng makita si
Kiko! Hindi niya namalayan ang pagbagsak ng mga luha niya habang tumatakbo siya
palayo dito. ‘Kiko... Bakit ba ako nasasaktan?’ Piping tanong ng tangang isipan
niya. ‘Nagse-selos ako kay Ate Usha... Selos na selos ako sa kanya...’ Bulong naman
ng naninibugho niyang puso...

PERO hindi niya kayang tikisin ang binata... Sa bahay naman nila Kiko. "Kuya may
bisita ka!!!" Sigaw ng sumunod kay Kiko na si Freya. Nginitian naman ni Kye ang
dalagita na halos ka-edad niya lang. Naisipan niyang dalawin ang binata sa bahay
nito. Hindi na natiis ang sarili na hindi makita ang binata. Nagtanong-tanong pa
siya sa looban upang matunton ang bahay ni Kiko. Nahihiya siya dahil sa mga sinabi
niya dito noon... Pero ngayon handa na siyang aminin sa binata ang tunay niyang
nararamdaman para dito. Kahit pa kabado siya sa magiging kasagutan nito sa kaniya.
Dahil may kaliitan lamang ang bahay ng binatang mahirap ay halos nasa sala na
nagsi-siksikan ang buong pamilya nito. Naroon din ang nanay at amain ni Kiko na
abala sa pagba-baraha. Ang bunso naman si Francia ay nasa sala din at abala sa
panonood ng cartoons sa maliit na telebisyon. "Good afternoon po..." Magalang na
pumasok na din sa loob ng maliit na bahay si Kye. Agad naman siyang namukhaan ng
mga magulang ni Kiko. "Naku hija?! Napadalaw ka!" Magiliw naman siyang agad na
inistima ng nanay ni Kiko. Nginitian naman ito ni Kye. Maganda ang nanay ni Kiko
kahit pa hindi ito naka-ayos. "May dala ho ako... Miryenda ho..." Inabot niya ang
dala-dala niyang malaking kahon ng cake. Doon naman napatayo ang nanonood ng T.V na
si Freya. "Wow red ribbon!!!!!!" Tuwang-tuwa ang paslit. "Kiko!!! May bisita ka!!!"
Sigaw naman ng amain nito na si Mang Armando. Napatingin naman si Kye sa may edad
na lalaki. Mukha namang mabubuting tao ang lahat ng nakatira sa munting bahay na
iyon. Napangiti ang dalagita, kaya pala lumaking mabuting tao din si Kiko.
Nagkamali siya ng panghuhusga dito... Mula sa maliit na hagdan sa isang sulok ng
kabahayan ay bumaba ang matangkad na binata. Muntik pa nga itong mauntog sa kisame.
Hindi naman maiwasan ni Kye na lihim na matawa. Ang cute-cute kasi ng lalaki,
halata namang kabado ito. "Kamusta?" Nakangiting salubong niya kay Kiko bagamat
medyo naiilang pa siya sa binata. "O-okay lang naman..." Nahihiyang sagot nito sa
kaniya. "Eeeee kuya!!!!" kantiyaw naman nina Francia at Freya. Ngingiti-ngiti na
lamang ang mga magulang ni Kiko. "Hija... pag-pasensiyahan mo na ang bahay namin
ha?" Ang amain ni Kiko. "Naku! Lab is ol dat materr!" Sabad naman ng nanay ni Kiko.
Pulang-pula naman ang mukha ni Kye dahil sa sinabing iyon ng nanay ni Kiko. Naisip
niya tuloy kung halata bang may gusto siya sa binata? Sabagay ano pa nga ba? Eh
kaba-babae niyang tao ay siya pa ang dumalaw sa bahay nito diba? "Pasensiya ka na
sa pamilya ko..." Nahihiyang paumanhin naman ng binata. Ang pamilya nito ay
kasalukuyan namang pinagpi-Fiesta-han ang dala niyang cake. "Okay lang ‘yon noh..."
Nakangiting sagot naman ng dalagita. "Halika..." Hinila siya sa kanang kamay ni
Kiko. Malugod naman siyang sumunod dito. Dinala siya nito sa second floor ng maliit
na tahanan ng mga ito. Sa taas noon ay may malaking bintana na gawa sa
nangangalawang na yero, at sa labas noon ay may kulungan ng kalapati. "B-Bakit mo
ako dinala dito?" Maang na tanong niya. "Ipapakilala ko lang sayo si Kyko."
Nakangiting sagot naman ng binata. ‘Kyko’? Parang pinagsamang pangalan nila? Iyong
kalapati pala ang tinutukoy ng binata. Sumampa ito sa bubong at pagkatapos ay
kinuha ang kalapating si Kyko mula sa kulungan nito. Nakamasid lang naman siya sa
ginagawa ng binata. "Ito ang libangan ko mula noong bata pa ako... Wala naman kasi
akong pambili ng laruan. Pero napagkaka-kitaan ko din ang mga alaga kong kalapati."
Kwento ni Kiko. "Ang cute naman niya..." Di naman niya napigilan ang kaniyang kamay
na hawakan ang ibon. "Kyko... Iyon ang pangalan niya." "Bakit ganoon ang pangalan
niya?" Nakalabing tanong naman ng dalagita. Kanina pa siya kinikilig pero pinipigil
nya ang sarili. "Malalaman mo pag dalaga ka na..." "Pero hindi na ako bata!!!"
Pagmamaktol niya.

Natatawa na lamang si Kiko na niyakap siya. "Hindi ka nandidiri sa akin?" Maya-

maya ay mahinang tanong niya dito. "Hindi kahit kailan..." Masuyong kinintalan
naman siya ni Kiko ng halik sa kaniyang noo. "Basta gusto ko magpakabait ka na ha?"

Sunod-sunod na tango na lamang ang isinagot niya sa binata. "Good!" Pilyang

nginitian niya ito at tiyaka siya tumingkayad upang abutin ang mga labi ng binata.
Ganoon na lamang ang gulat ni Kiko ng bigla siyang halikan ni Kye pero hindi na din
siya pumalag pa. KIKO Actually matagal niya na namang na-realize na may gusto na
nga siya sa malditang dalagitang ito. CHILD ABUSE! Di bale...hihintayin niya ang
pagda-dalaga nito... Pagdating ng araw na iyon ay may maipagmamalaki na din siya...
Ga-graduate na siya noon sa kolehiyo at harinawa ang makakuha na din ng magandang
trabaho. Para na din hindi na siya matawag pa ni Kye na pulubi o palaboy! "May
sasabihin ako sayo Kye..." Bulong ng binata. "Ano?" "Matagal ko ng nakalimutan si
Usha..." Pag-amin niya. "Talaga?" Namilog sa tuwa ang mga mata ng dalagita. "Oo..."
Ngumiti siya saka pinisil ang baba nito. Lalong lumawak ang pagkaka-ngiti ni Kye.
"Kiko, boyfriend na ba kita?" "Ha?" Nabigla siya sa pagiging prangka ng dalagita.
SI KYE NAMAN... Who cares kung prangka siya kay Kiko? Kesa naman maunahan pa siya
ng iba! "You’re my first kiss..." Sumbat niya sa binata kahit siya naman ang unang
humalik sa kanilang dalawa. Nakangiting niyakap siya ng binata. "Sa akin ka lang
Kye... Pwede bang ako na ang una at huling makakatikim ng mapupula mong labi? Na sa
akin ka lang lalapit at didikit ng ganito?" Malambing na saad nito sa punong tainga
niya. Tumango siya. "Susunduin kita bukas... Pwede ba?" Paalam nito. "Sige..."
Sang-ayon niya. It’s not official yet... Pero masasabi na ngang may unawaan na sila
ng binata... At iyon ang nagpapasaya sa batang puso ni Kye Tan.

JAMILLEFUMAH

(UP NEXT The Last Part of KYE1)

=================

Trese

MINSAN habang nasa tabi sila ng baywalk ay may sinabi sa kaniya si Kiko na labis
na ikinalungkot niya. "Aalis pala ako..." Wika nito na nakatanaw sa malawak na
karagatan. Nasa bandang madilim silang parte noon, "S-Saan?" Nanghihinang tanong
niya. "Sa Dubai..." Napatitig siya dito. "H-Ha?" Masakit ang isiping lalayo na sa
kaniya ang lalaki... "Trabaho. Natanggap na kasi ako. Actually matagal ko ng
inapplyan ‘yon... Bago pa ako maka-graduate plano ko na iyon. Alam mo na, para din
sa kinabukasan ng pamilya ko." Seryosong wika nito na tumingin sa kaniya. "Iiwan mo
ako..." Nag-uunahan ang mga luha niya. "Kye..." Paos na wika nito. Ikinulong nito
sa mga palad ang mukha niya at pinakatitigan siyang mabuti. Umiling siya sabay ng
pilit na pagngiti. "Okay lang... Para sa pamilya mo naman iyon eh. Saka sino ba ako
para pigilan ka diba?" Wala siyang karapatang hadlangan ang mga pangarap ni Kiko.
"Babalik ako..." Pangako ng binata. "Basta mag-iingat ka don..." Naiiyak pa ding
wika niya. Damang-dama niya ang pintig ng puso ni Kiko habang magkalapit silang
dalawa. "Mag-aral ka ng mabuti ha?" Mahinang pakiusap nito sa kaniya. Alam niya at
ramdam niyang labag din sa loob ni Kiko ang gagawing pag-alis ng bansa... "Oo
naman..." Pinilit niyang tinatatagan ang boses kahit pa parang hihimatayin na siya
sa lungkot. Ipinatong nito ang noo sa kaniyang noo. "Kye..." "Hmmn?" Anas niya sa
pagitan ng pagluha. Pero ikinagulat niya ang sumunod na ginawa nito. Itinaas ng
binata ang mukha niya at saka siya hinalikan sa mga nakaawang niyang labi.
Napapikit siya ng maramdaman ang mainit na hininga ni Kiko. Humigpit na din ang
yakap nito sa kaniyang katawan na tila ba ayaw na siyang pakawalan... Iba iyon sa
smack kiss na naging first kiss nila ni Kiko ngayon! Iba ito! This is hot! This is
tempting! At nakakabaliw... Napapikit siya at napakapit sa leeg ng lalaki.
Pakiramdam niya’y bigla siyang naubusan ng lakas sa katawan... At nang maramdaman
ni Kiko ang pagpapaubaya niya ay mas naging pangahas na ang paggalaw ng mga labi
nito. At sa lumipas na mga sandali ay nanatili lamang na magkalapat ang kanilang
mga labi... "K-Kiko..." Nang maghiwalay sila ay humihingal na tumingin siya sa
mukha ng binata. And there... Nakita niya ang pagmamahal na nag-uumapaw sa mga mata
ni Kiko. "I will miss you Princess..." Mahinang sambit nito bago muling inangkin
ang mga labi niya.

xxx

Love is an irresistible desire to be irresistibly desired. - Robert Frost 3 years!

Ganoon na katagal na hindi sila nagkikita ni Kiko. Nagkabalikan na din pala ang
kuya niya at si Usha. At siya naman ay graduating na. Nakahanda na siyang
pamahalaan ang isa sa mga business ng kanilang pamilya. Malaki na din ang
ipinagbago niya mula noon... Dati’y isang petite na dalagita na ngayon ay isa ng
ganap na dalaga. Mahaba na din ang dati’y maiksi niyang buhok. Medyo gumanda na din
ang kurba ng kaniyang katawan sa paglipas ng panahon. Napangiti siya ng mapait
habang nakatanaw sa kaniyang kuya Eos at sa asawa nitong si Usha. Larawan na ang
mga ito ng masayang pamilya. At siya? Well, marami naman ding nanliligaw sa kaniya
subalit hindi niya na feel ang ibang lalaki. Hanggang ngayon ay umaasa pa kasi
siyang babalikan siya ni Kiko. Pero mula ng umalis ito ay bihira na niya itong
makausap. Sa umpisa lamang sila nakakapag-chat sa skype. Hindi na din siya nito
tinatawagan matapos ang ilang buwan na pamamalagi nito sa bansang Dubai. Minsan ay
nangangamusta siya sa pamilya nito kapag dumadalaw siya subalit hindi naman daw
siya nababanggit ni Kiko pag tumatawag doon ang lalaki. "Ate tinatawagan ka ba ng
kuya?" Si Freya. Medyo ka-close niya na ang ka-edarang kapatid ni Kiko. "H-Ha? Ah
eh oo naman..." Pagsi-sinungaling niya. Ayaw niyang isipin ng mga ito na
nagkakalabuan na sila ng binata. Mula sa pintuan ng maliit na bahay nila Kiko ay
pumasok ang dalagita ng si Francia. "Ate Kye salamat po sa shoes na regalo niyo
ha?" Nakangiting wika nito. Mula ng mag-abroad si Kiko ay medyo napaayos na ang
bahay ng mga ito. Ang dati’t plywood na pader ay ngayon ay bato na. Malaki din ang
naitulong ng pangingibang-bansa ng lalaki. Nakabili na din ang nanay ni Kiko ng
ilang appliances at nakapag-pundar na ito ng maliit na negosyo na sari-sari store.
Talagang humanga siya sa dedikasyon ni Kiko para sa pamilya nito... At ngayon ay
graduating na din si Freya at nakahanda ng magtrabaho upang makatulong sa pamilya.
"Walang ano man..." Ginantihan niya ng ngiti ang bunsong kapatid ng lalaking
minamahal. Ibinigay niya na kasi sa dalagita ang mga sapatos na hindi naman niya
nagagamit o mas madaling sabihing hindi talaga niya nagamit. Ibinili niya din ito
ng ilang gamit sa school kaya tuwang-tuwa ang dalagita. "Hija dito ka na kumain
ha?" Anyaya ng nanay ni Kiko. "Naku nakakahiya naman ho..." "Hay ano ka ba?!
Gerlpren ka ni Kiko kaya kapamilya ka na namin!" Nakangiting sabat naman ng amain
ni Kiko na ngayon ay may sarili ng tricycle panghanap-buhay. ‘Girlfriend?’
Girlfriend nga ba talaga siya ni Kiko? Samantalang malabo naman ang iniwanan nito
sa kaniyang mga salita... Nilapitan siya ng Nanay ni Kiko. "Kye! Salamat ha? Naku
ang laki na ng tulong mo sa amin." "Okay lang..." Ngumiti siya. "Alam mo... Hindi
talaga ako naniniwala noong kwini-kwento ni kuya na mataray ka. Pero ‘wag kang mag-
alala dahil binawi din naman niya ang sinabi niyang iyon eh!" Si Francia na tuwang-
tuwa habang kinakalkal ang mga paperbag na kinalalagyan ng mga pinamili nilang
school supplies. "Ha ganoon?" "Alam mo ate Kye! Kapag nagku-kwento si kuya tungkol
sayo ay kinikilig kami! Alam mo kasi... Bihira lang mag-kwento ang kuya tungkol sa
isang babae!" Segunda naman ni Freya. At hindi din nagpatalo si Francia sa
katabilan ng ate nito. "Kahit noong hindi pa kayo close ay alam na naming may crush
sayo ang kuya!" "Hoy! Wag niyong ibuko ang kuya niyo diyan!" Nakangising saway ng
amain ni Kiko na tunay na ama nina Freya at Francia. "Eh... Si Usha? Diba..." Hindi
niya naiwasang magtanong. "Ah nagse-selos ka kay ate Bashang?" Nakangising tanong
ni Francia na sandaling lumingon sa kaniya. "Wala iyon! Magkaibigan lang sila!
Kahit nagkagusto ang kuya kay ate Bashang ay never namang nagkaroon ng something sa
kanilang dalawa. Ni hindi nga yata nagawa ni Kuya Kiko na magtapat ng nadarama niya
eh. Mas pinahalagahan kasi talaga nila ang kanilang friendship." Si Freya ang
sumagot. "Parang kapatid na din namin si Ate Bashang eh." Sabi naman ni Francia.
"Talaga..." Parang may kung anong nabuhay sa loob ng dibdib niya dahil sa sinabi ng
magkapatid... At ngayon... ang hihintayin na lamang niya ay ang kompirmasyon mula
mismo kay Kiko pagdating nito.

NEXT: Epilogue

Beri-beri layt lang itu... A short story nina KyKo.. Pero salamat pa rin sa mga
votes at comments. Lablablab..
=================

WAKAS

Final Chapter

TATLONG taon na nadagdagan pa ng isang taon...

It’s been three years, one month and eleven days... and she missed him so much!

Parang lahat ay walang saysay kung wala ang lalaking una’t huling minahal niya...

Na sa bawat gabi ay iisa lamang ang hiling niya... na sana... bumalik na si Kiko.

“I missed you pulubi,” Nakangiting tumitig siya sa kisame ng kaniyang opisina.

Araw-araw ay kinakausap niya ang sarili. Nami-miss din kaya siya ni Kiko?

Ang layo nila..

Mahirap pero natiis niya...

“Hi Kye...”

Isang pamilyar na boses ang nagpalingon sa kaniya habang papalabas siya sa lobby ng
kumpanyang pinagta-trabahuan.

“K-Kiko?” Halos lumundag ang puso niya ng makilala ang lalaking nakatayo sa ibaba
ng hagdanan.
Of course it’s Kiko! Kahit nanlalabo na sa luha ang mga mata niya ay nasisigurado
niyang si Kiko nga at wala ng iba ang nasa harapan niya!

He’s there...

He’s here...

Bumalik na ito! Binalikan siya ni Kiko!

Nagsimula na itong humakbang palapit sa kaniya dahil hindi na siya gumalaw pa sa

kaniyang kinatatayuan.

“Hows my princess?” Taimtim ang pagkakatingin nito sa kaniya.

“Kiko!!!” Nang mahimasmasan ay halos liparin niya ang pagitan nilang dalawa.
Yumakap siya agad sa binata.

“Hey!” Muntik pa itong ma-out of balance dahil sa bigla niyang pagyapos dito.

“Namiss kita!!!” Lumuluhang sumubsob siya sa malapad na dibdib ng binata.

“Na-miss din kita...” Anas nito habang hinahagod ng palad ang likuran niya.
“Bakit ngayon ka lang?” Sumbat niya dito. “Bakit hindi mo ako tinatawagan!” Inis na
sigaw niya.

“Shhh... Tahan na... ‘wag ka ng umiyak please?” Nangingiting hinaplos nito ang
luhaan niyang pisngi.

“B-Bakit hindi? Sobrang na-miss kita!!!” Hinampas niya ang balikat nito. “Tapos
bigla ka na lang hindi nagparamdam sakin!”

“Gusto ko lang malaman kung hinihintay mo pa din ako...” Seryosong sagot nito.

Pinagtitinginan na sila ng ibang empleyado sa lobby pero wala silang pakialam sa

mga ito. Ang tanging importante sa kanila ngayon ay ang isat-isa.

“I love you Kiko...” Buong pagtatapat niya dito.

“Totoo ba ‘yan?” Nakangiting tanong nito.

“Oo naman noh!” Inis na itinulak niya ito. “Mukha ba akong nagjo-joke huh!”

“Paano mo nasabing mahal mo ako?”

“Palagi kitang naiisip... Nami-miss kita... At naiinis ako dahil napakalayo mo sa
akin!” Nakasimagot na sagot niya.

“Kahit marami ang nakapaligid sayo na higit sa akin?” Nananantiyang tanong ni Kiko.

“Kahit bilyon pa ang bilang nila!” Sagot niya habang diretsong nakatingin sa mga
mata ng binata. “Ikaw lang ang gusto ko Kiko!!!”

“Talaga?” Tila hindi pa din ito kumbinsido.

“Oo... Bakit? Hindi mo ba ako mahal? Hindi mo ba ako na-miss?”

“I miss you Kye...” Hinapit nito ang bewang niya palapit.

“Pakasalan mo na ako!” Naiiyak na samo niya sa binata. “Magpakasal na tayo Kiko!

Please marry me!”

“Hey! Bakit mo ako inuunahan!” Natatawang saad nito. “Dapat ako ang magsasabi niyan
sayo diba?”

“Papakasalan mo ako?” Namimilog ang mga matang tanong niya.

“I love you so much Kye Tan...”

“M-Mahal mo ako?” Napaawang ang kaniyang mga labi. “Hindi kaya nabibigla ka lang?
Alam mo ba ang sinasabi mo?”

“Of course I know what I am talking about. Hindi pa ako naging ganito kasigurado sa
buong buhay ko... kundi ngayon lang.”

Pakiramdam niya ay bigla siyang inilipad sa cloud 9 sa sobrang saya.

“Oo... Mula ng unang beses na
kakaibang pitik sa puso ko...
akong nagkakamali lang ako...
lang ko... Dahil alangan tayo
nga ba’t pulubi at basura ang
makita kita... Doon pa lang nakaramdam na ako ng
Noong una sinikap kong ignorahin iyon. Natatakot
Natatakot akong magalit ka sa akin at pagtawanan mo
sa buhay, mayaman ka at mahirap lang ako... Hindi
tingin mo sa akin?”

“Nasabi ko lang iyon noh... Pero hindi ko meant ‘yon!” Nakalabing saad niya.

“Okay lang na isa akong dukha? Isang palaboy? Pulubi? Mahal mo pa din ako—“

Hindi na natapos ang iba pang sasabihin ni Kiko dahil tumingkayad na siya para
abutin ang mapupula at nakaka-miss nitong mga labi.

It was a dream come true! Ang muling madama ang mga labing iyon ni Kiko!
LIFE IS SO GOOD!!!

At masigabong palakpakan sa paligid ang naulinigan nila... Pero wala na silang

pakialam pa kahit nasa lobby pa pala sila ng opisina! Who cares kung maraming
nakakakita? Who cares kung maraming naiinggit, kinikilig o nakokornihan sa kanilang
dalawa?

They missed each other so so so much!

Nagtagal ang makapugtong halik na para bang ayaw na nilang mawalay sa isat-isa...

“Hey!” Nakangiting wika ni Kiko ng maglayo na ang mga labi nila.

“Mahal na mahal na mahal kita Kiko! I don’t care kahit ikaw pa ang pinakamahirap na
tao sa mundo! Basta mahal kita! Please ‘wag mo na akong iiwan ha? Please... Please
stay... Mamamatay na ako kapag umalis ka pa!” Saad niya. Muntik pa siyang matawa ng
makitang nagkalat sa labi ni Kiko ang red lipstick niya dahil sa kanilang
paghahalikan kanina.

“Oh Kye!” Masayang-masaya ang mukha ng binata.

“Teka may itatanong pala ako! Iyong feelings mo ba kay ate Usha...”

“Nagsi-selos ka ba sa kaniya?”

“Dapat ba?” Gagad niya sa tanong nito.

“Hindi dapat. Magkaibigan lang kami...” Seryosong sagot nito.

“Pero minahal mo nga siya noon...”

“Hindi naman nawala ang pagmamahal ko sa kaniya... Isa siyang mabuting kaibigan.
Kababata ko siya at marami na kaming pinagsamahang dalawa... Subalit hanggang doon
na lang iyon. Ikaw lamang ang babaeng may kakayahang makapag-paligaya sa akin,
magpasira ng ulo ko at magpagulo ng buhay ko. Sa’yo ko lang naramdaman ang
pagmamahal na hindi ko kayang ipagparaya sa iba. Na kaya ko pa lang maging selfish
mapasa- akin ka lang. Na kaya kong makipagtuos kay Eos para lamang hayaan niya
akong mahalin ka...”

“Pero bakit mo ako natiis?” Naiiyak na namang tanong niya.

“Kahit kailan hindi kita natiis... Stalker kaya ako sa facebook mo.” Nakangising
sagot nito.

“Pero hindi ka naman laging online diba?!”

“Lagi kaya... Naka invisible lang hehe.”

Natawa siya sa sinabi nito. “Baliw!!!”

Sumeryoso na ang mukha ni Kiko pagkatapos. “I’ve missed your lips...” Anas nito.

“Tara?” Yaya niya.

“Saan?” Tanong nito.

“Sa amin...” Nakangising sagot niya. “Mamanhikan ka na!”

At kapwa nakangiti nilang nilisan ang lugar na iyon...

Magkahawak-kamay at nakahada ng harapin ang bagong simula ng kanilang mga buhay...

Sa piling ng isat-isa...

FOREVER...

This is not a true story...

Why?

Because this is a love story...

Ang buhay ng ating Prinsesa...

WAKAS...

TRIVIA: Ang kwentong ito ay ginawa ko noong ako ay... 14 hihi. Naniniwala pa ako sa
POREBERRR!!!